張公館

营业中

休息中

銅鑼灣我最喜愛之中餐🥢之一，一定係呢間張公館🤩。食材高級，餐廳有海景，食物質素超好👍🏼。🥢燕麥黃金北海道大元貝(2件) $149：呢款燕麥黃金北海道大元貝，佢嘅主角係咗鮮美嘅北海道大元貝，配上香口嘅燕麥黃金，味道絕對係一流。大元貝肉質鮮嫩，帶有淡淡嘅甜味，燕麥黃金則係鬆脆香口，加埋兩者嘅完美配搭，一啖落去真係好過癮。。🥢蜜汁西班牙叉燒拼燒腩仔 $238：叉燒同燒腩仔都係傳統嘅港式燒味，叉燒肉嘅外脆內嫩，加埋蜜汁醬汁，帶出一啲甜味同埋獨特嘅焦糖香氣。燒腩仔肥瘦相間，燒得剛剛好，口感鮮美多汁。兩者配搭在一齊，真係令人垂涎欲滴。。🥢黃湯娃娃菜 $168：呢個黃湯娃娃菜係一個清爽嘅綠色菜式。娃娃菜經過簡單嘅烹調，保留咗佢嘅脆嫩口感同綠意。湯底則係清澈嘅黃湯，帶有淡淡嘅蔬菜味道，喝落去清新爽口。。🥢櫻花蝦脆米海鮮炒飯 $298：呢個櫻花蝦脆米海鮮炒飯真係一個非常豐盛嘅菜式！佢用咗新鮮嘅海鮮同櫻花蝦，再加埋脆脆嘅米粒一齊炒熟，味道鮮甜香脆。米粒嘅口感好特別，每一粒都鬆脆香口，令人一口接一口停唔到。海鮮嘅鮮味同櫻花蝦嘅香濃味道都好突出，加埋炒飯嘅獨特風味，真係一道令人回味無窮嘅經典炒飯。

銅鑼灣V point 有好多高級餐廳，今次黎左張公館食晚飯，餐廳環境開揚，可以一路食飯一路望住維港景色。前菜有花生同蕎頭，值得一讚係茶壺一直座熱，保持溫度，好貼心。蜜汁西班牙叉燒拼燒腩仔 $128叉燒入口鬆軟，肥瘦均勻，燒腩仔外皮香脆，五花肉層次分明，食落油香十足，入口溶化。中間仲有爽脆海蜇，可解油膩。新加坡胡椒蟹爪粉絲煲 $268一上枱已經聞到好香胡椒味，胡椒香辣惹味，蟹肉鮮甜，仲有啖啖蟹膏，粉絲比蟹肉更入味，吸收晒胡椒香辣，好刺激！天婦羅白飯魚 $128白飯魚沾上薄薄炸漿，再用油炸，食落香脆而不油膩，再點上喼汁，一口一條真係食唔停口。上湯千層菠菜 $188菠菜口感滑順，葉片軟嫩，千層係千層豆腐，吸收晒上湯味道並帶有豆香味。生磨蛋白杏仁茶 $48杏仁茶比較濃稠，味道香濃，底層有燉蛋白，蛋白軟滑，滋潤美味。桂花五色糕 $58除左賣相賣吸引之外，味道都好有驚喜。每層都有唔同味道，分別有桂花、蜜瓜、火龍果、芒果同椰汁，估唔到一齊食又幾夾，仲有粒粒生果，口感層次豐富。

天氣涼返少少，又到左食蛇同食蟹既季節，今次朋友介紹，試一間高質中菜，位於銅鑼灣V point，靚景之餘仲可以滿足哂兩個願望。花膠雞絲菊花燴蛇羹餐廳非常好，可以一碗咁叫，唔駛驚食到好飽食唔到其他野，用花膠雞做基底，味道濃郁，亦令到蛇羹口感更豐富。蟹粉小籠包皮薄料多，滿滿湯汁，蟹黃同豬肉好夾，非常滿足。蜜汁西班牙叉燒拼燒腩仔叉燒厚切，軟淋啖啖肉，肥瘦適中。燒腩仔皮脆，一口Size，越咬越滋味。臘味炒芥蘭配料有臘肉、臘腸、潤腸，油潤香濃，芥蘭爽口冇渣。秘製醬乾炒九肚魚河粉九肚魚脆炸，上枱熱辣辣，最厲害既係炒完都冇散開，河粉乾爽入味，食既時候加少少辣椒醬就更正。綠豆爽清心丸 甜度適中，清心丸煙煙韌韌，解膩一流。鮮磨蛋白杏仁茶 杏仁茶香滑，底下有一層蛋白滑上加滑，鍾意食杏仁既就會愛不適手。

