尚上下夏 - 養生雞煲火鍋 (已結業)

今日同班同事慶功, 老細請食飯! 揀黎揀去都係去返尖沙咀, 因為有成6個人, 我地揀咗食雞煲火鍋, 貪有得夾夾下又可以吹下水.6個人叫咗兩個雞煲, 一個叫咗小辣雞脾大份, 另一個叫咗唔辣雞全隻. 雞煲份量都幾多, 配料都好充足. 食落雞煲入味而且味度夠濃, 辣味帶有輕輕的麻, 唔會功高蓋主, 而配料加入洋蔥, 食落有啖啖洋蒽的香同甜味, 調味做得幾好. 開始食小辣個時唔覺得辣, 原來食到底先黎料. 尤其係D豬皮, 吸收晒D雞味同辣味, 堅係辣但又好正, 我地6個食到停唔到口, 當然亦都叫咗啤酒解解辣啦, 見到呢度有手工啤酒賣我地都無放過, 一人一支手工啤, 爽呀!後黎火鍋配料都唔錯, 尤其係個牛, 好有牛味而且脂肪分怖平均, 另外海鮮都好正, 蟶子同帶子都幾新鮮, 價錢屬於中等, 但計返呢度D料黎講算係合理收費, 呢間雞煲火鍋可以再encore!

名字很特別, 實情又係點呢? 朋友生日見呢度的名字幾特別, 連係食打邊爐都唔知. 原來係食雞煲的, 餐廳唔算大, 十多張枱吧. 先有一盤醬料給我們自己調配. 有豉油, 醋, 蒽, 辣椒, 生熟蒜等.係食雞煲及打邊爐的, 我們都點左一些有點特別的配料試下. 雞煲是可以分開兩邊鴛鴦, 兩邊用不同的湯底, 不同的雞的部位的, 我們點左雞脾及雞胸. 先來一杯羅漢果茶, 都幾大杯的, 用大玻璃杯裝住, 入口唔會好甜, 清涼舒服的感覺. 好味. 炸魚皮, 本來應是放係湯底打邊爐, 但我們都不停係咁食, 好香脆, 不過唔放得耐, 會淋得好快.雞煲, 好多芫茜的, 雞肉都好多, 好多唔多的香料, 唔會好辣, 但都幾麻, 雞肉都好淋身的, 幾好味.有金菇, 黑豚肉片, 魚皮鮫, 粟米及四寶丸, 四寶丸有貢丸, 芝士丸, 墨魚丸同埋牛丸, 芝士丸都幾特別的, 入面係流心芝士, 其它的都普通. 粟米都好甜.還有一壼茶的. 唔知咩茶, 好似麥茶.仲有娃娃菜, 鬼馬蝦丸, 即係油炸鬼上面釀左蝦膠及蟹籽. 先將蝦膠果面放係湯底一兩分鐘, 咁就可以保留油炸鬼的脆, 都ok的, 不過唔夠脆及蝦膠唔夠爽甜.魭魚片都幾爽

我同屋企人都鍾意食雞煲, 貪佢又惹味又暖胃, 跟手又可以打埋邊爐. 有幾間雞煲都係我地成日會幫襯. 但今日試咗呢間尚上下夏有驚喜 當然最基本要求就一定係1) 雞要炒得夠香, 2)肉要夠入味而且 3)肉質要夠鮮嫰, 呢間尚上下夏三點都符合到我地期望. 但驚喜在於呢間雞煲可以叫鴛鴦煲同埋可以揀部位. 講真食雞煲總有D位食唔到/唔會食, 例如雞頸, 雞腳 (往往太硬), 同埋雞pat pat 等, 會感覺浪費. 但呢間雞煲直情可以淨叫雞脾 or 雞胸. 於是我地就叫咗一半雞脾, 一半雞胸. 而辣度就一邊小辣, 一邊中辣. 咁我同屋企人都可以自己食返自己辣度 雞煲足料, 用的配料都幾多, 眼見可食配料包括洋蒽, 芫茜, 仲有豬皮. 配料索汁後好惹味, 而雞件就夠嫰滑同埋入味. 第一口食落去唔覺得辣, 只覺好惹味, 當過咗一陣辣味先會慢慢滲出黎, 麻辣之中都不失有雞的香味, 味道算係有層次同豐富. 總括黎講呢間雞煲都算幾有心思, 客人可以配搭自己喜歡的雞煲亦適合幾個人一齊食. 而之後打邊爐湯底都有好多選揀, 味道亦都唔錯. 但因為雞煲比較深刻, 所以今次食評主要講返雞煲!

