岩鹽日本料理 (利舞臺廣場) (已結業)

今日行完aland發現樓上有好多餐廳，search完之後就黎試下呢間～前菜叫左個紫薯蓉薯仔蟹籽沙律：呢個沙律既蟹籽份量好多，拌勻黎食係啖啖薯仔同蟹籽，紫薯蓉好甜～不過呢個沙律會比較飽肚d哈哈蟹肉芒果薄餅卷：入面材料豐富，食落好fresh，個薄餅係好薄，有dd似凍既手抓餅既感覺，不錯～鴨肉大蔥串燒大蔥既香味滲左入肉到，所以唔會有鴨臊味～安康魚干配檸檬酢食落有d似吞拿魚，加左個檸檬酢酸酸地，啱做開胃菜～黎到梗係要試下釜飯，因為我地都未食過咩叫釜飯，職員都好好咁介紹返，又教我地應該點食～佢就推介我地食呢個當造既魚～首先上左菜之後要等一陣，到個沙漏⏳停左先好打開蓋～入面有好多栗子🌰，都好甜下。個釜飯係好清淡既，鍾意食清淡同鮮味既朋友可以試下～食到一半之後我地就倒左特配既茶，變成茶積飯～個茶唔錯！

天氣開始凍，食番個日式釜飯先，係一個好特別既選擇。我都想讚吓呢個釜飯，口味係比較清淡(日式既一貫所風)，唔會好似我哋食煲仔飯咁食得燶，但係仍比到你好溫暖既感覺。中國人會用臘腸、臘鴨等較濃味的食材，而日式的都會用到牛、海鮮等去做，總有一款啱你口味。今次我就食咗魚的釜飯，覺得味道好清香，有鮮魚香，好似我哋自己蒸魚既口感，滑滑的。 食完啲飯如果你唔飯蕉的就可以將啲紫菜同埋茶倒落個釜飯度，經過浸泡之後就可以攞嚟食，又係一種新嘅煮意。除咗釜飯，仲有其他日式串物選擇，香脆既口感加埋釜飯既温暖，係一個好新穎既感覺。]]]]]]]]]]]

聽朋友講呢度既釜飯出名，今晚就黎試下!平日都接近滿座，我地點左一個和牛釜飯，燒牛舌伴日本蕃茄，南瓜天婦羅同芒果奇異果炸蝦卷。燒牛舌伴日本蕃茄呢個配答幾得意，蕃茄好甜好令，果然係日本貨，而牛舌厚切彈牙，味道唔錯，不過油份太多。芒果炸蝦卷平時見得多，加埋奇異果都係第一次見，炸蝦幾大隻, 夾埋生果酸酸甜甜不過不失。而天婦羅南瓜就幾好食！好粉好甜！重點既和牛釜飯黎啦！先用沙漏等一分鐘先食得，一打開已經嗅到好香，個飯都好足料，有多塊牛肉，而且飯入面撈左銀魚同栗子，個飯本身都夠味，加埋個甜甜地既汁更好食。最後可以加入茶湯做茶漬飯，不過都係中意就咁食多d~飯既分量都好多，2個人都夠食！

和我媽媽一齊吃必定會吃日本料理本身諗住帶佢食原先的Monster Sushi點知上到去已經變成岩鹽日本料理所以橫掂黎到入去一試我地去到位都唔駛等可以直接入去而且唔使同人迫坐卡位我哋叫咗雜錦燒肉御膳真係好玩又好食呢😂啲牛肉或豬肉想煙韌定嫩滑隨你個人喜好而選擇燒耐啲定短啲當然佢啲食物好新鮮😘燒玉子真係滑滑溜溜啱啱好🐣之前食過一啲係太過熟變得口感太老芒果卷🍣上既芒果係甜的

等咗好耐想同朋友黎食既日式煲仔飯，真係別有風味。我哋伴既只係醬油，我哋愛食飯蕉，而日式既就係用醬油，紙菜同熱茶去完成整個釜飯。時間計好就開飯盒，今次揀個香魚釜飯，有點緊張，因為抱住"特別"既心態去食。味道係唔錯喎。香魚滑滑的，加點醬油好鮮味。本以為會多骨，但都可接受。飯有豆豆、銀魚仔、香菇等一齋煲，清香到呢！我覺得加點醬油感覺更美味。食到最後都要對付d飯蕉，方法係要先加入紫菜，再倒入熱茶，伴攪勻即可。咁樣就唔會黐牙!這個白鴿大葱串燒好味到不得了，肉質嫩滑，大葱未食過咁易入口，又乾身又林。

