御前大江戶日式料理 (已結業)

餐廳位於觀塘道亞太中心8樓，地點方便，地方寛敞。午餐都係幾十蚊到百幾蚊不等，免收服務費。朋友叫左 滿瀉角切魚生丼$78 – 大大碗珍珠飯，上面鋪左好多唔同種類嘅魚生，真係多到滿瀉。仲要加左好多三文魚籽同埋一隻蝦刺生喺頂，好吸引!影相呃like都好正。我自己就叫左甲羅之特選御膳$138 – 原份木板上枱，擺碟精美，好大份呀! 三文魚刺身係厚切，好好食。三文魚籽加海膽。蝦刺身新鮮大隻，仲有刺身多過壽司飯嘅軍艦壽司。蟹蓋入面有飯、蟹籽同蟹棒，都幾飽肚。成餐坐得幾舒服，服務唔錯。午餐份量幾足，算係抵食，最正係唔駛等位，喺緊張嘅午飯時間係一大好處，下次會再嚟!