張公館

营业中

休息中

今晚去咗銅鑼灣張公館食飯。因為佢喺29樓，所以有幾張枱望到海景。欣賞佢給我一個溫茶爐確保每一杯茶都熱辣辣👍🏻真係好貼身。環境好舒服，每張枱相隔有點距離，食客同侍應都好D👌侍應介紹砂礓豬手凍食爽而不膩，味道啱啱好，有豐富骨膠原，我鍾意😘臘味炒芥蘭，臘味除咗好味還好柔軟有口感😋要稱讚買手同廚師👍🏻還有乾炒九肚魚河粉唔單止好食還有心思🤔真係唔使我講有幾好食。最後甜品紅棗糕，煙韌清甜好香紅棗味😋佢嘅油炸花生魚仔小食都好有職業水準👌還有侍應好貼身服務一流👍🏻

My friend and I had dinner at this restaurant recently. This was my first visit, I was happy with this Chinese fine ding experience.It was time to have cured meat in this cold weather. The fried kale with cured meat and sausages was very good. Kale was fresh and the cured meat and sausages were of high quality.As recommended by the manager, we ordered a hairy crab brown meat with crispy rice. It was most delicious to dip the crispy rice with the golden hairy crab brown meat paste, so rich an

聽聞銅鑼灣有間張公館，擁有靚海景的高級中菜，所以和朋友去嘗試一下午餐。餐廳在V Point 的29樓，位置夠高，可以俯瞰銅鑼灣遠眺維港內部裝修高雅，座位寛敞舒適，窗外景觀景觀很開揚可惜我們二人坐在不近窗邊的細檯，只能遠眺外面景色。高級中菜廳，所以一直會以火溫熱茶壺，保持一定熱度，值得一讚。今次我們點了以下菜式﹕豉汁蒸排骨﹕蒸排骨中規中矩，味道一般，沒有留下特別印象鳯凰煎糯米雞﹕底面都煎香了的糯米雞，算是有特色和花心思，不過味道正常，不會特別推介牛肉腸﹕腸粉皮又薄又滑，而且上碟時已經切開了，值得一讚秘製醬乾炒九肚魚河粉﹕未試過食九肚魚炒河粉，覺得挺有特色，而且這碟份量好多。九肚魚翻少過後依然脆身，味道也不錯養顏紅棗糕﹕最後點了紅棗糕做甜品，紅棗味道濃郁，口感軟糯唔黐牙，不會太甜總結： 環境舒適 遠眺維港帶來視覺享受食物有心思 但味道質素僅屬中等惟價錢稍嫌貴 性價比不高相信不會再光顧味道： 7/10服務： 7/10環境： 7/10打卡： 8/10CP值： 4/10推介值：5/10

時近中西佳節，這家中菜館非常熱鬧，全都是大大小小的聚會。沙薑豬手是清爽開胃的冷盤，豬手多肉而沒有異味，補骨膠原一流。臘味炒芥蘭，天氣轉冷會特別想吃臘味，除了油份太多外，多款臘味都潤澤偏甜。瑤柱蝦仁蛋白紫米飯炒得乾身，粒粒分明夠鑊氣。上回試過令人驚艷的桂花五色糕，今回試傳統的養顏紅棗糕，口感軟糯，紅棗味濃，不錯！生磨蛋白杏仁茶一直都令我讚不絕口，所以每次必點。底部有一層香滑的燉蛋白，杏仁味濃郁，可惜今回溫度稍為不足，仍然是美味的，只是未到最佳水平。臨走時點了椒鹽九肚魚帶走，打算帶到親戚家給他驚喜。新鮮炸起，從剪了角的外賣盒處透出香氣，我們決定在它最熱最新鮮的狀態下試一些，果然鬆脆香口。

