岩鹽日本料理 (利舞臺廣場) (已結業)

好耐無同男朋友2人世界難得佢準時放工就去左銅鑼灣食飯行街之前去過LEE GARDENS食飯發現原來棟野都幾多野食於是我地今次去試下一間高人氣既日本野店舖好大 而且大部分都係卡位設計適合鐘意私隱度高D既朋友我地2個就咁岩坐到WINDOW SEAT響16樓望番落去都有D驚嫁食物方面有好多選擇唔想煩食咩既話揀套餐就最岩!不過我地就散叫可以叫多幾樣我地自己鐘意食既野呢款前菜好好味用料十足 豆腐好滑 配埋胡麻醬好開胃最驚喜係個海藻 完全無腥味 好爽脆見到餐牌上有款陶板燒之前都無乜點見過 所以就叫左黎試下點知一試就愛上塊煙肉扒煎起好香 味道帶甜 仲好juicy即使見到都有少少肥 但食落唔覺肥膩男朋友指定要叫廣島蠔釜飯之前我地試過一間釜飯做得唔正宗 啲釜飯有個唔好既印象 但今次食完之後完全改觀除左廣島蠔 個釜飯仲有好多配料撈埋一齊煮有栗子、青豆、銀魚仔、冬菇、菠菜、蛋絲等等有啲似我地香港既煲仔飯 不過日本人就撈埋啲料先煲既另外我仲叫左杯野飲 係我最鐘意既桃味梳打桃味唔算好濃 較小朋友口味食飽飽心思思想試埋甜品呢到有好特別既雪葩口味 一般都係見水果口味而呢到有甜蕃薯味 不過解議早啲叫定因為雪到好硬會好

依間餐廳一直都聽到好多好評，自己一直未食過，終於有機會約到朋友一齊去食啦。一去到門口見到個師傅整緊釜飯，就比佢吸引咗😍温泉蛋蟹肉豆腐沙律😋賣相好吸引，豆腐好滑，配埋胡麻醬同埋蟹肉真係好夾。而且，依個沙律可以令我有啲開胃既感覺。芝士玉子燒😋 我同朋友都超級鐘意玉子燒，仲要有芝士係入面，真係抵擋吾到。佢既玉子同平時食開既口感有啲吾同，佢係比較滑，有少少接受炒蛋咁，所以無咁濟。但啲芝士流心真係做得吾錯。味噌燴內雜😋我地吾知佢會有個爐一直燒住，幫佢keep warm，但咁樣就令比個湯可以越煮越濃，而佢本身啲內雜都好入味，特別係豬皮同豬肚，真係食過翻尋味。合鴨大蔥串燒😋我地一見到有鴨既串燒，覺得好得意，就叫咗嚟試下，但發現都吾錯，口感吾會太硬。味噌醬燒黑豚串😋三文魚親子釜飯😋啲三文魚熟既程度預得岩岩好，加埋紫菜同埋茶去食，吾怪之得咁多人都推介。😋菠蘿青檸梳打

今日去灣仔買野之前就去銅鑼灣食午餐，之前試過呢間餐廳唔錯，所以就約埋朋友再去食。今次我就試新野，就係牛肉火鍋定食配刺身，牛肉份量雖然比較少，但好重牛味，但湯汁就比較偏甜，係日式壽喜燒鍋嘅風味。鍋裏面除咗牛肉，仲有其他配料，包括豆腐，芋絲，冬菇，菜，同埋大蔥。跟餐仲有蒸蛋，沙律同埋刺身。刺身有甜蝦、帶子同埋三文魚各一件，非常鮮甜，好好味。另外朋友就叫咗黑豚生薑燒定食，黑豚扒肉質鬆軟，配上生姜燒汁，非常惹味，配上椰菜絲沙律，感覺就冇咁油膩，食落好清新。而另一個朋友就叫咗鹽燒鯖魚定食，鯖魚燒到外脆內軟，唔會好乾，魚都幾大條，份量唔少。另外，每個餐除咗可以選配飲品之外，亦可選配Häagen-Dazs雪糕。午餐嘅價錢大概都係100至200蚊左右，性價比係非常之高，因為定食好豐富，好抵食，而且味道亦唔錯，係銅鑼灣午餐嘅好選擇。