一直都想試位於V Point高層的中菜館張公館，今次與朋友到來午餐飲茶，座位闊落，即使不是坐窗邊位也能望到海景，光線充足，食物和服務質素亦不錯，難怪午市人流不絕。坐下一會便送上茶和前菜，前菜是花生和蕎頭，茶則以火一直暖著，十分貼心。🥂麻辣燒賣 $34/2粒很少試到麻辣味的燒賣，很是特別，蝦亦新鮮。🥂翡翠明珠球 $20/2粒入面是蔬菜和蝦，味道較健康不油膩。🥂墨汁卵粿 $188配上辣醬，十分惹味，表面煎得剛好，似是魚片的感覺。🥂櫻花蝦脆米海鮮炒飯 $298飯炒得粒粒分明，加上脆米更添口感，用上不少帶子和蝦，十分足料。Overall rating: 7.5/10jsv_foodie

一直都知道V Point有好多嘢食，仲有大海景可以睇，所以就去咗張公館到飲茶，試下佢地啲點心😚*櫻花蝦脆米海鮮炒飯 $298份量比我想像中多好多，應該夠四個女仔食🤣炒飯夠曬鑊氣，炒得粒粒分明，而且蝦仁好多🦐最上面有櫻花蝦脆米，口感香脆，增加口感之餘仲有蝦米嘅香氣🥰*蘿蔔絲酥餅 （2件）$32酥餅外層好鬆化，入面嘅蘿蔔絲好多👍🏻*張公館蝦餃皇（2粒）$39飲茶又點少得蝦餃呢～蝦餃好飽滿，蝦餃嘅皮都算薄，入面嘅蝦肉都有好多🤤*懷舊豬潤燒賣 $48平時飲茶都會叫燒賣，見呢到嘅signature係豬潤燒賣，咁就一定要try try😼一開始望到個豬潤燒賣嘅時候都幾震撼，因為上面真係好大塊豬潤😂😂豬潤大塊得黎又唔會煮得好硬或者好韌，嫩得黎又會有少少粉粉地嘅質感，如果鍾意食豬潤嘅人一定會好鍾意食😍*生磨蛋白杏仁茶 $48杏仁茶好smooth，杏仁味好濃，而且下面仲有燉蛋白，作為飯後甜品黎講唔錯🤩*陳皮紅豆沙 $38紅豆沙超級真材實料，啖啖都食到紅豆，口感非常綿密🫘

最鍾意去環境好的地方飲茶，呢次試下登龍街V point，餐廳不算好大，最好預約定確保有枱。風景直望維港海景，大部分的枱都見到。魚翅灌湯餃 | $98一定要先分享魚翅灌湯餃，好足料抵食，有竹笙、瑤柱、魚翅，餡料十足。湯底清甜，食完不會口渴。底下用熱爐暖住，不怕食到最後會凍。椒鹽九肚魚 | $98 半份可以叫半分適合兩個人分享，外層炸漿脆卜卜有空氣感，有些椒鹽碎幾香。脆脆笑哈哈 | $68腸粉皮夠滑，包著蝦肉蝦膠，中間一層炸漿皮，就算加上了豉油仍然脆卜卜，蝦肉彈牙好正！紅燒乳鴿 | $68紅燒乳鴿開邊，皮脆肉嫩夠香口，肉質不乾身。懷舊豬潤燒賣 | $48懷舊點心好少食，大塊豬潤剛熟呈粉紅色，不怕老身。豬潤下有蝦，大隻彈牙。酥皮菠蘿叉燒包 | $58外皮酥脆，麵包皮薄，饀料有菠蘿及叉燒，第一次食叉燒包有菠蘿，酸酸甜甜幾特別。養顏紅棗糕 | $48紅棗味超濃郁，會見到一點點的紅棗，口感煙韌，不會太甜。生磨蛋白杏仁茶 | $48/碗有香濃的杏仁味，底下有蛋白，清甜滑溜，感覺幾養生。茶位 | $20/位、小食 | $40兩位