之前食過呢間雞煲火鍋店都覺得唔錯, 而且見宵夜有特價, 今日咁啱放工收得夜, 就同同事去食宵夜. 宵夜時段10點已經開始, 原來都幾多人, 我地去到都差唔多滿. 今日係閒日, 所以10點後有七折, 都幾抵. 按排入座後睇下張Order 紙, 見到同晚餐的Order 紙一樣, 無話宵夜時段Cut 咗D貴價野 我地叫咗個雞煲小辣, 同樣地要全脾. 雞煲夠份量, 而且好入味, 因為配料都幾多, 雞件索晒配料D香味, 而配料都吸晒雞煲D精華, 兩者食落口都好美味! 我地叫咗龍蝦湯底打邊爐, 因為有七折的關係, 我地都闊卓D叫多咗海鮮同牛類. 我地叫咗手切極品靚牛皇, 佢脂肪分佈好平均, 食落口感夠滑又唔會韌, 用黎打邊爐確實一流! 另外叫咗花甲皇, 呢隻花甲皇Size 好大隻, 而且鮮味十足, 焯一陣可以食得, 正! 另外就係脆肉鯇魚片, 賣相好靚, 食落都好有魚味. 當然唔少得叫咗個什菜籃同埋稻庭烏冬. 什菜同埋烏冬最尾先落, 用海鮮上湯佢焯特別好味. 兩個人食到飽晒!

今日好友帶我去山林道食雞煲, 去到呢間叫"尚上下夏"的雞煲火鍋店. 呢間舖頭環境幾好. 枱椅都夠大坐得舒適. 而且地店都幾方便雖然得兩個人, 但我地我地都咗一個雞全隻小辣. 上枱個時已經聞到陣陣香味. 滾咗一陣侍應就幫我地打開個蓋就開始食了! 一打開見到好多配料, 而雞件數量都好足夠. 食落雞件夠香滑, 但更加驚喜係佢個雞煲唔會油膩! 仲越煲越入味! 我地雖然叫咗小辣, 但食到最後大家都覺得幾辣下. 尤其係配料如洋蒽, 豬皮等更是入味. 越辣越想食打邊爐方面我地叫咗龍蝦湯底, 講真食完雞煲已經半飽, 火鍋叫咗唔多野食但friend 話一定要叫佢個嚮鈴. 果然好味, 佢係即炸, 上到枱仲有微暖, 就咁食都OK, 脆卜卜好正, 如果加落湯就真係1-2秒就啱啱好! 索晒D湯汁而且仲保留到半脆半軟的狀態, 好正另外叫咗珊瑚蚌, 焯完之後都好鮮味好爽脆; 雲吞就係一口一粒個隻, 肉同菜比例各半, 份量配合得幾好. 娃娃菜都幾新鮮. 唔錯

