張公子

营业中

休息中

✨觀塘區高質中菜「張公子」要說到觀塘區的高質中菜，不得不推薦位於駿業街的「張公子」。「張公子」的 前身是「孔夫子」，餐廳依舊把高質美食延續，在古色古香，帶庭院特色的環境用餐，別具特色。必試的當然是店中的七大名菜，這次只是2位女士用餐，但我們選擇了其中四大名菜品嚐，實在叫人滿足。✨ 龍皇吐霧酒香鮮鮑魚一道具詩情畫意的前菜，店員會即席製作煙霧泡泡效果，仙氣十足，打卡一流。一客有2隻原隻鮑魚。味道方面，鮑魚已預先切半，帶淡淡油香，伴以杏鮑菇片，清涼的前菜，除了貴氣，還有仙氣。🐟 筍殼魚湯 奶白色的魚湯，入口鮮甜，配上魚片，絲瓜，草菇，實在叫人回味無窮。🐷 伊比利亞叉燒皇 $248叉燒皇果然是名不虛傳，半肥瘦叉燒放在小火爐上保溫，保證客人吃到的每一口都是暖呼呼的叉燒。讓人愛不釋口的是叉燒肥瘦均勻，肉質軟腍，充滿肉汁。叉燒能做到外焦香，內軟腍，外層掛上特調蜜汁，屬高質之作。🍤 艷影蝦球 $198金黃圓渾的炸蝦球，外層炸漿厚度適中，以特調芒果汁會整到好脆口同熱辣辣。有檸檬汁令到更開胃🤗🍲 奶湯雲吞煲 $138奶白色的上湯燴煮粒粒飽滿的鮮蝦雲吞，雲吞餡料全是鮮爽蝦仁，足料美味。加上清甜爽脆的學斗白菜

今晚到張公仔食晚飯，位於觀塘駿業街58號3樓。 餐廳前身是孔夫子， 店內的裝修擺設跟之前的差不多， 環境舒適。 餐廳以中菜為主🥢， 我點了艷影蝦球、 黑毛豬叉燒、 通菜煲、銅鍋魚湯石爆桂花魚、 冰糖雪耳糖水。 ▫️艷影蝦球 ～ 蝦球大大粒， 口感爽口。 ▫️黑毛豬叉燒 ～ 肉味香濃， 口感很鬆軟， 厚切肉嫩。 ▫️通菜煲 ～ 惹味通菜煲，炒得夠爽脆。 ▫️銅鍋魚湯石爆桂花魚 ～ 桂花魚切片，然後放入銅鍋烹調， 魚肉鮮嫩，湯頭香濃美味。 ▫️冰糖雪耳糖水 ～ 最後每人送一碗冰糖雪耳糖水， 滋潤清甜。 整體質素依舊不錯， 是一間有質素的中菜廳😊。🏷️溫馨提示～ 整個用餐體驗均屬個人分享意見， 只作參考😊。

🫖放假同媽咪去左飲茶，本身佢都好鐘意飲茶，見到尼間未試過，就決定試下😆🔸張公子叉燒叉燒係餐廳既招牌菜👍🏻用左黑毛豬去整，叉燒半肥瘦，肉質好軟腍，叉燒既油脂好香，🍯面頭既蜜糖好有黏性，做到拔絲既效果，🕯️底下有個蠟燭座住，保持住個溫度🔸幻影蝦球🍋味道酸酸甜甜，一啲油膩感都無，外層好脆卜卜，粉漿唔算好厚，咬開入面全部都係蝦肉🦐，好足料🔸金網香芒鮮蝦卷同平時食到既春卷唔同，係表面多左層米網紙，所以食落去更加脆，入面除左蝦肉，仲有芒果肉粒🥭，配搭令口感更加清新，配埋則邊既芒果醬，芒果果更香濃😋🔸蟹粉小籠包唔洗蟹季都可以食到😍小籠包入面有湯汁，味道好鮮甜，🦀蟹膏既味好香濃🔸鮑粒啤梨鹹水角🍐淨係外形都加分，外脆肉軟，入面有鮑粉、🐽豬肉粒同冬菇粒，冬菇味好香，食落鹹鹹香香

