張公子

营业中

休息中

朋友帶我去左一間係觀塘的隱世中菜館，環境寬敞樓底高，坐得幾舒服。鮮腐竹蕃茄浸菜苗 ＄122蕃茄鮮甜，腐竹好滑溜，覓菜新鮮，好健康嘅一道菜色。珊瑚藕卷 ＄128蓮藕切成片狀，包住加咗馬蹄粒嘅豬肉，增加口感，好精緻嘅菜式！香炸欖角骨 ＄155熱熱辣辣上枱，欖角骨炸到皮脆肉嫩，加入欖角有一種獨特嘅鹹香味道。奶湯雲吞煲 ＄138四粒大大隻嘅雲吞，入口全部係爽口彈牙嘅蝦肉，真係皮薄餡靚！湯底清甜，仲有幾棵翠綠白菜仔。

觀塘呢間中菜真係幾唔錯，新裝修，野食唔貴又精緻，比起一般酒樓感覺高級啲但又唔會好貴。。🥢珊瑚藕卷 $128：呢款珊瑚藕卷幾特別！用蓮藕包住豬肉餅，外脆內軟嘅口感真係一絕！整得啱啱好，入口有淡淡脆脆嘅藕味同埋鮮甜嘅豬味，真係好開胃！。🥢艷影蝦球（2粒）$50呢個蝦球真係必點！勁香嘅蝦球經過特製醬料（芒果汁）再炸，賣相超誘人！每一啖都可以感受到新鮮嘅蝦肉同芒果汁，正正正！。🥢米皇淮山浸菜苗 $122：淮山浸菜苗既淮山爽口，菜苗嫩綠，再加埋米皇嘅香味，真係令人食得停唔住口！。🥢黯然銷魂炒飯 $140：黯然銷魂炒飯可謂係高手之作！入口即化嘅米粒配上豐富嘅叉燒、雞肉同蛋絲，每一口都食到美味。重點係大大碟！唔貴

今晚係觀塘工業區嘅中式高級酒樓張公子食晚飯🥰 環境雅緻，枱與枱之間好闊落，私隱度高，係飲茶傾偈嘅好地方🫶🏻🌟中國茗茶$18/位🌟張公子叉燒$258賣相吸引，肥瘦均勻，厚切食落啖啖肉，肉質腍滑一啲都唔韌，係💯分叉燒，好滿足☺️🌟奶湯雲吞煲$138上枱熱辣辣，雲吞皮薄餡靚，蝦肉超新鮮爽口彈牙，白菜仔好腍甜高質🥰🌟張公子炒米粉$128米粉炒得好乾身香口惹味，碟底冇油，配搭五花肉，蝦乾，芽菜，韭菜，炒蛋一齊食層次更豐富🤩🌟鮮腐竹蕃茄浸菜苗$122健康又有創意嘅菜式，蕃茄湯底酸甜開胃，中和咗中式菜嘅油膩感，清新之選😃觀塘工業區少有嘅靚中式餐廳，真心推介俾大家🫶🏻

觀塘食中菜既選擇唔係好多，最近揾到一間係工廈入面既張公子，屬於中高檔既中菜館。餐廳裝修古色古香，環境闊落，枱與枱之間唔會好迫，而且仲有獨立廂房，好岩同朋友聚會。菊花茶 $18/位菊花茶甘甜清香，而且熱水有蠟燭保溫，沖出黎既茶溫度剛剛好。艷影蝦球(2隻）$70蝦球除左賣相靚之外，味道仲好驚艷！蝦球好大隻，口感爽彈，炸粉脆薄，外層芒果醬汁酸酸甜甜，好開胃！生煎蓮藕餅 $138蓮藕餅其實係煎肉餅，肉餅煎得香脆唔油膩，中間配上爽脆既蓮藕，口感層次豐富！鮮腐竹蕃茄浸菜苗 $122平時食菜都係普通清湯，呢個係用蕃茄湯底，仲配左去皮蕃茄，味道清甜，菜苗同鮮腐竹好嫩滑，而且仲好掛湯，不錯！鮑汁花膠絲撈粗麵 $170花膠切成幼絲，同粗麵融為一體，每啖都有花膠同麵，粗麵爽口，吸收晒鮑魚汁味道，好食！整體食物高質有創意，環境舒適，會再黎試下其他招牌菜式。

