壹火鍋

营业中

休息中

雖說今時今日一年四季都可以是吃火鍋的日子，但對於大熱天時開大冷氣吃火鍋仍不太習慣的我，還是喜歡在冬季寒冷的日子裡跟親友們去吃一鍋熱騰騰的火鍋，暖笠笠之餘亦較環保。前陣子有幾天天氣突然轉冷，正好就跟E先生吃火鍋去了。那天我們來到旺角兆萬中心的壹火鍋，升降機一上到16/F打開門，我們不禁被門口那大批輪候座位的客人嚇了一跳，幸好安排座位的店員說正有一班客人在買單，稍等一會就能入座了，我們亦認為沒什麼比大冷天時吃火鍋好，唯有耐心等待。果然大約十分鐘左右就能入座了，我們被安排坐在最裡面的二人檯，沒有大多人走來走去，還不錯。靠邊是一列四人卡座，中間是數排長檯，可以坐上6-8人，角落位置還有2人座位，整間餐廳可容納百多人，非常熱鬧。  入座後，店員馬上拿來一個椅背套替我們蓋著外套以免弄髒，先詢問我們會否吃刺身，之後讓我們選擇湯底，店員亦介紹了新上市的極尚松葉蟹海鮮窩，我們亦覺得甚為吸引，於是就決定點來嚐嚐。18:30-21:00入座時段 刺身海鮮火鍋 $179/位，入座計2小時，食物種類多，而且價格亦算大眾化。在簡單說明一下醬汁調味配料、飲品、甜品都可在外面自取及放下點食物紙後，我們就急不及待揀選食

宜家呢個天氣好想去打邊爐, 所以就決定去試呢間””,開頭搭lift上到去見到幾多人等位 地方唔系好大, 系任食放題. 因為任食既通常D質素都唔太好. 但原來食物質素都唔錯, 醬料款式亦非常多，除左港式的醬油，仲有芝麻醬、鰹魚汁，泰式的醬料都有，其餘蔥、蒜、芫茜樣樣有齊. 而佢地既牛肉同刺身我覺得系要大讚的.實在系好好食!!!食物選擇種類都唔算話好多,但基本的都有齊嗮,已經可以滿足到我基本打邊爐既需有. 首先上咗肥牛,呢碟肥牛真系好正!! 平時出面食果D肥牛質素都好普通, 睇相都已經可以見到D牛肉脂肪分佈,食落好有牛味,唔會好似人地咁有雪藏味. 之後上咗D刺身,一上到已經被佢個造型吸引咗,擺得好靚>< 佢D刺身都好新鮮同好好食, D三文魚唔會切到好薄,而且系勁好食,鮮甜有濃陏魚油香,可惜最後實在太飽,冇叫到第2 round XD ,而其他刺身都唔錯!之後叫咗D丸類同D蔬菜類, 佢地有個墨汁墨魚丸真系唔錯,好有墨魚味, 但就系食落口感好似粉咗D. 佢地既芝士丸系火炙芝心丸,都幾好食.而其他菜呀丸呀芝士腸呀山根呀都不過不失, 冇太大特別. 而飲品就任攞, 都系普通果D嘢飲總括

好耐都未食過任食的邊爐喇~因為邊爐任食的,通常d料都真係好一般下,不過仲有埋刺身食,迎合到一班朋友唔同的要求,而且個環境都唔錯,咁就試下啦~佢就係「壹火鍋」喇~環境都唔錯,其實我覺得有d泰國店 feel~湯底選擇野食選擇先來刺身,個盤好靚,會變色的呢~刺身我唔係樣樣都食,食左三文魚、蝦、玉子同鮑片~三文魚、蝦同鮑片都好甜,蝦又夠爽口,水準唔錯~開始打邊爐,最終叫左個北海道松葉蟹海鮮窩,都係加多$10,加入10有呢堆野食,我就覺得抵喇~都蟹都甜架~打邊爐咁 heavy,食呢d 湯底好舒服~牛肉比想像中好食~係幾好食添喎~以為任食d牛肉就會好肥好韌添,我覺得佢仲好味過一般逐碟叫果d喎~令我對任食改觀呀~牛肉夠淋,肥瘦度適中呢~墨魚滑&蝦滑都爽口呀,唔會溝左好多肥豬肉的感覺~個牛腩靚呀,滾完都夠淋~雲吞夠蝦,連花膠都有得食呢~雞肉滖完都唔會'鞋'架~嘩,好耐未食過生根,正呀~仲食左餐肉同芝士腸~相信餐肉同芝士腸都係大牌子,有時就算係餐肉同芝士腸都可以好難食的呢,呢間就ok喇~人大左唔係食到太多野,除左食肉,更喜歡食蔬菜類~而且揀左個北海道松葉蟹海鮮窩喎,就緊係要食蔬菜類索下d鮮甜味啦~揀左娃

