大澳德發 (已結業)

今日係銅鑼灣行完街，發現呢間新開大澳德發餐廳，睇個名都估到係大澳特色菜，原來就係主打水上人家菜，見到餐牌裡面菜式好有特色，於是試下先~蜜餞欖角骨平時酸甜排骨果d食得多，呢個用欖角整的味道更香甜鮮美，排骨甜而不膩，肉質嫩口，送飯一流跟住當然要試海鮮啦~頭抽乾煎海中蝦海中蝦外面香脆可口，內裏肉質爽彈，經過頭抽煎香後鮮味更濃，有醬油豆香又唔會太鹹蒜蓉粉絲蒸聖子(2隻起叫)聖子鮮美肥厚，配搭埋蒜蓉香味道更有層次，粉絲索曬d香鮮味食好正👍最後點多個清炒菜心就另呢一餐充滿大澳水上人家菜完滿ending~另外加20蚊可以配飯配湯及野飲一杯～題外話，入到去發現餐廳有上下兩層，環境舒適寬闊，真係值得一試😁

喺銅鑼灣食飯，來來去去都係嗰幾味🤔，今晚想食d特式少少嘅嘢，見到寫住大澳，心諗我呢世人好似未去過大澳🥲，就入去試吓咩係大澳小菜先！🥢椒鹽焗鮑魚 (4隻) $148首先見到圖片好吸引上碟之後賣相都非常之靚鮑魚好淋用椒鹽包住嚟焗好惹味慢慢食放得耐，凍咗食都非常正🥘惹味卜卜蜆煲 $168份量一啲都唔少煮一陣之後加上湯再煮一陣卜卜蜆新鮮爽口無沙加咗好多蒜蓉吸收晒上湯同蒜蓉嘅味道好鮮甜🍓士多啤梨骨 $108初初都會擔心用士多啤梨汁會好酸食第一啖嘅時候不禁驚嘆一句肉質好好好好好嫩滑好淋士多啤梨汁一啲都唔酸用嚟送飯一流雖然叫做士多啤梨骨但係一啲骨都冇食得好方便😋🥦濃湯野菌泡時蔬 $88西蘭花爽口新鮮上湯濃郁而唔會過咸野菌無草青味食咗咁多肉係時候要食下蔬菜🦀鹽焗奄仔蟹 (滿$400送)奄仔蟹係嚟到先至用gas爐去焗差不多每台都食緊估唔到隻奄仔蟹都有唔少膏蟹肉都有唔少好入味朋友唔食可以俾我自己一個嘆晒一隻整體嚟講，佢哋嘅小炒都幾出色，份量大之餘價錢亦都唔貴，加$20有湯同白飯，加$8 仲可以要杯凍檸茶。今餐嘅份量，4個女仔嚟都夠食。原來大澳風味又幾正喎😋

今日經開銅鑼灣，見到有間新開嘅大澳德發茶餐廳，又見最近好似比較少食下啲小菜，所以就決定去試吓！見到餐牌，都有好多小菜可以選擇，仲要有海鮮！餐廳由於係新開，裝修都幾咁雅致，同時都有上下兩層，上邊嘅座位都比較多！所有小菜喺晚間時候只要加$20就有個套餐，套餐包左一個湯同一杯飲品！🍡酒香凍鮑魚 HK$148本身掙扎食椒鹽焗鮑魚定係酒香味好，可惜嘅係椒鹽焗鮑魚已經一早賣晒🥲🥲但好彩酒香凍鮑魚都冇令我失望，黎到好香嘅酒味，鮑魚好彈牙，而上面都有啲椒鹽嘅脆脆，變咗一路食就覺得鮑魚好軟滑但同時有脆脆嘅口感！🍡菠蘿拔絲咕嚕肉 HK$88第一次食拔絲嘅咕嚕肉，口感其實同普通嘅咕嚕肉冇乜分別，除咗個外皮有啲黐牙🤣🤣🤣但佢又唔甜喎😌🍡鹹魚雞粒豆腐煲 HK$88當侍應捧住過嚟嘅時候心諗乜咁大煲呀😂😂豆腐好嫩滑，但鹹香味唔夠，比較清淡嘅一個菜色！

