宗像屋 (已結業)

第一次去食，還未知內裏食咩！但都抱住試一次好唔好食都係一次啦！但想唔到唔係食物的問題，係服務的問題。我一家三口有小孩子，個金頭髮的女服務員，問我們可否坐吧枱，但因小孩子不能坐我們就拒絕啦！但個金髮女服務員就發皮氣及比面色我們看，服務態度極差，其實食物方面都唔算差價錢都算合理，但服務態度太差啦！所以只此一次沒有下次，真係出尖咀求其找間日本料理店都好過佢。

今日放工係公司附近食晚飯,因為之後有野做,揀左開左一排既新店,之前睇報導介紹過都幾吸引GA啦,今日終於搵到機會試~佢地六點都係岩岩開晚市,無咩人,餐牌好簡單,有4款,我揀左竹~首先黎左個刺身先,加左芝麻醬有另一番風味,好似沙律咁~坐係吧枱可以望住師傅專心整緊個飯~等左陣終於黎啦~枱度有個牌教你可以點食~食法一:好似平時魚生飯咁食,即係撈埋鼓油同芥辣咁食法二:佢俾左兩大塊厚厚地既紫菜你,可以DIY手卷~食法三:食剩三份一既飯,拎番俾佢幫你加湯黎個茶漬飯,又有另一番風味~講番味道,魚生既量都真係唔少,算係值回票價,不過佢整到好似魚生蓉咁,如果可以大粒少少有野咬下我就更加鍾意啦~魚生唔會話唔新鮮,但又未至於好鮮,佢加左青瓜同柚子落去都幾開胃~我會提議大家用紫菜整左手卷食先,如果唔係就會淋哂GA啦~同埋其實我幾鍾意個茶漬飯喎,清清地,D魚生有少少熟咁無咁蓉,個質地又特別D~~~~~~~我今次無試蟹肉同海膽,有機會再黎試下先~

路經此處，得知我家附近開了一間日式小店，門面裝修極為簡樸，淺木色的木條間隔，幾道白色的門幡，單從門面，根本不知道內裏是什麼葫蘆賣什麼藥⋯⋯推門而入，實而不華的淺木色裝潢，簡潔明亮，慶幸被安排到吧檯就座，與主廚的距離拉近！店內獨沽一味只供應「魚生丼」，視乎不同的用料和份量，劃分為四個特級，「梅」HKD108、「竹」HKD148、「松」HKD198、「特上」HKD298。我當然選擇了「特上」！點餐過後，細閲了店方指示「宗像丼」的三種食法，用餐期間，不致失禮於人前，這一丼三吃的食法，頗為有趣！店員先奉上「油甘魚刺身」為前菜，上面淋上胡麻醬汁，芝麻味香濃，酸香開胃！高高的魚生丼以木桶盛載，久久找住了我的眼睛食法一：先把wasabi 與特製醬油拌勻，再倒入丼中調味，啖啖的魚生，配以和暖的壽司飯，口感豐富！食法二：吃到中段，把適量的魚生飯，放在香脆的紫菜上，自家製成手卷，層次更為豐富，又是另一番味道！食法三：淋上魚湯做成茶漬飯，熱騰騰的魚湯與新鮮魚生飯匀和一起吃，感覺份外飽肚滿足！想不到，在這平民的深水埗區，也破格有著這特式小店，獨沽一味的「魚生丼」已是本店的賣點，10cm高的「魚生山」更是本店吸

有日路過見到大排長龍, 好奇望下, 原來係等位食飯, 先發現開左間日本野, 竟然係呢頭開間只賣一樣菜式的食店, 仲要係魚生飯!?有趣。第2日同同事講開, 同事非常有興趣試試, 為左唔想等咁耐, 約左星期日先去食, 仲要早半個鐘去到等開門!做足準備! 去到發現又真係好似太早, 企係度有點害羞於是去隔離嘉X兜個靚圈再等過, 點知一出黎, 已經有8-10人等緊, 好彩仲算係第一輪入到去, 店員早左5分鐘放人入去, 遲左既代價就係要坐吧枱, 無位放袋有點唔方便, 朋友帶背包, 無辦法下掛係椅背, 結果成餐不停俾店員撞來撞去, 但無計, 店面太細, 土地問題。大部份人一早已決定好叫咩食, 所以一坐低已order, 非常有效率!我和同事也一早決定要食海膽無誤。點好菜店員即刻每人派碟胡麻魚生, 但佢地咩都無講只放低就走人, 結果我地食完睇緊介紹先發現原來呢碟非前菜而係留到最後食湯泡飯時用, 當然你係可以揀唔跟佢介紹食既.....但正常店員係咪可以講聲呢!?你又可以話我係自己無睇啦, 但我又唔覺得十幾個位, 佢地忙到連講聲都唔得囉...吧枱係好位, 可以清楚睇到師傅們整魚生塔既過程, 真係睇到食慾大增