那夜寒風襲港，所以特別想打邊爐，我們便沿著西洋菜南街行至兆萬中心。隨手接了些傳單，見壹火鍋有新野"北海道松葉蟹海鮮窩"幾吸引就走上去，一上到去電梯門一打開，多人到差點連電梯都出唔到，咁相信應該唔錯，於是馬上攞位。雖然多人，但由於是限時放題，相信亦不需要等太耐。出面有自助調味吧，大約有十幾款。有我鍾情的辣椒粒、生蒜、炸蒜及香蔥。這份海鮮窩材料足亦配有雪花肥牛，窩底以娃娃茶、小白菜及冬菇配上。- 松葉蟹腳x4 : 主角的腳算幾粗壯，拆殼後有幾多蟹肉，肉質爽口。- 海中蝦x4 : 每隻一串的已串好，很快就熟，其肉質微微的彈口，如果配再大一點的蝦會更好。- 青口x2 : 肉質爽甜，再多兩隻才可滿足。- 扇貝x2 : 中型size，肉質亦爽口彈牙，不錯。因為海鮮不宜滾太耐，所以需要好快清哂窩中的海鮮，然後馬上就放下雪花肥牛，滾一滾不見紅就食得，肉切得約有1mm厚，所以食落有咬口之餘亦不會太韌，帶有牛肉味。吃完個海鮮同肥牛之後，點了些鮮腐竹、雲吞、魚皮餃、墨汁墨魚丸、鮮脆鲩骨腩、香菇貢丸、仿海膽包心丸、蟹粉包丸、獅子狗、蟹爪肉棒及蟹子墨魚滑，這裡的食品種類有84款之多。其中的墨汁墨魚丸及蟹子墨魚滑

兆萬好多食店 今次就試下壹火鍋 一上到去即刻睇下張野食紙 好多火鍋料揀呢 落單點左個店員推薦既海鮮鍋 係等食期間 行去睇下飲品櫃 唔錯唔錯 有好多選擇 而醬料區都好多唔同味既醬料 亦可自己加蒜蓉辣椒等等 幾欣賞佢個醬料碟 三個小碟連埋一齊 好方便！首先黎既係刺身拼盤 賣相好靚啊 有唔同顏色既燈光射出 加分位 刺身就全部都好新鮮 特別鍾意三文魚 夠肥美 玉子都唔錯 好甜 不過如果厚切就更好啦海鮮鍋上場啦 一黎到見到好足料 好多唔同款既海鮮 長腳蟹 扇貝 青口 好吸引 食落亦唔錯 頗新鮮 蝦就有d普通 不過特別鍾意蟹腳 肉質厚實 幾鮮味 所以都無咩點醬料 其他配菜例如冬菇都大大隻 啖湯好鮮味 係咁飲  打邊爐又點少得叫肉食下呢 最推薦既係豬頸肉同牛肉 個豬頸肉紋路靚 好肥美 肉質彈牙 食到停唔到 碟牛肉更正 雪花紋 色澤鮮嫩 肉汁豐富 好有牛味  

平時如果要我推介一間任食火鍋店，我會推介荃灣的大鍋口，食過幾次水準能夠保持，價錢亦不貴。 今日黎左旺角兆萬呢間壹火鍋，發現食物質素不錯，同樣是任食又抵食（又多左個任食火鍋推介）醬料款式非常多，除左港式的醬油，仲有日式的好似芝麻醬、鰹魚汁，泰式的醬料都有，其餘蔥、蒜、芫茜一一有齊。我蠻喜歡這裡的醬油盤，可以一次過放到三款自己喜歡的醬汁。點菜單如圖，各式各樣食物都有。鍾意食海鮮的朋友，可以跟我一樣加錢要海鮮鍋底，鍋內最吸引係有蟹腳呢，底層是蔬菜及蘿白，吸收左海鮮精華黎會越煲越好食。我比較著重肥牛質素，無計我太喜歡打邊爐食肥牛XD 呢到肥牛唔會太多肥膏，呢個肥瘦比例岩岩好，牛肉味又濃郁，點D日式麻醬 再追加D肥牛都係咁GOOD話明我鍾意食牛  難得見到有牛展點梗係即刻點啦~ 呢到個牛展本身應該調左味，就咁滾兩滾食，牛展口感好有咬口，同樣唔可以錯過~呢到D黃膳啖啖肉魚皮滑嘟嘟  餃子多菜少肉皮夠薄都唔錯打邊爐點少得蔬菜呢，叫左幾款蔬菜都係一樣咁新鮮，木耳同粟米我鍾意~ 汽水自助任飲的~~~ 有道地烏龍茶 & 韓式飲品...仲有支裝菊花蜜 任食任飲之外仲有甜品係雪糕任食不同時段不同收

