御前大江戶日式料理 (已結業)

朋友介紹下,知道呢間店好多人所以預先一早已經訂定5點9 準時出現入席用平板點餐,十分方便等左一陣我地既海鮮併盤就送上有鮑魚,聖子,蠔,蟹蓋等等店員幫我地慢慢放上去燒之後都有其他海鮮點刺身十分新鮮,而且選擇都多

一直想吃磯燒水產，但又怕會吃到難吃的，聽説這家間口碑好，不少觀塘的朋友幫襯，當然要試試！這裡限時2.5小時，任飲任食配合磯燒放題，還有新增自助吧，沙律、涼拌小食、熱盤和多款雪糕甜品。任食食品方面，當然有刺身、壽司、天婦羅及串燒燒物等選擇。邊食刺身，邊等主角出場。任食海鮮有大蜆、青口、刀貝和海蝦等，雖然種類不多，但質素甚高，推介刀貝夠鮮甜。另外，每位食客還可享用特選海鮮拼盤一份，包含原隻帆立貝、大蟶子、珍寶蠔、活鮑魚、肉蟹和味噌甲羅燒。燒活海鮮，不需加太多調味料，原汁原味。燒烤時，可加入一點清酒令水產提鮮。  

雖然已經訂座，但還是要在後樓梯排一段時間，等待安排入座刺身的水準未到十分鮮味，但放題來說，屬好的水準。只是廚師直接把食材放在冰上，這一點我是不太喜歡如果沒有很快吃完，食材沾了冰水的感覺會髒髒的。再來一碟，也是同樣直接放在冰上放題來說，這家的海膽算甜了至少有50%都屬於很鮮甜的，另外50%不是很甜，不過也是新鮮的。這家的蟹殼特別好吃，可是只能每兩個人一個，怎麼夠分喇海鮮的種類很大路，基本上都能點到喜歡吃的。不得不提，而我又忙了拍的是它家的海膽湯飯是超好吃的我從來都不喜歡吃熟的海膽，可是沒想過這個湯飯會這麼好吃，完全沒有浪費掉那個海膽！很值得一試。總括而言：種類不算多，卻很大路。值得一試。

一直都好想試御前大江戶的磯燒海鮮加放題，但一直都訂唔到想要的時間同位！今次簡簡單單兩個人打去博一博，結果只淨得8:30既時段...都照去吧！到達現場，scan QR code可送海鮮，我地揀左蝦，但忘記係赤蝦還是牡丹蝦！😝個場頗大，仲有自助吧，好開心自助吧有溫泉蛋，可惜味道一般！自助吧仲有羅漢果茶同五花茶，感覺怪怪的！😅主角出場就係每人一份海鮮，仲有海胆魷魚粥！天氣有少少涼加上店內冷氣大，食左暖笠笠既粥，個肚好舒服！至於放題可選的種類唔算多，而海鮮任食方面個人覺得係大蜆比較可取，刺生同壽司味道亦是一般！不過其實就算有好多選擇都未必食得晒，事實就咁食海鮮都已經好飽！而且食材新鮮，是次惠顧覺得各方面都不錯！

媽咪鐘意食放題，於是係openrice搵到呢間燒海鮮+放題 食評好似吾錯於是打左電話book位，去到時候，入場既人已經一條長龍，好彩有book到位，估吾到星期一都咁多人！經職員細心安排我地坐位後，我同媽咪簡左吾同既海鮮同壽司，冇幾耐就送到。原來仲有職員為我地燒海鮮，呢方便我覺得真係幾貼心，雖然人好多，但亦照顧到我地！真係要讚下海鮮食落算吾錯，吾會吾新鮮佢會有教學邊種海鮮燒幾耐，要加清酒定其他野等等，指示都清晰，我地吾知熟吾熟，職員都會細心幫我地👍🏻👍🏻 時間都足夠。但都考功夫，點左秋葵，最後燒到黑晒，吾知係咪咁既呢😂😂有點苦壽司既份量細細件，可以試好多款，味道吾錯😁😋😋 而羊架真係好食，已經叫左兩三次，好味好味，索得岩岩好，肉質軟吾會韌，有好香既羊味😋😋其實今次係第一次食燒海鮮，覺得整體都吾錯，如果想食放題但覺悶悶地，加多少少錢，呢間都係吾錯選擇，下次會再試！

