尚上下夏 - 養生雞煲火鍋 (已結業)

好耐都無食雞煲, 心癢癢又Call 班friend 出黎聚一聚. 今次我地試呢間尚上下夏, 貪佢有得揀部位同埋鴛鴦煲, 4個人可以多D選擇.我地叫左一邊辣一邊唔辣, 而雞部位就全部都係雞脾, 貪佢夠嫰滑. 辣個邊雞煲好惹味, 花椒味都好香, 同埋好多配料. 而唔辣個邊d雞都好入味! 佢D配料裏面仲加埋豬皮, 煲煲下索晒D汁好好味!佢都比左好多醬料我地, 但因為雞煲同埋個邊爐配料都好夠味, 醬料結果用得唔多~其實我地食完個雞煲都半飽. 到第二round 加湯打邊撈, 我地就叫咗藥膳湯底同埋番茄湯. 主要材料就叫咗佢地ge 海鮮同蔬菜. 有一樣野抵讚ge 就係佢地D雞唔會太肥搞到成鍋都係油, 就算加湯落去打邊爐都幾清.海鮮方面, 佢地個聖子同埋扇貝都好新鮮好大隻, 原本想試埋鮑魚, 不過個日我地遲咗去, 所以已經賣晒. 手打三色滑都幾夠工夫, 全部都幾彈牙. 後黎叫左個雜菇籃同埋蔬菜籃, 有好多款同埋份量都好足夠. 呢個價錢食靚料火鍋其實幾抵!呀仲有! 我地後尾叫咗個稻庭鳥冬, 佢同個蕃茄湯真係好夾好好味, 反而夾落藥膳湯就一般, 但D菇同個藥膳湯就好夾. 有鴛鴦煲其實幾好, 可以試到唔同

難得星期五也訂到枱，巧嗨森啊⋯⋯在openrice睇過食評相片才被吸引來^^食物賣相和店內環境都算唔錯，價錢中上但尚可接受。牛魔王拼盤$398，賣相很吸引，肉質還可以$58  全餐最差，墨魚滑其實還好但油條差硬帶子皇$98 & 雙重芝心丸$39（不錯芝士口感很好）墨魚丸 & 珊瑚蚌（無咩特別，但唔差）

今天放假同女朋友去尖沙咀行下街拍下拖，行到甘上下女朋友話肚仔餓，於是我就戴佢去山林道新開既雞煲火煱店☺因為我上網見到有新嘢所以黎試下！入面環境都唔錯，冷氣充足。我地叫左個雞煲同藥膳湯，雞煲我叫左半隻，呢到有唔同程度既辣，因為我地唔係好食得辣所以叫左小辣😀另外我點了涼拌青瓜做前菜，至於火煱我當然點了肥牛同生菜😉青瓜好爽口，味道好過引，辣辣地，食到停唔到口😎😎隻雞雖然半隻，但都好多，兩個人食絕對好夠食，唔需要加飯/麵，雞煲辣味啱啱好，唔會太辣好適合我地唔食得辣既人，啲雞好滑，加埋啲汁真系好惹味👍👍👍到藥膳湯個味當然有啲藥味，但一啲都唔難飲，又唔會苦，飲完感覺好健康😊😊總括來講，又平又底食，下次可以約埋一大班人齊娃娃打邊爐😛

在佐敦區工作了三年多，由日到夜、由茶餐到日菜再到西餐，林山道內遍布了找吃的足跡。然而在云云的火鍋店裡，卻只曾光顧過以走地雞聞名的那家雞煲。這夜朋友聚首，終於迎來了在山林道的第二鍋。放工來到山林道的尚上下夏，大概時間尚早，客人未算很多。平日只在柯士甸道的十字路口看到這店的易拉架廣告，今回首次走進店內，環境並沒有想像中寬闊，說真的其實還有點窄 (店員整夜都在碰到我們的枱角)。這裡的雞煲可選單鍋或鴛鴦鍋，除了雞全隻或半隻外，也可選指定的部位。由於我們之間有辣有不辣，所以便選了鴛鴦鍋，而為了啖啖肉也挑了雞脾肉作鍋。雞鍋來的時候，單看配料其實難以分辨，只能靠那辣椒作指引。雞脾肉經過十多分鐘的煲煮後仍見嫩滑，吸收了配料的味道後更為惹味。不過正如兩邊配料不盡相同，兩邊雞鍋的底味大致相同，差別就只有那一股麻辣感。雞煲鴛鴦鍋不辣雞脾(例牌) $88 配 養生藥膳湯 $28辣雞脾(例牌) $88 配 足料龍蝦湯 $28差不多清掉雞肉，便是湯底出場的時間。雖然店子號稱養生雞煲火鍋，但觀乎整個餐牌，養生的就只有藥膳湯及美顏湯。待湯滾起的時候試了兩口，養生藥膳湯散發挺香的藥材味，而龍蝦湯的味道則被辣鍋所掩蓋。由