最近遇上天氣突然轉涼，朋友們紛紛相約火鍋聚會也是正常的事, 就如某日收到朋友傳來的短訊, 推介一間放題形式的火鍋店, 有個人愛吃的刺身和海鮮鍋底, 而且價錢只在二百蚊以內, 確實有點吸引力, 一試也無妨。這家壹火鍋位於兆萬中心, 地方企理,周一晚上來到，這裡人客也不少，好彩早到一步, 我們二人進佔了一個四人卡座，比較舒適寬敞。食火鍋，醬料也是重要一環，店方擺放了多款調味料, 包括有紅辣椒、蒽花、蒜茸、花生醬等等, 而本人也在多款醬料中，簡簡單單的選了小量紅辣椒、蒽花和蒜蓉。對著熱辣辣的火鍋, 點一些飲品來降溫是常識吧, 店內有不少罐裝飲品供應, 飲品方面選了罐裝烏龍茶, 夠健康而且解喝, 一路食火鍋, 一路飲烏龍茶, 順喉!隨即而來的就是刺身併盤, 有三文魚、甜蝦、八爪魚及鮑魚片等, 三文魚刺身肥美而切得厚身, 口感柔軟細膩, 非常鮮味;甜蝦是原隻連蝦頭奉上，非常新鮮鮮甜，食落夠爽口彈牙; 八爪魚的爽口彈牙; 而鮑魚片的嚼勁十足; 水準唔錯。鍋底方面點了北海道松葉海鮮鍋, 鍋內的海鮮相當豐富, 有松葉蟹腳、海蝦、青口、帆立貝和雜菜等, 當中最喜愛松葉蟹腳，肉質鮮味無比; 海蝦和青口也是

一行四人走在旺角街頭，肚子餓，想找吃的。但旺角太多選擇，又碰巧我們四人都是選擇困難症，所以特別糾結。走到兆萬，看見放題火鍋任食！我們二話不說就走上去了。當然我們也害怕會否中伏，結果，這躺火鍋之旅沒有失望，反而幾有驚喜。火鍋店人流很多，生意好好，若不book位，真的要等上15-20分鐘！剌身放題再加上火鍋放題，都只是$189位，當然是選這項啦！湯底方面，店員向我們推介了新推出的海鮮鍋，仲向我們保証一定足料！於是我們便試試這海鮮鍋到底有多猛料！當然，也有其他不錯的選擇！個人就好想好想試試烤魚湯底，聽說店員還會即場拎條生猛大魚在客人面前，俾客人過目過目後才拎去索湯底。下次一定會試試這道！食火鍋的指定動作當然是先去拎醫料！各式各樣都準備齊全！我真係好鍾意佢地呢個火鍋醫料兜的設計！一次過滿足我３個慾望！一開波第一道菜當然是刺身啦！擺設靚靚，每件肥美厚身！我以為火鍋店主打火鍋，但原來刺身放題也同樣十分出色！呢一件拖羅真係不得了！壹火鍋在刺身放題方面做得什至比其他日本放題店更為出色！有驚喜！主角登場！北海道海鮮鍋！！真係一如店員所講，十分足料！我覺得不能用足料去形容，要用猛料！分別有最少8隻青口、4

天氣轉涼令人好想打邊爐，係旺角行完街就去咗兆萬食壹火鍋。因為價錢相宜所以好多人等位，等咗十零分鐘終於到我地。食物種類好多，今次揀左豬骨同蕃茄湯底，湯底足料濃郁。火鍋醬汁配料種類繁多，好唔客氣地拎咗好幾碟醬料，另外佢地既碗十分user-friendly,點醬汁唔洗怕滴到成枱污糟晒。火鍋料款夠多有海鮮、丸、各種肉類蔬菜，仲有牛展、花膠等等。肥牛係必點之選！色澤好靚好新鮮，油脂分散唔會一大舊肥油，食落有牛香唔羶唔韌，任食黎講都算高質肥牛，食多2盤值回票價！蠔有手心咁大隻，肉質飽滿，食落鮮甜，切記呢個蠔係要煮唔可以生食。粉絲同菜吸晒湯底精華，茄味濃郁鮮甜。最後甜品有雪糕、雪米糍，即刻降晒溫！

