張公子

营业中

休息中

如果大家想食中菜 推薦大家嚟食呢一間 嘢食好高質素 食材用料好出色 必食蝦球同叉燒😍😍😍餐廳喺觀塘 距離地鐵站唔算遠 佢入邊嘅裝修整得好靚 環境寧靜 坐得好舒服 一啲都唔迫 而且店員嘅服務超級好 我哋都好滿意🥰-🦐艷影蝦球呢個蝦球好好食！一食落去我哋都好驚艷😂炸蝦球好大粒 外層超脆入面隻蝦好大隻 肉質好爽口 外面嘅黃色醬汁係香芒汁 酸酸甜甜 好特別 好清新😋-🐷張公子叉燒叉燒半肥瘦🤤🤤🤤豬肉整得幾腍唔乾 好juicy 仲有燶邊 蜜汁甜得尼唔漏 擺盤好靚 下面仲有個蠟燭 唔會凍咗🤣-🤤黑松露野菌焗文昌雞 份量幾多 菇同埋雞都有好多 焗得好入味 食落黑松露味好濃 雞都幾滑 同黑松露好夾😋-🥰木瓜雪耳糖水 好滋補嘅糖水 木瓜好甜 好多雪耳😍-📍張公子觀塘駿業街58號3樓

隱藏於工廈嘅美食，呢間都算係。聽朋友話原先個名係叫“孔夫子”，依家就叫做“張公子”，好特別😜😜首先點嘅係“張公子叉燒”肥瘦相間，一睇就好吸引，朋友好貪心，竟然話再多少少肥更加好，最正嘅係你見圍圍都係有一碟，果然係張公子出產冇得輸；蝦球有3粒，好大件， 出邊層皮唔會太厚，包裹住的蝦好新鮮，好彈牙；宜家係小暑時節，民間很多地方都有吃藕的習俗。中醫師話夏天天氣炎熱，人們心情煩躁，可以多吃藕，清熱養血除煩。因此點咗份“生煎蓮藕餅”，好味可食到粒粒蓮藕，呢排食少咗菜，今晚一於來個“鮮腐竹蕃茄浸菜苗”，够大碟，兩個人食非常足够。

在觀塘好像很難找有質素的中菜館，這家張公子從前是孔夫子，輾轉就到了張公館飲食集團，我沒嘗過這集團的餐廳，沒想到是這麼美味的！開張僅半年，服務超級好，超級殷勤，但最重要還是食物，這幾道菜都是集團的七大名菜。➡️荀殼魚湯 時價。勁好味，胡椒味很重，喜歡胡椒的人必試，本人未試過荀殼魚，這樣淆湯後，肉質依然鮮甜，確實的吃到甜味！➡️黃金鍋巴 $52。作為前菜小吃，香與脆已經交足功課，還夾着淡淡的蛋黃黃金香味。➡️龍皇吐霧酒香鮮鮑魚 $118。有兩件，簡直就是打卡好幫手，有師父走出來幫忙吐霧，再弄成水晶球，大開眼界。➡️黑毛豬叉燒 $258。太明顯了吧！跟一般燒味舖相差太遠了，果然是黑毛豬！➡️艷影蝦球 $198。大大隻蝦藏在這個波波裏面，外脆內爽。但我更喜歡這個甜甜的檸檬醬。➡️公子牛肋排 $398。牛肋排淋得不得之了，牛味重，調味濃。多款菜色令我回味無窮，已在想何時再探訪了！

話說今日約左家人係觀塘飲茶，特地搵下有無特別D既餐廳，於是去左張公子飲茶啦！本身沒有抱太大期望，但係依到既食物水準質素好有驚喜🥹而且服務態度非常好，環境都幾靚幾特別😍😍✨豔影蝦球我地一見到已經覺得擺盤好靚，而且蝦既份量十足好大隻👏🏻出面既醬汁係酸酸甜甜既果味汁，非常開胃🤤🤤而且中和到炸物既油膩感，我一個人已經食左兩件🤤✨張公子叉燒上碟時會有一個蠟燭盤熱住，等叉燒唔會凍左唔好食，依個細心位已經好加分👍🏻叉燒係偏淋岩岩好，唔會燒得太老，而且咬落去非常juicy! 個汁又係甜甜地加埋好好食😋😋✨鮑粒啤梨鹹水角造型非常可愛🫶🏻但係唔係得個樣，味道亦非常好味，加埋鮑粒更加香，個皮亦到炸到好脆得黎又好煙韌，好食🤪✨蟹子蒸燒賣燒賣大大粒啖啖肉，食落去唔會太多肥豬肉，岩岩好🤣✨黑毛豬叉燒包叉燒包既醬汁同叉燒都係非常夾，而且個饀料都好多，食一個已經好飽😋最後服務員送左兩碗木瓜糖水比我地，而且亦都好有心機去介紹返間餐廳，服務亦都超好，感受到依到既員工真係用心去做！所以去完我同屋企人都好滿意，已列入必定回訪既餐廳🫶🏻☺️