請問貴食市知否什麼叫任食放題，本人昨晚order 左磯燒的蝦三次，每次只是點6隻，到再後只是來得一次得三隻，跟住本人再追返之前order 左的，服務員回答本人沽清，在下午訂位前，本人已經有問清楚什麼海鮮是任食的，貴公司回答本人（蝦及部分貝類海鮮）我三人去連埋加一要$950，最後你地負責人話被三隻收費的虎蝦我，我原本都想算的，再之後話要等20分鐘解凍先有，跟住又話唔食的話做返95折扣我，最後埋單$907，我真係多謝你了！

呢間餐廳位於觀塘，地段本身感覺附近係商業工廠區，一般正常人只會係度返工放工就返屋企食飯。有一晚我同朋友因爲加班夜放工，就上網搵下附近有咩餐廳介紹，最後我地選擇咗呢間餐廳。餐廳環境一般，食物質素都可以，衛生情況尚可，服務都可以。當晚試過之後，我同朋友開始覺得搵到一個新地方俾到我地放工相聚食飯，而又唔洗出返油尖旺市區食，我開始上網留意搵多少少呢間餐廳既資料。不知不覺間已經試過呢間餐廳幾次，但我暗地裡發現咗一樣野，原來呢間餐廳有部份客人係餐廳請返黎做媒，扮下食客提高個場既人氣，最重要既係做媒都專業小小，唔好做到咁過份，唔該唔好搵埋晒d豬扒，我真係即刻無晒胃口食慾。間餐廳如果要咁樣搵人做媒做宣傳，我寧願同朋友選擇返去市區食算數。以上係我同朋友既感想，各位可以自行選擇去邊間餐廳食飯。

尋晚即興諗住同男朋友食放題，就揀咗觀塘呢間，見OpenRice 都幾多好評，又有位，所以咪試下囉～我地6:30pm 入座，唔駛等！門口同裏面嘅裝修都好日本feel....會令你幾開心架~而且座位算寬敞，都坐得幾舒服。出面有自助吧：有小食、湯、飲品放滿幾個雪櫃好多款、蛋糕雪糕種類主要係牛奶公司、及另外韓國款。 重點嚟啦：刺身同壽司，唔多款！但真係覺得唔需要再加單！磯燒海鮮，只得賣相好，無咩味，亦唔多新鮮有專人過嚟教你點燒貝殼類海鮮，服務幾好，但當我滿心歡喜試吓個燒聖子，入口，無味嘅最後，食完第2日，我痾嘔咗10幾次！但同行的強壯男子無事），我諗我以後都會燒熟8至9成呢d唔夠新鮮貝殼類海產總結，可能呢啲就係叫做將貨就價。

本人甚少食放題但有哥哥介紹呢間好食就去試下啦因為我遲少少到佢地已經叫晒野食所以我都唔知menu有咩叫去到就見到已經燒緊一堆海鮮唔識燒唔洗驚因為佢地會有人幫你手燒嘅我諗佢都驚我地燒壞晒佢地嘅爐😂這個波波是必食的如果你喜歡食榴連真係好好味架跟住已經掛住食冇咩點影食物相佢基本上所有手卷同壽司都係好細件唔係想快快食飽你嘅天婦羅都好味唔會超油飲品選擇都多架我就唔敢飲汽水搞到好快飽所以我飲檸檸茶其實佢仲有解茶飲嘅雪條都多選擇我食左紫薯甜筒甜品都有選擇，不過我太飽所以冇試到但家母話唔係好甜，唔錯刺身有食,但冇影相都新鮮架值得一試的放題

話說上星期要farewell 同事諗去邊食都真係諗到頭都大埋偶然下見到呢間放題好特別勝在有得燒海鮮超吸引呀！一入到去已經大排長龍 好彩同事醒目book左位大家記得 book 定位 唔係有排排呀成間店裝修得好靚最吸睛就係個燒海鮮！手掌咁大既聖子勁吸引呀燒完都好有海鮮味 好鬼正呀不過提提大家 燒時真係要小心呀事關我地俾瘋狂俾個海鮮殻彈親 超痛店長解釋燒既時候 個殻唔可以長時間受熱 所以先會爆殻同四圍彈好彩冇彈到眼咋 不過真心推介 好好食