終於感受到秋天來臨！又是吃蟹粉的季節！跑到飽覽整個維港的新派中菜廳餐廳居高臨下，落地玻璃可以飽覽維港的海景裝修簡潔優雅，環境開掦，配合高級粵的定位茶壺有小火爐暖著，水滾茶靚！前菜有傳統的花生、蕎頭不時不食！花膠雞絲菊花燴蛇羹暖身滋補，蛇肉口感嫩滑臘味炒芥蘭的臘腸、膶腸及臘肉油香四溢，材料豐富蟹粉入饌手工菜式蟹粉扒豆腐的蟹黃鮮美，與清淡豆腐成絕配，滑不溜口蟹粉伴稻庭麵煙韌彈牙，盡吸蟹粉精華，啖啖鮮味蟹粉小籠包鮮肉餡裹著蟹粉的甘甜鮮味，餡香湯鮮甜品養顏紅棗糕口感煙韌，甜度適中，帶淡淡的棗香韻味生磨蛋白杏仁茶感覺像吃豆腐花一樣，香滑潤肺清心丸綠豆爽綠白相映襯，清熱降火、舒心可口

好耐都冇同屋企人食中菜，今次揀咗位於銅鑼灣V Point嘅張公館，一邊食飯一邊欣賞維港美景🥰依家新推出咗秋冬蟹粉系列～🫶🏻燒味拼盤有燒腩仔、海蜇同黑毛豬叉燒，燒腩仔皮脆，肥瘦適中，叉燒肉質冧身🫶🏻 蟹粉小籠包皮薄多湯汁，size比較大件✨🫶🏻臘味炒芥蘭芥蘭鮮嫩爽脆，臘味份量都幾多，令到成碟菜幾惹味🥰🥰🥰🫶🏻蟹粉伴稻庭幼麵蟹粉味道非常香，每一啖都有蟹粉嘅香味🫶🏻花膠雞絲菊花燴蛇羹冬天食蛇羹可以暧身，呢款蛇羹仲有花膠好養顏✨✨🫶🏻蛋白杏仁茶蛋白香滑，杏仁茶順滑味道濃郁🫶🏻桂花糕呢款桂花糕足足有五層，包括桂花、椰汁、士多啤梨等等，賣相精緻味道也很好.📍 張公館 (銅鑼灣)銅鑼灣登龍街18號V Point 29樓

自從上次同呢個朋友食完張公館對佢食物質素同服務態度讚不絕，我呢個已經變咗成為好朋友嘅client 非常有我心，又再邀請我嚟張公館食lunch catch-up😗張公館我對佢嘅食物質素念念不忘之餘，佢嘅環境都非常之靚，位於V Point嘅29樓，所以係望住維港無敵大海景，今日仲要係黑雨之後嘅第一個晴天，望住個咁靚嘅景食飯真係賞心悅目😗朋友拍板叫咗以下食物，有啲係上次食過有啲係新嘅，唯一一樣嘅就係質素依然係咁高，食到我哋津津有味😍🥢麻辣燒賣- 出邊好少見到嘅菜式佢嘅麻辣係四川菜的麻辣香味，好惹味🥢翡翠明珠球- 我哋喻為高階版嘅菜苗餃，入面嘅波菜非常嫩，面頭嘅竹笙倍添食物嘅質感🥢酥皮叉燒包-飲茶必要嘅菜式，呢間做得好嘅係佢入邊我食到啲酸酸甜甜嘅菠蘿，令成個包味覺豐富好多🥢櫻花蝦脆米海鮮炒飯- 呢個口感非常豐富，有蝦，菜心，脆米粒，櫻花蝦，啖啖配料配埋炒得非常乾身嘅飯，我估唔到我哋兩個女仔會可以食晒大部份🤪🥢墨斗卵粿- 高階版墨魚餅，口感煙韌，外脆內糯，佢仲有專屬辣椒醬跟，非常好食😋好開心食到呢餐咁高質素嘅中菜館，呢間餐廳嘅食物質素保持得好好，好期待下次再同朋友嚟食飯🍻

