影片
更多
2015-11-06
645 浏览
又到左打邊爐既季節啦, 當然即刻約埋d爐友去放縱一下,聽d friends講有一間叫壹火鍋既火鍋店d海鮮好有水準,咁我地當然唔放過,一於就去試下!!!上到來就見到有好多人等緊位，我地都估唔到多人成咁，不過我心諗唔好食都唔會有咁多人等啦，好好彩我地大約等左20分鐘就入得！入到去先知其實佢唔算好多位，大約80個位到，但佢勝在坐位夠闊，坐得舒服，當然啦食野最緊要坐得舒服！食火鍋個湯底係好重要，而且係個火鍋既精髓，我地當然好慎重咁去揀。我地就揀左個"北海道松葉蟹海鮮窩"。係等陣食物同時我地就出去拎左醬料先，本來意為都係得3-4款醬，點知一出到去就見到有成多達十款既醬料比我地任拎。大約講講分別有鰹魚醬、麻醬、辛辣醬、柚子醬、甜雞醬、沙爹醬同火鍋醬油等等.....拎住得3隔既醬料碟，我都唔知拎得邊樣，好在醬料隔來都有提供o的醬料碟比我地拎。火鍋用醬油，味道唔錯，唔會一尾得個咸字，佢既咸同甜味平均，加埋蔥花同辣椒既混合版醬油，咸得來有o的甜味，另外又有少少微辣加埋蔥花既香味我既醬油碟，由左至右分別係沙爹醬，混合版醬油同麻醬。頂位有碟芥辣，係比你食刺身既時侯用，佢枱面會提供埋刺身用既醬油，自己享用。主
上到來就見到有好多人等緊位，我地都估唔到多人成咁，不過我心諗唔好食都唔會有咁多人等啦，好好彩我地大約等左20分鐘就入得！入到去先知其實佢唔算好多位，大約80個位到，但佢勝在坐位夠闊，坐得舒服，當然啦食野最緊要坐得舒服！
食火鍋個湯底係好重要，而且係個火鍋既精髓，我地當然好慎重咁去揀。我地就揀左個"北海道松葉蟹海鮮窩"。
係等陣食物同時我地就出去拎左醬料先，本來意為都係得3-4款醬，點知一出到去就見到有成多達十款既醬料比我地任拎。大約講講分別有鰹魚醬、麻醬、辛辣醬、柚子醬、甜雞醬、沙爹醬同火鍋醬油等等.....拎住得3隔既醬料碟，我都唔知拎得邊樣，好在醬料隔來都有提供o的醬料碟比我地拎。
火鍋用醬油，味道唔錯，唔會一尾得個咸字，佢既咸同甜味平均，加埋蔥花同辣椒既混合版醬油，咸得來有o的甜味，另外又有少少微辣加埋蔥花既香味
我既醬油碟，由左至右分別係沙爹醬，混合版醬油同麻醬。頂位有碟芥辣，係比你食刺身既時侯用，佢枱面會提供埋刺身用既醬油，自己享用。
主角個海鮮鍋到左啦，好足料，有主角松葉蟹、帶子、青口、同海蝦，而且樣樣睇落好新鮮，嗅落又無腥味
之後就係我地既"雜錦刺身盤"。有三文魚、甜蝦、墨魚片、鮑片同希靈魚等等，對於火鍋店來講種類都好多
三文魚油脂平均，入口就有濃濃香味，個人建議唔好點任何醬就咁食，以一般來講味道算係中上。
另外就係鮑片，口感爽口，配合右面既柚子醬，味道清新又唔會搶左鮑片既味道，值得推介
甜蝦我放到最後先食，因為佢係我刺身既至愛，佢唔同一般既甜蝦細細條，都幾肥美，有o的似牡丹蝦但無牡丹蝦獨有既香味，食既時侯加芥辣同刺身醬油，絕對唔會差得過牡丹蝦
我個人係非常滿意，首先我食左個帶子，就算係滾熟左，個鮮味都有所保留，而且肉質唔會好實，配合小小混合火鍋醬，非常可口之後我就食左個松葉蟹，店舖會提供埋鉸剪比你，唔洗自己用口咬開。
松葉蟹主要食佢既鮮同甜味，佢既松葉蟹齊曬我想要既鲜同甜，用柚子醬代替醋，味道非常配！
最後呢個魚滑比左o的驚喜我，佢既肉質唔會好淋好軟，而且係好爽口，配合柚子醬食，非常清爽又可口
火鍋點少得肥牛呢，佢地既肥牛絕對稱得上叫雪花肥牛，油脂分佈平均，厚薄適中，熟左後肉質一o的都唔會韌，配合混合火鍋醬食真係match!!
(丸類)左下: 墨汁墨魚丸--濃濃既墨汁味唔會有苦味，加埋爽口既墨魚肉，唔點醬都好正！
右下:火炙芝心丸--外爽內軟，有濃濃芝士味，大愛芝士既朋友一定要點佢，芝士丸o的芝士多到一禁就出曬來，正呀！不過唔好食太多，因為會有o的"漏"
中上:黑椒牛根丸--味道同平時食開既唔太大分別，一樣好味，重口味既朋友記住配合沙爹醬食
呢個係佢地既點菜單，一般食火鍋必備既選擇都有，例如菜類，腸類，丸類，海鮮同肉類。每個類別都有5-6款，同埋o的名睇落都好吸引同好好味，好多選擇食到飽左後，最後唔少得甜品，佢地有提供雪糕同雪米糍，多款味道比你揀，絕對有一款係岩你！
最後講講價錢先，呢間係放題形式既火鍋，而且有兩種選擇，簡單來講一種有刺身食一種無，但比多$30就有放題刺身，個人建議比多$30食埋刺身啦。
佢分左4個時段，每個時段價錢相差$10到，價錢算合理
我地就8:00入坐加埋刺身，$189/ 位(未加1服務費)，食兩小時。
提提大家，其實佢地有得訂位，唔想等既人我建議兩日前好打電話去訂位啦。
總括一下:
海鮮鍋鮮味十足又唔會腥，火鍋醬料選擇多，菜單款式多得來唔會好雜，刺身以火鍋店來講一o的都唔求奇又好味而且鮮味十足，個人建議一定要加刺身。
最後埋單每人二百零蚊(包括加一服務)，另外來想講就係呢加一服務絕對值得去比，因為佢地服務好細心，有禮貌，一般火鍋店好少做到服務咁好，呢兩個鐘令我非常回味，只係等位時間會內o的，但下次食火鍋，佢一定會係首選！
张贴
