和牛燒肉‧純

公司老闆聚餐，大家都想食燒肉，於是經朋友介紹揀咗一間和牛燒肉．純，位於尖沙咀東部加連威老道96號希爾頓大廈1樓3號鋪。價錢當然比起日本食貴，人均$1000左右，環境設計都以木條間為主，我地7人行，book左一間獨立房，高聲歡笑都不會騷擾其他食客，和牛部位分種類多，唯為問他們介紹，我哋點左兩個套餐再散叫其他，套餐已包含好多不同牛部位，牛肋肉，牛眼扒，牛肩脊，厚切牛舌等，和部級數亦有分別，肉身望落油脂雪花分佈均勻，自己下網🔥燒，感覺特別好味，油香四溢，滋味倍增，入口即溶，油脂唇齒留香，而且一點渣都沒有。我地無限咁order,都幾瘋狂，亦叫左拼盤天婦羅，香煎牛柳，石頭大蝦粉絲煲，韓式泡菜冷麵，最後甜品叫左一份整個迷你size的菠蘿雪❄️芭，完全是個驚喜，好清甜，完全減退全部的油膩感覺，因為食得實在太多，雪葩食入口即溶化，果種冰爽感覺一流。菠蘿🍍的味好濃。

和牛燒肉‧純 🇯🇵🇭🇰 依間燒肉店係由日本政府農業組織旗下餐廳 而和牛都係由JA所提供 所以所有和牛都係來自日本 其實店入面都提供左好多唔同產地嘅和牛 特上和牛牛排肉定食 HKD220 🐂 和牛牛排肉雪花都算均勻 不過食落去肉味比較少 較多脂肪 不過整體唔錯 小編覺得油香重左少少因為係和牛 店落左好少黑椒同鹽調味 因為落得少 唔會蓋過個味👍🏻加分 Rating 5👍🏻為滿）味道：👍🏻👍🏻👍🏻👍🏻環境：👍🏻👍🏻👍🏻抵食：👍🏻👍🏻👍🏻 📍: 和牛燒肉‧純 (尖沙咀)尖沙咀東部加連威老道96號希爾頓大廈1樓3號舖📍: 和牛燒肉‧純 (銅鑼灣)銅鑼灣恩平道42號亨利中心15樓

之前向尖咀返工成日都黎食，佢晏晝就最抵食，今日經開唸都無唸就食佢！一入黎就叫$88午餐牛，但勁唔開心囉！😒😒😒😒😒人地落order先話比人聽今日無呢個餐，有種比呃左入黎既感覺，Fd話算啦，叫過貴少少好食d既，哼！叫左個貴既牛午餐，雖然係比$88個牛午餐好食，但價錢差一倍，都係$88個午餐抵，算食多你半碗飯補數，佢白飯任裝，好鐘意食佢既白飯🍚🍚🍚🍚🍚有時係掛住佢既白飯多過牛😂😂😂希望佢下次無個個餐向人入座前講聲😒

呢間燒肉之前成曰嚟食lunch, 因為都ok好食而且好有效率，疫情下諗住無乜人所以無book位，去到原來得返一張檯，之後嚟嘅客人已經無位😲，疫情下大家都繼續開伙，好耐無嚟裝修保養得好好👍，同之前一樣衛生亦都唔錯。本來想點牛，但無得供應，於是點咗豬同雞。先嚟係沙律同小食茄子仲有個湯，肉2分鐘就到好有效率，豚腩肉共9塊，每塊都好薄所好易燒好快熟，燒完點少少汁食好惹味，每個餐仲會跟飯同餐飲coffee or tea ，早兩年食仲有甜品，好似舊年開始無咗了。overall 肉都新鮮同高質🥩，keep倒之前嘅水準，唔怪得疫情下無做discount 都仍然坐滿💪

The meat is tender. The quality of beef is better than expected. 本來以為日燒性價較高 但而家價錢有現時既質素意料之外。 service is good too.

