四姐川菜

营业中

休息中

今次係第二次LUNCH 嚟食四姐川菜，想試重慶涼麵同酸菜魚，再嗌多個蒜泥白肉同木耳。重慶涼麵一直係食評推介之選，好可惜我覺得只係一般般。先講麵質，屬幼滑但軟身個隻，唔係彈牙煙UN個隻。辣醬味道不錯，但唔夠辣，唔夠惹味，所以有D失望。蒜泥白肉個味道基本上同涼麵既冇咩分別，肉質可以，份量亦不少，比口水雞抵食，但口水雞味道好D (其實都好似係同一隻味)。木耳OKAY, 涼菜來說可以，岩晒唔食辣的人士。酸菜魚味道不錯，魚夠滑，可惜唔夠濃味，還是水煮魚好味D。總括來講四姐川菜都係適合初嘗四川菜，又唔係好食得辣既人士食。如果要食再勁D既，我覺得三希樓會係不錯的選擇。

第一次食四姐川菜，十分期待，因為見到食評真係好多個讚，食完之後覺得可以再ENCORE, 不過略貴。兩個人LUNCH 唔係可以食到好多野，叫左重慶口水雞同水煮魚。重慶口水$60，味道可以，但份量少得可憐，只有三件有肉既雞，其餘的都係碎皮碎肉，比坊間的份量未免差得太遠。雖然係涼菜，但真係少得誇張。水煮魚(小) $220魚滑、味麻、可以再辣D，薯粉較un，但整體還不錯，可以encore! 可惜等左35分鐘，lunch time 時間緊逼，催左好多次，遲過我地落單的都有得食，有d失望。相比下，三希樓的水煮魚更勝一籌。

I've wanted to go to Sijie for a while now. It's the #1 rated HK-side Sichuan restaurant on Open Rice and it shows up on lots of lists of "best Sichuan in HK." Facts you should know: the menu is in English and Chinese and I highly recommend a booking. The menu is a little confusing. You order a set number of dishes based on the number of people you are. We were 6, and for us it said something like "6-7 people -- 4-5 appetizers and 5-6 mains." I took that to mean "if you are between 6 and 7 peopl

今天口寡寡想食D重口味既飯菜開下胃，同事話公司附近有間四川菜館可以試下喔，於是落班我地就一支箭標左過黎了，入面裝修既風格好有中國風，店名叫做“四姐川菜”。好似我呢D對麻辣美食情有獨鐘既人，首先要試當然系響遍大江南北既名菜啦！夫妻肺片、辣子雞軟骨、麻婆豆腐、水煮肉片、重慶口水雞點呢幾款就肯定無走雞了。夫妻肺片系冷盤，雖叫肺片但裏面無肺，而系牛肉、牛舌、牛心同牛頭皮組合而成，用料香，厚薄均勻，攪拌入味，爽脆香辣。辣子雞軟骨好有技巧，精挑軟骨雞肉，食入口鮮嫩爽脆，風味無比。麻婆豆腐食一啖就會感覺到麻、辣、鮮、鹹、香等好多味道沖口而出，豆腐軟嫩細滑，豆味香醇，口感一流。水煮肉片既特色系麻辣鮮燙，紅通通既花椒加上熱辣辣既滾油，食起身肉嫩香辣，回味無窮，辣到停唔到口。重慶口水雞都系涼拌，同樣麻辣鮮香嫩爽集於一身，調味出眾，肉鮮嫩美味。

呢度晚市好似係按人頭收費，但午市就係可以散叫，最開心係用左Openrice coupon，可以$400減$40啊。呢個 四川涼麵 ($60) 係呢度嘅招牌菜之一，老闆話麵條由四川運嚟香港。呢碟涼麵好大碟，份量好多，上面放滿自家製嘅辣椒油、蒜頭、葱、雪菜、醋、同豉油，食之前要將麵條拌好。涼麵入口非常惹味開胃，味道酸酸辣辣又帶蒜香，(我覺得呢道菜唔算辣) 雖然份量多，但因為超惹味，所以好輕易就食哂成碟。蒜泥白肉($60) 每片肉都切得薄薄的，肥肉唔多，很容易就可易將蒜泥同辣油掛喺肉上，惹味可口。重慶口水雞($60) 比較失色，感覺似係將白切雞件放上碟再淋上醬汁同辣油，所以唔夠入味。糖醋里脊($80) 其實係糖醋咕嚕肉，酸酸甜甜挺香胃的，不過嚟呢度好似叫返辣嘅菜式會比較特別。川式椒鹽蝦($130) 呢個一定要襯熱食， 椒鹽蝦熱騰騰上枱嘅時間非常可口， 蝦殻都炸得酥酥脆脆的可以唔剝殻一齊食，蝦嘅肉質亦新鮮，但係一凍咗就會覺得有啲油。整體係好吃的四川私房菜！初頭驚四川菜會好辣，好彩辣嘅菜式可以同店員要求大中小辣，同埋都有唔辣嘅菜式可以揀，每道辣嘅菜式都會嚐到唔同嘅味道，唔會全部同一調味啊。