難得平日可以約朋友仔食lunch,梗係食好啲！醒起有個朋友介紹過呢間，有得用個爐仔自己燒肉，評語唔錯，就一於揀呢間！我都唔洗點睇menu，前一晚已決定食雜錦燒肉御膳個set，超豐富！黎到都手忙腳亂，唔知食乜好😂有味噌湯、有伴芝麻醬既沙律🥗蒸蛋～勁勁勁滑超好食！面頭有兩塊類似鳴門卷既野，蛋入面有一兩粒菇刺身有甜蝦、三文魚、帆立貝同唔知咩魚（我好怕食呢啲魚，食過好腥）最後俾埋朋友仔食，其他三件都鮮甜黎到主菜喇！！有三款肉：牛小排、牛舌同錦爽雞。我燒得好慢，開頭我一舊燒完食完再燒，啲火燒得好快，熄左三次，叫waiter幫我換，熄得太多次，都覺得好麻煩到佢，不過次次都好有耐性同我換，有禮貌咁提我熱左塊板先燒。抵讚！牛小排同牛舌都好爽口，燒耐啲起格紋都無燒到乾憎憎，重好juicy!爽錦雞燒到啲皮脆晒，雖然我無食到，但我聞落都知好香口！啲雞肉燒到金黃色，重好嫩滑！我覺得唔點汁同岩鹽都已夠晒味，再點就太鹹，點既話加啲檸檬汁就夠。重有啲漬物：醃蘿蔔同紫椰菜試左少少朋友仔個牛舌根，食落個汁似落左番茄，似匈牙利汁，牛舌根似牛腩。份量都幾多食飽重可以揀果汁/咖啡或茶/haagen dazs雪糕！飽到上心口！

之前同事話請食飯又想食日本嘢，所以就提議去銅鑼灣利舞台嘅岩鹽啦。我地食左鰻魚釜飯、以優惠價叫左海膽生蠔。之前一直都好鍾意嚟岩鹽食晚飯，佢推出左個二人set有齊燒牛、釜飯、剌身等。最特別嘅係set嘅釜飯仲會俾埋鰹魚湯你做茶漬飯，一個飯兩種食法釜飯裡面仲有栗子🌰，香味特出。刺身亦好鮮味，有三文魚、帶子、鮑魚🤤。起初以為生蠔配海膽會好奇怪，但食落又覺得原來幾夾，刺激味蕾嘅體驗😳如果想食得新鮮又有啲新意嘅日本菜，推薦岩鹽 👍🏻

一直都想吃釜飯，這次特別挑選岩鹽。來試一下真正出色的釜飯。餐廳環境很好，有靠窗邊可以看利舞臺外面的景，不過我這次3個人吃安排坐卡位，位置寬闊。有足夠的用餐位置！走進來的時候，經過走廊有看到一些介紹不同魚類，可以讓客人更容易選擇！贊！爸爸媽媽對內雜好感興趣，就叫了一個味噌燴內雜！內雜處理的很好，洗的很乾淨，沒有異味！上檯有附酒精火，一直可以保持熱熱的，加上煮的時間足夠，很容易入口。味噌湯的味道剛剛好。是一道不錯的熱食！而我是玉子燒愛好者，所以就點了一道穴子明太子玉子燒。穴子就是鰻魚，鰻魚肉和明太子好配，令簡單的玉子燒，有不同的口感！釜飯就選了廣島蠔釜飯，上桌時，送餐員工有提醒要過一分鐘後揭蓋，讓它有飯焦。餐廳很細心有沙漏提醒。一打開蓋，香味真的撲鼻而來，看到滿滿的廣島蠔再加上一些小配菜，份量好足！還有一個醬配，不夠味道的時候可以加點醬！廣島蠔好厚肉，大隻，贊底下的飯吸了蠔的新鮮海鮮的味道，不再是普通的飯，吃完飯加了茶，做成了茶漬飯。完全不會浪費好吃的飯焦！正還叫了焗雜菌，不同的菌類都可以吃到，濃濃的牛油味，是我的最愛！飲品我選了香桃梳打，桃味好重，超級愛的！今天試了廣島蠔釜飯，下次會再來

因為同事聚會關係，同事極力地推介日式釜飯~所以我們在一個平日的晚上，就去左同事介紹在銅鑼灣的日式釜飯~店舖名是岩鹽日本料理~~幸好去到同事有訂座，所以唔駛等好耐我們就可以入座~~之後同事極力推介店舖的主打日式釜飯，用釜飯機整成的~期後我點了一個海鮮日式釜飯套餐，上來時，職員有吩咐我等一分鐘後才開蓋，等D飯可以焗一焗他香D~一開個陣D，釜飯的香味真的香到周圍到好香~~食食下飯~原來釜飯中會有栗子，白飯魚同埋少少雞蛋絲~一口飯也是充滿栗子的肉同埋栗子的香味，另外飯充滿住栗子的香味~真的一口一口滿足我的口部~~飯味香加上白飯魚也有少少味~真的送飯一流~連我唔鐘意食飯的人都好喜歡食~~真的食得曬~~好夠飽~~另外海鮮方面也是新鮮~~仲有前菜是刺身同埋麵球湯~~另外仲有沙律~同埋可以選擇飲品/雪榚~聽職員說是哈緊大師的雪榚，所以我們都點了雪榚食~仲幸好是朱古力味的雪榚，真的好滿足的一餐~加埋一都是200蚊內~真的以銅鑼灣店舖來說，也是值得食的一餐~多謝同事介紹我食咁好的日式飯~