開左咁耐 都係呢排先去食 一坐低已經送上燒海鮮拼盤 望落好新鮮 梗係忍唔住相機食先呢個係六人分量架 蠔同甲羅燒都超級好味燒既時候仲有清酒比你加 令海鮮更juicy 不過要留意火侯 太熟味道即刻大打折扣唔想燒都有好多熟食比你揀 入面最推介蝦 同 大蜆🤤當然唔小得刺身同壽司 不過忙住燒海鮮已經無影喇haha

We reserved a table for 9 and was reserved in a private room. It was mid-autumn festival evening and it a long queue even we booked in advance. Service was great and staff were welcoming! The private room was small but fit for us. We really like the mini Japanese bbq machine for seafood bbq. The staff came in and helped to grill the seafood, we love it indeed. Seafood was per set per head, there were seasonal shrimps, crabs, sea snail.. quality was fresh and sweet. The raw fish was fabulous and

朋友生日，選擇了這間聽聞經常爆滿嘅磯燒放題星期四先book星期五晚，起初還擔心會full booking,幸好8點45分那場還有位~我們一上到去就已經聞到陣陣磯燒味道一入到去就會見到小食，飲品，甜品區小食有熱食及冷盤:燒賣，蝦餃，鴨胸西蘭花，海哲青瓜等飲品:太多選擇了…應有盡有…連啤酒都有甜品:又是很多選擇，連我最愛的盒裝豆腐花都有，少不了雪糕甜筒雪條，還有一些慕絲奶凍提供當然~我們來的目的是磯燒海鮮這裡是用平板電影落單，唔錯唔錯~比起一般放題放紙落單更環保入座冇幾耐~餐廳就奉上送的海鮮實在太新鮮的海鮮…小龍蝦及鮑魚還會動的…看到小龍蝦在爐上掙扎…還真有點殘忍…所以見到部分客人都搵職員幫忙(動手)至於其他海鮮，特別係蟶子鮮甜到不得了,很令人回味其他海鮮都很鮮甜，但甲羅燒(蟹蓋)就稍為偏咸燒烤途中都會有職員幫忙及提醒漏單職員也會馬上跟進~服務還不錯除了磯燒，還有刺身及熟食提供芝麻炸雞翼，脆得黎入面好嫩整體黎講~食物方面真的唔錯一定會再黎~但希望唔再係小龍蝦了🙈提外話:截單時間是10點50分，但我們想在45分落單，平板電話就顯示了"大嘥鬼"的提示，不能再落單了😭我們還未食飽啦😭

平日呢間日本店都要一早book 枱先有得食。今日夜晚估唔到有walk in 位，同朋友三人，一入去就坐低開如劃紙仔，佢有分刺身，燒海鮮同出去自助拎野食，無論係海鮮定刺身食材都好新鮮，d 海鮮上枱時仲識玉，而且坐位夠寬落，同隔離唔會坐都好近。另外，仲會有廣播同職員提醒燒食物既技巧，不過個燒爐比較細，三人都叫還可以，左如果多d 人就唔係太夠燒，要燒得比較耐，但論價錢，質素都係超值想去既朋友注意，基本上佢要預早book 位先，如果唔係就唯有博吓運氣去執死雞啦$$

Lunch最苦惱係食乜好，仲要一大班人慶祝生日。壽星話想食日本嘢，搵到呢間話可以book，就呢間。估唔到有間房仔俾我地，我估可以坐到20個。雖然餐牌選擇唔多，但叫做有好貴亦有好平，有熱食有刺身，其實都ok，無抱好大期望。點知。。。。我地個個每上一樣都有「嘩」，有啲意外佢會咁多，咁大同咁高！（呢個價錢我地初初仲估好少份量）我叫咗呢個自選爆丼，有三文魚，帶子同蟹棒，飯就係普通飯，啲料推到好高。好味，都算鮮，飯壓到實一實，到夜晚7點仲係好飽（平時帶飯就5點左右就要生果）蝦係有心思到企哂係度，牛油果飯就普通啲，無乜牛油果，料都係新鮮。叉燒拉麵就顯得普通啲，反而可以食佢海鮮烏冬，同價68元但好味啲，海鮮料足，湯夠清甜，烏冬夠q身。另外一個我地全部「嘩」嘅係呢個鰻魚飯，條鰻魚真係超大條，睇我同事手拼埋去就知啦。入面仲有隻蛋，同事食得好開心。最後加4元以為有一球雪榚，原來只係細杯裝雪榚啫。整體係ok，我嗰個丼85，其他同事都無彈，都ok啦！