朋友見我近日做到五勞七傷， 就帶話我去食養生鍋，我最初以為是中菜， 點知竟然是日本菜， 好有驚喜，朋友話這個鍋上次食過好正， 不論營養價值同口感都一定滿足到我這個為死鬼。 朋友話這間好多人食， 要訂位早點去地方就腳，正在利舞台16樓，門面光潔易找， 出放式的設計，門外已經有接待員接待，朋友很醒訂左枱，講完訂枱號碼，接待員有禮地領我地到近窗口的庭位， 居高臨下， 右邊遠眺時代廣場，左邊睇到少許馬場境，景觀一流。室內裝修日式，有望街景位，又有舒服卡位，位置寬敞同一大班朋友食野都唔迫，不到六點半已經滿座，好彩早左來， 菜單圖文並茂， 非常清晰朋友話雖然這裡 釜飯出色， 不過如果有鮟鱇魚就一定叫， 因為一期一會。 真的好彩， 這裡剛做這養生鍋，立即叫返鍋。 它有兩款選擇: 一是配清淡的豆腐，另外是配濃味的味噌，我地選了後者定食份量不少，$272(已包加一), 價錢實惠， 賣相不俗，跟足日本傳統，有味噌湯， 醃蘿蔔，酸梅伴飯， 沙律開胃， 刺生新鮮。最特別是鮟鱇魚肝用醋浸著，魚肝香滑，無一點魚腥味， 食落口更是與鵝肝無分別， 入口漸漸溶化，不愧海中鵝肝。鍋內更精彩， 魚的不同部位都放進鍋入， 可

來到銅鑼灣吃飯朋友說很肚餓想吃米飯，我則想吃日本菜，選擇了一間日本餐廳吃釜飯，既是日本菜又可吃熱的米飯，一舉兩得。我們被安排坐窗邊的座位，餐廳位於高層，看鬧巿的繁華景色，也不錯。日本紫薯拌薯仔沙律$68朋友和我吃不多所以選擇了一個釜飯及一個沙律便足夠了，為的其實也是聊天，比起吃飯更加重要。這個紫薯薯仔沙律上有大量的蟹子，另外有一球的紫薯及一球的紅豆蓉，下面則是薯仔蟹柳沙律。這個配搭比較新穎，上面是甜的紫薯及紅豆，下面的是酸微微的薯仔沙律，加上蟹子增添口感，味道也挺特別的，薯仔沙律本身做得蠻好吃。他的外型做得蠻有心思，拿來影相呃like也是一個不錯的選擇。和風牛肉釜飯$108除了這個沙律外我們叫了一個和風牛肉釜飯，牛肉釜飯是餐廳其中一個推介菜，釜飯來到時蓋著的，店員告訴我們一分鐘過後才可以開蓋，這樣焗一焗釜飯便會有一點飯焦。時間到打開蓋一看，食物排列得很吸引，還聞到特別的釜飯香味，牛肉煎香過，薄薄片蠻好吃，另外飯裡還有洋蔥、冬菇、吻魚仔、枝豆、栗子等，把半熟蛋黃搗破，滿滿的滋味。吃完上面的飯之後，剩下底部的飯焦可以加茶湯作茶漬飯，茶湯略嫌味道稍淡。菠蘿青檸梳打$38每次叫菠蘿味飲品，都很

每次經過利舞臺都見到好多餐廳，今次去呢間岩鹽試下佢除左散叫，分別仲有午市同晚市定食，價錢都唔太貴喎！搵日lunch過黎食先得，原本想叫個dinner set，但實在太想試佢呢到既釜飯，最後都係散叫。紫薯蓉特式卷用柴薯mix米飯🍚，入面又有蕃薯餡，面頭就有芒果舖面，食落酸酸甜甜好開胃！做開胃前菜一流🤤味噌醬燒黑豚肉串面頭係日本既味噌醬，配埋燒到香口又脆既黑豚肉，黑豚肉質嫩滑，仲好香口😋😋茄子田樂燒🍆味噌醬除左配串燒之外，原來配茄子都係咁夾😳😳茄子面頭有厚厚一層甜味噌醬，配埋Juicy既茄子，好好食。唔會好似平時係街食既蒜香燒茄子咁咸，我比較鐘意呢到既食法😆😆食左幾樣濃味既食物，店員推介我地叫個較清淡既鵝肝帶子釜飯好足料呀！有好大片鵝肝仲有帶子，帶子好厚身好新鮮😋😋仲配埋紫菜俾你包住d材料一齊食，好似自製手卷咁，好好玩食到最後再倒茶落去變茶漬飯，釜飯配埋茶香好易入口，好食😆😆