今晚再黎雞煲，上次食完之後念念不忘呀 ，所以朋友約食飯即諗到尚上下夏啦﹗好叫野食啦雞煲 - 駌鴦湯底，一邊雞煲雞叫左雞脾，d雞脾肉真係好滑好好味 ，一邊瑤柱群翅雞湯，好足料真係有群翅架~~食哂d雞脾加湯打邊爐啦，員工會拿起雞煲剩餘既配菜先再加湯，呢樣我覺得十分好，咁就唔會影響個湯底啦﹗ 另一邊叫左足料龍蝦湯，個湯好濃郁好香鵝腸 - 唔好食，有d怪味牛魔皇拼盤之牛小排 - 好淋好有牛味，keep 到質素牛魔皇拼盤之黑牛柏葉 - 亦係我必食既，好爽口，同埋係第二度我無見過有花膠桶 - 好好好大隻呀~~原本都無咩期望，只係女孩子對花膠既情意結，不過俾我預期好太多啦，最起碼唔會一pat pat，有口感 鬼馬墨魚 - 即係油炸鬼釀墨魚，見到咁得意就叫黎試下啦，都幾好食~~(原來唔記得影相:yuk 健康什菜籃 - 好普通，可以再多D菜囉我覺得蜂蜜菊花 - 我真心覺得呢度最好係~~唔該我要杯凍蜂蜜菊花走冰丫，個員工係唔會黑面之外仲同你講走冰就唔會好凍OK 嗎~~~令我感覺好貼心今次都KEEP到個水準，我覺得應該會有第三次~~~

Happy Friday 最好去食雞煲打邊爐, 飲下啤酒架啦!!不過食得多又會好熱氣, 真係又怕又想食啊''*今次真係有好介紹啦~~就係位於尖沙咀山林道既【尚上夏下‧養生雞煲火鍋】主打雞煲以及養生湯底''*內裡設計很摩登, 有別於一般的火鍋店!!!店內以白色為主調, 簡約得來有咖啡室的感覺~~~大概有十多張台, 要來一定要訂台啦''*這裡特別的地方是雞煲可以任選雞件的部位~而辣度當然有得揀啦, 食完雞煲仲可以加湯黎打邊邊添!!!當然少不了吃火鍋的調味料, 這裡的款式也不少''*由於太肚餓的關係, 先點了個小食：溏心皮蛋豆腐 (HK$48)不知道為什麼很喜歡吃皮蛋, 溏心的更為滋味；那豆腐很滑嫩又夠豆腐味, 作為餐前小食亦算很大碟~~另外這裡更有健康特飲, 都以果汁為主''*我就點了這杯果粒粒蘋果汁, 可以幫助消化及強健腸胃的喔!!味道不太甜又很解渴~~我們 3人點了雞煲鴛鴦鍋~~因為人少所以只點了小份的雞脾拼雞胸肉, 味道是中辣的!!!另一邊揀了瑤柱群翅雞湯作火鍋的湯底''*當雞煲煮滾後, 那香辣的味道已經撲鼻!!!雞煲內除了雞件之外, 仲有洋蔥及豬皮, 完全已經入哂味~~個人覺得中辣