呢間四姐川菜系商住兩用嘅大廈入邊，去之前要先book好位，記得仲有一間好似系灣仔。聽鐘意食辣嘅同事介紹，佢地話呢間川菜館系香港少數正宗嘅川菜，既然系咁，就一定要嚟試試啦！！店入面嘅燈光佈置偏暗一啲，不過周圍都坐滿曬人，好彩提早book位，唔系唔知要等到幾時啦 呢度系按人頭計數嘅，選嘅菜色都有一定嘅先知。而且仲會送我地一碟蔬菜~~點嘅野食比較多，多到都食唔曬啦！ 招牌四川涼麵，系呢度嘅推薦菜式，值得一試！麻辣嘅味道恰到好處 川式回鍋肉，回鍋肉半肥半瘦，口味較重，拿嚟送白飯好夠味，而且特別開胃... 辣子雞軟骨，唔好睇佢上邊有咁多辣椒，麻辣嘅味道仲系可以接受到嘅，而且軟骨口感好正，加上辣味十足~~ 蒜泥白肉，啲肉片配上周圍嘅醬汁，味道香辣可口！！水煮魚絕對食完之後會覺得不枉此行~！！唔會太辣，魚肉新鮮嫩滑，無乜魚骨！！又麻又辣！！咁多樣菜式份量又大，價錢又夠實惠，下次仲要再嚟！！！~~

🐟酸菜魚呢度係以人頭去收費既，每位$320，根據人數既多少去簡菜式既數量。菜式選擇亦甚多，兩個人就可以簡兩個涼菜同三個熱菜，其實已經好夠食！而其中酸菜魚🐟真係叔叔不行了！上枱見到咁大盤已經好興奮😏，酸菜數量多，再試試個湯先，酸中帶好微既辣。主角之一魚肉好滑😻！魚塊數量多之餘亦都完全冇骨，連酸菜湯一齊食真係好得👍🏻，飲夠三碗酸菜湯至肯收手。

之前聽講四姐川菜嘅水煮魚好好食，今日終于有時間過去試試系咪傳說中嘅咁好味，餐廳唔算好大，但環境同裝修都可以。我地六點半就去到，如果七點左右去到，估計要開始排位。重慶水煮魚睇個樣就已經覺得會好好食，魚片好大片，煮得好嫩滑，魚片起得好靚，無骨，因為唔算食得好辣，所以專門叫無咁辣，所以睇上去好辣咁嘅樣，但味道剛剛好，辣中帶麻，麻辣得嚟好正，有種越食越想食嘅感覺，一盤魚兩個人食都唔覺得多，因為太好食喇。川菜店當然都唔少得凉拌喇，凉拌中我覺得木耳最好食，木耳做得好爽口，放左蒜頭同醋調味，酸酸爽爽好好食。炒時蔬，青菜好新鮮，炒得幾好，蒜泥白肉都系一個凉伴菜，開頭仲以為好辣，肉切得比好薄，融合左蒜頭同埋辣椒油，豬肉一D都唔覺得膩，半肥瘦剛剛好。糖醋里脊我好鐘意食，酸酸甜甜，而且肉炸得好酥脆，淋上酸甜醬汁，又香又脆，酸甜可口，鐘食酸甜嘅呢個系好好嘅選擇。

傳統嘅川菜俾人嘅感覺就係味道特別濃，而且仲有辛麻同香辣嘅感覺，不過四姐川菜就系以不含未經嘅特色吸引咗好多愛辣人士嘅光臨，哈哈，而我就系其中一個，我好鐘意嚟呢度，仲慢慢感染埋我身邊嘅朋友，同我一齊食辣！ 而且啲店員服務仲好nice添。先點咗一個沸騰嘅水煮魚，由於之前已經食過無數地方嘅水煮魚，所以我特別清楚水煮魚點先會整得好味！要做到傳統風味，花椒、辣椒、藤椒呢度配料都唔少得，而四姐川菜呢度就全部都齊曬。呢度嘅老細話呢度嘅菜色嘅原材料都係專門系四川運過嚟，所以味道一定正宗！ 重慶口水雞，雞肉鮮而嫩滑，香辣好味，麻得嚟又唔會有苦味。 泡椒田雞，泡椒味非常濃郁，食咗會有一種完全停唔到口嘅感覺，越辣越過癮。田雞已經做過處理，所以可以放心食用。 田雞肉質嫩滑，味道鮮美，香辣開胃！！青椒皮蛋，皮蛋食落去好清爽，啲辣味完全同皮蛋混合系一齊，令人回味無窮。四川涼麵，涼麵完全吸收曬啲醬料嘅精華，雖然做法比較簡單，不過味道真係好正！！涼麵好乾爽，互相唔癡埋一齊，而且唔肥膩。 食咗咁多野竟然仲有時蔬送，好抵食吖！！！

