尚上下夏 - 養生雞煲火鍋 (已結業)

今晚約了三五知己去打邊爐，決定試下呢間雞煲火鍋，順便可以食埋雞煲。雞煲既雞可選擇唔同部位，我地就揀左雞胸同雞脾，辣度都係任君選擇。雞煲一上枱香噴噴，小小辣好惹味，份量都唔少。食完雞煲就黎火鍋，湯底選擇好多，我地要左瑤柱群翅雞湯同藥膳湯。雞湯好味又唔油，係會忍唔住想飲。除了湯底外，不得不提他們的創意之選。手打香蕉墨魚丸，在場的五位朋友各有意見，我自己就覺得幾得意。鬼馬墨魚，蟹子墨魚滑加上油炸鬼，好味道，值得一試。另外自製炸響鈴要推介一下，非常鬆化，完全冇油膩感覺。其他食材都好新鮮。最後要點名讚賞一下服務我們的姐姐，她非常細心的幫忙調校火口。會再黎encore

佐敦，一向有好多有特色又出名既食肆，有好多人都慕名而來，今次，去左一間地道火鍋，食物新鮮，湯底超正既火鍋店雞煲駌鴦鍋- 瑤柱群翅雞湯/ 蕃茄湯雞煲可以揀雞脾肉，要細火慢慢煮熱，雞脾肉非常嫩滑，而且有好濃香料味，洋蔥、花椒、蒜頭、八角等等，味道好香，非常好味。個蕃茄湯好濃蕃茄味，有其他配料放於湯內一齊煮，有甘筍、洋蔥等，好似羅宋湯咁甜。瑤柱群翅好足料，雞湯同翅非常配合，唔錯安格斯雪花肥牛肥牛脂肪比例均勻，而且好香牛味同好滑，火鍋必選，夠晒滑，正呀。蟹子鬼馬墨魚滑蟹子完完全全舖滿墨魚滑上，蟹子墨魚滑加上油炸鬼上，非常特別，墨魚滑好彈牙，而且蟹子好有口感，油炸鬼吸收哂湯底既精華即叫即炸響鈴熱辣辣，脆卜卜，浸入湯底約十秒，少少稔，索哂湯底非常鍾意呢一間火鍋店，火鍋湯底出色之餘，食物好有特色，質素又高，價錢又合理，like。

放工後同男朋友去The One睇戲，但當然要醫左肚先。男朋友話趁天氣仲凍不如食雞煲，我聽到雞煲兩個字梗係雙眼發光啦，於是就在附近一帶搵搵，結果來到位於山林道的「尚上下夏 養生雞煲火鍋 」。甫踏進店內已被懷舊的裝潢吸引住，一椅一桌都散發着舊香港的味道，乃至天花燈也有它的戲份，彷彿讓人走進了舊式的香港街市，可謂別具一格。雞煲火鍋嘅配搭非常多，經一番思量後決定點個雞煲（雞脾半份，走麻走辣），然後再打邊爐。沒多久鍋就上桌了，店員話等多三分鐘就可以打開蓋。雞煲的調味非常出色，尤其在走麻走辣的情況下，更加食得出甜甜的原味，濃度爆燈，正！揀雞脾肉雖然貴少少，但其實好值得，肉質非常嫩滑，又唔使吐骨，真正的啖啖肉！食完雞煲就加湯啦，火鍋湯底揀左「瑤柱群翅雞湯」，入面配料好豐富，有翅、金華火腿、雞，絕無欺場。自家製即炸響鈴（$58）竟然唔係現成貨，而係即叫即炸的，熱辣辣，好鬆脆，必點！手打三色滑（墨魚滑、鯪魚滑、蝦滑）（$98）新鮮又彈牙，讚！四川苕粉（$38）口感煙煙韌韌，就像粗版的薯粉。鮮搾蘋果汁($78/jar)平衡下，唔洗咁熱氣最後由於趕住睇戲，加上七點半前埋單可享有八折優惠，我地就拿拿林埋單了。

材料係新鮮，湯底都唔錯，特別係魚翅湯底好足料。但係主打藥饍湯底完全令人大失所望。係上枱時聞到少少藥材味，但無論係末落料定臨尾煮烏冬飲個湯都係得個甜味。。。份量呢。。。只係一二人份量，碟碟細細碟，完全唔啱一大班人食。但價錢就係普通火鍋店以上既價錢。成五十蚊一包粉絲仔。。八個人食左三千幾蚊，冇乜食過海鮮，只係每人一隻蜆，珊瑚蚌，冇嗌過酒。。。我認真覺得價錢偏貴。坐既環境亦一般。今次只係食左例牌牛，上述海鮮。蔬菜。粉麵。。。。。。。。就三千幾。。好不值