打邊爐就吃得多了～但是雞煲 + 火鍋就真是第一次吃既然那麼吸引又近我上班的地方，和朋友們一起去探探究竟 (｡￫∀￩｡)名字特別之外，還有註明是養生雞煲火鍋呢7月熱辣辣的也沒難度，因為這裡的冷氣很充足！而且碰巧我們坐的是風口位(*^▽^*) 這裡跟很多的火鍋店一樣，可按自己的需要混醬料喔不過其實雞煲本來已經很濃味，大概沒太大需要(?)點餐步驟的Menu 很可愛，有可愛的貓貓插圖另外也有特飲的飲品Menu飲品點了 - 凍柑桔蜜 ($19/杯) & 凍蜂蜜菊花露 ($19/杯)很快雞煲就到了～因為朋友吃辣，我不吃辣的關係~所以是鴛鴦鍋而且雞肉是選了雞脾的部份 ($88/例牌)(っ˘口˘ς) 好辣！！！偷偷試了少少.....惹味但對於不太好到辣的我連少少也很勉強不過雞肉煮了一段時間還是很滑嫩，另外還有豬皮呢雞煲差不多吃完的時間就來到火鍋喔～選了一些比較特別的火鍋料 ヽ(‘ ∇‘ )點了兩款湯底 - 養生藥膳湯 (不辣) & 龍蝦湯 (辣)但其實我覺得加了落雞煲變得太濃味... 好像比較適合重口味的朋友呢生猛海蝦 ($88) 這個海蝦的形變了Z字呢～蝦肉很鮮甜也有彈性原條桂花 ($118) 大部

雞煲近年大熱盛行, 有不同傳統及配料的, 也有多國款式, 我唔算成日食雞煲, 但今次大熱天時, 幾位朋友相約吃雞煲及打邊爐, 香港人真係一年365日都好鍾意打邊爐, 因為可以一齊聚又可以吃不同款式嘛~~~今晚找來尖沙咀的一間雞煲店, 又來試試味道如何??在山林道食肆眾多的位置, 環境招牌也明亮, 看看款式也OK, 還有是日的廚師推介, 而且湯底都有蠻多款供選擇, 也有得意的圖畫作雞煲介紹及正確食法…….雞煲鴛鴦鍋 (雞脾拼雞胸 $88)~~~~一上枱都幾香, 個香味又湧進鼻, 而且雖然叫了小辣, 但好像味道也蠻濃的, 等陣就食得啦!!! 叫了雞脾同雞胸肉, 幾滑唔會韌, 就算之後打邊爐時再食都算滑不會太老~~~看看有什麼配料, 不少得的花椒八角、蒜頭、辣椒、洋蔥、芹菜, 竟然還有豬皮, 好特別得意, 我都鍾意食的, 加上完全吸味, 雖然少辣, 但辣味都幾重, 還好我吃得辣所以尚算OK, 但朋友們就稍覺得愈吃愈辣…….足料龍蝦湯及養生藥膳湯 ($28 & $28)~~~雞煲食到咁上下就轉打邊爐了, 今次揀了兩款湯料, 不過說真的因為加上了雞煲的配料, 其實MIX埋真的唔算太FEEL到個湯

同事放工後話去食雞煲，成日覺得會係好大陣味，但朋友仔話依間係唔同的，叫我試下。好，試一次啦！入到去環境歐陸式裝修唔同平時嘅餐廳，員工都好好人知我地四個人就俾旁邊位我地坐，同俾調味料我地加。好多款！一開始肚餓就叫左鴨舌，海節食！小麻辣好開胃再叫左個聖子王，海鮮併盤！勁大隻蝦！雞煲係選了鴛鴦煲，一邊雞脾肉！正！另外一邊叫了瑤柱群翅雞湯底清淡一點，可以大家唔同口味。飲品叫左可樂，原來係久違了的樽裝，好耐冇見過喇。豬潤好爽口，新鮮！最啱我口味。埋單計翻每人二百四左右啦，值得ge，野食新鮮，服務又好，環境又舒服。咁近我公司，下次一定再黎！