Happy Friday, 同友人一行四人去尖沙咀打邊爐，因為怕星期五多人，所以幾日前已book 左位。晚上7:30準時去到，入到餐廳發現環境同一般火鍋店不同，枱同座位都似系食西餐，張枱偏細，不過都可接受。入座後，即刻拎menu揀雞煲種類同湯底。因為唔想要骨，所以叫左雞脾肉，再選了芝士鍋(本人系芝士控)。雞煲好快上枱，味道基本上可以，略嫌唔夠香。因為叫左唔辣，味道就只剩下"咸"同"麻"食完雞煲，可以放湯，點知...我地發現芝士湯放入雞煲後，產生強烈嘅嘔奶味 ，望住塊剛下鍋嘅牛肉，大家都面有難色。。。食左一陣，真係頂唔順，最後決定轉蕃茄湯(要正價><)至於火鍋料，侍應特別推介即叫即炸響鈴....但普普通通安格斯牛 ： 牛味濃，好食花甲王 ：份量夠，OK 新鮮四寶丸 ：貢丸比較好味另外叫左什菜籃，粟米超甜總括來說，火鍋配料是不錯的，但雞煲味道可以再改良一下。

好耐都無打邊爐, 今日有同事生日就約埋去近近地尖沙咀附近食個雞煲火鍋.呢間尚上下夏之前經過已經聞到好香, 但一直無機會試. 因為個名幾特別, 所以印象都幾深刻, 今日終於可以試下.呢度最大好處就係有得揀鴛鴦煲, 可以揀一邊辣一邊唔辣, 同埋有得揀部位. 雖然我地幾個都食得辣, 但都想試下唔同口味, 所以叫咗一邊辣雞脾, 一邊唔辣雞胸. 雞煲份量好足夠, 雞件入味而且好香. 配料望落都好多. 包括有洋蒽, 芫茜等, 但最驚喜係裏面加咗豬皮, 我地食雞煲食到咁上下先發現. 當時豬皮已經索晒D汁, 好惹味! 我地開始打邊爐之前仲叫多咗一碟到打邊爐, 我地一邊叫咗麻辣湯, 一邊叫咗芝士湯. 麻辣湯加埋雞煲餘香, 主要用黎焯肉, 貪佢辣得夠過癮! 而芝士湯就用黎焯海鮮, 焯完海鮮再加稻庭烏冬, 變成一鍋日式芝士海鮮鍋, 正佢地個靚牛皇係幾正, 切得有厚度, 最佳做法係放落湯焯一焯, 但唔好太耐, 等到裏面仲keep 住有些微生, 咁樣就可以鎖住肉汁又可以有最佳口感. 另外黑柏葉都係市面上比較少見, 快速焯一焯, 沾上湯汁黎食好爽口. 其餘我地就選擇咗新鮮海鮮, 花甲, 蝗子就當然唔少得, 仲叫咗

天氣開始轉涼, 我地幾個為食同事又組隊去雞煲打邊爐. 之前有同事食過呢間尚上下夏覺得幾好味, 我地一眾姊妹就Book 好位放工即去 !我地叫咗個鴛鴦雞煲, 一邊小辣, 一邊唔辣, 小辣個邊叫咗雞胸肉, 唔辣個邊叫咗雞脾. 雞煲好香好入味, 可能用咗好豐富的配料, 個雞煲食起上黎好有層次感, 尤其係辣個邊, D雞辣得黎帶麻, 又唔會辣到入唔到口. 會越食越想食個隻. 佢裏面D豬皮同洋蔥索晒D雞汁, 好好味, 我地連配菜都清晒! 我地覺得個汁好好味, 仲叫咗兩碗白飯Share黎食添 XDD 到打邊爐, 我地就叫咗養顏豆腐牛奶湯同埋藥膳湯. 可以試下不同口味. 配料方面, 叫咗安格斯牛肉 – 脂肪雪花分佈好平均, 牛肉厚切好有口感 ; 羊肉卷好新鮮, 好有羊味, 配藥膳湯好夾 ; 帶子皇好大粒, 而且鮮味十足好滑 ; 即炸響鈴 – 一上枱仲熱辣辣, 仲可以即食脆卜卜, 我就放落湯2秒, 等佢索一索湯汁, 好好味 !另外仲叫咗

