影片
相关文章
朋友住附近，食过呢间话好食～ 所以推介呢间一齐食多次～ 平日下午两点零，店内无咩客，好多吉枱～ 收银要做埋侍应～ 唔知系咪因为咁，好想坚持我哋坐近收银门口位置～落单时店员都企喺收银位要我哋大声嗌要乜～ 而食物质素好一般～ 热狗最奇怪～ 三几十蚊得条幼肠同茄汁.. 咁既然系港式， 好多茶餐厅系咁，所以无乜所谓～但最嬲系找数时，因为我同朋友得大纸，无散纸找，问店员可唔可以分开比，佢好粗声粗气咁呼喝话唔可以，然后找钱～ 我哋都未反应得嚟，再有礼貌咁问佢可唔可以张廿蚊唱散做两张十蚊～ 佢一嘢拍埋收银柜然后另转脸同朋友倾计，唔理我哋～ 真系超级粗鲁同无礼貌～ 对住佢简直系令人觉得活受罪～ 佢咁唔想做点解又要返呢份工？ 离晒谱～ Black list~ 唔会再嚟～
继续阅读
还没太迟的更新🫠✨大闸蟹季节当然要食大闸蟹🦀🦀🦀由于同友人都好想食大闸蟹关系都疯狂揾左好几日睇边间好食贪食既我地当然唔放过包罗万有既放题🤭一坐底会人头计咁叫一人一款小菜我地叫左椒盐茄子呢个好出色 粒粒都脆想疯狂咁放入口呀🥲肉排个个件件大件 不过就咸左dd仲有就简左花甲呢度既花甲同卜卜蚬好似同一样黎🤣由于卜卜蚬系无限叫结果黎左两大盘唔止冇沙 仲要粒粒劲有肉最正呢度系有🦀🦀🦀不特止仲有三文鱼刺身 北寄贝 甜虾样样都新鲜🥹之后有鲍鱼蚝🦪都任食又新鲜姜茶又任饮重点既系职员服务态度超级好边个话伏架！不过都多得我地以伏心态去试结果令人惊喜🤗埋单加埋一都好似要$500头架不过态度同食物质数值回票价啦🫣.
继续阅读
朋友话想食大闸蟹，于是就揾咗呢间试吓。话说我肚都系属于易痛，敏感嘅类别，食刺身放题同海鲜放题都属于高风险不过今餐食完肚仔零投诉证明嘢新鲜，有洗卜卜蚬大粒，冇砂，我系一开就即食(海鲜为咗安全煮到过熟仲有意思吗？) 多汁同嫰，系全场品质最好选项。鲍鱼连蚝蒸7 分钟，好肉有咬口，都系推介选项。刺身今晚冇北寄贝，食三文鱼同甜虾，交足货嘅，入口鲜，冇怪味(有时去酒店食buffet都会有怪味) 咁我同朋友都唔系擦得之人，就冇再加单喇大闸蟹够膏，唔算香，肉质够实够甜，食蟹唔食肉嘅朋友你哋走宝喇咁我哋一人擦4 只。回到本啦。奄仔蟹系冇嘅有d失望蚝够嫰够鲜有肉但蒸蚝时水太高浸淡咗d蚝扣分酸菜鱼鸡味道普通overall嚟讲呢餐ok嘅但要识叫唔后悔帮衬嘅ok啦环境望落, 唔系靓装修, 唔啱打咭 但坐落系舒服干净, 够空间, D 嘢摸上手唔立手 服务快所以有3星
继续阅读
放题写明有奄仔蟹同大闸蟹任食，结果坐低叫左野食后话无奄仔蟹，员工话唔当造，其次放题讲明有蟹粉小笼包，最后员工话小笼包都不嬲冇蟹粉，上菜速度极慢，得2个钟，仲要自己蒸，食完卜卜蚬先可以上蟹，每样都要3吹4请先到，3吹4请都算，员工仲同我地讲，厨房要赌波，唔可以吹佢地，你做生意定赌波呀？野食一d都唔好食，蟹叫左2round，2round都有臭蟹，呢间野真系可以永久black list，希望大家唔好中伏!!!!!!!!
继续阅读
适逢蟹季，睇左好多唔同既介绍后，精心挑选左呢间🤣💰$498 大闸蟹放题 🤩除咗大闸蟹任食之外，以下嘅食物都系任食㗎: - 奄仔蟹- 卜卜蚬- 蒜蓉焗生蚝- 鲍鱼- 三文鱼，甜虾刺身- 蟹粉小笼包- 精美小菜（每人拣一款）同埋姜茶任饮！首先会上小菜，我地拣左沙嗲粉丝奄仔蟹🦀同埋咸鱼煎肉饼😋😋咸鱼煎肉饼咸香味十足而且口感香脆！沙嗲粉丝奄仔蟹入面啲粉丝索晒蟹味，好好食！😋😋跟住上左一大锅卜卜蚬，大火煲滚再食！份量好多，鲜味十足！☺️重头戏 — 大闸蟹黎喇🤩只只应该都有5両重，大部分都系蟹公，上锅野只蟹仲郁紧，真系超级新鲜！啖啖蟹膏，我同男朋友都食唔停口🤩🤩原本仲想keep住个淑女形象好斯文咁食，后尾都唔理得咁多喇，大大啖食最好味🤣🤣奄仔蟹就细只啲，要拆肉黎食都有啲困难🤣蒜蓉蒸生蚝系My favourite 之一！🤩只只生蚝都大大只🦪, 加埋蒜蓉系上面更惹味！😋仲有原只鲍鱼食，口感烟韧 鲜美！☺️我地两人total 食左20只大闸蟹，8只奄仔蟹，同埋数唔清既生蚝同鲍鱼！☺️最后饮返两杯姜茶，成个人暖笠笠系好满足既一餐！❗️要留意同其他大闸蟹放题既分别系全部海鲜都系要自己煮的，时间上要注意同食既时间相对系少左既！不过另一个睇法系啲海鲜一定系新鲜烹煮，唔会有上枱即冻既情况！🤣价钱嚟讲我觉得系相对比较抵食，钟意食大闸蟹嘅朋友一定要黎试下！
继续阅读