同班人一齊去打邊爐，邊呢間都幾長龍好似幾好食排下。首先就揀下啲火鍋醬料，都幾多選擇，我就勁囉我鍾意嘅蒜蓉同炸蒜。叫養生雞煲緊係試下佢d雞煲啦，啲雞都幾入味，佢隻調味特別，又麻又香，係我出面未試過既味道，真心覺得幾好食。叫咗個新鮮嘅墨魚滑，真係好滑好正。再叫左個海鮮拼盤，樣樣都好正，好新鮮。叫咗個我最鍾意貢丸，好有肉味好好食。其他蔬菜都唔錯，有我最鍾意食嘅蓮藕，又叫咗粟米等等，其實個湯底正，真係落咩都好食。

頭盤叫咗個海蜇，勁勁勁好咪，食唔停口，d醬汁加上海蜇嘅爽脆，應該要每人一碟先夠口喉。雞煲辣味岩岩好而且雞肉嫩滑，叫左2個養身湯底，飲左2大碗先正式開始放野食，由於勁鐘意食墨魚滑所以係必叫，好好味✌🏼️。海鮮拼盤好大，每款都四件，叫左呢個已經唔洗再點太多野，因為個拼盤好似咩都有咁。3層牛肉，每層都唔同，個人最喜歡頂層，入口即溶。以後係尖沙咀又有火鍋引都可以嚟呢間食。因為養身湯底嘅關係，食完都唔會覺得好燥。

年尾雖然食到飽飽滯滯，但都不能沒有超級喜歡的雞煲！朋友告知尖沙咀有間雞煲不錯，於是便約埋收工齊齊去打煲啦~間店離尖沙咀站都有點距離，對於路盲的我找了好一陣子。好不容易找到了，門口大大塊海報寫著全港首創任選雞件部位，的確有點特別，平時打開嘅雞煲都系半隻或一隻，呢個可以揀自己鐘意/想食嘅部位，也不錯。但我們還是選了一隻雞，分開兩邊，一邊系辣，一邊系唔辣的。雞煲一上已聞到花椒八角嘅香味，雞肉肉質嫩滑，大小適中，味道非常濃郁，尤其是食到後面，D汁越來越濃的時候，辣味也很足夠，即使另一邊是沒有辣味的，也感覺被辣的那一邊傳染了。雞煲食完后當然要加湯，我地揀嘅系鴛鴦鍋，可以揀兩個湯底，一邊辣一邊唔辣，辣的選了四川麻辣湯，不辣的選了瑤柱群翅雞湯。四川麻辣的剛開始不覺得辣，滾下滾下開始來料了，好過癮！另一邊嘅雞湯有大大一塊的花膠，真的很足料。火鍋料要咗豬皮、手打花枝丸、蓮藕、蟹子墨魚油炸鬼、豚肉、黑牛百葉、脆魭，還有蔬菜盤（內函茼蒿、生菜、娃娃菜、玉米）。不得不讚的是蟹子墨魚油炸鬼，算特別的一種火鍋料，一放落去，墨魚滑的那一面立刻向下，咁樣就可以保持油炸鬼嘅脆口，大概滾兩分鐘就食得啦~真的好味！脆魭也幾

生日生日，走咗去尚上下夏，呢間個餐廳名都幾得意，可能天氣凍凍地，去到都勁多人，等左一陣位。首先叫左個竹蔗茅根水，都幾清甜。前菜又叫咗個麻辣海蜇，呢個就係真係好開胃，麻麻地好正，好好食停唔到口。我朋友話你家一定要試下佢個麻辣雞煲，咁呀我就叫咗鴛鴦煲，半個係雞煲同埋半個瑤柱湯底。個雞煲真係無得輸， 超級惹味，連我呢個唔好食得辣嘅朋友都忍唔住一路覺得好辣但一路繼續食，另一個瑤柱湯都好足料，入面仲有勁多魚翅添。我哋叫咗勁多嘢食，首先就叫過海鮮拼盤，呢個真係勁吸引，每樣海鮮望落去好靚好新鮮，果然食落都係好爽口好清甜。再嚟多個牛魔王塔，呢個真係啖啖肉，每一層牛肉都有唔同嘅口感，同埋好有牛肉香味。愛牛肉既朋友真係唔好miss。仲叫咗好多唔同嘅蔬菜，因為個湯底都幾香濃，落竹笙真係好吸味好好食，其他蔬菜都好新鮮，唔錯唔錯。呢間樣樣都好正，咁就過左個幸福既生日夜，多謝屋企人請食大餐。

