尚上下夏 - 養生雞煲火鍋 (裝修中)

好耐都无打边炉, 今日有同事生日就约埋去近近地尖沙咀附近食个鸡煲火锅.呢间尚上下夏之前经过已经闻到好香, 但一直无机会试. 因为个名几特别, 所以印象都几深刻, 今日终于可以试下.呢度最大好处就系有得拣鸳鸯煲, 可以拣一边辣一边唔辣, 同埋有得拣部位. 虽然我地几个都食得辣, 但都想试下唔同口味, 所以叫咗一边辣鸡脾, 一边唔辣鸡胸. 鸡煲份量好足够, 鸡件入味而且好香. 配料望落都好多. 包括有洋蒽, 芫茜等, 但最惊喜系里面加咗猪皮, 我地食鸡煲食到咁上下先发现. 当时猪皮已经索晒D汁, 好惹味! 我地开始打边炉之前仲叫多咗一碟到打边炉, 我地一边叫咗麻辣汤, 一边叫咗芝士汤. 麻辣汤加埋鸡煲余香, 主要用黎焯肉, 贪佢辣得够过瘾! 而芝士汤就用黎焯海鲜, 焯完海鲜再加稻庭乌冬, 变成一锅日式芝士海鲜锅, 正佢地个靓牛皇系几正, 切得有厚度, 最佳做法系放落汤焯一焯, 但唔好太耐, 等到里面仲keep 住有些微生, 咁样就可以锁住肉汁又可以有最佳口感. 另外黑柏叶都系市面上比较少见, 快速焯一焯, 沾上汤汁黎食好爽口. 其余我地就选择咗新鲜海鲜, 花甲, 蝗子就当然唔少得, 仲叫咗