「張公子」係一間位於市中心嘅高級餐廳，環境舒適，裝潢雅致，服務貼心👌。上星期同朋友去咗嗰度食晚飯，真係有驚喜！🤩首先，我哋叫咗火焰松露野菌文昌雞，真係一道令人嘆為觀止嘅菜式！🔥🍄雞肉鮮嫩多汁，配上滋味濃郁嘅松露和香氣四溢嘅野菌，口感層次豐富，令人回味無窮。絕對係要推介嘅一道菜！👍接下來，我哋試咗鮮腐仃蕃茄浸菜苗。嗰個蕃茄浸汁酸甜可口，同埋蕃茄本身嘅鮮味完美融合，令菜苗更加鮮嫩爽口。真係一道清新開胃嘅菜式！🍅🌱最後，我哋品嚐到珊瑚藕卷。佢嘅外觀好靚，經典嘅紅色珊瑚鮮艷夺目。藕卷內部包裹住鮮美嘅餡料，咬落去有脆口嘅口感，配合鮮味十足嘅醬汁，味道鮮美又有層次感。一道精緻嘅菜式，絕對係令人驚艷！😍🌺整體嚟講，「張公子」嘅菜式絕對值得推介！食物質素高，味道出色，每一道菜都展現出廚師嘅精湛手藝。加上餐廳優雅嘅環境同貼心嘅服務，真係一個適合與親朋好友共聚嘅地方。下次再去「張公子」，我一定會再嚟品嚐其他菜式！👏🥢

近排鐘意食中菜，好似有菜有肉健康啲咁，近我嘅觀塘都好多中菜選擇🍤蝦球3隻💰$76呢個最好食！炸粉唔厚，啖啖蝦球肉，醃得夠味，有啲檸檬汁更開胃🐮淮山牛柳粒💰$108牛柳粒好腍，平時少食淮山，口感爽口少少粉嘅感覺🥬蟹粉菜苗💰$148菜苗係菠菜苗，鐵質豐富，蟹粉當然生色不少🥢鮑汁花膠絲撈粗麵💰$170聽到都覺得吸引嘅，鮑汁撈粗味道好食，質地彈左，仲有花膠絲好滋補🚩張公子 (觀塘)📍觀塘駿業街58號3樓

帶子菜苗餃 三件 ($48)賣相十分之吸引，似金元寶放上帶子。帶子好大粒而且爽口彈牙，菜苗餃咸道適中，高質精緻鮑粒啤梨鹹水角 三件 ($48)好特別喎，用可愛啤梨🍐既造型設計，但其實係鹹水角黎🤣，啤梨既外皮煙煙靭靭重有少少甜甜地咁，而D餡就好香乾榣柱味，重有冬菇粒同肉粒，呢個幾特別，夠晒創意蠔皇叉燒包 三件 ($42)普普通通張公子叉燒腸粉  ($55)皮幾薄晶凝中國茗茶 每位 ( $18)叫左香片，另上一壺燒住既滾水，飲荼最緊要夠熱，係加分既

最近上網睇到喺工廈有間裝修幾靚嘅酒樓，點心賣相又吸引，所以呢日就約埋朋友黎試一試。雖然喺工廈入邊，不過餐廳都幾乎已經坐滿客人。餐廳可以用手機落單，非常方便。我地叫左鐵觀音，茶味清香，而熱水亦都會有蠟燭去熱住唔怕凍。帶子菜苗餃有三隻，很大片，而且帶子都新鮮，菜苗餃當中亦都有蝦，增加口感，蝦肉爽口，而且菜苗很嫰，餃皮亦很煙韌同夠薄。百花釀魚肚百花非常彈牙，亦很大粒，另外魚肚口感柔軟，面頭有蟹籽增加美感，同埋呢個點心有用蛋白打左個芡汁，亦都配有西蘭花。蟹粉小籠包小籠包有3粒裡面嘅湯汁都充滿住蟹嘅鮮味，而且本身小籠包入面嘅肉帶有鮮甜味，小籠包皮薄餡靚。XO醬煎腸粉XO醬唔會太辣，而且調味啱啱好，很香濃XO醬味，配上芝麻同蛋絲，腸粉亦都很滑身。豉汁蒸鳳爪：鳳爪很入味，而且份量都夠多。呢度食物質素高，點心師傅相當有功架，而且點心嘅設計都很用心思，亦都幾抵食，下次有機會再同屋企人黎食多次，因為今次兩個人未能夠食到好多，下次可以再食多幾款點心。