又是每月一餐的時候,天氣凍左,一於去打邊爐,友人介紹呢間,揀了剌身海鮮放題,每位$189,任食2小時,book 4 位,8:30呀。店內面積尚算大,位子看似密密麻麻,但坐起上來都有空間,如果能坐到卡位就更好了。混醬之地方。飲品。混醬先。打邊爐的食物上都幾多選擇。刺身。先來一個刺身拼盤,枝花領到成個賣相都好靚,甜蝦鮮甜,三文魚不俗,其他的刺身正常水準。要了香茜皮蛋湯底同骨膠豚骨湯,兩個湯底都唔算太濃,普通呀。雪花肥牛,口感比較鞋,一般呀。午餐肉、火灸芝心丸、黃金麻吉燒、蟹爪肉棒、牛丸、魚豆腐、芝士腸、豆卜及腐竹等,好多款式呀,麻吉燒是魚片包年糕,煙煙韌韌口感不俗,火灸芝心丸好多芝士餡幾好味。火灸芝心丸同黃金麻吉燒即encore。鮮鵝腸、花膠、雞子、墨魚鬚、黃鱔片及帆立貝,鮮鵝腸夠爽口,花膠似是豬皮,墨魚鬚好大舊,口感好腍呀。生蠔,有蠔食即覺得好抵,不過味道腥左點呀。青森黑豚肉片,正常味道。炸魚皮。響鈴,必食呀。粉絲。生菜、年糕及粟米,年糕不俗呀。飲左唔少野呀。甜品是雪糕及雪米糍。整體來講都算幾抵食,有刺身有得打邊爐滿足晒,食物正常水準,都幾多選擇呀。

今晚去咗壹火鍋有多種湯底選擇: 有中日鴛鴦窩，中式湯底中式湯底好似都唔錯，發現有個北海道松葉蟹海鮮窩，每位只係加多＄10元。等緊火鍋時，重點咗D魚生食。之後係”混醬”時間，有好多種醬料，都幾特別:有桂林辣椒醬，鎮江醋，沙嗲醬，蒜蓉，甜雞醬….混完醬，海鮮窩就上桌了火鍋料都不少有長腳蟹，蝦，青口，帶子….D蝦好新鮮，又彈牙，相當不錯長腳蟹都好好味， 有鮮味，不是”求其”貨色, 單是海鮮窩都差D食得飽.食完海鮮，點了些食材繼續打邊爐肥牛不可少，點咗點菇類，丸類，牛輾，麵根等。。。其實D材料吸收咗D海鮮湯都已經好味點”混醬”只在口味上多份層次最後碌D薯粉，加些醋同桂林辣椒醬,味道同XX酸辣粉味道一樣咁好味大約$200 ….. 這個價錢,可算物有所值

小弟向來對火鍋食物的要求很高，海產要新鮮，丸物要手打，牛肉要本地（不能太肥），烏冬要煙韌。所以很少會吃任食火鍋。不過以前同區的同事大力推薦，而且價位屬＄２００樓下，我也不好意思推了。完全不像放題，反而有點像吃泰國菜的餐廳，擺設，裝潢都很有熱帶氣氛八點的人流可真不是開玩笑，人多得擠滿整個場，幸好我們早了不步，不然就真的有得等了。湯底的選擇都很豐富，也可以選鴛鴦湯底加＄１０就有的海鮮湯底，它！就是我今天來的目的了混醬！還真的很多選擇啊，有跟豬肉很配的鎮江醋，唐人街名物桂林辣醬，蒜蓉鮮辣椒不過日式醬料才是我的最愛！酸辣蘿蔔非常有趣，不是前菜來的嗎？我的混醬 - 很貼心的三層碗，不過貪心的我又怎麼夠呢。選了我最愛的沙嗲醬，它甜中帶點辣，又有些馬拉蝦醬的咸香，是我每次邊爐必點（如有）的醬！鲣魚豉油咸中帶些魚香，是魚露的日本版。花生醬是點腸粉必備的醬料，但其實跟粉麵也很配的。胡麻醬本來跟肥牛是絕配，可惜店家用了沙律版，醬太薄身太稀，所以不作考慮。辛辣醬的味道很像咖哩魚旦的咖哩汁，很有港式的味道。好了，終於介紹完，還不是因為種種醬料都很有特色，令人覺得它們才是主角！刺身 - 質素一般，不過不是主角，