好耐無食高質燒肉，今次就係週末時間book咗間我好喜歡嘅燒肉店同另一半去食調劑下平日工作嘅忙碌。依家無得出走去日本，去下日本餐廳食下當去咗日本吧！而我相當推介呢間餐廳就因為佢地啲食材都係日本產，員工更係彬彬有禮，服務都係好令人滿意嘅！單點嘅餐廳同放題比好嘅地方就係唔會將貨就價，同埋講明牛肉出產地、咩品級，好似呢度嘅A4、A5牛都係可以比你係餐牌度慢慢選擇。今次就點咗4款肉，分別係特選日本產和牛肉眼、特選日本產和牛牛排肉、日本產和牛上牛排肉同埋鹽燒牛舌。等和牛到來時店員好快就上咗野菜醋物比我地先開開胃。之前聽過人講食飯前順序先食菜係好啲嘅，之後我進餐時都會選擇先食沙律/時蔬再食肉類、米飯等。呢個沙律酸酸地好開胃，仲有青瓜、紫菜比較脆口嘅配搭。特選日本產和牛肉眼大大一片，見到啲紋路係相當之靚，整體油脂分佈均勻！分割好一塊塊咁好方便燒，和牛嘅油脂一入口散開，入口即溶嘅感覺真係好幸福啊！如果唔鍾意油脂咁重嘅話，可以燒耐少少就可以逼多啲油脂出嚟，食落無咁油膩感。特選日本產和牛牛排肉嘅切片厚啲，但都係入口即溶嘅口感。相對肉眼就無咁油香重，肉感會重啲。價錢較低嘅日本產和牛上牛排肉我地就揀咗汁燒，試下

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。和牛燒肉‧純位於尖東希爾頓大廈，從尖沙咀地鐵站出發不用十分鐘便到，地點方便。餐廳內裝修簡單，但一絲不苟，很多小擺設也看得出設計者的心思。而且值得一讚的是餐廳座位安排得不算很迫，而且有挺多卡位和廂房，減少人與人之間的接觸。現在武漢肺炎嚴重，餐廳細心的為每位客人準備信封放置好口罩，而且提供了酒精消毒液，令人食得安心，抵讚。偶爾放縱一下，自己我們一行二人叫了這裏出名的和牛和豚肉一起互相分享。野菜酢物 (⭐⭐⭐⭐💢)沙律菜新鮮爽口，簡單的配合微酸醬汁，吃起來令人食慾大增。日本產和牛上排肉 (汁燒) (⭐⭐⭐⭐💢)和牛上排肉其實是牛腩排中的胸腹肉。肉質較為紮實，少脂肪，而且切得較厚身，比較多肉汁，最適合用汁燒的方法烹調。吃起來味道有點像韓式燒烤的燒牛肉，而且更為嫩滑，不用其他配料也十分好吃。特選日本產和牛牛排肉 (鹽) (⭐⭐⭐⭐⭐)跟之前的上排肉一樣，牛排肉也屬於牛腩排中的胸腹肉。相比起上排肉，這個明顯較多雪花，油脂分佈得十分平均。大約少兩三分鐘已經可以吃了，吃起來入口即溶，簡單的配合海鹽已經

近排因為疫情下原本計劃三月飛一轉日本，結果無得去，朋友知道我好想食和牛，便介紹到和牛燒肉．純店舖，讚他們的和牛很岀色，我當然要去一解思鄉之情一入座見到擺位精緻井井有條野菜醋物屬開胃菜，新鮮爽口的生菜夾雜著紫菜都係健康之物再配上醋然後點左幾款和牛，店家會整合做一盤上枱的，並配上粟米、大菇、南瓜、青椒......特選日本產和牛肉眼(鹽燒)每面燒幾秒就食得配上白飯一齊食，和牛牛味很香口精選日本產和牛牛排肉雪花分布均勻，咬落去好多油脂，充斥在我的味蕾汁燒日本產和牛牛排肉較濃味牛舌爽口又抵食還配有野菜俾我地燒，可以中和和牛的油膩感日本珍珠米特別有飯香，食燒肉點可以無三得利啤酒日本和牛有信心保證店舖較為寧靜，可以俾我哋專心欣賞一餐日本和牛，店員亦很有禮貌