我跟朋友本身很愛北角大澳德發的小菜，得知銅鑼灣開設分店，馬上相約友人們飯聚。大家均盛讚大澳德發的中菜是銅鑼灣吃不膩的好味道，絕對會持續回訪多次。大澳德發當天食材即日烹煮，小菜好吃之餘，親民價格，不傷荷包，讓刁嘴的大家吃得高興。大地魚蠔仔肉碎湯飯乳白色的湯底鮮味十足，甜味全都來自大地魚乾和蠔仔這些海鮮，粒粒分明的米飯單純泡著湯吃也很夠味，還有肉碎，芹菜提香。蠔仔大顆又新鮮，大地魚乾保有脆度，用料不手軟，不過全都被我們吃光光。大澳德發的自製飲品非常適合搭餐，自家檸檬薏米水喝來有淡淡的薏米清香，加上酸美的檸檬片，使味蕾沒那麼飽膩，清涼去濕健脾胃。惹味卜卜蜆煲在鍋裡滋滋作響，店員趁熱時倒入熱湯提鮮，頓時鮮香四溢，視覺，嗅覺，味覺三重享受。卜卜蜆肥嫩飽嘴，吸附蒜蓉，辣椒等精華，既有卜卜蜆本身的鮮美多汁，亦有香辣滋味，使卜卜蜆味道層次變得不一樣。冰鎮咕嚕肉一端上桌吸睛程度就是直接秒殺清空，咕嚕肉調味，醬料都是主廚精心調配，不使用快速醬汁，每個環節用心處理。咕嚕肉表面帶有酥脆口感，包裏咕嚕肉的醬色漂亮，酸甜醬完美滲入柔嫩的肉質中，咕嚕肉甜酸下飯，超喜愛這種功夫菜。金磚豆腐拼花枝餅色澤金黃，金磚豆腐外

今日同幾個fd去到銅鑼灣真係超大雨，襪都濕哂，肚又打鼓，抬頭望一眼原來盲舂舂行到去謝斐道呢間「大澳德發」，大澳既味係點既呢？好奇要試下😌菜牌勁攪笑，係特大護照😂間野原來唔係小菜館，下午或下午茶仲有茶餐廳既野，我fd話佢下午茶既沙爹牛肉麵幾正，我下次先試！今晚我地叫左小菜試試先！🥢椒鹽鮑魚：炸漿包裹住鮑魚，鮑魚唔un 炸得剛好，最愛佢啲炸蒜，不停「不」黎食，想叫碗靚仔：送飯😝🥢沙爹銀蒜中蝦煲：用佢招牌沙爹黎整，加埋數量唔少既中蝦，令到粉絲好入味，最好係蝦頭都去埋，呢樣細心！🥢蒜蓉粉絲蒸扇貝：扇貝同粉絲係朋友似的，兩者離不開😂蒸得剛好唔過火，扇貝亦算新鮮的！🥢大澳咸鮮蒸馬友：第一次見呢種食法，先將馬友醃咸左，令肉質變滑，亦去左馬友本身的腥味，咁食法連豉油都唔駛，只係幾條薑絲都提到魚既味道！🥢大澳海味雜菜煲：大廚將蝦乾、魷魚走油，令香味迫左出黎，所以將本身較平淡既雜菜煲香味多左，菜類都多有5-6種，個湯我地仲飲埋！🥢金磚豆腐拼花枝餅：豆腐好滑，炸漿要令豆腐滑身保留住，所以粉漿薄薄地，而花枝餅入面我地食到佢撈埋馬蹄粒，咁就爽口啲冇咁漏！