最近辣真係好似好流行咁，身邊周圍嘅朋友都好鐘意食辣咁，其實可能系我周圍先系咁啫，我想太多了、一般我們出去食野，都幾中意食辣嘅，就係五咩辦法可以承受到十分之辣嘅食物。今鋪我地嚟到一間好正宗嘅川菜，四姐川菜，名字不會好吸引人眼球，系實打實做飲食嘅，好注重食物嘅品質、菜單上面都幾簡單俐落下，有熱菜同涼菜之分，川式椒鹽蝦，個頭差不多大小，蝦細細一碟，我地沒人都有機會品嘗到，果真味道不錯，川式嘅麻辣簡直系霸道之中又帶著些少嘅溫柔咁，辣嘅程度都可以接受到，而且蝦保存得非常完整，有眼有須，唔錯哦，我連皮都食埋，哈哈哈、金湯牛肉，我認為唔錯下，牛肉感覺系大粒狀嘅，味道就比較似平時自己屋企煮嘅咁。蒜泥白肉，正哦哦，蒜泥比較橫，搭配上辣味之後就更加之橫行無忌喇，白肉係咁嘅情況之下就令人覺得中和咗兩者嘅有點，辣得嚟嘅同時又帶著另外一股味道，加之蔥花嘅輔助，，梗系好食喇

四川菜一直都覺好好味，而且覺得正宗嘅四川菜認真唔錯咯，曾經一度去到四川都必去吃正正經經嘅四川菜，各種風味口感方面都已經達到我覺得敬畏感歎嘅地步。系香港我就知道四姐川菜，板栗燜雞，唔系我亂講，味道居然同我系四川食嘅不相上下，反而系可能融入咗小小粵菜嘅風味，更加之符合我嘅口味喔，板栗一上臺就已經聞到佢嘅香味喇，雞肉我認為系具有好強大嘅吸收功能嘅肉質，鮮嫩嘅同時仲可以保存住本來食材嘅甜美。辣子肥腸，我食到真系覺得好辣咯，成盤裡面有居咗一般都系辣椒咁，不過咁樣炒出來嘅肥腸，好食到我邊食邊擦鼻水。涼拌木耳，居然好爽脆咯，可能想木耳自身嘅特點同口感吧，涼拌之後，就多咗辣味，但系入口好舒服，食完之後有種清爽嘅感覺。糖醋裡脊，哩個就比較普遍啲，又同平時食嘅有翻小小不同之處，還唔錯吧。，口水雞，砍到大小差不多，其實我覺得本身好似白切雞咁，但系做法同食法卻完全不一樣，好味。

今日兩個寶貝唔同我地食飯, 襯機會我地兩老出街食. (真係好耐都冇兩公婆出街食飯了 )好想好想食四川菜. 但老公又唔係好食得辣. 不過佢話冇所謂, 難得可以拍拖食飯. 我想食就去啦!咁當然第一時間serach openrice啦! 銅鑼灣放工. serach到四姐川菜. 見食評還可以. 就呢間啦! 即刻打電話book位. 只有6:30. ok冇問題! 放工即刻行過去. 入到店舖不是滿座. 但到7:00左右客人陸續入座. 真係full架. 之後有客人walk in, 職員都推說沒有位了. 而且限時1.5hr. 還有一樣要話比大家知. 原來四姐川菜只收現金的. 店舖只做set. 詳情可參考我影嘅菜單. 二人選了兩款涼菜 + 三款熱菜. 餐廳送清炒時菜一碟. 每人$320. 白飯任裝.  但我地就覺得份量太多了. 可能一款涼菜 + 二款熱菜加埋餐廳送嘅清炒時菜.  然后價錢平返d. 可能仲吸引. 涼菜- 夫妻肺片. 老公話個名好得意. 問過職員又唔算辣. 試吓先. 原來係由牛肚, 牛利, 牛展組合而成, 加上麻辣, 芫茜, 花生. 只是微辣. 不過我就覺得喊咗少少. 但加埋芫茜及肉一齊食,

