和牛燒肉‧純

营业中

休息中

天氣一涼，大家都陸續約埋朋友食火鍋，燒烤依啲暖粒粒嘅嘢食😌 今次就介紹日式燒肉比大家，仲要係日本直送和牛🇯🇵 餐廳平時夜晚提供啲比較高級嘅和牛，例如飛禪和牛，佐賀牛🐂叫一set都真係唔平，冇五百至千幾都落唔到樓~ 對於一班小資朋友仔們，性價比最高嘅就一定係試佢哋個lunch set! 除左有得一嚐和牛嘅滋味，仲有埋前菜，麵鼓湯，白飯同飲品，唔洗怕食唔飽🤣-三色和牛定食($250) 附送一個雜菜沙律同涼拌牛舌。主菜三色和牛就包括左上牛排肉，肩眼肉同牛排肉。要讚下牛肉嘅解凍做得幾好，而且色澤紅潤😌 三款嘅油脂分布都幾平均，油花豐富。以肩眼肉肉質最為軟淋~ 上牛排肉味濃嘅同時亦不缺油香。沾上燒汁特別惹味，真係可以送哂成碗白飯🍚*和牛涮涮鍋定食($200) 主角和牛就選用左日本赤紅肉。肉嘅顏色呈鮮明嘅赤紅色，佈滿雪花❄️ 切成薄片後，入口即化，口感非常鮮嫩細緻。涮涮鍋嘅湯底偏清淡，唔會搶過牛肉嘅原味~鍋入面亦有唔少菌類，娃娃菜，豆腐等配料。所以最後個湯幾鮮甜❤️

在我逼不得已放棄朝9晚6的全職工作之後，簡直進入了另一個世界😂以前無諗過閒日可以約到朋友食燒肉lunch，2020年的秋天竟然做到，係命運讓我們在一起，相約尖東的和牛燒肉純共聚😌 人均～$200就食到高級燒肉店的和牛燒肉，實乃自由人的福利😛 呢度係香港極少數的正宗日本燒肉料理餐廳，更屬JA全農（日本農業協同組合）集團旗下成員。餐廳環境日式雅緻，座位闊落，好啱傾計，仲有好幾間廂房。午市供應多款套餐定食，有和牛各部位、例如牛排肉、牛肉眼、牛胸腹，亦有豬和雞，價格比晚市平易近人，更附麵豉湯、沙律、前菜、飯及餐飲。三色和牛定食（$250）有齊三個牛的部位，分別是上牛排肉、肩眼肉、牛排肉，入口最軟嫩、最入口即融的一定係上牛排肉，油花均勻，最為出色。和牛牛排肉定食（$130）肉質都唔錯，滑溜無筋，性價比高。特別一提，呢度個燒網幾好，唔易痴底，又燒到格格紋。整體服務優良，店員反應快又唔阻我地傾計，環境與牛肉優質，又唔會好大煙，午市抵食👍🏻+10%服務費

來自東京的和牛燒肉純🇯🇵無得去旅行，搵返間高質餐廳食好D😎原來呢間海外分店都係由日本政府農業部轄下的 JA 全農集團直營，所以佢地和牛既品質絕對有保證❗️原來佢地既Lunch Set只係$88起，都幾抵食！有燒肉、壽喜燒、涮涮鍋所有定食包括沙律、前菜、飯、湯、飲品同朋友分別揀左燒肉同涮涮鍋定食呢款係三色和牛定食、包括上牛排肉、肩眼肉、牛排肉，和牛既脂肪分布得好平均，每一塊既雪花都好靚❄️入口即溶🤤朋友揀左涮涮鍋，有5大片和牛呢度d牛真心好質同埋環境都好靚，好似去左日本咁

疫情關係，冇得去旅行～尤其日本，大家想必非常掛念！🤣壽司刺身拉麵⋯再來就是燒肉！～聽聞這間燒肉非常出名！話如果去唔到日本，又掛住日本燒和牛一定會黎！我當然唔會錯過啦！餐廳身處於近尖沙咀東舊式商場嘅一樓門面都幾令～入到去非常有privacy好多卡位！而且非常寬敞！我地當晚被安排坐房～房的私隱度高～按鈴就會有侍應serve！如果公司聚會都係一個不錯選擇！因為餐廳主打和牛！所以菜式都主要圍繞和牛！🌟特選日本產和牛眼拼盤（$780）非常吸引！！當中包括：1. 特選日本產和牛眼肉 （油脂感較重，與拖羅口感差唔多，但更油）2. 日本產和牛上牛排肉 （最鍾意，因為油感與肉感比例差不多）3. 日本產和牛牛排肉 （跟上牛排肉類近）4. 牛舌 （擺入口，你只會食到牛肉味，半點冰鮮味都冇）我地另外叫多碗白飯（$30）肉汁加埋d飯！OMG人間極品！！🌟牛大腸拼盤（$138）1. 牛肝（食落一d都唔似內臟啊）2. 牛胃（薄薄一片；好嫩滑）3. 牛大腸（ 會有d chewy，有假牙🦷要小心）🌟豬頸肉（柚子胡椒）（$88）見到豬都好似唔錯～叫左碟細細黎