大澳德發小廚在銅鑼灣新開張，有2層，裝修企理地方乾淨！大量卡位坐得舒服。menu好多小炒菜式！都幾抵食。麻醬青瓜，麻醬酸甜開胃，青瓜爽口清爽。非常正既飯前小食。優惠孖寶酒香鮑魚，酒香唔會過濃，剛剛好有點酒味調味，鮑魚質感煙un, 口感柔軟，在口腔散出陣陣酒香！好高質素。沙嗲銀蒜中蝦煲，蝦既數量多得挎張，都算鮮味，入口彈牙！配上粉絲金菇，芡汁入味香濃！又夠熱辣辣。大地魚蠔仔肉碎湯飯，勁多配料，蠔仔肉，魷魚乾，豬肉碎，青葱，香茜非常足料，湯頭夠濃香，整體非常入味！蠔肉鮮味飽滿，好食。

今日搵咗個舊同學食餐飯，嚟到銅鑼灣呢間大澳德發，位置喺謝斐道近波斯富街街口，門口大大個招牌，就算唔熟路都算係好易搵！蜜椒金薯牛仔粒($118)而家好多舖頭(大排檔/中菜館)整呢道小菜，之但係薯仔要做到外脆內軟確實唔簡單，呢一碟絕對係高水準，蜜糖沾滿薯仔粒表面，夠晒惹味。牛仔粒份量都唔少，絕對對得住價錢。師傅仲落咗青椒+洋蔥去炒，為食嘅我當然食埋佢！菠蘿拔絲咕嚕肉($68)咕嚕肉酥脆嘅口感夠晒吸引，咕嚕肉同上面道薯仔粒一樣係外脆內軟、口感豐富。呢個價錢($68)可以俾到正常大排檔份量，可以話係相當抵食。金沙脆鮮魷($98)餐牌上分別有椒鹽鮮魷/金沙鮮魷可以選擇，我哋最後諗咗兩諗，都係決定揀金沙鮮魷。新鮮爽口嘅魷魚配上充滿鹹香嘅蛋黃，絕對係送酒嘅完美配搭。金銀蛋泡白菜仔($68)前面食咗咁多香口小菜，最後叫返個菜平衡下。金銀蛋白菜仔，份量一樣好驚人。食得咁盡興，當然要叫返兩枝冰凍啤酒啤啤佢！

印象中未食過水上人家菜，呢間大澳德發主要食大澳菜式，入邊空間好大，好寛敞，除咗地下一層，仲可以上樓上坐，就同朋友去食下。佢menu設計好特別，成本passport咁。大地魚蠔仔肉碎湯飯$68蠔仔湯飯食得多，但呢個比較特別，用大地魚做湯底，係特別鮮味，再加左蝦乾，加多左咬口，而且蠔仔都大隻，大大碗咁足料，好抵食。蜜餞欖角骨$108呢個超級好食，甜得黎唔會膩，而且食到欖角味，排骨唔會整到太稔，一碟都有接近10大塊，送飯一流。金磚豆腐拼花枝餅$108豆腐一啖一口，size 剛剛好，一上菜既時候熱辣辣，加少少黑醋，酸酸地，豆腐就外脆內軟，好開胃。花枝餅都大塊，不過如果可以再彈牙d會更好。

收工去左CWB行下, 見到有間新餐廳, 係食水上人家菜, 又似幾特別, 就入去試下.修面裝修都幾靚, 同埋D座位夠寬敞, 坐得幾舒服.點左幾個菜,海葡萄 - 小食黎, 之前係沖繩食過, 香港比較難搵到, 沖繩獨有的海藻, 低熱量, 不含膽固醇, 生食, 充滿海水味, 口感似蟹子.德發招牌炒飯 - 夠獲氣,  炒到乾濕適中, 入面有燒肉粒, 翠肉瓜粒等士多啤梨骨 - 顏色非常吸引, 用左腩排去整, 小骨, 小肥, 多肉, 配上士多啤梨汁, 十分開胃.咸鮮蒸馬友 - 日本和韓國也有類似製作, 把魚從背或腩剖開, 用竹籖把兩邊魚肉撐開, 抓一把粗鹽灑在魚肉上, 放幾小時即可蒸.  魚肉滑, 有咸香.鼓椒炒花甲 - 用左比一般size大既花甲, 有大排檔風味.

