宗像屋 (已結業)

知道這間宗像屋在晚飯時間會特別多人，與女朋友特登早到，即刻就可入坐。老闆一聲朝氣勃勃歡迎光臨，熱烈地迎接我們來，有一刻感覺自己正在日本光顧一樣。餐牌上有4個set,我和女朋友都點了最普通的梅set。不消一刻,2吋高的魚生飯已經奉上。食飯上比較特別，先以脆紫菜包著魚生飯吃，再用魚生撈入飯中吃，最後在魚生飯內加入魚湯以茶漬飯吃。個人比較喜愛最後的食法，魚湯嘅燶能襯托魚生嘅鮮味👍🏻👍🏻!!唔錯唔錯

今日得閒落咗深水埗去食刺身山🤓👍🏼比想像中好食.魚身都好新鮮～佢有三種食法第一種食法包手卷第二種食法茶漬飯第三種食法撈勻佢個人覺得茶漬飯比較好食😊如果要去食嘅話最好閒日去.我今日排左九個字🙈🙈🙈行開可以一試

好多日本小店都選擇不多， 為求專心做我一樣菜， 呢間無論裝修又或是選擇都好配合到正宗日本菜呢個style . 就去試一試佢選擇只有4款， 以梅為最基本9 種魚生， ， 不同的價值包含的內容不同， 當然愈高級包含的魚生亦愈豐富， 初黎報到， 當然可以由基本試起， 可能是lunch 時間， 叫菜2 秒後， 侍應已把餐送到， 前菜是 胡麻醬刺身， 主菜9種魚生蓉飯， 另外有紫菜2片隨上此餐有3 款食法， 一， 就咁沾醬食，二， 紫菜包住食， 三， 把魚生蓉， 飯和前菜， 加上湯， 做成茶漬飯一， 當然最普通的丼丼食法， 餐牌上的9 種魚生， 我只食到最出味為主要款的吞拿魚蓉， 另外的， 我專登再打開餐牌， 加上少少幻想， 都只係感受到少少其他魚生的味， 不過加上豉油和wasabi 都唔會難食既二， 包紫菜當手卷食，喂， d 紫菜淋既喎大佬， 餐廳黎講， 唔係咁好lo.... 之後第二塊我將佢放入飯到一齊食， 再無用黎包手卷了諗住大失所望， 抱住急急腳走的心情食埋最後的款式， 三， 茶漬飯， 我預留左前菜的一片魚生， 胡麻醬， 加上1/3 份飯， 1/4 份魚生蓉， 將所有野放入藍色碗，

男朋友上網見到之後帶我去食既。諗住食有海膽果個特上，但因為話賣哂所以叫左個竹同松。開頭先黎左個刺身，都幾好食。之後就坐響度等個廚師整個飯。幾得意，一個飯有三個食法。魚生飯 +手卷+茶漬飯。不過可能係因為啲材料佢打碎哂，所以我覺得冇乜口感。最後，如果想試呢間餐廳就要早啲去排隊

某日午餐想食好D，一個人走去宗像屋。果然不用等就可以直入，我當然選擇坐吧枱以便近距離看到廚師。門面設計簡單，容易走過龍都不知道。食物亦與店舖設計一樣走簡單風，所謂貴精不貴多，只賣四款食物，豐儉由人。其實四款食物分別在於:梅$108 (9種海鮮) 竹$148 (9種海鮮) 當中鱲魚量增加松$198 (10種海鮮) 多了蟹肉特上$298 (11種海鮮) 多了蟹肉及海膽第一次試不敢點最貴， <梅>是最好的選擇了。落單後便送上魚生片作前菜，因為淋了胡麻醬在面，味道都蓋過了魚生的味道。一上菜賣相已經先聲奪人，這一座山已經包含了九種海鮮，因為坐近吧枱見到廚師的做法，其實已預先將所有魚生切粒，整成一球球魚生放入大膠盒，然後當客人落單時才將一球球魚生放於飯上。其實個人覺得味道好一般，魚生不夠凍亦不夠爽脆，好糊口的感覺，亦都分不到每種配料的味道，感覺似是食香口膠。有好多食評都提及有三種食法，我也不多講了。個人最喜歡原始的食法: 豉油+WASABI總結:味道很一般，甚有港式刺身飯的影子，只換成了一大堆頭的排場。餐具亦都擺放得很求其，眼見枱面未抺乾淨，就直接放餐具上去。不推薦