臘味炒芥蘭 $188芥蘭炒到好爽口，配埋大量的臘腸、潤腸一齊炒，好惹味，配白飯一流😋。香煎墨汁卵粿/例 $188個樣似蘿蔔糕，煎至金黃色，口感外脆內軟，每一啖都能食到墨魚的鮮味，令人難忘。養顏紅棗糕 $48一份有三塊，即點即蒸，上枱熱辣辣，味道剛好，吾會太甜。而且口感彈牙。另有茶位$20/人，兩份小食 $40，一份係香脆花生🥜加幾條蝦條，另一份係爽口又好酸酸甜甜的喬頭。晚市都幾多人，黎之前建議先訂位。

呢間張公館聽過好多人推介，今日終於都黎食到！ 環境闊落而侍應都好有禮貌，未食已經令人心情好好。鳳尾蝦多士蝦肉好飽滿而食到蝦肉仲好彈牙，爽口又完全唔油膩，加少少沙律醬已經好夠味。好耐都冇食過蝦肉粒粒分明又彈牙既蝦多士！杏汁豬肺湯，羊肚菌松茸竹笙花菇湯兩款湯都好好飲，特別係杏汁豬肺好足料而豬肺洗得好乾淨又淋身，杏汁味道岩岩好唔會搶走其他材料既味。另一款都係勁足料，菇既味道香濃又唔會腥！鐵板西班牙叉燒真係好好食，望落唔係肥叉但食落口感鬆軟而肉味濃郁，加埋蜜汁調味整體真係好出色。邊位都烤到少少脆身，口感層次一流！蜜汁銀雪魚魚肉一梳梳而且魚味好突出，完全唔腥再有少少蜜汁吊味，好高質。瑤柱荷葉飯成個飯份量好多而炒飯粒粒分明，調味亦岩岩好唔會過咸，食到荷葉既香味再加埋爽嫩雞肉粒，整體真心好食！五色糕，蛋白杏仁茶最後食埋甜品，杏汁豬肺湯太出色所以再嗌蛋白杏仁茶，杏仁味鮮甜又夠香。五色糕真係第1次食，爽口層次十足，食完真係幾清新。

爸爸喜歡吃粵菜，他對食物質素有要求。今日同佢去他喜愛的張公館吃晚飯。張公館提供優質粤式佳餚，地點方便，是和親友聚會或公務款客的理想地方。張公館位於銅鑼灣登龍街V Point 29樓，居高臨行，可以望到美麗的海景，店裝飾中國化，座位舒適，服務貼心。今晚由老豆發辦，簡單叫了幾樣他愛吃的菜式。蟹粉鍋巴是時令菜，值得細細品嘗。鍋巴酥脆香口，配埋甘香油潤的蟹粉，味道豐富，暫時忘掉膽固醇，盡情享受美食吧! 蟹粉份量不少，值回票價。臘味炒芥蘭也很有風味和鑊氣，臘肉，潤腸和臘腸都有水準，蘭度爽甜，和臘味配合得很好。沙薑豬手好惹味，豬手去骨易食，食落爽脆充滿骨膠原，正!瑤柱蝦仁蛋白紫米飯用料靚，炒得有功夫，好好食，米飯有咬口，食落不油腻。甜品由我話事，生磨蛋白杏仁茶真材實料香濃順喉，清心丸綠豆爽清甜，養顏紅棗糕煙韌有清甜棗味。今晚吃得好滿意，爸爸提議訂位來張公館做冬，我支持。

最鍾意就係飲茶，食點心銅鑼灣V Point 嘅張公館盡顯氣派一電梯大堂就係大玻璃勁開陽，心曠神怡沖茶不會冷，為維持適當溫度。點讚！特別推介竹笙釀百花好味好味！竹笙柔軟爽口好入味，吸咗好多精選醬汁唔會太油膩，飲啖茶中和啱啱好腸粉一定係必食！我哋點咗牛肉腸個人係一定會再另外嗌一碟喼汁腸粉皮軟滑配上精製甜豉油一流！好多牛肉包埋一齊口感十足特別特別推介一定係鳳凰生煎糯米雞煎到勁香口外脆內軟配上糯米雞嘅餡料勁惹味認為係將公館必點之選之一！兩個女仔真係食唔到太多嘢！四個點心一個甜品紅棗糕女士必點！超飽！