大澳德發在北角好出名，今次在銅鑼灣新開分店，比較就腳要去試吓。出名的菜式已印在餐紙上，一目了然。Menu 是護照設計，還有好多經濟套餐選擇。酒香鮑魚有濃郁的酒味，鮑魚質地煙韌。菠蘿咕嚕肉 $88賣相好靚好吸引~~外脆內嫩，醬汁味道調得剛好，入面沒有肥豬肉非常好，啖啖肉，還有足料的菠蘿、青椒、洋葱，十分推介。沙嗲銀絲中蝦煲 煲內有7隻中蝦，大大隻是沙嗲汁但不會太鹹，粉絲金菇吸收精華，還有青椒、洋蔥、菠蘿等配料。晚市滿 $400 送奄仔蟹一隻，有鹽焗、清蒸選擇。選擇了鹽焗，就在我們的檯上烹調，等約20-30 分鐘。除了粗鹽，還有香料如花椒、八角，免費的落足心機。有不少膏，蟹肉鮮甜

約咗朋友一起吃晚飯，由於最近大家都好忙，所以完全無心思諗去邊度食，只是將見面地點暫定喺銅鑼灣。好彩今日大家都可以準時收工，隨意在街上走走，竟發現位於北角的「大澳德發」喺謝斐道開咗間新分店，有人表示有興趣，我當然沒有異議。餐廳主打水上人家菜，食物選擇好豐富，有大澳招牌菜、海鮮、龍躉菜式、魚鮮類、蒸餸、豬牛雞類、蔬菜類、炒粉麵飯等，另外亦有多款優惠孖寶。揀咗兩款以大澳命名的招牌菜，大澳鹹鮮蒸馬友 ($128) 同 大澳鹹香雞 ($128)，另外再加咗碟椒鹽鮮魷 ($108)。點小菜加 $20，就可以配白飯同老火湯。今日嘅老火湯係合掌瓜豬骨湯，湯水好清甜，滋潤解燥。先嘗鹹鮮馬友，魚肉鮮味充沛，肉質細膩，鹹香得嚟又有咬口，比起用豉汁蒸，更能突顯咸鮮風味。面頭的薑絲成功地消減了魚身過多的油份。平時好少會食鹹雞，呢個用木盤送上嘅鹹雞，味道真係唔錯。雖然只係點咗半隻，但雞件分量十足，雞肉又嫩又滑，香味非常濃郁，有肉汁又唔肥膩，入口鹹鹹香香，用嚟送飯一流。壓軸送上的椒鹽鮮魷，亦好有驚喜，鮮魷表面炸至金黃酥脆，內裡仍然保持到魷魚嘅鮮味，食落一啲都唔韌，加上椒鹽的香辣，相當惹味。

是日外勤路過銅鑼灣，見到北角的大澳德發進駐銅鑼灣，和同事約好放工就試下佢。聽名就知道德多始於大澳，來探水上人家當然要食海鮮，所以招牌的卜卜蜆一定要食。餐廳也很貼心，將所有招牌菜都印在餐紙上，讓心大心細的人可以跟紙揾食！另亦有套餐優惠，4款套餐中我們選了個B餐，沙嗲銀絲中蝦煲和椒鹽鮑魚。卜卜蜆一大煲上枱，望見都開心，上面鋪了滿滿的芫茜！趁熱先食蒜蓉蟶子蒸粉絲，雖然不算大大隻，但肥美飽滿，肉質鮮甜彈牙，最欣賞是上面的粉絲仍保持乾身，食落蒜味重，豉油味道剛好，好出色！鮑魚是我所愛，椒鹽的它更惹味，鋪面的全是香蒜，鮑魚炸過，所以肉汁都封住了，咬開入面彈牙多汁，不愧為招牌之作！馬友咸魚食得多，清蒸的也不易食到，難得這裏有，當然不可錯過！原條蒸真的鮮味無窮，骨不多，肉質細滑，單食或送飯也是一流！卜卜蜆鍋份量多，蜆大隻而無沙，蒜和芫茜夠多，所以不用外加調味，蜆本身的咸味已經好鮮甜，所以好快就被我們清了。殊不知原來這個蜆食到最後會加湯又加飯，摇身一變變成一碗湯飯，所有鮮味入晒碗飯入面！這個飯用來送沙嗲粉絲煲剛好！蝦煲的蝦有6大隻，十分足料！粉絲超級入味，個汁真的是不能輸，明明食完卜卜蜆湯飯已經見飽，但