天氣終於開始凍 琴日同成班朋友約埋去咗尖沙咀烚吓烚吓。經朋友介紹去左山林道附近一間叫 「尚上下夏」既火鍋店食雞煲。我哋叫咗鴛鴦鍋 一邊養生藥膳湯 另一邊美顏豆腐牛奶湯。 豆腐牛奶湯個面味道好特別 陣味好似食緊豆腐花咁 而養生湯個面藥材味非常足 勁香藥材味！睇完成個餐牌牛魔皇拼盤昅吸引，牛既六個唔同部位（靚牛皇，牛小排，牛柳粒，黑牛柏葉。牛白肉同埋牛脷托）六種唔同既 肉夠新鮮 唔同部位帶比我唔同既口感非常值得一試！之後我地再叫左個海龍皇拼盤，包括有（珊瑚蚌，蟶子皇，新鮮鮑魚，花膠桶，生猛海蝦，帶子皇，桂花蚌，花甲皇）一食落口既味道 就知呢間野海鮮用料全部都係用活既海鮮，完全無腥臭味。食落爽口彈牙。叫到成桌野不能盡錄！值得一提：1）花膠放落藥膳個面勁煮耐d勁好味2）海蝦 大隻到一個點 味道又勁甜3）招牌貢丸 十級好食 4）我第一次打邊爐 食完唔會口渴 總結：呢間 尚上下夏 雖然比較難搵 價錢對比食材用料 都算得上成正比！香港地好食既野通常都隱隱地世架啦 再難搵都值得再食！

今日係紅日，好多朋友都放假，所以就約朋友一齊打邊爐，我哋同行有四個人，今次就試咗呢間，我哋叫咗個鴛鴦鍋，一邊係養生藥膳湯，另外一邊係美顏牛奶豆腐湯，我哋首先叫咗雞髀（大份)食住先，我哋選擇咗微辣，呢份雞髀不得了，簡直食到停唔到口，佢啲辣加埋麻辣，再加埋雞髀嘅口感好嫩滑，四個人都唔夠食1分大份丫我地餐前小食叫咗個涼拌海蜇，個海蜇前後叫咗兩次，同出邊食嘅海蜇口感唔同，非常之爽口，佢啲醬汁又撈到好入味我哋仲叫咗個手打三色滑，野生竹笙，必食嘅牛魔王拼盤，牛柳粒入口即溶，牛脷托都好好食，仲叫咗個海龍王拼盤，拼盤有八款海鮮，四人份量啱啱好，我最鍾意食蝦，佢嗰度啲蝦大大隻，有我手掌甘長，啖啖肉唔得啦，講到呢度又想再去打邊爐添

經火鍋撚知道集團旗下既呢一間鋪，滿懷期待咁黎食，到門 口已經唔太想入去食難得一場黎到咁就試下啦。入到去見到每一個位都冇乜私隱性我唔係繁忙時間黎食啦，如果係繁忙時間都應該幾嘈下我地兩個人叫左半隻雞煲，味道......有少少咸，同任食雞煲冇分別......任食雞煲個環境仲要好d添最想食既桂花魚賣晒覺得唔太抵食，7折左之後都要每人$300(10點後入座7折)，下次都係食反火鍋撚好d啦起碼火鍋撚有服務好味加環境好

星期六一大班朋友柴娃娃去尖沙咀打邊爐，食鷄煲.入到去見個環境都幾簡潔，冷氣足，就算冇抽氣扇都唔會好焗.坐低見到每檯都有個醬料架，有醬油，辣椒圈，乾蒜，新鮮蒜，蔥等等可自由加配.話明打邊爐，湯底好重要.人多最好揀鴛鴦鍋底，一邊辣一邊唔辣，仲要唔辣個邊係養生湯底，正啊.食鷄煲點可以少得鷄呢?鷄塊算多，伴有洋蔥和豬皮，就咁睇已經好吸引未等個煲滚，大家已經爭相恐後食咁，鷄都幾滑同幾嫩，鷄皮唔會好肥，洋蔥同豬皮都吸收曬香料同鷄味，好入味食完鷄煲可加湯打邊爐，點左鬼馬墨魚滑，同手打墨魚滑，脆肉鯇魚片，花腩片同健康什菜籃鬼馬墨魚滑係油炸鬼裡釀有飛魚子墨魚滑，落湯5-10秒可食，口感獨特但相比更愛手打墨魚滑，膠質豐富，更帶有粒粒墨魚，好彈牙，正！脆肉鯇魚片更是打邊爐必點的，冇咩骨而且爽口，很難不愛花腩片除左可以用嚟燒之外，打邊爐都係不錯的選擇，少左全瘦肉的`鞋`感，肥肉的油膩感，更多的是又嫩又滑打邊爐驚熱氣，可以點加多寶，涼茶飲品，清熱下火，好養生