最近成日見到好多人介紹呢間岩鹽日本餐廳😋今次終於有機會黎試下原來呢間餐廳最出名係食釜飯😳😳仲有好多唔同款式既釜飯 款款都好吸引好難選擇🤣🤣三文魚牛油果米子卷😋好薄又晶瑩剔透既米紙包住三文魚，青瓜，牛油果仲有三文魚子😛一咬落去好豐富既層次，三文魚同三文魚子仲好新鮮，好好食😍吉烈忌廉蟹肉餅😋新鮮熱辣炸起，外脆內軟🤤🤤好香口好好食！重點緊係唔少得釜飯啦！好得意，釜飯一送到黎係有個沙漏，要等一分鐘之後先可以揭開個蓋🤣最後叫左個鵝肝帶子釜飯😋一開頭仲擔心鵝肝同帶子會唔會唔夾呢，原來唔會喎😳鵝肝係煎香左先擺落釜飯到，一咬落去充滿油香，再配埋味道較清既釜飯，味道一流🤤🤤當食哂d材料同一半飯之後，就可以將茶壺既茶倒落釜飯到，變為茶漬飯😋😋釜飯底部既飯焦配合埋茶漬，味道淡淡地但又帶點清香，兩個字：好食！難怪店員介紹既時候叫呢個做日式煲仔飯啦🤣🤣跟住飲左枝波子汽水作結😆😆好少可餐廳有得飲波子汽水，正！埋單一人都係平均200幾就食到咁高水準既日本料理，下次要再黎😋😋

當晚，跟好姊妹走到銅鑼灣飯聚，我們去了利舞臺廣場16樓的一間日式餐廳 <岩鹽日本料理> 食飯！ 未踏進店子，門面已見師傅忙於弄製釜飯！這間餐廳以岩鹽為主打，因此索性以此命名為其店名！供應的日式美食多元化！打開一大本餐牌，包括：前菜、沙律、刺身、壽司、創意卷物、一品料理、釜飯、燒物、串燒、炸物、酒類、飲品...等！這裡算闊落，我們被安排到近門口位置的第二張枱！有趣的是，跟這位好姊妹出街，總會容易碰見明星！早前才在中環蘭桂坊碰見林弈匡，意想不到，今次在餐廳的後桌第一張枱是陳細潔及陳細寶兩姊妹！當鄰座的食客把餐牌放上兩桌之間的位置，突然塵埃飛揚，我杯凍飲正是放在這裡！嚇到我都不敢再飲呀！ 恐怕衛生方面一般！勝在店員們眼明手快，都好醒目！主動過來加水！菠蘿青檸梳打 (少冰) $38當日的天氣尚算熱25至30度，因此叫一杯凍飲也不過份吧！ 我點了一杯菠蘿青檸梳打少冰，酸酸甜甜入口清新！而且冰涼透心，卻不是太凍容易入口！日本蕃茄沙律 $68沙律加油醋蕃茄沙沙，加上沙律菜新鮮爽脆，賣相色彩繽紛，令人很開胃！日本南瓜天婦羅 $58略嫌天婦羅炸漿太厚！然而，炸漿雖然香脆卻是厚身，南瓜很薄

朋友介紹這間日本菜比較新穎，不是吃普通的日本菜，看到menu有海膽生蠔及一些平常比較少見的魚。首先來一個蟹肉芒果薄餅卷$78，看樣子以為是有飯的壽司卷物，但原來這個薄餅卷沒有為飯的，只有蟹肉芒果及班戟皮。班戟皮微微熱的，有點中式的味道，配上酸酸甜甜的芒果再加上一些沙律醬及青瓜、蟹肉，十分特別，值得嘗試。另外要了一個安康魚天婦羅$98，安康魚是現在的季節魚，以前也沒有聽過。店員說用來做天婦羅挺好吃，所以決定一試看看，天婦羅配上一點岩鹽來吃，帶起了整個味道，而魚肉本身比較清淡，炸過後加上鹽就變得香口，像椒鹽，。另外吃了一個蟹味噌甲羅燒$68，甲羅燒除了蟹肉蟹膏外還有一點蟹子。這個甲羅燒看上去燒得太過火，但是吃下去也覺得不錯，不會燒得過老，而且味道不會過鹹，兩塊小小的法包也算剛剛好，不會令到要吃剩下蟹膏。算是來到一間新穎的日本餐廳作創新的嘗試。