大少有一群要好的馬來西亞及新加坡。每年我們總有機會過去一兩次，他們都會帶我倆去吃些地道的，例如用香蕉葉盛著的咖哩飯，小小一隻包得像粽子一樣的椰漿飯，以及用加了豬油渣的卷餅（超掛念！）。反過來到他們來香港的時候，我們又應該帶“遊客＂們吃些什麼港式地道呢？早午餐都比較容易，菠蘿包、蛋撻、芝士公仔麵、茄通、奶茶等，他們都百吃不厭。但來到晚上，吃什麼才夠香港呢？這一次就帶幾個朋友吃雞煲，火鍋他們也常吃，但先吃乾鍋再放湯對他們來說應該是新體驗呀！雞煲受愛戴的其中一個原因是滿足食客貪心的心態。一個鍋子，可以先吃像小菜一樣都雞塊，又可以放湯打邊爐，一次過滿足兩個願望。老實說我自己也想嘗嘗新，所以帶他們來到連我自己也沒去過的尚上夏下，這裡一次是可以滿足三個願望的呀！平常由乾鍋變火鍋都是加清雞湯，其實就像一個沖淡了雞煲味道的火鍋。'這家店卻加以加入不同的湯底，例如這一次我們試都雞煲翅湯底及藥膳鍋底。湯底搖身一變就加入了新的味道，這就是我所說我第三個願望了。上鍋時店員會幫忙攪拌，以防痴底。雞煲也用上鴛鴦鍋，滿足貪心的我。而且除了半隻一隻雞外，還可以選淨雞脾、淨雞胸或雞胸拼雞脾，喜歡啖啖肉的朋友不能錯過呀。

聽日放假, 我緊係繼續做我既無飯煮婦啦,老公今日去左尖沙咀見客,所以我就順便約埋係尖沙咀食埋飯行完街先返屋企,因為心血來潮好想食雞煲, 甘就上OPENRICE睇下附近有無得食先,見到有好幾間, 最後揀左間近美麗華, 方便食完行街,我地6點零就去到, 可能仲早, 唔算好多人, 不過見到有D檯放左留位果舊野,呢到個雞煲好特別, 可以揀部位, 又有幾多辣揀, 同埋有好多款湯底,我地叫左個雞胸+雞睥, 蕃茄湯, 貢丸X2份, 蟶子2隻, 鬼馬油炸鬼,肥牛, 茶樹菇平時出面D雞煲都係原隻或者半隻, 呢到好好, 可以揀位,雞胸同雞脾啖啖肉, 無咩骨, 好入味, 唔會鞋,入面仲有D豬皮,好正,好入味,差唔多食哂D雞時, 姐姐就問我地要唔要加湯打邊爐,甘等D湯煲一煲,我地就落其他料啦, 貢丸, 蟶子2隻,鬼馬油炸鬼,肥牛, 茶樹菇貢丸真係好正, 食完一份, 忍唔住再叫多一份,同平時食果D唔同, 好好味,蟶子真係唔好"陸"大耐, 有一隻"陸"得耐左,UN到咬唔到, 另一隻"陸"得無甘耐,就好鮮甜啦鬼馬油炸鬼,油炸鬼面 釀左D唔記得蝦膠定墨魚膠, 再加D蟹子茶樹菇吸哂D湯好正今餐幾滿意, 我諗我下次都會因