之前成日見到朋友嚟依度飲茶，景觀好靚，今日佢終於帶我嚟試吓,喺銅鑼灣V Point 高層，今日個天好清，海景一覽無遺😍裝修雅致，環境開揚，有日光透入感覺舒適☺︎︎★有VIP房，可以book定公司/朋友聚餐茶壺一直被蠟燭底既茶座熱住茶🍵keep住暖暖的❤︎︎酥皮菠蘿叉燒包熱辣辣菠蘿酥皮好鬆化，內裏包住香濃叉燒呢個非常推薦(≧◡≦) ♡脆脆笑哈哈\(^ヮ^)/好多酒樓都有，但係呢間整得好好味🤤外滑內脆，軟滑腸粉裏面包住脆卜卜網紋𧎚卷，加上啖晱蝦肉，香脆可口好好味😋翡翠明珠球好似菜苗餃，煙靭嘅皮包住滿滿嘅菜，口感好豐富❤︎︎秘製將乾炒九肚魚河粉九肚魚河粉呢個配搭好新鮮，炒河粉好惹味，夠鑊氣，九肚魚香脆可口啖啖肉，好夾非常有層次感清心丸綠豆爽最後配埋經典嘅潮州糖水做總結拜,清熱解毒( ˘ ³˘)♥︎

今晚係cwb行街…心血來潮想食中菜又想繽下…就揀左29樓既張公館。好幸運被安排左窗邊位置…可以望到好靚既夜景。呢度生意唔錯…大廳同房都坐滿人…除左有景外…野食應該唔錯肚餓了…我地點左羊肚菌松茸竹笙花菇燉湯 呢個湯好多菇菌…一黎到就聞到好香…羊肚菌尤其突出…因為佢既香氣好獨特。口感爽滑…呢個湯感覺清甜杏汁豬肺湯 相比菌湯…呢個湯就明顯重口味好多。好香杏仁味…好滑…好厚身…飲完覺得好滋潤。呢d手工多既湯都係出面飲方便紅燒乳鴿 上檯熱辣辣…皮脆肉嫩…蜜汁筍殼魚 呢個幾驚喜…平時筍殼都油浸配豉油。呢度就配左個蜜汁甜甜地平衡番油炸既膩…唔錯。筍殼魚皮好脆但肉質保持鮮嫩墨斗卵粿 店員強烈推介俾我地食…話呢樣野香港好難食到。因為食材都係潮州運直送香港。墨斗卵粿是潮汕地區既特色美食。墨斗係墨魚…卵粿就用墨魚卵加其他材料打到起膠。煎香就搞掂🤣🤣…口感外面微脆…內裡軟腍…唔錯唔錯海皇芝士蟹蓋焗飯 其實好鍾意蟹蓋料理🤣🤣🤣。見到就忍唔到…個白汁做得唔錯…配埋芝士焗…望到都已覺得好味。飯底有蟹肉…蝦同帶子…飯乾身。喜歡碧綠雲腿白玉環 夏天當然要食瓜啦…呢個菜有瓜又有菜配上金華火腿蓉…簡單配搭已經好好味又健康。

餐廳：張公館地點：銅鑼灣登龍街菜式：粵菜餐牌：午市餐牌有點心，頭盤，燒味，小菜，飯麵類，甜品等等。魚翅蟹肉灌湯餃 $98 另加一魚翅蟹肉灌湯餃係用燭台暖住上枱，飲到最後都仲係熱辣辣。先飲啖湯，個湯好香蟹肉味，好清。灌湯餃大大隻，皮超薄，而入面料勁多，包括大量蟹肉，魚翅，蝦肉，瑤柱，菇，伴有竹笙幾件。味道鮮甜健康。另上紅醋，我覺得唔加醋仲好味。懷舊豬潤燒賣 $48 另加一懷舊豬潤燒賣一客兩件，兩大片爽脆豬潤下底係大大舊爽口蝦肉加豬肉，豬潤唔腥，燒賣肉多汁爽口。蟹籽麻辣燒賣 $34 另加一蟹籽麻辣燒賣一客兩粒，外皮又薄又滑，內餡爽口鮮甜，面頭加上蟹籽，帶適量麻辣味，味道非常惹味，不過唔會太辣。上湯小籠包 $48 另加一上湯小籠包一客兩隻。每隻上湯小籠包獨立用木製有蓋蒸籠上枱，再用隻金屬隔方便拎起食用，下底有一片蘿蔔片。黑醋另上，小籠包食落皮薄多汁。翡翠明珠球 $58 另加一翡翠明珠球一客三粒，一打開就出蒸氣！賣相好精美，係網形薄皮包住爽脆蝦肉同菜苗，面頭加上蟹籽。食落多汁爽口，好健康美味。酥皮菠蘿叉燒包 $20 一件 另加一酥皮菠蘿叉燒包熱辣辣上枱，外皮酥脆鬆軟，真係食到少少菠蘿甜味，入面