今日終於試到神秘嘅宗像屋，7點去到都排長龍等咗好耐，但門口有凍水供應，唔錯，菜單係冇價錢的，要問先知價，今日一場黎到梗係試最貴嘅極上魚生飯，詳細菜單睇圖據說佢地魚生飯有3種食法:1就咁食，2包紫菜食，3加湯食，詳細睇圖魚生飯其實好食嘅，但其實中間所講嘅11種料都切碎哂，基本上佢有幾多料新唔新鮮我睇唔到，因為大部份都係吞拿魚蓉，其實小弟以前讀書做過日本餐廳知道吞拿魚蓉其實係d唔值錢嘅多筋位刮出嚟，咁啱我又食到條咬唔爛嘅筋，令我更相信係d魚蓉喺筋位刮出嚟比2塊紫菜你扮手卷食都係 gimmick嘢，不過最後加湯食反而有驚喜，好似蠔仔粥咁，個湯好鮮總結，好食，但極唔建議食極上，因為咁樣賣$298，唔抵仲有，我地認為成晚講日本嘅廚師其實係香港人

每次經過都好多人排隊，難得上星期早上經過同男朋友即刻係開門前(早15分鐘到 ), 該店12點準時開門，呢間鋪開頭睇門口都唔知食咩 似食拉麵 好似好神秘咁。直到上黎openrice 先知食刺身既。我地叫左中間果兩個。有三種食法，首先黎左個吞拿魚刺身先，店員仲提醒可食剩一塊吞拿魚 留黎加湯果陣食之後食剩三分一再加湯食！感覺上我又覺得唔係好值呢個價試完一次就算。

中伏了！上次等左一小時四十分鐘，即使等，也覺得值得，因為上一次同hubby 吃過他們的極上丼，叫人回味。今日身㾗返去再食，專登响佢一開門就去Echo ，點知中左伏。雖然照片依舊，但味道全非。上次的海膽十分鮮美，但今曰的卻是魚腥味同暗淡的黃色海膽。刺身比上次碎很多，已換了魚生雜碎，已分不出那是帶子，哪裡是呑拿魚，是一團魚生茸。上次鮮美的魚生飯，今次變成無乜囗感的刺身雜茸飯。上次包飯吃的紫菜是脆的，現在是稔同韌。上次好好味的魚湯拌飯，今曰卻成了凊湯，淡然無味，唔通間店hit左就將質量降低?非常失望，無下次！

店內只可容納15人左右，要預早排隊，因為人十分多。可因為想食海鮮而選不同海鮮丼，價錢因級別而有所不同，由HK$148到HK$398不等我我叫了梅，吞拿魚多到滿瀉。基本有三種食法。第一食法，就咁食去飯2/3。海鮮鮮甜，入口即溶。第二食法，手卷。紫菜比較像韓國紫菜。最後食法，茶漬。食餘1/3飯，師傅會為你加入湯，你再把漬魚加上。湯香濃甘味，魚肥美，直情想叫「多飯呀唔該！」

是日生日, 本來唔想點慶祝,但朋友興致勃勃的話要食飯,於是選擇了公司附近既呢間店舖食雖然或者未有太多人知道呢間食店,但晚飯時間去到,店外已經排左一條隊,期間約8點3左右店員已經出來截龍,所以下次都係唔好太晏到,排左差唔多一個鐘先去到店門口,店面無咩裝潢, 只有一塊門布係門口但呢種簡約既感覺幾舒適足足等左90分鐘, 終於都可以坐低食野,係出面排隊時店員已經幫客人落左單,所以一坐低好快就上菜有得食菜單一如店舖設計, 好簡單,就只有魚生飯, 分別係"梅,竹,松,特上"四種,以材料同分量區分,"松"同"特上"既材料同分量差唔多,分別係"特上"多左一款材料--海膽因為本人唔太好海膽,所以最後選左"松"賣相相當吸引, 唔同材料既色彩絕對有助增添多少胃口,按照店舖既指引食法,先試左塊胡麻醬汁魚生,胡麻醬汁微酸開胃, 又令魚生更加鮮甜之後將芥末同日式豉油拌勻之後倒入魚生拌勻食,魚生係預先切好整定,但亦算新鮮,日本米飯粒粒分明飽滿,同魚生好配合,又可以用附上既兩塊紫菜包住食,就好似食壽司咁,紫菜既水藻香味加上魚肉既鮮味同飯香,兩塊, 似乎唔多夠XD三爬兩撥下已經食淨少少,之後將食淨既魚生飯放入碗,示意店