星期五係公司OT, 放工已經10點, 行到尖沙咀搵食, 見到呢間雞煲火鍋宵夜有折, 二話不說即刻坐低食! 四個人, 只係叫咗個雞煲全隻, 份量都非常足夠. 見煲裏面有好多配料已經好開心, 聞落香噴噴! 等佢滾一滾就即刻開動! 雞件食落好嫰滑同好入味, 而且雞件大細啱啱好, 唔會砍得太大舊. 個人覺得呢個雞煲送飯一流, 但由於我地已經叫咗好多火鍋料打邊爐, 所以都係食埋先講! 食完雞煲, 加湯打邊爐時間! 我地叫咗龍蝦湯底, 諗住叫D海鮮落落去更加好味! (估唔到海鮮宵夜都有折, 好抵食). 蟶子 – 好大隻好新鮮, 加落湯度滾一陣已經可以食, 經理話最後賣剩四隻, 我地好Lucky!美國桶蠔 – 打邊爐又點少得桶蠔, 大大隻啖啖肉, 食得好過癮! 手切靚牛皇 (唔記得係靚牛皇定安格斯)- 一上枱已經流晒口水, 脂肪分佈得好平均, 落湯滾幾秒, 牛肉味出晒黎, 而且切得厚簿剛好, 有口感又唔會韌! 我地仲叫咗四寶丸, 三色滑, 雲吞同埋雜菇籃.四寶丸裏面的貢丸最好食, 好香好大粒!雲吞係一口一粒個隻, 都唔錯;三色滑好正, 三款(墨魚滑, 鯪魚滑同蝦滑)都好彈口, 用龍

又到入秋, 好想食雞煲火鍋. 上年記得去過山林道食過, 好掛住陣味. 今日特登同朋友放工入去食. 我地兩個人見又係閒日, 諗住實有位啦. 點知去到已經Full晒, 門口仲有人等緊位. 不過一心黎到所以都決定會等. 好彩等咗20分鐘左右已經有位, 等位個時經理仲好好人請我地飲汽水 成間餐廳都洋溢住雞煲香味, 我地低即刻叫咗原味雞全隻, 味道尤勝舊年! 配料一樣咁多咁新鮮, 而當中洋蒽同埋豬皮係我最愛! 洋蒽厚肉唔會”拿”喉嚨, 同豬皮一樣, 索晒D雞汁, 好惹味!! 我地見佢有手工啤酒賣, 每人叫咗支Hoegaarden Rose, 呢隻啤酒係香港第一次飲, 帶有微微天然的甜果味, 女仔應該都會岩飲 第二輪打邊爐, 我地叫咗蕃茄湯底. 開頭怕雞煲會搶咗蕃茄味, 但原來佢地隻蕃茄湯都幾夾個雞煲原本陣味. 用黎打邊爐好夾! 但因為得兩個人, 所以打邊爐叫得唔多野食. 其中當然有叫呢度的招牌即炸響鈴啦! 因為新鮮即炸, 所以特別香脆, 焯一兩秒, 拎返上黎, 索晒d湯汁但又保留到脆脆的口感最好味!另外仲叫咗d肉, 蔬菜同埋烏冬. 兩個人食已經飽到不得了! 非常滿足的一個晚上!

香港人熱愛打邊爐, 記得係外國讀書個時, 最鍾意同班香港人同台灣人聚埋一齊係個Hall 度火鍋!返黎香港無耐, 雞煲開始盛行, 亦都造就咗”雞煲火鍋”呢個概念. 今日有台灣朋友黎香港, 特登帶佢黎試下港式雞煲火鍋!4 個人叫咗一個鴛鴦雞煲, 一邊辣一邊唔辣, 大家都可以試下唔同味道. 雞件煲得入味而且唔會老, 肉質嫰滑而且份量足夠. 辣雞煲就加入咗花椒, 帶有麻味同埋香味. 我地無論食辣同唔辣都食得好開心.食完雞煲我地就開始打邊爐, 叫咗個蕃茄湯底同埋另一邊龍蝦湯底. 初時怕雞煲殘餘味道會影響咗火鍋, 但原來唔會, 因為本身呢隻雞煲唔會好多油, 所以加埋湯落去唔會過稠, 反而更香濃.我地叫咗一個牛魔王拼盤, 海鮮拼盤同埋雜菜籃, 咁樣就魚, 肉, 菜都整晒! 牛魔王拼盤有六款牛部位咁多, 每款都有唔同口感, 牛爽喉爽口, 手切靚牛皇好有牛味, 黑栢業有口感唔會過硬, 牛柳粒脂肪分怖平均, 仲有有小排同埋牛脷托! 每款都好好味.另外海鮮拼盤好誇張, 大碟到我地張枱都唔夠放, 款款都好好新鮮, 我尤其鍾意鮑魚, 花甲皇同埋蝗子皇, 大大隻好多肉亦好嫰滑, 而花膠桶就可以索晒湯裏面的精華,

