張公子

营业中

休息中

今日去咗觀塘駿業街一間工廠大廈樓上食中菜呢間中菜廳偏向高質裝修環境好特別，上到去唔算太多人。招牌黑毛豬叉燒今次我哋叫咗招牌黑毛豬叉燒，叉燒用上咗半肥瘦嚟整，肉質咬落軟腍面頭佈滿蜜汁真係令人回味無窮。幻影蝦球呢款幻影蝦球外面嗰層炸得好脆口，而且炸粉唔會好厚，入面隻蝦超級大隻入口十分彈牙爽口，配埋啲醬汁酸酸甜甜非常清新。筍殼魚片湯魚片肉質非常鮮嫩，可以另外配上胡椒粉更添風味，魚湯入口十分鮮甜。整體來講，餐廳質素屬於高尚非常適合一家人去聚餐。