平時食得多雞煲打邊爐，以為一鍋兩味已經好勁！但原來一鍋可以三味的！尖沙咗山林道呢間尚上下夏，就可以揀一邊雞煲一邊係高湯湯底。食完個雞煲再加，就可以變另一個湯底，又幾過癮~~這裡的雞煲可以挑選麻度辣度。還可以揀雞是胸肉、脾肉還是其他。仲要係起埋骨個款。想要啖啖肉，就最愛呢款了吧？而個高湯你可以揀多款！我哋就揀咗個花膠濃湯底。打邊爐前，這裡有數款涼菜小碟，俾大家點黎食。包括有豆腐凍食、上海小食等等。而這個鴨舌是我推薦的其中一款。都幾入味下呢~~打邊爐配料方面款式都好多。先黎講講個魚片，是脆鯇魚片。夠新鮮而且是真正的脆鯇，夠爽脆。不是用上普通鯇魚頂替的。這裡的牛，很值得讚！不是一般的肥牛！牛味很濃，而且係厚切，食起上黎更有咬口。牛柳粒則是肥瘦均勻。食起上黎有著油脂感，另一樣的口感。香菇以及四色丸，是一般火鍋店有的食材。這個手打的魚丸三色，是比較推介的一款。打得夠力，所以食起上黎會夠爽。而且一碟三款口味有齊，比較迎合喜歡試不同味的人客。珊瑚蚌、貴妃蚌都幾新鮮。同埋都算大份量。有成十鬆件不錯啊~~這個蜆，是不錯的海鮮之一。無乜嘢沙，而且都算SIZE夠大。清甜，好味！平時打邊爐飲0既嘢飲到悶悶地，

早幾日同fd去打邊爐，來到尚上下夏-養生雞煲，尖沙咀山林道，但其實佐敦近d, 係雞蛋仔檔轉入去直行，都要行得幾入先到。估唔到環境幾好，d位都坐得幾舒服。雞煲可以揀雞既部位，全隻/半隻/雞脾/雞胸，我地就揀左雞脾(小份)唔辣，因為仲要預打邊爐，就揀埋個湯底，好多都好想試，最後揀左瑤柱群翅雞湯。個鍋一放底已經聞到好香，我地食左雞煲先，揀左雞脾係唔同d, 每舊都好滑，雞味好出，裡面仲有豬皮tim, 本身我唔愛食，都試左啖，估唔到勁入味，又爽，最後我食多左兩塊tim呀。而我最欣賞個雞煲汁，偏甜帶麻，完全冇嗆喉，仲好易入口。個雞煲好快比我地食晒，就開始打邊爐。群翅雞湯直情好似燉湯咁，我地一開始仲一人飲左碗湯先開始落野打邊爐，瑤柱同雞味極濃，但唔會咸，正。鬼馬墨魚，即係墨魚滑釀油炸鬼，好搞笑，落湯度會自動反轉墨魚向底油炸鬼向面，等墨魚滑熟左，油炸鬼已經吸收晒湯汁，不過就會變得唔脆，所以我覺得普通。 三色滑：瑶柱墨魚滑，陳皮鯪魚滑，蟹子蝦滑。墨魚滑好彈牙，陵魚滑果皮味重，整得軟嫩，蝦滑整得好爽口好滑，一次過試晒三隻味。Good 牛魔王拼盤，用high tea盤架上菜，好精緻。 上層係牛柳粒(一

本人因為鍾意食辣野, 所以經常同友人四出尋找刺激今日就試下呢間麻辣雞煲. 我地兩個人, 一早book 好位, 去到仲算早, 坐底即刻叫左個大辣雞煲, 侍應提一提我地, 大辣雞煲真的很辣, 問我地係咪confrim 頂得順, 哈哈, 我同佢講我食譚仔都係食大辣, 佢就放心幫我地落單.我地叫左雞全隻, 好彩我地早到, 雞煲都好快上枱. 一黎到已經聞到陣陣辣味, 想即刻食. 侍應就話焗多5-10分鐘左右會入味D. 我地係等的途中已經叫定啤酒準備解辣.  終於開蓋, 望落雞件都好多, 而且顏色都好靚, 我翻一翻D雞, 就搵左最底個D雞件食(感覺上會入味D). 第一件食落口未算辣, 食到好香ge 味道, 佢地個醬料唔會太傑, 但唔會太水, 雞件可以平均咁沾上汁醬. 而且咬落去雞件幾滑, 裏面都入味. 一路食食下, 忽然發現驚喜, 就係佢地加左D豬皮係裏面!!   由於已經食到一半, D辣汁精華已經比豬皮索晒! 明顯豬皮已經變成啡紅色 (醬料顏色) 我二話不說將佢放入口, 果然好入味. 但自問食得辣的我, 都頂唔順, 真係有D辣倒我. 我地食到"雪雪"聲, 後黎佢仲越煲越辣. 我地就覺得好過