「張公子」是一間走中高檔路線的中菜館，餐廳裝潢簡潔，設有多間廂房適合親友聚會。重點在於食物的質素，提供非常高質和有特色的菜式，當中更有張公子七大名菜，作為餐廳的signature dishes。我們就嘗試了其中兩款：龍皇吐霧酒香鮮鮑魚 $118一道非常有gimmick的菜式，職員上枱時會加上熱水在乾冰上，立即煙霧彌漫，之後再加上皂水，製造出一個巨大波波，絕對是打卡able。內裡是非常入味的鮑魚。張公子牛肋排 $398另一道七大名菜是牛肋排，做得非常出色，肉質非常軟淋，味道亦好味美，而且份量都不少，足夠4人的份量。珊瑚藕卷 $128好有特色的菜式，用藕片包著免治豚肉，加上葱花和豉油，口感和味道都不錯。米皇淮山浸菜苗 $122一道比較淡口的菜式，淮山再加上鮮嫩的菜苗，非常清新。

📍 張公子 Cheung Kung Chi🌍觀塘駿業街58號3樓 3/F, 58 Chun Yip Street, Kwun Tong📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝食物精緻，環境寬敞，店員有禮，大時大節又多個好選擇，今年中秋帶埋成家黎食都唔錯⤫ 豔影蝦球 ⤫ 成個兵兵波咁大個蝦球，成隻蝦肉係裡面，勁彈牙。芒果汁整成嘅酸酸甜甜醬汁，勁開胃，唔會死甜死酸！⤫ 張公子牛肋排 ⤫香嫩無比牛肋骨，肉味濃郁，口感鬆軟，拎埋蔥花加埋同醬汁拌飯超好食！ ⤫ 珊瑚藕券 ⤫ 薄薄爽脆藕片包住豬肉餡，鋪滿薑蔥絲，蔥油味香吸引，甜、酸、辣、鹹味道分明，好有層次⤫ 奶湯雲吞煲 ⤫ 湯頭先係重點，濃郁鮮甜，奶白滑順，加埋啲小棠菜更加清新，大大粒雲吞，皮薄餡靚～

觀塘區想坐得好少少食中菜，就可以嚟呢度。坐低叫咗鐵觀音，茶位$18/位。餐牌選擇多，一般百幾至三百一個主菜。揀咗一個陳醋水晶肴肉、燒味、炸蝦、珊瑚藕卷、炒菜～前菜陳醋水晶肴肉，切到一片片，鹹鹹地。燒味叫咗黑毛豬叉燒，大大件有蜜汁，口感肥美。炸蝦一份有三件，外皮炸到脹卜卜好似炸鮮奶咁，入邊係蝦。珊瑚藕卷，中係蓮藕片包住豚肉，面上有好多香蔥及辣椒，味道香辣，似蒸魚味。最後炒咗個蒜蓉白菜，唔會太大碟，蒜蓉味夠濃郁。

〰️餐廳佔地頗大，適合一班朋友聚會。不時主動加茶，服務好好👍🏻呢度主打黑毛豬叉燒同北京片皮鴨，見到隔離枱原隻片皮鴨即叫即片，下次要再嚟試😋〰️🌟黑毛豬叉燒真正半肥瘦叉燒，肉質軟嫩加埋少少油脂香，食落唔會太油膩😋底盤有蠟燭熱住啲蜜汁，影相同擺耐啲都唔驚👍🏻〰️🌟艷影蝦球大大粒炸蝦球配上酸甜檸檬沙律醬，呢個入面有原隻鮮蝦，好有驚喜🤩〰️#fat_factor_香港 #fat_factor_觀塘#fat_factor_中菜