尋晚同男友去咗深水埗食宗像屋，上次排到一半所有丼都賣晒。今次等咗差唔多一個鐘，終於入到去！我要咗梅，佢要咗竹。其實我唔係一個好鐘意食魚生飯嘅人，不過係因為自己唔太鐘意食飯，只鍾意食魚生。但係呢間餐廳嘅特色，就係有三種食法，咁就無咁寡啦！首先我食咗餐前嘅麻醬油甘魚先，幾新鮮不過唔夠甜。跟住就食丼喇，魚生一早整碎咗變咗一個小山丘放係飯上面。將wasabi放落醬油到撈勻，然後倒落個丼到。呢個係第一種食法。跟住就到包手卷，我覺得好好玩。我都包得幾靚嫁！不過如果紫菜脆d就好喇。最後我食咗大約一半飯就要加湯（店家係建議1/3），呢個茶漬飯嘅食法係3個食法入面我最鍾意嘅！湯頭無我第一次食咁鮮甜，不過都依然好食。但注意唔好太早落七味粉，會完全蓋過湯嘅味，想試佢個七味粉就最好留到最後。呢到嘅師傅態度好好，侍應就一般......下次平日會再幫襯。

見facebook好多人討論呢個魚生飯就即刻嚟試下12點幾嚟好彩都唔駛排隊坐咗係bar枱好有feel我嗌咗「梅」同行朋友嗌咗「特上」佢連埋刺身仲有湯 其實好抵 同埋好有日本嘅味道原來果醬油真係唔鹹架 我見網上啲人討論咗好耐哈哈總結係好食 下次試埋其他先

反正經常大排長龍，所以要揀一日比較得閒又唔肚餓先去等位。星期日要等近一個鐘。職員在門口已經通知淨返「梅」和「竹」兩款選擇，咁都好，唔洗有選擇困難。其實碗飯最特別係個賣相，未試過既值得去一試，味道亦唔錯，正常魚生蓉加白飯的味道。那一碟麻醬魚就幾開胃。白飯有少少暖，不冷又不熱，係純白飯，無落壽司醋。其實我會偏愛壽司飯一點，因為酸酸地會更開胃。但這一家就可以叫職員加湯變成茶積飯，多一種口味。兩位職員其實無介紹過碗飯有第三個食法。(就咁食，包紫菜食，加湯變荼積飯食) 兩個女仔成日掛住自己傾計，明明間餐廳好細，一眼睇哂，都成日要客人提點先會加茶。服務麻麻地，因為通常日本餐廳服務都會比較殷勤。好在之前有睇過介紹，否則都唔識得試埋第三種食法。湯都幾入味，但叫做試左就得。如果唔洗排隊，本時都可以叫多左一個地方食飯。但要排就咪搞了，真係未好食到要排第二次。