跟朋友到銅鑼灣晚飯到了一間叫大澳德發的餐廳第一時間就想到大澳漁村原來店家就是主打正宗水上人家菜在市區就可以吃到 不用山長水遠入大澳 很方便呢點了一個孖寶 比單點更優惠豉椒炒蜆每隻都肥美鮮甜 完全無沙咸鮮蒸馬友先用鹽醃過 令魚肉除了鮮甜還帶點咸香由於鹽會去掉部份水份 魚肉吃起來更緊緻 魚味更濃絕對值得一試大澳咸香雞由於昔日艇上沒有雪櫃儲存食物所以水上人菜最大的特式就是鹽醃醃過的雞肉口感有點紥實 但依然嫩滑配上大量蔥絲很香口菠蘿拔絲咕嚕肉味道不錯 下飯好幫手但炸粉偏厚 相對上失色另外 惠顧滿400就送鹽焗奄仔蟹一隻侍應在旁邊放個爐即焗 再去掉鹽巴上桌非常新鮮 蟹膏蟹肉飽滿單點印象中是88一隻 都很划算沒有加一 埋單434非常超值 真的值得一試!!

我點左樱花蝦炒飯，送餐小妹妹攞左碟楊州炒飯俾我，我問佢「我點嘅係海皇醬樱花蝦炒飯」小妺妹好肯定話呢碟楊州炒飯係樱花蝦炒飯，好彩近收銀處職員附近，收銀姐姐即刻過嚟睇一睇碟嘢，就叫妹妹退返去，呢碟係楊州炒飯嚟，原本以為已經settled，點知之後再攞返嚟，同一碟嘢係面加返啲樱花蝦就算，就算我當我無知，原來海皇醬樱花蝦炒飯走咗樱花蝦，就係楊州炒飯😏但大佬呀！啲炒飯來來回回凍鬼曬！😑我又無點錯，又唔係落錯單，點解要我食冷飯呀！以後唔會再幫襯😡

大澳是香港碩果僅存的水鄕，偶爾去走走、看看棚屋及漁村頗有趣，講到食，以街頭美食為主，記憶中沒有那一間飯店特別出色。 近日經過銅鑼灣謝斐道發現而家新開的茶餐廳叫做大澳德發，主打漁鄕菜式，價錢實惠，味道不錯。 優惠孖寶C $218 （原價$218）大澳鹹鮮蒸馬友豉椒炒花甲 大澳鹹鮮蒸馬友非常肥美的馬友，魚肉嫩滑，濕濕潤潤的，入口鹹鹹地，鹹度剛好，淨吃不過份，佐飯理想。 簡單而薑蔥清蒸，無需加豉油汁，已經是好。 豉椒炒花甲紅椒、青椒、洋蔥、豆豉炒，香氣撲鼻，惹味之最，今日的花甲、肉不算大粒肥美，但無損美味，同伴以汁佐飯，吃得滿足。 大澳鹹香雞籠仔蒸雞有風味，調味剛好，醃得入味，名副其實帶鹹香，雞肉肥美大件，皮滑肉嫩，雞胸不嚡。 配備青醬，我猜是蔥薑油的混合，味道不霸氣，適量增辛香。  菠蘿拔絲咕嚕肉 $68本意點選招牌冰鎮咕嚕肉，自己講得不清楚來了普通的咕嚕肉亦不妨試試，啖啖肉，甜酸度平衡，炸漿不厚。 店內裝潢樸實懷舊，內置電梯上一樓，坐窗邊有街景，舒適開揚。 運作流暢，服務可以，無需加一，中、午、下午茶餐純粹茶餐廳的食物，看來抵食。