一般食和牛真係好貴，但今次比我搵到一間好抵食又好好食既燒肉餐廳，一入到去既環境好舒服，一啲都吾逼，平時出去食餐飯啲枱近到好似搭枱咁，但呢到吾會有咁既感覺，落order亦係㩒鐘仔，好快就會有人黎,service仲要好好！佢既午市定食都有和牛揀🤤，價錢仲好合格，今次叫左個2品$170同豚肉眼定食$88，餐會有埋前菜，湯，飯同飲品，好抵食，而且每樣野食既味道都好好，連個飯都好好食好煙un😂😂！我仲將其中一個飯加錢轉左個辣味和牛湯烏冬食，好好食！😍😍烏冬煙un彈牙，湯底濃郁，重點係個和牛！又淋又重牛味，超正！唯一吾好就係好細碗，仲要加30蚊😭😭

喺香港要食和牛而且要價錢合理當然必選和牛燒肉純餐廳位置於尖東 半島中心隔離係尖沙咀地鐵站行一陣就到店內抽風系統用上日式燒爐底抽抽風非常強勁 沒有油煙味道餐廳有好多清酒選擇 好酒朋友不可錯過野菜醋物 $78先來一點沙律漬物 清清喉嚨 準備吃美味的和牛另外吃燒肉必備的 就是一杯冰凍啤酒聽咗餐廳侍應嘅介紹後點左四款不同嘅和牛日本産和牛排肉(汁燒) $120特選產和牛牛扒肉(鹽燒) $320特選產和牛肉眼(鹽燒) $550日本産豬五花肉(鹽燒) $98個人最欣賞嘅就係和牛肉眼油脂非常豐富 肉眼呈雲石雪花狀油脂分布非常均勻另外汁燒和牛牛扒肉醬汁亦非常吸引雖然呢間餐廳係食和牛為主但豬五花肉亦非常出色 有豬嘅羶香味食咁多肥美嘅和牛 當然要配一碗白飯白飯吸收油脂 真係要食多幾碗

追求優質 ，是一種生活態度。從前小時候喜歡任食韓燒，因為可以無限食到飽，而且款式多。自從有經濟能力，就會更上一層樓，追求更好。市面上有不少高質的燒牛肉專門店，部分更聲稱自己牛肉由日本直送，男朋友是牛魔王，偶爾也想和他在假期食餐好，朋友介紹我們這間和牛燒肉純，價錢合理，環境像似身日本餐廳， 食物選擇多不只限於牛肉，亦有其他較為飽肚的選擇，例如石鍋飯，麵食等等。款式花多眼亂，只是牛的選擇已經非常多。我們建議套餐點會比較抵食，除了因為款式多，價錢亦相對合理，單點的項目可能分量會比較大，但價錢會稍為貴。我們選擇了特選日本產和牛肉眼、牛舌、牛排肉、牛肩眼及漬物沙律。先說最終觸目的和牛肉眼size有如手掌面積大，厚薄適中，肉脂均勻，但相對牛排肉，他還未算入口即溶。牛排肉香口細滑，入口即溶，脂肪比例相對較高，下網燒的時候可配上海鹽，滋味倍增！牛肩肉和牛舌同樣出色，前者牛味算4款中最濃，後者香脆爽口！燒肉的時候大部分人都會選擇日本啤酒，但見到其中一個是威士忌梳打，感覺有趣，所以我們點了這個和一杯乳酸梳打。威士忌味道不會很濃，梳打水慢慢滲出淡淡威士忌香味，我個人比較喜歡乳酸梳打，就像小孩時我們喝的美樂多