上一篇才剛記錄到灣仔 - 弘吃魚生丼，相隔一個星期多又到深水埗區吃魚生丼啦，這家魚生丼比起弘的話，魚生丼選擇相對少得多，整間店只有四款魚生丼，而我跟胖BOY排了整整一個小時才能被小店安排入座，幸好小店的空調充足。另外小店雖然座位只有十二個左右，但相對座位之隔得比較開，小店內又用上一系列木色裝修，用餐環境寧靜又坐得舒適，環境舒適程度絕對可以跟鮨店比較一下。等位過程中，店員在門外遞給我們餐牌，可以先選好要下單的丼飯，丼飯分梅(九種海鮮、$108)、竹(九種海鮮，只是鯛魚增量、$148)、松(十種海鮮、$198)、特上(十一種海鮮、$298)四款，最後我們選擇梅和特上各一。梅的海鮮有吞拿、吞拿魚蓉、加寄貝、帶子、甜甘蝦、三文魚籽、烏賊、油甘魚、鯛魚。而特上的材料跟梅九種海鮮一樣會再加上蟹肉和海膽，這樣跟胖BOY分著別就好像比較划算啦。魚生丼還會分三種食法，首先可以以海鮮丼形式進食，第二可以自己落手做手卷，到最後可以請店員加湯以茶漬飯形式吃得一粒不漏。還在等海鮮丼的時間，師傅會先遞胡麻油甘魚刺身給坐吧檯的我們，油甘魚加入胡麻醬算是一個新嘗試，仍吃得出魚鮮味之外還會有胡麻醬調味。其後再把手卷的紫

排左45mins 諗住食餐好坐底好快有得食，但早過我地坐底既都未有得食。基本上3樣野choose，竹。梅 係一樣，梅份量多d。我地叫左少d份量!到再之後我朋友就跟佢個圖加豉油，加左少少之後個waitress 走過lei 話，俾錯左我地，我地話我地"liu"過la bor !佢照收走，俾左後面果枱客=.=之後再到左另一個，今次我朋友連wasabi 都拎開埋又再加左豉油,隔左一陣，個waitress 又走過lei 話俾錯左....我地話我地用筷子掂左，佢照收走！又俾左後面果枱之後終於到我地，不過已經影響左，都ok ,d 飯熱 再加d 碎魚生。食到中途可以加湯變茶績飯，我朋友食得快過我，俾個碗佢加湯！同時有4個人加湯！點知返lei 個碗唔同左，我朋友同個waitress 講，佢好驚話換過俾我地，之後另一個waitress話佢肯定岩bor...我地話唔駛換，不過我地冇食到。個waitress 仲話 '話換又唔要 而家又唔食。'到我加，由於得我一個加，所以放心食！其實真心ok ,但果2個waitress 態度好有問題，處理事情既方法都好求其。點可以俾人食過既食俾其他客食！食物做到幾好都冇用

好多人排隊等位，等位時會派一把小扇扇涼，等左兩粒鐘先食到既魚生飯，真係好新鮮，海膽超正。食到一半仲可以轉做湯飯，一樣好味，抵食。另外老板好任性，晚上只營業三小時。

一早想試試宗像屋，因為看到它的魚生飯真的很吸引，但營業時間非常短，只做12-3pm和6-9pm，而且會很多人，售完即止，為免撲空，所以一直沒有機會去試。終於今日放假，可以早早來排隊！我們5:40pm來到，已經有2對人客正在輪候。餐廳的外部非常日式，簡單的白色麻布垂簾為主。大約5:55pm，店員很體貼的拿出了一壺水讓輪候的客人解渴，很有日本文化。終於到6時，店員一一為我們帶位入內。內部的裝修都貫徹了日式風味。簡約潔淨，以木為主，感覺很舒服。座位不多，只有約14個座位，多為雙人枱。餐牌簡單得很，只有4種魚生飯:梅、竹、松和特上。最頂級的特上有海膽，價錢亦貴一倍呢！這裡每位客人至少要點一個丼，所以為了能用最低價錢試盡所有魚生，我們分別點了梅和竹各一個。這裡的魚生丼有三食，每張枱上都有介紹食用方法和步驟，一面日文、一面繁體中文。豉油是特製的，味道鹹甜適中，很適合配魚生飯！這裡的酸薑都很特別，有芝麻在內，甜酸辣的味道很開胃！魚生丼很快就送到。看到特上的感覺真的很令人滿足，相比之下，再看一眼梅就帶點失落了。魚生丼的魚生山種類有9種，但我已經忘記了它們分別是甚麼，但整體感覺很新鮮，當中有柚子皮提味，