我跟男友都是嗜辣之人，上次吃過一次四姐川菜之後一直念念不忘，決定要再吃一次。這裡按人數收費，三百元一位，二至三人可選兩款涼菜及三款熱菜，白飯任吃。青椒皮蛋，蛋黃屬於半流質，蛋香濃郁甘香，混合青椒粒一起吃，口感爽脆有層次感。蒜泥白肉，白肉脂肪比例均勻好爽口，肉質吸收了蒜辣汁，入口是滿滿辣香滋味，雖只是開胃涼菜，但已經讓人想要趕緊來碗白飯配搭!水煮牛肉，紅卜卜的顏色就如同它的口味一樣，又麻又辣非常實在有層次，牛肉切片混著大紅花椒及辣油，陣陣飄來的花椒香，入口後香濃的椒麻香氣讓味覺整個都醒過來，但其實辣舌不辣喉，是很舒服的辣度。有少量薯粉，吸收了麻辣汁，又滑又惹味。泡椒肥腸，肥腸又厚又大塊，吃起來相當夠嚼勁又不會太乾，咀嚼中能感受到香辣中帶些麻度，很香口。糖醋里脊，肉質鬆化啖啖肉，酸酸甜甜醬汁夠醒胃，推企給不吃辣的朋友。餐廳附送炒油麥菜，清新爽脆。

我男友同我食飯，好少覺得間餐廳可以encore,罕有地，他上次食完四姐川菜後，說覺得幾好食，也可再來！一來我們覺得呢度收費幾合理，人頭計每位300元，份量夠，辣度夠，食物質素ok,所以又來了~~二人份的話，可以選擇兩個涼菜三個熱葷，如果人多啲，就可以叫多啲，例如如果有12個人，就可以叫6個涼菜10個熱葷，到時真是擺到成枱都係！而且呢度白飯任潻，酒水另計。涼菜中有我最鍾意食的皮蛋，立刻叫來試下。青椒皮蛋比想像中不辣，可能是和我在下單時告訴了她我的菜微辣好了有關，所以㕑師有幫我就住。皮蛋是生的，所以那蛋白呈半透明狀，食起來因為蛋黃吸收了辣汁，所以辛辣和半融的蛋黃混合了，特別滋味，那辣亦特別到位，大愛！蒜泥青瓜和一般手拍青瓜分別不大，就是多了點蒜泥，不過我覺得如果蒜泥多一點，要有一堆那種才好吃，才稱得上蒜泥使用中吧？還好，還加入了酸酸甜甜的醬汁，吃起來口感倒是清新的。今晚，就是要來點火辣的！😈😈😈儘管食完，個樣都變了😭😭😭毛血旺即是鴨血，辣度剛剛好，麻味十分濃，又唔會太辣，那種辣到噴火或火燒喉嚨的感覺都無，但一路食，那汗倒是一直在滴。感覺倒是幾排毒呢！再論，那麻籽真是多，所以麻的感覺非比尋常

四姐川菜 @ 銅鑼灣每位$300四姐食野係以人頭計，每位300蚊😍，可以揀2款涼菜🍃，3款熱菜🍲。4個人就可以揀3款涼菜同4款熱菜。如此類推😍。每份菜份量好多，而且都幾好食涼菜：#招牌四川涼麵 (8/10)勁爆好食既涼麵😍，絕對係必嗌之選。麵係幼麵，有彈性，秘制辣椒醬有炸蒜，辣椒😍，然後炸香，油而不膩😛。少少辣，少少麻，絕對適合香港人口味。#青瓜 (6/10)正常味道既青瓜😔，無乜特別熱菜：#招牌重慶水煮魚 (8/10)勁好食既水煮魚🐟，雖然望落去好辣，但實際上唔算辣😘，食到譚仔5小辣既朋友絕對無問題😍。水煮魚厚身大件，好撚滑，好鮮嫩。食到真係好過癮。水煮魚下面仲有紅薯粉，吸曬啲湯，好好味。強烈推薦！#重慶辣子雞 🐔(7/10)將雞軟骨炸到香脆，然後再同大量辣椒同埋花椒炒😍，望落去真係好吸引。入口同埋骨一齊食，好有咬口😘。望落去都係好辣，但其實又唔太辣，辣度合適。#萵筍炒肉絲 🐷(5.5/10)萵筍經常用係唔同既湖南菜到。foodki好鍾意食😘，但好可惜四姐既萵筍唔好食😔😔😔，萵筍切絲無左萵筍既爽口感覺😒，同豬肉炒埋一齊出得太多水😂，唔好食。唔建議大家叫呢道熱菜。地址：銅鑼灣耀華街3號