👨🏻‍🍳公子有會。飲個靚茶👨🏻‍🍳-最近去觀塘參加啲手工班 所以成日都去揾吓有咩好食😉 今次就帶埋媽媽一齊去飲茶 食吓點心😋-🐖張公子叉燒 $258見佢係餐廳特別推介 即刻叫咗佢 果然名不虛傳 好有台型🤣 佢用咗伊比利亞黑毛豬 所以肉質都幾唔錯 嫩得嚟肥瘦適中 唔會燒到好乾柴 因為佢係厚切 有啲似食扒咁 加上麥芽糖同叉燒醬 送飯一流😎-🦀蟹粉小籠包 三件 $68小籠包皮都幾薄 外層有啲蟹粉 加上內餡啖啖肉之餘好夠湯汁 所以要小心啲 唔好碌親😚-🍤生拆蝦餃皇 四件 $60蝦餃大大粒好飽滿 入面蝦肉都好多 個皮煙煙韌韌 唔錯😎-🍐鮑粒啤梨鹹水角 三件 $48呢個造型成個啤梨咁 其實係鹹水角 佢嘅餡鹹鹹甜甜 因造型關係主要集中左係下半部份 所以上半部份就主要係煙靭嘅皮-🦐艷影蝦球 $50呢個同名一樣都幾驚艷😍 佢其實係檸檬醬炸蝦球 炸衣都算簿 入面蝦都幾多隻 爽口彈牙😋 加上佢賣相靚靚 有酸酸甜甜檸檬醬中和番炸物嘅油膩感😙-🥟蟹子蒸燒賣 四件 $52燒賣都係好飽滿 食落饀料肥瘦適中 都算有啲肉汁 加上蟹子 唔錯-🪿天鵝流沙紫米酥 $48呢個又係靚靚造型嘅點心 texture有啲似平時食嘅蘿蔔

👧🏻😋👅🍽✨觀塘高質中菜廳🥰-張公子🇭🇰 觀塘駿業街58號3樓 🇭🇰-🥢去中菜館最鍾意同姐姐吹水😂 呢度年頭先開但已經好多熟客, 閒日夜晚都好忙, 食完我就知點解🥢食材係比較名貴, 當然單點價錢上唔會太平, 但係幾值得; 環境同服務都超好, 可算係觀塘區較出色中菜廳🥢仲要有喜慶菜單, 有乳豬有魚有翅有雞既12位套餐都係$4980, 今次試左下次會帶埋親戚黎食飯-🐷 黑毛豬叉燒 $258💯只應天上有既叉燒🥰 肥而不膩, 軟腍又有少部份爽口; 厚切叉燒淋上桂花蜜糖漿同黑毛豬肉味道超夾-🐠 筍殼魚 時價 $21/兩銅鍋石爆魚湯 另加HK$160✨店員幫忙將魚塊放落高溫石頭上, 放入蔥頭, 蔥同芫茜, 再倒上清澈既魚湯, 焗幾分鐘就飲得啦✨魚肉嫩滑, 個湯有少許胡椒, 好鮮甜, 一鍋湯裝滿左5大碗, 慢慢飲放凍左都完全唔腥-🍤 艷影蝦球 $198💯每件蝦球都有兩隻大蝦係入面, 炸粉酥脆蝦肉爽口, 配上店家自製吉士檸檬醬好清新-🥮生煎蓮藕餅 $138✨出面見到嘅蓮藕餅多數都係炸, 呢個煎但都不失香脆; 豬肉夠肥油香十足又juicy, 蓮藕粒切到好碎咬落超爽口-🥬竹笙扒翡翠 $138💯竹笙份量好多