🌸《張公館 ·粵菜·銅鑼灣》-𝐅𝐨𝐨𝐝 𝐑𝐞𝐯𝐢𝐞𝐰 食評 香煎墨魚卵粿 $188口感好彈牙煙韌，好好食同好特別，未聽過呢樣小食🫢 職員話全港無幾多間有得食，可以黎試下😛-臘味炒芥蘭 $188臘味份量好足🙆🏻‍♀️，擺盤好有心思，見到每條芥蘭都炒到令身，好入味👍🏻-蟹粉扒豆腐 $238全部豆腐郁比蟹粉包住🫢 好震撼啊🙆🏻‍♀️ 淡味滑身既豆腐突出左蟹粉既鮮味，好味😋-秘製醬炒九肚魚河粉 $198河粉好有鍋氣，上菜既時候仲見到有煙👍🏻九肚魚一啲都唔腥，食落好脆口‼️每條河粉顏色都好均勻，好有功架👍🏻-生磨蛋白杏仁茶 $48蛋白杏仁茶好滑，杏仁味道好濃，好好食‼️-📍 張公館 銅鑼灣登龍街18號V Point 29樓-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：🌸🌸🌸🌸🌸Revisit:🧡-

🌸在朋友離開香港前帶他吃傳統中菜當然唔少得無敵香港夜景啦 🌟去了位於銅鑼灣V Point✨張公館✨紅燒乳鴿每次來到中菜館必點 肉質鮮嫩 口感豐富並且帶有濃厚的滋味 濃郁而香氣四溢蟹粉豆腐第一次品嚐蟹粉配豆腐 真的太夾了豆腐吸收了濃郁的蟹粉風味 鮮美而滋味蟹粉的鮮味與豆腐的柔軟口感相融合使得整道菜的味道更加豐富臘味炒芥蘭深秋入冬最適宜吃臘味芥蘭中和了臘腸 膶腸 臘肉的咸味香滑鮮甜 絕佳的配合瑤柱蝦仁蛋白紫米飯濃厚海鮮風味的炒飯 蝦仁與瑤柱相輔相成蛋白的柔軟質地 增添了菜品的口感紫米的味道相對普通白米更加香甜並且含有豐富的營養價值養顏紅棗糕完全不太甜 養顏又彈牙

繼上次同閨蜜嚟過靚景中菜《張公館》，今次同老公再黎，食物質素而保持到，唔怪得愈黎愈人氣啦🥢牛肉腸牛肉腸粉的皮薄而Q彈，透明而光滑，包住豐滿嘅牛肉餡，而且牛肉同腸粉一樣食落口感好滑🥢煎糯米雞糯米雞食得多，煎嘅都係第一次食咋，面頭脆脆地而糯米香糯有嚼勁，又幾得意，糯米雞中間夾住嘅雞肉好夠味，滲出嘅雞汁更加有層次感。🥢流沙奶王包包嘅質感鬆軟，同埋啲流心奶黃真係絲滑細膩。啲流心嘅量啱啱好，啲流沙內陷夠滑順，啖啖都係香濃帶有咸香嘅奶味，啱啱好嘅甜度唔會太甜🥢欖菜海鮮粒炒飯啲飯粒唔會太硬，仲保持住香噴噴嘅米香，而啲海鮮粒入邊，啲小帶子同蝦新鮮彈牙，調味方便炒飯充滿鹹香，色香味俱🥢紅棗糕紅棗糕的甜度恰到好處，不會太甜，帶有淡淡紅棗香氣，口感紮實而Q彈