放假想同屋企人坐得舒舒服服，飲餐靚茶，又追求環境同食物質素，今日介紹呢間張公子就啱晒你。🫖張公子叉燒 叉燒貴得有道理，半肥瘦嘅黑毛豬梅頭叉燒每件都沾有蜜汁，肉色紅潤，肉質鬆軟，油脂入口溶化。🫖艷影蝦球 圓形嘅炸脆皮內包有一隻爽口彈牙嘅大蝦，以濃厚嘅檸檬汁襯托，味道清新。每一個蝦球都有一枝小露荀配搭，使菜式更加高貴。🫖金網香芒鮮蝦捲金網香脆可口，入面捲有蝦肉及芒果蓉，製作較難，一般酒樓通常少有這麼細緻。🫖帶子菜苗餃賣相十分精美，好似一架小船仔。帶子爽口，菜苗餃咸道適中，相當高質。🫖蟹子蒸燒賣燒賣正常發揮，大大粒，新鮮即蒸。幾款點心都無令人失望，值得一試。🛎️必試指數：9/10🔆

一直都有幫襯開前身嘅“孔夫子” （銅鑼灣店、觀塘店），屬性價比高嘅高質中菜/ 嘆茶之選，2間店復常後都逃不過結業命運，非常可惜。最近改名為“張公子”，即刻約兩老去試菜，裝潢冇乜變，食物水準大部分都保持到。 $258 招牌張公子叉燒✨8.5/10仲好食過某間米豬蓮熱店，必點！ $68 桂花淮山 7/10 爽口、健康養胃，做餐前開胃小食唔錯。 $168 黑松露芝士焗文昌雞 8.5/10份量都幾多，外觀似焗飯，食落芝士同松露都好香，有驚喜👍🏼另外點左蝦餃（唔錯！）、潮式蠔仔餅（少蠔仔，可以不吃），店家仲送糖水（南北杏雪耳木瓜），公子有禮 👲🏻🙏🏼，下次回頭再試其他點心/ 菜式。

張公子是一間中式酒樓。餐廳都頗大，還有電視📺睇。晚上7點幾到都已經差唔多坐滿人！茶位每位$18嗌左菊普，入口有菊花香～😍❤️張公子叉燒有火「烘」住，保證幾時食都咁熱👍🏻。叉燒有蜜汁淋在上面，食落甜甜地～叉燒切成厚身，半肥瘦，入口有脂香，肉質較腍身易咬～重有d甜納豆。❤️蝦球3隻蝦球上淋上檸檬醬汁，食落酸酸甜甜好醒胃！蝦球上還有露荀，這道菜看起來很精緻。❤️鮮腐竹蕃茄浸菜苗這道菜式全是素菜，沒有一點肉，我鍾意❤️👍🏻。菜苗是菠菜。鍾意呢道菜夠清～👍🏻 蕃茄為此道菜添上酸甜味，食起來更開胃。

同屋企人食飯，發掘下唔同嘅中菜，食嚟食去都係果幾間有時都好悶，呢間張公子位於觀塘工廈裏面，裝修都唔錯，坐得舒服，枱與枱之間唔會太迫～🔘張公子叉燒半肥瘦黑毛豬，幾厚切，口感好柔軟，蜜味香濃，碟底有小火暖住，食到最後都仲食到暖嘅叉燒～🔘艷影蝦球未食過咁大粒蝦球，我諗最少有三隻蝦喺入面，蝦肉爽彈新鮮，酸酸甜甜嘅醬汁非常加分~蝦球同叉燒都係呢度嘅招牌菜式，果然冇令人失望係幾好食!! 👍👍🔘生煎蓮藕餅金黃色蓮藕餅，賣相幾統一，食到蓮藕粒嘅爽脆口感，店員話呢度嘅蓮藕餅真係慢火煎至金黃色，其他餐廳好多都係油炸，難怪帶肉香得嚟唔油膩~🔘竹笙玉書豆腐冇叫到菜都要叫返個豆腐食下，豆腐超級滑，薄切好考刀功，淋上竹笙芡汁，屬於味道清淡啲嘅菜式~最後仲有糖水送，木瓜雪耳糖水好滋潤，今餐屋企人都幾滿意，服務同食物都出色~