位於尖沙咀的和牛燒肉純，是一間高質正宗日式燒肉店。已經光顧過餐廳數次，依然對餐廳的美食念念不忘，足以證明我有多愛這間餐廳吧。餐廳採用預約制，客人可選六時入席或八時入席，由於人客眾多，建議大家要提早訂座會較好哦。餐廳提供的和牛，是獲日本認證的佐賀黑毛和牛，由日本直送到港，確保食物質素，可以食得安心又放心。這天跟一位很久沒見的朋友相聚，他工作辛勞，當然要好好獎勵他啦。我們一口氣點選四種不同種類的和牛，食得很滿足呢。特選日本產和牛肉眼 $550超超超好吃的特選日本產和牛肉眼，值得我舉起兩隻手指公，向大家大力推薦呀。和牛肉眼的脂肪分布平均，雪花紋非常清晰，一燒油脂溢出，肉眼腍嫩得令人感動，咀嚼間散發肉香和脂肪甘香，太美味啦!日本產和牛上牛排肉 $205相較之下，這份和牛上排肉，肉片較厚，肉質會較為煙靭，需多力咀嚼才能吞下，愛厚肉的朋友會較為喜歡。日本產和牛排肉 $120採用汁燒調味的和牛排肉，每塊肉片已充分調味，甜甜的醬汁令和牛錦上添花，配白飯一流呀。牛舌 $108薄燒牛舌，燒成格仔紋理，賣相更加吸引。牛舌軟而腍，也很好吃哦。白飯 $30/碗每次光顧和牛燒肉純，除和牛外，白飯是必點的哦。這裡的

我向來鍾意食日本菜因為佢好健康，例如今晚來食和牛，先送上野菜，三片紫菜依然又乾又脆，生菜因為新鮮所以爽脆，配合酸度高的沙律汁，非常醒胃，平日我唔鍾意太酸嘅汁但今晚配和牛唔同，非常之夾。點了四款肉，依價值次序：特選日本產和牛肉眼、牛扒肉、上牛排肉、日本產豚。色澤靚，比例平均，個樣好似好滑，煎幾秒可以翻身，入口嘅口感非常和牛，正宗極柔軟極滑，燒完表面浮點油，但食落唔膩。對我來講三款牛肉分別唔大，款款都咁好食，最正配合日本米飯，非常之香，食和牛係要配飯先至完美。我哋一杯梅酒及一杯梅酒梳打相伴，食完傾吓計，呢個晚上超正。呢間店和牛燒肉．純背景是入口商，所以供應正宗和牛，物有所值。

最近大家都好想去旅行，不過原來喺香港都食到日本嘅高質和牛，一解鄉愁。前菜為沙律菜，配上酸甜沙律汁。吃牛感覺油膩時，可吃口沙律菜解解膩。豬五花肉質上乘，絲毫不油膩，本已配上醬汁，入口肉質鮮嫩。和牛分別有和牛肉眼、上牛排肉和牛排肉。一整塊和牛肉眼已被貼心地分成四小塊，油脂平均而豐滿，入口即溶。上牛排肉比牛排肉更要肥美，燒久一些也不覺老，反而更能把油脂逼出。滿口都是和牛美味，非常肥美，大滿足！食燒肉點可以唔飲酒，日本梅酒入口甘甜。

位於尖沙咀加連威老道96號希爾頓大廈一樓3號舖的和牛燒肉純，主打日式燒肉。餐廳的桌椅寛闊，用餐時感覺舒適，而且通風系統良好，不會感到悶熱焗促。餐廳採用了日本的和牛肉，入口即溶，油香四溢。為了和朋友慶祝生日，所以和朋友豪吃一下。侍應為每位食客端來了白飯及沙律。沙律感覺開胃，能夠平衡吃燒肉的膩感。今次共點了三款和牛及一款五花肉。個人較為喜歡每次燒兩片，和朋友一人一片，慢慢品嘗日本和牛的肉質和油香。特選日本產和牛牛排肉 (鹽燒) - $320(Japanese Premium Wagyu)和牛牛排肉的雪花均勻，牛的香氣在口腔內久久不散，而且一點筋也沒有，肉質滑溜香軟，所以個人最愛吃這款牛排肉。日本產和牛上牛排肉 (鹽燒) - $205(Japanese Premium Wagyu Karubi)上牛排肉的雪花相對較為少一些，愛少許嚼勁的人士應該會頗為喜歡。特選日本產和牛肉眼 (鹽燒) - $550(Japanese Premium Wagyu Rib Eye)日本和牛肉眼相對上較為薄，所以燒的時候要加倍留意。牛的香氣相當濃郁，美味得難以令人忘懷。。日本產豬五花肉 - $98(Japanese