影片
更多
2016-03-30
125 浏览
我同老公都係名符其實既邊爐怪，一年365日都愛打邊爐，至愛喺屋企買d靚料恰下恰下，又愛周圍試新嘅火鍋店！今次去開佐敦做body check, 就去呢間火鍋試下！揀呢間主要係因為睇到openrice有好多好評，老公又話唔想行太遠，見呢間火鍋店好近我地做body check間診所，又近地鐵站，所以就試下囉！我地6點去到岩岩開門，我地係第一台客人，趁冇人影返一兩張相先！ 餐廳唔係好大，我地坐喺入面，雖然冇乜華麗裝修，不過叫做企企理理，坐得都算舒服！老公諗都唔諗就話要點雞煲，個職員同我地解釋佢地既雞煲可以點全隻雞、半隻雞、雞脾、雞胸，雞脾同雞胸係已經去骨同去皮，食完雞煲之後再加湯底打邊爐。 懶到出汁既老公一聽到去左骨，即刻話要揀，懶得就懶！最後我地點左雞煲（雞脾拼雞胸）再加番茄湯打邊爐！第一次食冇骨既雞煲，啖啖肉真係爽！ 雖然我分唔清邊舊係雞胸邊舊係雞脾 , 不過整體d雞都好滑，d味都調較得好好，我個人覺得味道好過一品雞煲，對我黎講一品個味太甜了！食完雞煲之後加左番茄湯打邊爐，我地叫左龍躉斑片，好新鮮好甜，如果份量再多d就正喇！ 我地仲嗌左炸魚皮、黑柏葉同埋蔬菜籃，炸魚皮好香口，黑柏葉我
我地6點去到岩岩開門，我地係第一台客人，趁冇人影返一兩張相先！
餐廳唔係好大，我地坐喺入面，雖然冇乜華麗裝修，不過叫做企企理理，坐得都算舒服！
老公諗都唔諗就話要點雞煲，個職員同我地解釋佢地既雞煲可以點全隻雞、半隻雞、雞脾、雞胸，雞脾同雞胸係已經去骨同去皮，食完雞煲之後再加湯底打邊爐。
懶到出汁既老公一聽到去左骨，即刻話要揀，懶得就懶！最後我地點左雞煲（雞脾拼雞胸）再加番茄湯打邊爐！第一次食冇骨既雞煲，啖啖肉真係爽！
雖然我分唔清邊舊係雞胸邊舊係雞脾 , 不過整體d雞都好滑，d味都調較得好好，我個人覺得味道好過一品雞煲，對我黎講一品個味太甜了！
食完雞煲之後加左番茄湯打邊爐，我地叫左龍躉斑片，好新鮮好甜，如果份量再多d就正喇！
我地仲嗌左炸魚皮、黑柏葉同埋蔬菜籃，炸魚皮好香口，黑柏葉我冇食（我唔食內臟><), 不過老公話好正，自己一個K.O一碟。本來仲想嗌手打丸，不過怕眼闊肚窄，最後都冇嗌！好彩冇嗌，因為食完呢d已經捧住個肚唔想郁！
食左兩個鐘，埋單五百幾蚊，價錢合理，可以放入我個restaurant list度！
张贴