係銅鑼灣呢邊行街,行到攰攰地就順便搵間餐廳食埋飯,抖抖先.倆個女仔都想食日本野,係openrice search日本料理,就彈咗岩鹽出來.咁多like,實唔怕啦,就一於去試下!前菜方面,叫咗個乾果芝士沙律,平時係寫字樓都有食開水果乾,貪佢方便又健康.估唔到呢度有乾果整嘅沙律,第一眼就吸引到我order.沙律有新鮮水果加水果乾,再配菜,上面鋪了一層芝士.有配橄欖油.淋上橄欖油,再突出酸酸甜甜的味道.呢個沙律好豐富.小食就叫咗個穴子明太子玉子燒,正正方方一件上檯,表面金黃,好靚!切開見到滿滿嘅明太子同穴子.好正.穴子同明太子都好夾.令到普通嘅玉子燒即刻變得高級!另一個小食係朋友揀嘅,蒜香牛油焗雜菌,用錫紙包住上,蒜味同牛油味好香.錫紙可以保持溫度之餘又住鎖香味!唔錯!主食就叫個咗廣島蠔釜飯,上檯個陣有提醒沙漏一分鐘後就可以食,廣島蠔夠肥美，肉厚，份量又夠多，食完仲可以加茶做成茶漬飯，又係另一種風味！最後配埋芒果梳打，酸酸甜甜，再加d芒果肉。呢餐飯好滿啊！

1) 鱈場蟹豆腐鍋御膳蟹肉沒什麼味道 不過肉質很好鍋湯十分清甜 不怕鹹 忍不住多喝兩口其餘的鍋配料有豆腐 芋絲 金菇 菜整體較清淡 適合我這類淡口味人士.2) 御膳附的刺身好味.3) 海鮮釜飯定食不過不失.4) 沙漏釜飯送到後 要放一會 待沙漏的沙流完才開始吃啊.5) 廣島蠔釜飯蠔好吃 不會‘鞋’隨飯附上一壺熱茶 可以弄茶泡飯.6) 油金魚壽司 火炙左口魚壽司壽司果然是油金魚最好吃這個夠新鮮 更好吃.7) 黑松露玉子燒原來裡面充滿金菇.8) cream cheese moch ice cream御膳和定食可選飲品或雪糕這味道未試過 所以試一下mochi散佈於雪糕之間令整杯雪糕咬口十足不過由於主食已吃得很飽兩人吃一杯也有點吃力.看到網上評價很高但個人認為普普通通以這個味道來說 價錢稍貴.不過不得不稱讚一下一位戴眼鏡的男侍應態道很好而且很勤快

偶然想食清一啲，日本菜🇯🇵梗係首選啦！今日仲要有啲凍，呢間仲要有個釜飯夠哂熱，簡直就似日式煲仔飯咁。星期日中午12點半🕧左右就到咗，咁唔好彩第一輪坐滿哂要等⏱，我地號碼算前，但都要等45分鐘。等咗咁耐終於可以入座，我地梗係立即點菜📝，我就點咗個鰻魚釜飯🍚，友人叫咗個石頭燒安格斯牛排🥩，套餐包一個沙律🥗，一碟魚生，一碗味增湯，仲有一甜品🍨，啱晒飢餓轆轆嘅我地。安格斯牛排🥩本身就得兩成熟左右，所以直接食時會覺得唔多熱，如果想食熟啲同熱啲就可以用個爐燒嚟燒🔥下，最愛牛排🥩燒到五成熟，唔會太難咬開，食落好有牛味。鰻魚斧飯🍚上菜後就要等一等，餐廳提供一個沙漏倒數，等大約二至三分鐘就食得喇，釜飯🍚份量都幾多，可能飯裡面有埋冬菇🥬菜，撈埋嚟食就差唔多有成兩碗飯，饅魚算厚身冇咩骨，冬菇菜都好軟身食落有啲饅魚味。另外仲叫多咗個雜錦天婦羅🍤，賣相唔錯但咬一啖後就覺得一般般，油份偏多食到成口油🤢，最後食埋隨餐附送嘅Haagen Dazs一杯，咁就大滿足喇🈵！

岩鹽lunch set，價錢唔算太貴，但比嘅料都算可以！嗌咗一個$188 set，有兩件三文魚壽司，有海膽壽司，又牡丹蝦，有拖羅壽司，個set跟埋湯，茶碗蒸，沙律，烏冬，仲可以揀飲品或雪糕～我覺得拖羅真係無得輸，入口即溶，個味道留喺我個口到一段時間，真係值得回味。海膽壽司，我通常都會用筷子撩一啲食下，就咁成的話有小小甘甘地，連埋飯食都可以。牡丹蝦，阿容好新鮮，食埋黑頭簡直回味無窮。唯一我覺得啲壽司飯偏酸，呢一個可以改善。其他烏冬，沙律，茶碗蒸等都可以，用價錢來講我覺得呢個值得推介。