三五知己去到旺角諗食咩，見到有間火鍋店好似幾好，又岩一班人去食就走左入去試下。入到去見到呢個涮涮鍋推介，又有得打下邊爐，又有得食下長腳蟹，仲有得食下刺生，幾過癮就叫左呢個。黎到之後見到哇左一聲，除左長腳蟹之外，仲有青口、扇貝、蝦等等各式各樣海鮮配搭呢隻蟹，湯底份外鮮甜，海鮮樣樣新鮮鮮甜，好似係海一釣就食咁。食完哂啲海鮮就可以劃紙仔點其他野食，款式好多，丸、蔬菜、其他海鮮，包羅萬有，廚房仲會按你地人數安排食物份數比你，唔會浪費之如，仲可以比你留肚試更多食物，十份體貼。今次我想重點推介兩種食物，1、鵝腸，呢到啲鵝腸肥瘦均衡，燙二下水就食得，爽口彈牙，睇得出清洗得好乾淨，食得放心。2、就係肥牛，呢到啲肥牛偏少脂肪，但食落去好好肉感，燙耐左都唔怕韌，同埋好重牛味，食多兩碟都唔怕超標。總括而言，食物質素好，價錢合理，食物款式多，唯一差少少係環境比較逼少少，爐與爐之間都有啲近，食落會越黎越熱，不過佢啲冷氣都足夠，所以都唔會食到出哂汗。

秋風起了～又係時間同朋友佢「烚下烚下」了⋯因為分左時段，所以就算有book位都要等一等先入座～原來佢呢度仲有雞煲食架!不過我地叫左個蕃茄湯底就算了!因為驚食唔曬會好浪費^o^係叫湯底既時候，我地加左錢叫左啲刺身食：三文魚、甜蝦、八爪魚、鮑魚片、馬刀貝、榮螺片、希靈魚、蟹棒⋯實行自己diy個刺身拼盤(☆_☆)慶幸⋯都算新鮮、鮮甜的！再來便到火鍋配菜了～肥牛、丸子、脆肉鯇⋯當然是少不了( ´ ▽ ` )ﾉ我的好朋友還推介我試下木耳、雲耳、蓮藕片、滋補花膠⋯可能因為係蕃茄湯底既關係，呢啲素菜好似好夾咁，蓮藕片冇泥味、有淡淡的甜味，至於木耳、雲耳、花膠⋯可能因可「索」左好蟹蕃茄湯、茄茸，所以變得充滿蕃茄味，酸酸甜甜*(^o^)/*係蕃茄湯入面加左幾舊脆肉鯇、生蠔、帆立貝～令到個湯底更鮮甜⋯魚肉脆脆的，生蠔、帆立貝鮮鮮的!尤如海鮮鍋咁^_−☆yummy yummy食到飽飽地，又係時候開啟第二個胃了!食雪糕（＾ω＾）

又到左打邊爐既季節啦, 當然即刻約埋d爐友去放縱一下,聽d friends講有一間叫壹火鍋既火鍋店d海鮮好有水準,咁我地當然唔放過,一於就去試下!!!上到來就見到有好多人等緊位，我地都估唔到多人成咁，不過我心諗唔好食都唔會有咁多人等啦，好好彩我地大約等左20分鐘就入得！入到去先知其實佢唔算好多位，大約80個位到，但佢勝在坐位夠闊，坐得舒服，當然啦食野最緊要坐得舒服！食火鍋個湯底係好重要，而且係個火鍋既精髓，我地當然好慎重咁去揀。我地就揀左個"北海道松葉蟹海鮮窩"。係等陣食物同時我地就出去拎左醬料先，本來意為都係得3-4款醬，點知一出到去就見到有成多達十款既醬料比我地任拎。大約講講分別有鰹魚醬、麻醬、辛辣醬、柚子醬、甜雞醬、沙爹醬同火鍋醬油等等.....拎住得3隔既醬料碟，我都唔知拎得邊樣，好在醬料隔來都有提供o的醬料碟比我地拎。火鍋用醬油，味道唔錯，唔會一尾得個咸字，佢既咸同甜味平均，加埋蔥花同辣椒既混合版醬油，咸得來有o的甜味，另外又有少少微辣加埋蔥花既香味我既醬油碟，由左至右分別係沙爹醬，混合版醬油同麻醬。頂位有碟芥辣，係比你食刺身既時侯用，佢枱面會提供埋刺身用既醬油，自己享用。主