位於尖沙咀的 和牛燒肉‧純  ，是一間主打高質日本牛肉的燒肉店。品牌選用的食材匀非常上乘，有山形山、佐賀黑毛和牛、熊本黑毛和牛、長崎和牛、飛襌牛等等。每一種的來源不同，但口感和味道上，也堪稱一棒級唷!!! 今天和家人家庭聚會吃晚餐，我們聽從服務員的建議，點選多款肉類，每一塊肉片的質素匀令人驚艷。父母吃得開心，做女兒就最開心啦! 特選日本產和牛肉眼 $550 色澤最粉嫩的 特選日本產和牛肉眼，好吃得令人心花怒放啦! 脂肪含量最高的和牛肉眼，脂肪紋理滿佈整塊肉。放上鐵板上一燒，非常搶火。肉眼的肉質最幼軟，入口即化，超美味的!!! 由於最油膩，建議大家最後才吃哦。 特選日本產和牛西冷 $550 和牛西冷和和牛肉眼的質素相當，西冷的肉味較為濃郁，入口即沖㨻整個口腔，刺激又美味，令人著迷呀! 特選日本產和牛牛排肉 $320 我們一共選了兩件牛排肉，一份鹽燒，一份汁燒。鹽燒食法更能食出肉質的原有鮮味，我個人偏愛涉上海鹽和燒肉醬吃，更加美味。 日本產和牛上牛排肉 (汁燒) $205 汁燒牛排肉深得男友歡心，調過味的牛排肉，甘甜甘香，甜甜的燒肉汁帶出肉質的鮮香，味道層次更豐富。牛舌 $108 薄燒牛甜

最近終於多返啲出街食好西！抖左咁耐食返餐好😋😋無得去日本食和牛，就唯有係香港搵間高級既和牛🐮獎勵一下自己啦· 特選日本產和牛肉眼 $550，特選日本產和牛西冷 $550特選日本產和牛牛排肉 $320，日本產和牛肩眼 $225特選日本產和牛三角牛排肉 $350一口氣就叫左五款牛牛🤤🤤上碟個下好正，啲油花真係靚到不得了！😍😍最大個2件分別係肉眼同西冷，2件都真係齒頰留香，鍾意食油脂感重啲既➡️肉眼，鍾意食肉味濃啲既➡️西冷！而且佢份量都比得唔少，滿足感十足😋😋另外三款都正架，加上用鐵網燒，有係日本既感覺呢～ff下先肉眼西冷🍑🥤 同場既桃Cider超級正，果汁味仲一啲都唔假·好味指數（5粒最高）：

朋友介紹我去呢間食，啲肉果然係幾高質～特選日本產和牛西冷 $550好粉嫩，見到啲紋路都覺得吸引！幾厚身，口感係入口即溶咁，正～日本產和牛上牛排肉 $205呢個都幾厚切，多油膩，好食呀～唔夠喉呢😂日本產和牛排肉 $120醃過的，都係好味～不過份量好似偏細？🤔柚子蜜 $40甜咗啲，同埋價錢偏費～荔枝梳打 $55正正常常，如果大杯啲就好喇～白飯 $30食日本燒肉都幾岩送白飯，同埋咁先夠飽😂不過上菜速度要改善下～

呢間餐飯嚟自東京🇯🇵屬JA全農嘅旗下餐廳，質素有保證喔！所選用嘅和牛全部都係頂級A4&A5和牛想食靚和牛，絕對要嚟朝聖呀🤩🍱五色和牛定食（$350）五色和牛包括三角牛排肉、特選牛排肉、肩眼肉、上牛肉排&牛排肉...每款都有兩片，厚薄適中，份量都唔少喔！入口食到油脂香，牛味濃郁絕對滿足到我想去日本食和牛嘅慾望呀🥰定食仲配有前菜、沙律、日本白米飯&麵豉湯及餐飲...超級豐富呀👍🏻🍱和牛壽喜燒定食（$200）和牛油花分布平均而且細密入口牛味濃郁，有即融之感諗真令人回味無窮💕鍋內仲有金菇、豆腐、香菇等配材...嚟收哂湯底精華，更添美味喔💯