未入去食，已經知呢度係出名食釜飯啦～仲要係即叫即整嘅.....另一特別之處就係同餐廳名有關......岩鹽，連餐廳入面都放咗一大塊粉紅色嘅岩鹽。而枱上面亦有一樽岩鹽粒畀你調味。揭開餐牌第一版就見到我最鐘意嘅燒玉子，仲有少見嘅黑松露味，份量比一般嘅少咗一半，但就好足料，除咗蛋漿中加咗黑松露，玉子中間仲有啲什菌，主要係金菇同本菇，連我朋友平時唔太鐘意食燒玉子嘅都話好味，我吔最後仲要encore多一份。第二樣吸引我吔嘅就係炙燒小牛排，鐵板牛柳之類嘅就好常見，呢個特別在就係炙燒，即係生牛肉再燒下佢，基本上係比生嘅更香口，好精緻，如果份量多啲會更滿足。當然唔少得釜飯啦，我吔揀咗蒲燒鰻魚釜飯，除咗鰻魚同飯，仲有少許毛豆同菠菜，另再配有醬油(因為飯本身係冇汁嘅)，食到一半就可以加埋茶製成茶漬飯，所以有兩種食法。本身啲飯好夠香之餘，仲有飯焦，怪不得畀咗個飯“殼”。總之真係好好味!另一比較特別嘅小食..... 日式煮鮑魚，看似冇咩特別，但原來個精髓係個汁，似係用鮑魚嘅內臟煮成嘅汁，又唔會蓋過咗鮑魚嘅鮮味。最後一個.....見門外嘅推介有個茄子田樂燒，加上好鐘意食燒茄子，就一試咩係田樂燒，個樣唔錯，食落似

2個女仔最好係去食日本菜, 選擇多又唔駛好飽! 平時好少去利舞台食飯, 咁啱我要去馬會拎獎品, 而呢間未試過, 果然無令我失望! 平價高質日本料理! 鱈魚白籽配檸檬酢 $68 ~ 新鮮滑溜, 好 creamy, 好鮮甜! 穴子明太子玉子燒 $68 ~ 蛋好滑, 咸咸的明太子蓉, 夾上片片魚肉, 好特別, 好好味,外皮稍欠焦香! 赤蝦刺身 $68 ~ 好大隻, 爽口彈牙, 新鮮鮮甜…回味中! 香蔥吞拿魚文碎卷 $108 ~ 好多吞拿魚碎, 新鮮鮮甜, 滑滑的, 飯有點太淋! 清酒煮花甲 $78 ~ 大大粒, 粒粒都肥嘟嘟, 清甜新鮮無沙, 清酒味唔濃 (唔覺有)! 燒雞軟骨 $24/2pcs ~ 脆口, 淡淡烤燒牛舌 $42/2pcs ~ 厚切, 燒得剛剛熟, 有咬口, 咬落仍有肉汁註: 我會記得呢間餐廳! 

本人半年及幾個月之前已在這餐廳吃了兩次，覺得不錯。已很久沒有去了，於是就選擇了今年年初三睇戲之前去食晚飯。但發覺就算點回相同的東西質素都差了很多。首先我點了鵝肝多士，與之前比鵝肝細塊了很多，多士也不脆，還有用了一些很濃味的醬蓋着，根本食不出鵝肝味。生蠔可以，但很細隻。還有點了一個壽司餐，魚生的質素很一般，餐裡面還包含一碗湯烏冬，麵質也不好吃，收$168的價錢，確實不值，很失望，我決定以後都不會再去了。

#岩鹽日本料理 銅鑼灣波斯富街99號利舞臺廣場16樓A舖-----呢間係利舞臺ge日本料理 B仔晚市午市都食過 😆但始終覺得午市抵食好多 lunch set價錢大部分加埋一都係100蚊附近 個餐 有壽司 有燉蛋 有烏冬 有小黃瓜 有沙律 仲配埋果汁/咖啡/雪糕 ..雪糕仲要係Häagen-Dazs 100蚊附近就有6樣野😦真係好抵 擺得靚靚之餘 質素全部都唔錯 而且壽司同烏冬份量都多 啱曬d大胃王（好明顯唔係講我！）😆 整體性價比真係好高🤩-----B仔整體評價：8.5/個👍🏻B仔抵食程度：9/10個👍🏻（😱注意：Lunch抵 夜晚唔抵）B仔環境評分：8/10個👍🏻B仔味道評分：8/10個👍🏻B仔回頭機會：8.5/10個👍🏻----- 跟住我一齊吞食香港啦！#swallowcwb