之前facebook見有人share 呢間日式魚生飯食店，大讚好食，就約 friend 周末去試下。位置由深水埗地鐵行去都要10-15分鐘，喺寶血醫院隔離，都唔算難搵。店舖一日只係開 6個鐘，12-15:00 同18-21:00，睇個時間就知老板唔休做。我地兩個人七點去到，要門口排隊等位，天氣有D熱，不過見門面幾有日本特色，相信都值得試，結果等左45分鐘有位。入到去，其實真係會嘩然一吓，因為店內氣氛好休閒、唔嘈，令人有種想慢慢嘆、慢慢細咀嘅 mood，同出面排隊嘅情況簡直 180度大不同。總之簡單一句，好有日本人對食野嘅執著 – 用餐時要用心欣賞嘅態度。入面師傅係日本人，侍應就係香港人。我地揀左最平嘅 set $108。首先上前菜 – 麻醬 + 兩塊魚生到主打魚生飯，打碎左嘅魚生堆得好高，仲有一粒粒三文魚子。仲有多個碗放紫菜，等你可以自己 WRAP 埋 D 飯一齊食。魚生雖然係打碎，但係食落仍然有咬口，好好食食到最後，你可以揀加熱湯做湯飯，湯嘅熱力會令魚生變成半熟狀態。都幾岩當食左大半魚生飯開始有 D ‘漏’ 嘅時候，轉一轉食法，配個湯味道幾好食之餘，仲有新鮮感。OVERALL 比一

今次同老公專登黎深水埗，揾意間專門食魚生丼既宗像屋^_^。其實我地之前黎過一次，但未開。因為店鋪只做午市晚市^_^要留意時間^_^店內裝修日本風，簡約淺木色設計，實而不華。彷如置身如日本，師父會在客人面前即場製作宗像屋只得一樣食物^_^魚生丼，但有分不同等級，會視乎用料區分。梅$108 ，竹$148，松$198，特上$298今次我同老公叫左梅同松^_^宗像丼^_^非常特別^_^可以一丼三食，層次十足！食法一：先將Wasabi特製醬油拌匀。食法二：另外，可以把適量魚生飯放上紫菜，製成手卷。食法三：建議將三分一魚生飯及一片胡麻汁魚生片放到丼碗，再給店員放昆布湯，做成茶漬飯。我係第一次咁樣食魚生丼，魚生入口即融，十分鮮甜，食法多層次，味道一流！宗像丼的魚生丼，十分值得我高度推介！一定會再黎試埋個特上^_^

呢晚去左宗像屋食海鮮飯。我地兩個人5:50pm 就到左，個時仲未有人等緊。約十分鐘之後，到餐廳開門前，門外已經排左十幾個人！估唔到捧場既人咁多！入到去見到舖仔細細，只有十幾個位，心諗唔係好適合多人一齊黎食。MENU好簡單，只有「梅」、「竹」、「松」、「特上」四款，我就點左竹，其實同梅一樣有九種海鮮，但就比梅增量；另外松就係多左蟹肉，特上就多左海膽。等左8分鐘到，我既竹到左啦！啲海鮮堆係飯上堆到極高，賣相都幾吸引！原來個飯都有三種食法，第一：就咁食；第二，包啲飯落紫菜度當手卷；第三，食剩三份一叫待應幫你加湯當荼漬湯飯食。就咁食時第一感覺係口味都幾淡，我覺得就算加左佢提供個碟豉油都唔夠咸！啲海鮮切到好似蓉咁，個質地唔係好似一般食魚生飯咁，都幾特別。朋友個個松，佢話都食到啲蟹肉味！加紫菜食就無乜特別。最後加左湯既食法我覺得最好食，因為啲湯夠咸同夠香，落埋另上既芝麻醬鯛魚令味道變得好有層次。最後埋單走人，啲日本師傅好熱情同有禮貌咁歡送我地，讚！