岩鹽日本料理 (利舞臺廣場) (已結業)

聽朋友講呢度既釜飯出名，今晚就黎試下!平日都接近滿座，我地點左一個和牛釜飯，燒牛舌伴日本蕃茄，南瓜天婦羅同芒果奇異果炸蝦卷。燒牛舌伴日本蕃茄呢個配答幾得意，蕃茄好甜好令，果然係日本貨，而牛舌厚切彈牙，味道唔錯，不過油份太多。芒果炸蝦卷平時見得多，加埋奇異果都係第一次見，炸蝦幾大隻, 夾埋生果酸酸甜甜不過不失。而天婦羅南瓜就幾好食！好粉好甜！重點既和牛釜飯黎啦！先用沙漏等一分鐘先食得，一打開已經嗅到好香，個飯都好足料，有多塊牛肉，而且飯入面撈左銀魚同栗子，個飯本身都夠味，加埋個甜甜地既汁更好食。最後可以加入茶湯做茶漬飯，不過都係中意就咁食多d~飯既分量都好多，2個人都夠食！