我喜歡深水埗，覺得他是香港一個具代表性的地方。在深水埗裡可以找到切合香港人的電腦廣場、特色的街道、地道的天光墟、漸漸消失的小店，與及基層市民的實際生活模式。不是高官清場、封路所做的「化妝」 Show，深水埗最能將真實的社會層面反映出來！在深水埗，我會找到茶記、腸粉、魚蛋、夾餅、蔗汁、小炒飯店、火鍋，這些地道口味彷彿就是深水埗茂盛的枝與葉，但若然加插日本海鮮丼於內，會否有點格格不入？以我的看法，不只深水埗的居民，香港人壓根兒愛好選擇，選擇是自行調節的基制，可不斷帶動改善和進步，更何況深水埗現有的茶記、腸粉、魚蛋、夾餅、蔗汁、小炒飯店、火鍋均不是通過欽點而來，這麼多年來都是奉行市場自然的調節和發展，那其他的想法又如何？當天雖趕上中午十二時的營業時間抵達，但也趕不到首輪入座，可想而知大家的想法和接受程度了！幸好還可坐到餐廳內唯一兩個等候的座位，否則非餓死也會遭街外三十多度的高溫曬乾！海鮮丼是「宗像屋」獨孤一味的供應，更命名為宗像丼，備有梅、竹、松和特上四款的選擇。我們眼睛在看餐牌、肚子卻不斷在咕嚕、心裡在催促客人快些離開，其實也夠忙的了！約35分鐘後，一位男食客離開，我們的希望降臨了！坐到吧

6點過啲開始等，等左差唔多一個鐘嗌左個日$108既梅，碗飯黎到俾想像中細碗，魚生冇鮮味，因為有腥味，都幾多葱，而且好多魚生都切都蓉爛，所以食唔出魚生鮮味，又食唔到北寄貝，帶子同甜蝦味。。。果位日講日文既師傅只不過係畢飯同將啲撈好左一舊舊放喺膠盒既肉團堆成一座山仲有，兩塊紫菜放左落個有水既碗，浸軟左，我同男人婆待應講佢仲問我咩事，要我解釋先換俾我，攞返黎仲大力掉落枱。總結等一個鐘花一百蚊，食完仲未飽就真係後悔，我自己整應該會好食過佢。

這裡是屬於人稱"拉麵陳"的Meter Chan繼一系列拉麵店之後獻上的另一新猷....光看門面的那份簡約而又帶點神秘的氣息，那氣氛和他之前所經營的拉麵舖可說是如出一徹....相信有甚多老饕及識途老馬都知悉，這兒主打的是海鮮丼，而且還是一丼三吃....店內有三款的海鮮丼選擇。專道而來的我當然就要選"特上"的....但師傅此時竟告訴我由於海膽沒貨的關係所以今天就沒有"特上"可點了.....Oh No....登時覺得整個世界好像要塌下來啦....沒辦法底下，唯有點了次選的"松"....作為餐前小食的一小碟油甘魚麻醬漬，是十分地道的福岡吃法。油甘本身的品質極佳，入口非常油潤肥美且帶有原始油甘應有的鮮中帶點點的魚油香，配搭上酸度偏高但芝蔴味濃烈的杰稠醬汁，確是十分理想的一道開胃小吃....望穿秋水的"松"丼，過不了一陣子就放在我的眼前....在一個小木桶之內用上了吞拿、吞拿魚蓉、北寄貝、帶子、甜甘蝦、三文魚子、烏賊、油甘、鯛以及蟹肉十種材料堆疊成一個好說有約十厘米左右的小海鮮山，試問口腔內的味道除了軟糯香甜與鮮味十足以外還可用甚麼詞語去形容這個食後感呢？答案是 : 吃得人一臉的滿足，絕對是超"u