講到海鮮, 我最鍾意兩個做法: 清蒸 同埋 打邊爐. 兩個做法都可以保留海鮮原本的鮮味, 但當然, 如果用黎打邊爐就唔可以煮得太耐. 而每次用海鮮做打邊爐, 湯底都會特別好味, 最後加個公仔面或者係烏冬就真係一流!!今日得兩個人, 我地決定唔食雞煲, 淨係打邊爐! 叫咗個鴛鴦鍋. 其實佢地D湯底都好多選擇, 我地揀咗好耐, 決定要藥膳湯同雞湯.藥膳湯 - 口味適中, 有陣陣藥材香味, 但飲落唔苦, 個味道幾適合打邊爐瑤柱群翅雞湯 – 我地初時諗住係普普通通透明色的雞湯, 點知上到枱, 個湯好濃味, 已經煲到奶白色, 一D都唔咸, 似係用真雞煲出來的湯, 好好味, 我地未開始打邊爐已經各人飲咗一碗!輪到主角出場 – 海鮮拼盤!!呢個海鮮拼盤好豐富!! 有龍躉斑片, 新鮮鮑魚, 蝦, 蟶子, 花膠桶, 桂花蚌, 帶子皇同大花甲! 我地見到已經流酒口水. 份量十足.龍躉斑片 – 好有口感, 魚味好重鮑魚 – 好多時鮑魚怕煮得耐會太硬, 但煮得快又唔夠熟, 好惡搞, 但呢度師傅幫我地介埋花, 滾一滾就食得, 夠晒鮮甜蝦 – 唔洗講了, 咁大隻蝦食落去啖啖肉, 好彈口!蟶子 – 佢唔係最最最大個

踏入秋天 又來到滋補養生時節打邊爐時興雞煲 雞煲時興養生雞煲今次介紹的位於尖沙咀山林道的尚上下夏主打雞煲以及養生湯底有別於一般的火鍋店店內以白色簡約為主 大概只有十多張台所以要來一定要訂台喔！另外這裡更有健康特飲以果汁和滋潤飲品為主Aminn點了這杯蘋果汁 可以幫助消化又很解渴由於放工來到已經很肚餓先點了碟麻辣鴨舌 非常入味而且鴨舌皮很爽脆！這店的雞煲特別之處是可以選擇雞件的部位我們點了雞脾拼雞胸肉 滑的滑瘦的瘦任君選擇辣度當然也有得揀啦！而火鍋配料款式也不少點了雞煲鴛鴦鍋 一邊少辣一邊揀了養生藥膳湯底雞煲內除了有雞件還有洋蔥及豬皮豬皮入哂味超正！而且雞件完全冇骨 食落啖啖雞肉不過Aminn其實幾喜歡損骨...食完雞煲後就可以加湯底打邊爐另一邊的養生藥膳湯有很濃郁的藥材味而且飲落是微微甘甜的藥材湯味道應該很滋補的吧!!我們點了一枱的火鍋配料有小份的手切極品靚牛皇及小份的頂級牛柳粒牛柳粒油脂位不多且牛味濃而且牛柳粒份量不少 粒粒都好厚身海鮮方面我們點了桂花蚌、花甲皇、珊瑚蚌及脆肉鯇魚片珊瑚蚌及桂花蚌好新鮮又鮮甜 脆肉鯇魚片很爽脆而花甲皇隻隻都好大隻 每碟份量也不少丸類推介大家點招牌四寶丸