呢次嚟到觀塘同友人嚟咗呢度食中菜 估唔到會咁滿意㗎😺 店員服務好好 呢度嘅茶葉都好特別 我哋今日嗌咗龍井🍵艷影蝦球呢個蝦球個名真係冇改錯 真係非常驚艷🤩 拳頭咁大嘅炸蝦球真係好吸引 入面隻蝦真係好大隻 外層嘅黃色醬汁係香芒汁 酸酸甜甜配埋炸蝦 一啲都唔油膩🍤 一個人食兩件都唔過分呀張公子叉燒呢一個叉燒半肥瘦 非常吸引😉 呢度嘅豬肉揀得好靚 完全唔會過腍或者過韌 亦都冇乜雪藏味 呢個蜜汁叉燒好juicy 擺盤精緻 而且下面仲有個蠟燭慶住 就算唔係即刻食晒都唔會因為凍咗而肥膩🐷生拆蝦餃皇每次飲茶都會想試吓嗰度嘅蝦餃🥟 呢個蝦餃🍤粒粒飽滿 入面嘅蝦仁同埋豬肉份量都好足夠 而且層皮真係晶瑩剔透 如果層水晶皮可以再薄啲就好啦 一定要熱熱辣辣食啊☺️張公子招牌腸呢個招牌腸入面有香脆脆網 冬菇 馬蹄 紅蘿蔔絲等等嘅配料😺 真係好足料啊 呢啲特別嘅腸粉真係唔係度度有得食 佢層腸粉皮仲好好食添啊鮑粒啤梨鹹水角呢個鹹水角造型特別 好似個啤梨一樣🍐 淨係望到已經好開心 入面嘅鹹水角同坊間茶樓嘅餡料唔一樣 入面有鮑魚粒 冬菇粒 蝦米 外層就係黃色嘅煙韌炸皮帶子芋蓉盒呢個芋蓉盒有個酥脆嘅外皮 而入面就有一層好厚嘅

今日去咗觀塘駿業街一間工廠大廈樓上食中菜呢間中菜廳偏向高質裝修環境好特別，上到去唔算太多人。招牌黑毛豬叉燒今次我哋叫咗招牌黑毛豬叉燒，叉燒用上咗半肥瘦嚟整，肉質咬落軟腍面頭佈滿蜜汁真係令人回味無窮。幻影蝦球呢款幻影蝦球外面嗰層炸得好脆口，而且炸粉唔會好厚，入面隻蝦超級大隻入口十分彈牙爽口，配埋啲醬汁酸酸甜甜非常清新。筍殼魚片湯魚片肉質非常鮮嫩，可以另外配上胡椒粉更添風味，魚湯入口十分鮮甜。整體來講，餐廳質素屬於高尚非常適合一家人去聚餐。

張公子將中菜做得精緻又時尚，口味細膩，引領出絢麗千味的中式飲食文化，張公子菜色其色、形取其近於自然，道道美饌十分出色，讓人再三回味。陳年的淬煉使普洱散發出茶香味，非常適合平時喜愛品茶的人，深褐色的茶湯一點也不澀，即使回沖幾回，普洱還是有回甘的滋味。叉燒在酒樓很常見，但做到出色不容易，張公子的黑毛豬叉燒嚴選優質黑毛豬肉，以微微炙燒的方式，在叉燒表層燒出晶瑩薄脆的糖層，完整包覆黑毛豬叉燒，黑毛豬叉燒肉質外脆口，內軟嫩，甜美鹹香，味道層次豐富，是道費工的菜餚。姨姨總覺得桌上一定要有一碟蔬菜，飲食才均衡，米皇淮山浸菜苗清甜鮮嫩，米皇的香氣更有畫龍點睛的效果，這米皇淮山浸菜苗看似平凡卻不簡單，雞湯很提鮮，爽脆的淮山甜味有被帶出。銅鍋魚湯石爆桂花魚以特製的銅鍋岩石爆香桂花魚和蔥頭，然後注入魚湯精華熬煮，那種原汁原味的極致魚鮮甜味，一生至少要嚐一次，不然要捶胸了。桂花魚嫩度破表，新鮮飽滿一級棒，銅鍋魚湯非常純粹，滿滿的海鮮味，難怪喝過的人都說讚。艷影蝦球無敵大顆，很難一口送入嘴，蝦球淋上張公子自家製的芒果汁，甜在心頭。艷影蝦球外層微微金黃酥脆的炸粉毫不厚重，蝦球爽口彈牙，有著香芒的甜滋滋，吃了一個艷