平時喜歡食雞煲嘅都好鐘意四圍揾特色嘅雞煲食，今日我愛人找到呢一間話好特，仲有好多特色湯底選擇咁就去試下啦！好肚餓嘅我好鐘意食辣，愛人就一般辣，所以決定叫左鴛鴦鍋，一邊辣一邊唔辣！ 佢哋標榜即叫即炒，等左15分鐘左右有得食！ 滿心歡喜又肚餓嘅我食咗第一件雞都覺得幾好味，食第二件開始就覺得好有問題，辣就夠辣，但係點解要咁甜？！ 真係勁甜，越食越唔想食，餓都變成無胃口！開心都變唔開心！愛人仲咬到一大粒東西問我咩黎？ 我就話仲會係咩黎丫！ 一定係冰糖黎啦。我仲發左我愛人皮氣，因為係佢揀嘅，我都唔好意思！ 總言之唔會再有下一次！

一直都唔知道原來有藥膳雞煲的存在，後悔太遲知道，因為反正都係要食，當然要揀健康少少食啦！光線充足的門面已經給人不錯的印象，而且最吸引的是寫著可以任意選雞件部位的招牌，可以食自己中意的部位食到夠為止！店內雖然都好多客人，但個感覺都唔會好迫。同一鍋辣度都可以有唔同選擇，同食勁辣既朋友來都唔使驚！至於雞有得揀當然要食脾位啦，皮多肉厚，食起來啖啖肉，而且全煲都係脾，好正！食完雞到火鍋時間啦，先食最愛的珊瑚蚌，非常爽口，混和雞煲中的雞香味加上小小辛辣，太好味了！再來就是魚皮餃，彈牙又唔太厚的外皮，內部軟軟的餡肉，每一次火鍋都一定要點的，魚皮餃和火鍋是絕配！講到絕配，當然唔少得可以吸收所有火鍋湯底美味精華的烏冬啦，全晚食物所包含的味道，在最後再來一個烏冬作為結尾，是一個非常好的選擇！

天氣 開始涼， 秋天來臨，時候四出覓食美味火鍋。聽說這裏的藥膳雞煲， 味道很特別，且雞還可以選擇要雞胸肉還是雞髀肉。幾個朋友來到 ，有人食辣，有食唔辣，所以決定選擇咗一個鴛鴦煲，一邊係藥膳雞煲，一邊係麻辣雞煲，一煲配料滿滿的，雞件很多喔～空氣中飄散濃濃嘅藥材味， 感覺還真特別而且味道 配合起上嚟㗎 也很好。另外一邊麻辣雞煲今次選擇左中麻辣 ，很辣喔，如果食唔到太辣嘅朋友，建議選擇小辣， 我們點了雞髀肉，認真啖啖肉 ，滿足曬一班食肉獸。 牛魔王拼盤，精選六款靚牛：靚牛黃，牛小排，牛柳粒，黑牛栢葉，牛白肉，（牛胸），牛脷托分得很仔細，很多款靚牛，幾個朋友每款一人食一兩件，樣樣食下都幾開心。我比較喜歡牛柳粒， 口感真好， 夾雜著厚厚既油脂，很重牛香味。牛白肉，牛脷托，牛柏葉， 好爽口呀，記得輕輕一勺 便可以了，不要放落湯太耐呀，韌了便浪費。呢個牛魔王拼盤比較適合兩三位朋友食，如果真係有5，6位以上還是分開一款款點，便可以吃 得過癮好多。 脆炸響鈴 ，如果喜歡吃脆口嘅朋友， 輕輕一勺便可以吃了， 逢係食呢啲比較濃湯汁嘅火鍋湯底， 點這個 ，索哂湯汁時食，湯汁 正到爆 韭菜豬肉餃 ，都稱