朋友帶到觀塘樓上鋪酒樓，入餐廳門口古昔古香裝修優雅，店內舒適寬敞，枱與枱之間有距離，店員服務周到，坐得都幾舒服，可以慢慢坐飲杯茶高質點心一盅兩件，都幾舍意 鮑粒啤梨鹹水角 鹹水角啤梨造型都幾別緻，煙靭香脆外層，入面餡鹹鹹地仲有粒厚鮑粒好足料 帶子菜苗餃菜苗餃好足料，鮮蝦菜苗做餡，上面加粒帶子，都縛大隻，食落新鮮鮮味 XO醬蘿蔔糕蘿蔔糕布滿櫻花蝦加上XO醬少少辣，入口好香口惹味 蠔皇叉燒包 叉燒包蓬鬆鬆的包皮，一剝開香氣四溢，叉燒餡蜜汁鹹甜適中，回味無窮的

週末終於有時間和朋友來到張公子品嚐名菜。我們點了幾道招牌菜。奶湯雲吞煲。雲吞個個飽滿似金元寶,可以看到裡面全是新鮮蝦仁,一口咬下去蝦仁多汁鮮甜。雲吞皮薄而有嚼勁,奶白色的湯頭鮮美,整碗下來真是暖胃開胃。啫啫海參炆文昌雞煲也很美味,海參和雞肉共煮,雞肉很嫩,海參也很入味。配菜有香菇、木耳等,雞湯濃郁,很有食療效果。鮮腐竹蕃茄浸菜苗是清淡解油腻的好選擇,腐竹很滑,蕃茄甜美,和菜苗一起吸收了雞湯的鮮甜。香炸欖角骨外脆內嫩,骨頭裡的骨髓更是肥美,佐以香蒜蓉,風味十足。整體而言,張公子的食材新鮮,菜式傳統又創新,味道正宗,是一家值得推薦的高質中餐廳。下次和家人來還要再嚐嚐其他招牌菜,相信也不會讓人失望。

想喺觀塘區食間好少少嘅中菜，所以揀咗張公子，坐得舒服環境又闊落。〈秋葵芥未炒帶子〉🥬⚪️秋葵其實係非常健康，但係唔係個個鍾意食，不過餐廳用上咗芥末黎炒十分惹味，另外帶子亦都非常新鮮非常大粒。〈四扣碗〉- 其實係小食拼盤，今次包括珊瑚黃瓜🥒陳醋水晶肴肉🥓黑毛豬叉燒🐷深山小雲耳👂🏻中餐份量通常都比較多，所以好難可以試好多款餸，呢個拼盤就可以一次過試晒四款真係好正。黃瓜酸酸辣辣好開胃；雲耳嘅汁係日式豉油芥末味，好新奇；水晶肴肉就好似食緊肉既啫喱咁，清爽彈牙，陳醋部分可以解膩；叉燒係最推介，叉燒厚切得黎亦都燒到非常香，肥瘦啱啱好，油脂感飽滿，難怪係招牌之一！〈鮑汁花膠絲撈粗麵〉🍝🪸粗麵鹼水味唔重，花膠絲份量非常多，鮑汁味亦都好濃郁，加埋大量蔥絲好清爽。〈生煎蓮藕餅〉🫓蓮藕餅煎得非常乾身香脆，唔會太油，而且配上馬蹄更加增加口感層次感，推介！