京式片皮鴨呢度嘅招牌菜之一，個皮烤得金黃脆脆，肉質鮮嫩多汁，真係正宗京味。我叫咗半隻，已經足夠好食。片皮鴨二食嘅炒鴨崧生菜包真係好特別！鴨崧鮮香多汁，同埋包住生菜，口感鮮脆，好好味。豉油王煎虎蝦虎蝦煎得恰到好處，外脆內嫩，再加上豉油王嘅獨特風味，味道香濃，好開胃。羊肚菌松茸竹笙花菇菜膽燉湯豐富滋味，湯中有羊肚菌、松茸、竹笙同花菇，仲有脆嫩嘅菜膽，湯湯水水，好鮮甜好滋味。杏汁豬肺湯湯底鮮甜，加入杏汁更加香滑，豬肺滑嫩，好開胃又有營養。生磨蛋白杏仁茶係我心目中杏仁茶Top 3! 真材實料，杏仁香甜，茶味濃郁，杏仁香滑，飲落好舒服，令人心情愉悅。桂花五色糕係一道傳統中式糕點，五色糕層次分明，口感綿軟，桂花香甜，好好味！總括嚟講，呢間中菜真係好正，唔單止食物好味，仲有靚靚嘅海景。杏仁茶同京式片皮鴨都係絕對推薦嘅菜式!

知道將公館好耐，但係一直都未有機會上嚟試，今晚終於到搵啱人夾啱時間，一上到去29樓首先比落地玻璃窗外嘅景色吸引，可以話係無敵嘅城市海景。首先飲兩盅燉湯，杏汁豬肺湯同埋羊肚菌松封行笙花菇菜膽燉湯，非常真材實料，好滋潤，好清甜。蜜汁西班牙叉燒拼燒腩仔好精緻，一時就知係靚肉，肉質、調味、火候、賣相都係100分。紅燒乳鴿皮脆肉嫩，多汁香口。乾炒九肚魚河粉可以話係驚艷，河粉非常有鑊氣，炒得好乾身，味道豐富得來唔會太鹹，令人最難忘嘅係九肚魚，估唔到炸咗嘅九肚魚個質感同河粉係咁夾，呢個係下次嚟一定要再食。食到飽晒之後食甜品，本身對甜品期望唔係好高，點知真係好飽都成碗食晒，生磨蛋自杏仁茶係滑、香、滋潤，陳皮紅豆沙有好香優質陳皮嘅香味，糖水起晒沙得嚟又有一粒粒完整嘅軟奶綿綿紅豆，大推！

同朋友慶祝生日特別揀咗位於銅鑼灣嘅張公館～入座被安排坐近窗口位，對住海景食飯 非常好！餐廳侍應服務都好好，令到成餐飯都食得開心🔸蜜汁西班牙叉燒拼燒腩仔 （$238）-燒腩仔入口即化-叉燒燒得好味🔸羊肚菌姬松茸水中花燉湯-燉湯好鮮味，材料亦充足-豆腐雕成一朵花，所以名為水中花🔸鮑片蝦醬啫啫唐生菜-一打開蓋，已經聞到好香蝦醬味，侍應仲會幫你炒一炒🔸椒鹽九肚魚-炸粉超簿，魚好滑-份量大，可以夠三人份量🔸蛋白生磨杏仁茶 /榚點-極力推薦大家一定要食蛋白杏仁茶，見到每枱都必點-杏仁味超香，入口超滑🔸燕麥黃金北海道大元貝-超大粒，入口好鮮甜-加埋燕麥黃金，令人好想再食