減肥進行中，班好友仲專登約我去食雞煲。。。我本住無懼嘅精神應約~本來諗住無咩可以食或者要揀食，點知哩度原來有得食淨雞胸喎~咁咪無咁肥囉！雞煲~小辣雞胸肉啖啖肉，好夠味，而且切法令到雞胸唔鞋口。食晒哩碗雞胸都應該夠我一日所需嘅蛋白質啦掛?！瑤柱群翅雞湯有成半隻雞，以為個湯底清清地，點知都仲係好濃味喎，翅群就得少少囉！龍躉肉好爽口，肉質一絲絲的帶鮮甜!真係口感好好~估唔到我哩個減肥人士哩餐都可以食得咁豐富，有魚，有雞胸同菜，都健康呀，但係鹽分多左，要飲返多啲水先得！

睇完報紙話呢間上尚下夏與別不同，食雞煲可以養生美顏，真係聽都未聽過，食雞煲生多兩粒暗瘡就有份，所以就約埋成班姐妹黎試。雞煲可以揀雞部份黎食，可以飛晒雞頭雞腳雞翼尖果D無人食部份，的確抵讚！我地分別叫左雞脾小辣例牌同雞胸小辣例牌，食左咁多次雞煲終於可以知道自己食緊雞邊個部位。雞煲上枱等到佢滾起先開蓋撈一撈，食得！雞味無乜都預左，始終係冰鮮雞，不過雞脾相當有肉感，能住雞皮無骨啖啖肉食得好正，而且都好入味。雞胸就瘦D，無咁好肉，不過同樣幾香口惹味。呢間雞煲重有一樣野係其它雞煲無嘅就係豬潤，佢地每邊都放左幾舊豬潤，豬潤如果唔新鮮會又苦又霉，呢個雞煲豬潤就甘甜爽口，肯定係新鮮野，抵讚！雞煲食到差不多食完就到第2回合加湯打邊爐，分別叫左藥膳湯同牛奶湯，藥膳湯小肥牛打邊爐都有，但牛奶湯打邊爐真係未試過。即叫即炸響鈴，真係即炸勁香脆，滾一滾沾D湯，好味。雙重芝心丸濃濃芝士味，外面彈牙，咬開芝士汁流出，鍾意食芝士嘅我大愛! 帶子皇連殼上枱，勁大隻，唔縮水，新鮮鮮甜。原條桂花魚片，新鮮切片，肉質實實，又係極鮮甜推介。不得不提佢地兩款布丁甜品，有機玫瑰布丁同紅棗牛奶布丁，芒果布丁食得多，玫瑰布丁又係第一次，

我成日上openrice睇食評，見到呢間尚上下夏雞煲，個名好得意，今次約朋友去佐敦食飯，本來佢想去廟街食海鮮，但我覺得價錢又貴又坐街邊天氣又熱，而且唔抵食(果d大排檔係厄鬼佬), 所以我極力提議試下呢間食雞煲。睇openrice都預左價錢唔會好似重慶雞煲甘平(人地168蚊位免加一) 但仍然想試，因為我份人本身唔係乜都貪平，我有時寧願比多d錢食d野有質素一d .尼到尚上下夏，見到d裝修都幾簡約，檯都有9至10 張，出面有一張露天既，for d客食煙都ok , 其實如果唔係甘多客應該個感覺幾寫意~全脾大煲收費係188 仲有好多款湯比我地揀的 太口渴所以我再叫左個凍酸梅湯 再叫左份細牛肉 當然唔少得鬼馬墨魚滑 , 點樣鬼馬法呢？ 就係一邊係油炸鬼一邊係墨魚滑，一啖噬落去係食到兩種層次，好過癮！d雞脾切到一件件而且冇骨，啖啖肉，而且湯汁味濃，唔洗點醬都好夠味！d侍應服務都ok周到，同埋會同客傾計，問問我地覺得岩唔岩食。雞煲之中少見呢種態度。總結係滿意，甘多樣野埋單兩位都只係500 幾。食材味道正過平價果d好多，真係一分公一分貨。唯一感遺撼係可能d客太盡興，講野好曹，想同朋友傾心事都要大大聲