自己一直以來都好鍾意食中菜，知道觀塘佢開咗呢間餐廳之後，成日都已經想跟朋友一齊嚟食；餐廳環境寬敞，而且茶都有好多款可以揀，我自己就鍾意菊花同埋普洱。首先前菜，我地先叫左一客蝦球，$50，用上西檸汁，炸粉包住大大粒蝦，甜度中和左油膩感，不錯。之後我地叫左一客淮山牛柳粒，牛柳肉質軟滑，不軔，醬汁香濃，非常好食。再之後我地叫左一份鮮腐竹蕃茄浸菜苗，有頗為清甜的蕃茄湯，伴著新鮮菜苗，能開胃之餘亦可中和油膩。再之後我哋叫咗一份火焰松露野菌文昌雞，店員特別用火再燒一切雞身，松露味更突出更香，雞肉尚算嫩滑。最後我地食黯然銷魂炒飯，餐廳特別用咗木魚，加入少少日式Fusion去整呢碟飯，在中式上加點創意是值得欣賞。

💡高質中菜館與朋友慶祝日子，特別搵了間高質食店，一入去已經比佢大大個招牌吸引住，充滿古色古香，好特別。而入面裝修現代簡約 ，寬敞大氣，食物選擇多，且好高質。🍽火焰松露野菌文昌雞🐓呢個一黎到先用錫紙包住隻雞先，店員再點火燒到，將味道迫出，好香松露味，之開見到份量都幾多，有不同野菌，而且雞仲好嫩滑，佐得一試，有驚喜。🍽張公子炒米粉叫得招牌菜，當然有番驚喜，用上雞蛋及蝦乾去炒，令到米粉味道好香，而且米粉炒得夠乾身。🍽珊瑚藕卷好有特色的菜式，望落平平無奇咁，藕片入面包著免治豚肉，簡單加上加上葱花和豉油，味道已經好突出，好好味。🍽花膠絲浸菜苗 一道比較淡口的菜式，多了花膠絲後，令到味道多了層次，菜苗好鮮嫩，夠清新。

放假想同屋企人坐得舒服嘆下靚茶，但普遍酒樓都好多人好嘈，又要等好耐先攞到位，所以有朋友介紹呢間係駿業街觀塘工廈，係apm行過去都好近😄一入餐廳已有種古昔古香既感覺，中式得黎又好優雅既氛圍，幾吾錯！吾算多人，枱與枱之間吾會好近，坐得舒服，吾會有壓迫感，可以慢慢坐慢慢傾😂重點係整體點心食材質素好高👍🏻連咸水角裡有鮑魚就知不是一般酒樓點心！賣相又好睇😋潮式上湯牛肉球，啲湯好清甜，忍唔住飲埋啲湯🤪岩哂追求環境同食物質素嘅朋友😊

炎夏的放工時段游走於觀塘，可謂EQ的考驗，因此當走進寧靜又冷氣充足的中菜館，立時有走進了人間仙境的感覺。偌大的廳堂在剛過六時的時段只有幾枱客，沒多久客人陸續入座，想不到看似隱世的樓上中菜館會吸引那麼多顧客呢，看來相當受歡迎啊！點了淮山牛柳粒、奶湯雲吞煲、生煎蓮藕餅和鮮腐竹蕃茄浸菜苗。食物上枱時都是非常溫熱的，整體食物水準高。個人特別喜愛湯類和餃類，因此奶湯雲吞煲相當合口胃。雲吞足料大粒、鮮蝦爽口。生煎蓮藕餅有粒粒蓮藕，亦煎得香脆！另一大愛菜式是鮮腐竹蕃茄浸菜苗，其實三種皆非個人特別喜愛的食物，是吃下去後始發現的美味，蕃茄出乎意料地鮮甜，是吃得出的新鮮，腐竹細滑有豆香之餘還掛滿湯汁，菜苗亦是吃得出的幼嫩，讚！唯一較為一般的是淮山牛柳粒，其實味道不錯的，稍嫌牛柳粒偏肥。環境方面，枱與枱之間能保持一定的距離，不會過份密集，服務亦不錯，是回頭之選！