好耐冇食好嘢啦 又到搞撈自己嘅時候冇錯 又喺銅鑼灣知道左間好嘢食 銅鑼灣洗美食真喺永遠食唔曬今次經朋友介紹尼左 岩鹽·釜飯雖然個名就標到明 釜飯應該喺主打菜但見到有個雜錦燒肉膳可以尼個一人和燒 咁就叫左個尼試下等左5到10分鐘就尼到啦「陣容」非常之鼎盛頭盤有沙律 同五色刺身沙律新鮮夠爽口 十分醒胃刺身真喺完完全全對得住個價錢同放題刺身級數完全唔同真喺正好鬼死多 從色澤到味道都無得頂食完前菜 開燒啦 錦爽雞要燒先 因為要燒比較耐啲油燒到滋滋聲 好美妙嘅聲音啊個爐話大唔大 話細唔細如果真喺擺滿嘅話 可以勉強燒四樣所以燒雞嘅同時 牛小排都同時燒緊陣陣肉香開始傳尼啦等啲肉燒好之前 白飯只好配住漬物先飯喺珍珠米 比較黏同軟 食到口乾仲可以飲碗豆腐海帶味噌湯添正慢慢食 慢慢飲 慢慢嘆斯斯然咁啲肉就燒好啦雞塊又滑又Juicy 正牛小排口感似豬頸肉第一次食咁嘅口感嘅牛肉最尾燒埋最尾一款肉牛喬芯 非常厚身同彈牙佢地仲驚我地食厭 有三款配料比我地岩鹽 燒肉醬 同檸檬換住尼食點都唔會食厭啊啊食完肉 燒埋菇同洋蔥完食主食 到嘢飲或雪糕咁我揀左雪糕 仲估唔到喺哈根達斯 正原價188 加左1就上左206但呢餐非

秋天起，最想食啲暖粒粒嘅野，所以黎咗試日式嘅煲仔飯~試之前先叫咗啲小食。三文魚牛油果米子卷($48)，薄薄嘅米子包住厚切三文魚、甘香嘅牛油果、仲有青瓜同沙律菜，非常清新開胃。蟹味噌甲羅燒伴法包($68)，以蟹蓋黎裝住蟹膏、魚子、鵪鶉蛋，幾有特色，蟹膏味非常香，配上法包後一硬一軟，口感十足。日本南瓜天婦羅($58)，卜卜脆嘅外層，軟綿綿嘅瓜肉，最特別嘅係配上粉色嘅岩鹽，調味一流。終於到咗主角香魚釜飯($128)喇，係餐廳出面可以見到廚師煮釜飯嘅過程。2人份量，除咗有一條香魚之外，仲有栗子、豆、雞蛋絲、冬菇絲。上枱後會有個漏斗計時，等一分鐘先開蓋，等佢嘅飯香更加均勻。未食已經聞到陣陣飯香，香魚肉質鮮美，而且粒粒米飯都沾滿上魚香味。食到最下面侍應建議加入紫茶片同茶，好似茶漬飯咁食~最後叫咗一杯芒果梳打($28)，清爽怡人。

正所謂美食之秋，入秋之後特別多好野食，今日去食尼間日本餐廳，顧名思義，佢出名既係岩鹽調味料，同埋特製釜飯。今次叫左香魚釜飯($128)，日本南瓜天婦羅($58)，蟹味噌甲羅燒伴法包($68)，蟹肉香芒薄餅卷($78)，青檸梳打($26)。店員推介尼個新推出香魚釜飯，佢好耐心咁講解。先等一分鐘，等飯焗熱，打開蓋，已經香噴噴。香魚一大條，骨唔算多，容易食，飯內有魚仔，栗子，冬菇絲，雞蛋絲，撈勻就食得。最後留少少飯，倒入泡茶，加紫菜片，又係另一種滋味食法。米粒有埋淡淡茶既清香，底下有飯焦都好正。大大片厚身南瓜片，內裡好軟身，清甜，外皮既炸粉唔會過厚，脆脆地。平時食天婦羅會點醬汁，係呢度就要沾天然岩鹽，鹹味同南瓜既甜味相映成趣。蟹蓋仔裝住燒過既蟹膏，魚子，同鵪鶉蛋既混合物，店員提過會係墨綠色，幾得意。配埋法包一齊食，配搭沙律，好清爽。另一款蟹肉既煮法，薄皮包住芒果及蟹肉絲，酸酸甜甜，而且蟹肉量多，啖啖肉。最後飲番杯青檸梳打，中和一下頭先食既野食，滿足。整體，食到地道既日本釜飯，好滿足。除左有唔同種類既釜飯可以揀，仲有唔少小食添。

Was hanging around in CWB, didn’t know what to eat, but then saw this Japanese restaurant while in Lee’s Garden, thought to give it a try, as the pictures shown in OpenRice looks delicious haha. Early supper before shopping around in CWB, 2 of us, we ordered the limited special sea urchin oyster offer - 6 for 98 HKD; nice and fresh . We then ordered a codfish fillet dinner set to share, along with 3 sets of sushi and some Prime Salmon sashimi Customer service was very good, atmosphere was fab.