黑毛豬叉燒必試！平日諗住你試吓呢一間觀塘 許公子竟然Walk in去唔到，唯有等一個禮拜之後，訂位去食，都幾有驚喜！唔黑毛豬叉燒係有用火熱住，好有誠意！可試吓啦！門面裝修超靚😍燒賣蒸鳳爪幾好食招牌腸粉灌湯餃八旗泡飯

🫖茶界每位 $18 另收加一🍤艷影蝦球 (六件) $150 (10/10)酸酸甜甜，似係用咗芒果汁，即叫即炸蝦球非常大粒好爽口彈牙！好好食。🍴帶子芋泥盒 $48 (8/10)炸得好酥脆，芋頭冬菇蘿蔔西芹，好清香有芋頭嘅香味，帶子好嫩滑！🍴百花釀魚肚 $50 (7/10)蝦膠好滑，好大嚿，魚肚都好軟腍，調味適中！🍴咕嚕黑毛豬 $148 (7/10)炸粉適中，唔算香脆，豬肉好嫩滑，唔鞋口，酸酸甜甜，呢個就正正常常！🍴鮑粒啤梨鹹水角 $48 (8/10)梨造型好可愛，好香脆，入邊有豬肉鮑粒冬菇，一啲都唔油膩，鹹鹹香香！🍴豉椒魚腩煎麵 $118 (7.5/10)麵炸好香脆，豉汁啱啱好鹹鹹香香，魚腩都唔會嚡口，不過比起點心呢個都係普通！推薦指數: 8/10嚟呢度食點心會好食過小炒主菜，精緻好多，小菜同出面差唔多都唔差嘅！

之前一直都有去孔夫子飲茶，貪佢服務好好，食物質素又高，環境又舒服，枱與枱之間唔會好甜，無論見客食飯或者同同事食飯都有空間。改名後來咗兩次，總共試咗10幾款點心，果然保持到質素，可能真係好似經理咁樣講，廚房都係原班人馬，所以出品同以前基本上冇分別。實在安心晒！

觀塘Gathering 好去處！改咗名之後試業, 之前都黎過飲茶，最signature 就係門口呢張Bar枱✅ 黃金鍋巴（$52）呢份前菜好得！鍋巴又暖又脆，唔油膩。再加埋咸蛋黃嘅味道，唔會太重手太咸，好食🥳✅ 椒鹽牛舌（$72）牛舌炸得好香口，因為係椒鹽味唔會腥，牛舌好嫩唔韌，唔錯架✅ 北京烤鴨兩食（$448+$138）好耐冇食過北京填鴨係你面前切，連x京樓都冇咗呢個service. 係面前切起碼會睇到係完整嘅鴨，唔會拎d 食唔哂嘅肉黎fill 個碟。鴨片得幾均勻，肥瘦適中，個皮幾脆。第二食嘅生菜包，鴨就炒得太水汪汪，夠味嘅，如果可以收一收汁重正。✅艷影蝦球（$198）呢個好好食，上枱時估唔到係整到咁大個球。要咁大個球炸粉係厚嘅，會整到好脆口同熱辣辣。有檸檬汁令到更開胃🤗✅張公子牛肋排（$398）呢個菜係侍應力推！賣相勁大碟,勁多蔥花。牛肋排整到好淋，入口即溶好唔錯！我應為係全晚最好食嘅菜😃✅蔥燒羊肉（$188）呢份比較細份，蔥味夠，羊肉唔蘇嘅，醬油味重，可以一試

北京片皮鴨二食叉燒艶麗蝦球(唔記得名)啫啫芥蘭特色炒飯名字𨍭了，但菜式裝修依舊，估計廚房舊有班底，食物保持水準。大部分午餐時候光顧，始終觀塘商務聚餐的選擇比較少，所以昨天晚上也去了。服務一般可能人手短缺問題，服務員友善，唯獨經理態度差到不得了。

