張公館

营业中

休息中

呢間張公館聽過好多人推介，今日終於都黎食到！ 環境闊落而侍應都好有禮貌，未食已經令人心情好好。鳳尾蝦多士蝦肉好飽滿而食到蝦肉仲好彈牙，爽口又完全唔油膩，加少少沙律醬已經好夠味。好耐都冇食過蝦肉粒粒分明又彈牙既蝦多士！杏汁豬肺湯，羊肚菌松茸竹笙花菇湯兩款湯都好好飲，特別係杏汁豬肺好足料而豬肺洗得好乾淨又淋身，杏汁味道岩岩好唔會搶走其他材料既味。另一款都係勁足料，菇既味道香濃又唔會腥！鐵板西班牙叉燒真係好好食，望落唔係肥叉但食落口感鬆軟而肉味濃郁，加埋蜜汁調味整體真係好出色。邊位都烤到少少脆身，口感層次一流！蜜汁銀雪魚魚肉一梳梳而且魚味好突出，完全唔腥再有少少蜜汁吊味，好高質。瑤柱荷葉飯成個飯份量好多而炒飯粒粒分明，調味亦岩岩好唔會過咸，食到荷葉既香味再加埋爽嫩雞肉粒，整體真心好食！五色糕，蛋白杏仁茶最後食埋甜品，杏汁豬肺湯太出色所以再嗌蛋白杏仁茶，杏仁味鮮甜又夠香。五色糕真係第1次食，爽口層次十足，食完真係幾清新。