前幾日放假 同朋友出咗銅鑼灣 好耐冇飲茶啦 朋友話帶我去食好西🙈 今次我哋嚟到銅鑼灣嘅張公館飲茶🤍 餐廳望出去係無敵海景 放假對住呢個景色食嘢心情非常治療 😘-我哋叫咗櫻花蝦蘿蔔糕 非常之香脆 外面滿滿嘅櫻花蝦 煎到勁香口👍🏻 外脆內軟 真係勁好食又特別😘-脆脆笑哈哈 即係炸兩腸 覺得好特別未試過咁好食😍 一邊係脆口嘅油炸鬼入邊仲有蝦肉，真係勁滿足 腸粉好綿滑😋-鮮蝦帶子粉果 未食過呢一款粉果 咬落去淡淡蝦肉帶子鮮味 👍🏻-蝦餃皇每次飲茶，我哋必定都嗌蝦餃🤭，佢嘅外皮晶凝通透 入邊好似食咗幾粒蝦肉咁樣 非常之彈牙 真係勁滿足😘-紫薯豬仔包 個外觀真係勁靚🤭 識落紫薯味好香濃 而且唔會太甜 啱晒我呢啲咁鍾意打卡既港女🙈 -今日呢餐飯真係大滿足 每一個點心都好好食 下次放假都要帶埋老公嚟食吓先🤍

之前公司老闆請同事們喺呢度飲茶有VIP房私隱度高，適合家庭、公司聚會景觀好靚，一覽無遺嘅海景加上好天氣真係感覺好舒服今日就帶咗屋企人一齊嚟飲茶茶壺有蠟燭底既茶座熱住好似平時去酒店飲茶咁櫻花蝦蘿蔔糕煎得兩邊香脆，鋪滿櫻花蝦，都好大件櫻花蝦脆米海鮮炒飯蝦肉同小圓貝仲有菜粒、雞蛋櫻花蝦嘅香味同趣米嘅口感提升左整個炒飯嘅層次小籠包皮薄而彈牙，滿滿嘅肉汁好juicy砂礓豬手細細粒，醃得好入味好多肉最後仲有甜品桂花五色糕非常精緻由兩款水果加椰汁製成味道好夾，口味清新又食到爽脆果肉

而家出面飲茶好多唔係中央廚房，就係向大廠買急凍貨返來再蒸熟。好似張公館咁有自己中廚去整點心，真係少之又少。另外，係香港算少有係位處高樓上開的酒樓，一入去已經俾個景吸引住，望出去灣仔一覽無遺，灣仔美景盡收眼底之下，岩晒打下卡。一坐埋位，侍應已經走過來問你要咩茶葉、同送上一碟花生蕎頭。係香港食肆算得上少有的服務質素。而今餐叫左豉汁蒸骨、鳳凰煎糯米雞、牛肉腸、秒製牆乾炒九肚魚河粉、養顏紅棗糕。食物全部都係水準之上，尤其係鳳凰煎糯米雞唔係平時食開荷葉包住的糯米雞，稍微加左強係糯米上面煎左，較為香口。另外個炒九肚魚河粉，個秘製醬好惹味, 炒得岩岩好，唔會太乾，都唔會太濕。而個養顏紅棗糕食落清清甜甜，小小彈牙，幾好味。今餐飲茶都算係近年少有有水準酒樓，食物唔錯，又有服務，仲要有靚景。

比起大部份既酒樓d位都坐得舒服，而且有海景，望住個海食點心，不得了❤️呢到有好多特式點心同埋炒飯麵粉，所以我地叫d出面無既野食，最比較特別既點心係有百花釀竹笙，入面包住蝦膠，好有口感，平時乾炒牛河食得多，但呢到就有秘製醬乾炒九肚魚河粉，好少酒樓會肯禁足料，而且份量都好多，九肚魚炒左河粉仲係脆，好味😋腸粉係蝦腸，亦都好出色，係油炸鬼包住蝦腸，好脆卜卜，nice😋仲有大大粒蝦肉燒賣同埋紅棗糕我好中意