胡麻油甘魚刺身.在等待主角宗像丼來的時候 每人也有一份浸在麻醬的油甘魚刺身😌 油甘魚片非常新鮮 沾上濃濃芝麻香的麻醬 層次提升不少 令本來不喜歡油甘魚的我也能輕易入口 是高質的前菜! 店方建議留一片到最後 放到茶漬飯內 但我自己就不太喜歡熟掉的魚生片 所以沒有這樣做宗像丼 梅.對於角切魚生或碎魚生飯 我一向都不喜歡 因為大多數質素都比一整片那種的魚生飯低 這個就還好吧😌 我所選的 是最基本那款 大家可選增量/加蟹肉/加海膽等 梅有九種海鮮 分別是吞拿魚 吞拿魚蓉 北寄貝 帶子 甜蝦 三文魚子 烏賊 油甘魚 鱲魚😋 所有海鮮切成粒狀 混上青瓜柚子皮雪梨 再堆成一座"魚山" 賣相的確非常吸引😏 味道方面 我認為真的不出眾 魚生份量算多 有一種混合了的微鮮味 但每一款的魚生味道其實不太嚐到 加上柚子的清香 味道有點被蓋整個魚生飯我最欣賞的是他們的wasabi!😍 從wasabi的細碎粒粒 就知道是新鮮即磨 讚！除了普通的魚生飯吃法 店方推薦了另外兩個吃法 分別是以紫菜包著和茶漬飯☺️ 紫菜是微暖脆口 這點值得一讚 大家可以包點魚生飯 作手卷😉 當魚生飯吃到剩下三份一的時候 可以連同前菜的油甘魚

最近听说深水埗附近开了一家很有特色的日料店，就按着openrice上的地址去吃啦。店外面的装修就很有特色，没有很大的招牌，但是外面却排了很多人。当时排了一个多小时才轮到我们，但是进去吃过后觉得等的很值得。进店后，发现这个店布置的很雅致，师傅也是一直对客人说日语，让人感觉仿佛在日本的某饭馆吃饭一样。店里的调料瓶，杯子，碗，牙签盒等也都很有特色，看出了经营者的用心。我们选了梅这个套餐，首先上来的是赠送的芝麻鱼生片，真的是太鲜了，而且碟子中的料特别好吃，感觉每一口吃的都是享受，真的很想说，如果这个芝麻鱼生片也可以单点就好了，我一定会点一大盘吃。每个桌子上都会有这个吃法介绍的说明，非常贴心。我按照上面的介绍，留了一块鱼生片等着最后吃（虽然内心真的很想把它们都吃光 ）上主角啦，这个就是梅，堆着满满美味的梅。我先按照说明进行了第一种吃法，味道好极了，里面的食材无论是鱼生还是其它都非常鲜嫩，味道出奇的好，让人忍不住吃完一口又一口。这个海苔是用做第二种吃法的，感觉这种吃法一般般，就没有拍照给大家看第三种吃法，也就是饭里加汤的吃法简直太爱。让我忍不住加了好几次汤。因为汤特别鲜，上面又撒了很多芝麻，真的

🍙深水步隱世10cm魚生飯!!!!! 🍱新開既呢間日本料理由日本師傅主理, 只有16個座位, 閒日都要等半個鐘以上⏰,但大面想講係絕!對!值!得!!😎成個menu只有魚生飯, 貴價既就係多d魚生種類, 而梅 就最平既呢種,包含9種魚生,🍴咁魚生飯黎前會比兩塊新鮮魚生片作飯前菜, ‼️緊記留翻一塊同碟中既麻醬係最後同茶漬湯飯一齊食‼️🍚魚生飯就有三種食法: 1️⃣🍘自製手卷食,(紫菜唔夠,可拜託店員加) 2️⃣以海鮮丼方式食 3️⃣最後留翻1/3 丼飯與開頭既魚生片同麻醬汁一齊加落丼內, 叫店員加湯就可以當茶漬飯食!!!🍵👧🏻大面覺得魚生飯用料新鮮🤘🏻, 將不同魚生如吞拿,帶子,希靈魚等混合起黎, 有入口即溶口感! 但入面加入唔少青瓜,感覺魚生味道比佢地搶左好多!🍋內裡亦加入柚子, 大大減低膩度!! 🍚而飯粒分明,口感軟熟微暖, 配合餐廳既環境,真係好似去左日本咁!!!💰性價比真係好高, $108 份量多, 味道好, 環境好,仲要唔洗加一!! 👍🏻👍🏻👍🏻💡想去既記住要早d黎, 9點就冇架啦!! rating: 9/10