最近上咗嚟同同事食團年lunch。佢lift位有啲隱蔽，要經過Sun mobile個門口行入去。一出lift就會見到間餐廳。上到去都好快有位，餐廳環境比想像中大/舒服。座低就叫啲點心同招牌菜嚟食，啲野食都好快上枱。佢個叉燒反而最surprise，食落唔會好乾身同埋鞋sap sap，肥瘦分明。最尾仲叫咗個魚湯飲，出面好少見將啲魚擺喺啲熱石上面，咁凍天氣飲，成個人暖曬，同埋佢都幾足料/唔腥，成圍枱人分啱啱好。

臨近新年，搵左呢間新餐廳一班同事一齊食餐好！前身係孔夫子，見佢寫係原班人馬。本身孔夫孔係openrice食評都唔錯。觀塘區黎講真係幾高質！我地唔係叫左好多點心，反而試左好多招牌菜。首先試既係前菜，四扣碗係由４款前菜組成，其中我最Like係秋葵吐霧鮑魚係有飄煙效果，睇得又食得公子牛肋排—肉好腍，配埋大量既蔥好好食黑毛豬叉燒—呢個大推，勁好食侍應話呢個係前身孔夫子既得獎菜式，個汁配搭係幾好味炒得好香，啖啖蛋香，足料芽菜有口感生魚片放係熱石上面燒，再加入魚湯。又係睇得又食得點心亦都試左幾款，其中柚皮做得好出色整體黎講，用餐環境舒服，地點方便，食物味道又好。絕對有下次！

今日中午經過觀塘市中心，見到幾張好 Sharp 嘅 Poster 話張公子試業就上去試吓。其實之前都有黎過，佢地位置幾方便，距離地鐵站大約5分鐘路程。之前好似叫孔夫子，依家叫張公子(突然覺得後生咗，活力咗) 。上次食過依間酒家出品唔錯，裝修幾有格調，今次佢地話原班人馬，就上去睇吓有無分別先。首先黎咗幾籠點心，佢地出品的確比同區其他酒樓高質。當中我最欣賞嘅係蝦餃王，上枱時熱氣騰騰，一蒸好即拿出來先有此效果，一咬落去已有汁慢慢的滲出，再加上外皮很薄，蝦肉彈牙爽口及濃烈的蝦香味，的確係必食之選。黑毛豬叉燒：原先對叉燒無咩期望，因為到處都食到，但依度嘅叉燒居然令我覺得有驚喜，肥瘦比例剛好，果然係頂級黑毛豬，口感一流又夠冧，再加埋黃豆一齊食.... 絕配!銅鍋魚湯石爆桂花魚：真係一個大銅鍋，眼見湯底已經淆煮到奶白色，用料好足，大大塊魚片難怪入口咁鮮甜好味。超級推介！芥蘭炒臘味：芥蘭菜我就最怕又苦又難咬，不過依間餐廳個師父炒得好有水準，唔會又硬又實，再加埋臘腸肉味香濃，質感細緻油潤、口感不錯。總括來講，酒家比以前做得更好，廚師手藝精湛，每道菜式也做到色香味俱全，下次一定會再幫趁!

琴日放lunch, 經過見到有人派leaflet話試業, 就同成班同事一齊上去試試!   之前都有上過去食, 啲職員就話宜家轉咗手,  所以個名改咗, 不過都喺同一班師傅!     環境冇變, 一出lift就見到signature 嘅bar枱, 我哋都比較晏食, 所以好快就有位座. 一座低即刻order叫蝦餃/燒賣/蟹粉小籠包!! 蝦餃/燒賣都喺啖啖肉, 之後成班人越食越開心, 仲加單, 銅鍋魚湯石爆桂花魚同埋黑毛豬叉燒! 不得不提個魚湯, 未食個陣都驚驚哋(本人好怕腥), 一飲, 成個人即刻暖曬, 竟然一啲都唔腥, 之後每碗都好多魚肉, 夠滑/鮮. 佢仲有小小胡椒調下味, 好正~ 另外就喺個黑毛豬叉燒, 真喺好正, 佢入口唔油膩, 有啲溶化嘅口感. 唔會有啲肥, 有啲瘦!一定會再番嚟食~~ 試埋佢其它野食!