兩星期前book了尖沙咀和牛燒肉純晚餐，我們8:00入座餐廳不是太多人，餐廳全部座位也是很獨立私隱度很高，可以讓顧客慢慢享受食品及和朋友暢快傾談，原來佢哋10月份做緊《飛驒牛祭》，所以我們便點了飛驒牛燒肉二人套餐，食物很豐富，先有雜菜沙律，及三款拼盤包括刺身、蒸蛋（有大隻蝦又滑嘟嘟）及炸雞，接着是飛驒牛朴葉味噌燒，用一大塊像荷葉的包著用味噌醬醃好的肉，因為隔着葉所以燒，所以燒出來的肉仍然很Juice沒有半點乾身，接着便是主角飛驒牛拼盤，鮮紅色的4款和牛佈滿不同油脂的分布，好想快快品嚐，：店員介紹我們要順次序吃，先吃牛舌（爽口不硬）、然後是和牛赤肉，因為瘦肉分布比肥肉多，所以選用了薄切的方式，但牛味非常香濃👍🏻，接著是厚切和牛牛排肉，油脂分布再多些，燒出來很香肉味，入口很甘香，最後是和牛牛肉眼，油脂分布非常平均，燒出來油香撲鼻，入口即化，好滿足呀😋! 我們把豚腩肉燒得香脆才吃，肉味仍頗香，吃和牛燒肉當然要配冰凍的啤酒🍻，接着侍應還送上和牛炒飯及湯等，啖啖和牛炒飯粒粒分明，太飽了😝，甜品還送上哈密瓜，餐廳可以安排送上生日祝福語雪糕（勁香雲呢拿味）是次晚餐勁滿足。

同屋企人食午餐家姐話呢間燒肉好好食所以就去試一試佢有幾多選擇 最後我地一行6人分別叫左一個 特選五色和牛定食一個 特選和牛肉眼&牛舌定食四個 三色和牛定食前菜都係沙律，湯⋯⋯另外重有跟餐飲呢個係五色和牛定食其實就係三色和牛 另外加多左2款三色個個餐唔記得左影低雖然佢有幾款牛但我都唔識分咩部位淨係知好好食 肉既口感好好食到呢個餐已經好滿意再試埋家姐叫既和牛肉眼牛舌更加驚喜有入口即溶嘅感覺再配埋飯食 （飯可以再refill)一流我覺得食燒肉的話午餐時段好抵食以平d價錢 又食到唔差既質素

整體評價: 當日安排我地二人坐卡位，位置相當闊落。服務亦唔差，但要改善嘅係待應開枝清酒唔夠涷同冇攞冰桶雪住。1. 特選日本產和牛套餐 $980牛排雪花算唔錯，燒完啖啖油脂送白飯真係一流！不過牛舌先係我首推，厚切味香濃！另外兩種牛味濃，可以一試，但我唔會俾好高評分。 大家可以考慮套餐定散叫適合自己喇👍🏻2. 日本產碎牛肉刺身 $150濃濃牛肉刺身加埋生雞蛋同洋蔥，味覺好有衝擊。我自己十分喜歡呢道

公司老闆聚餐，大家都想食燒肉，於是經朋友介紹揀咗一間和牛燒肉．純，位於尖沙咀東部加連威老道96號希爾頓大廈1樓3號鋪。價錢當然比起日本食貴，人均$1000左右，環境設計都以木條間為主，我地7人行，book左一間獨立房，高聲歡笑都不會騷擾其他食客，和牛部位分種類多，唯為問他們介紹，我哋點左兩個套餐再散叫其他，套餐已包含好多不同牛部位，牛肋肉，牛眼扒，牛肩脊，厚切牛舌等，和部級數亦有分別，肉身望落油脂雪花分佈均勻，自己下網🔥燒，感覺特別好味，油香四溢，滋味倍增，入口即溶，油脂唇齒留香，而且一點渣都沒有。我地無限咁order,都幾瘋狂，亦叫左拼盤天婦羅，香煎牛柳，石頭大蝦粉絲煲，韓式泡菜冷麵，最後甜品叫左一份整個迷你size的菠蘿雪❄️芭，完全是個驚喜，好清甜，完全減退全部的油膩感覺，因為食得實在太多，雪葩食入口即溶化，果種冰爽感覺一流。菠蘿🍍的味好濃。

和牛燒肉‧純 🇯🇵🇭🇰 依間燒肉店係由日本政府農業組織旗下餐廳 而和牛都係由JA所提供 所以所有和牛都係來自日本 其實店入面都提供左好多唔同產地嘅和牛 特上和牛牛排肉定食 HKD220 🐂 和牛牛排肉雪花都算均勻 不過食落去肉味比較少 較多脂肪 不過整體唔錯 小編覺得油香重左少少因為係和牛 店落左好少黑椒同鹽調味 因為落得少 唔會蓋過個味👍🏻加分 Rating 5👍🏻為滿）味道：👍🏻👍🏻👍🏻👍🏻環境：👍🏻👍🏻👍🏻抵食：👍🏻👍🏻👍🏻 📍: 和牛燒肉‧純 (尖沙咀)尖沙咀東部加連威老道96號希爾頓大廈1樓3號舖📍: 和牛燒肉‧純 (銅鑼灣)銅鑼灣恩平道42號亨利中心15樓

之前向尖咀返工成日都黎食，佢晏晝就最抵食，今日經開唸都無唸就食佢！一入黎就叫$88午餐牛，但勁唔開心囉！😒😒😒😒😒人地落order先話比人聽今日無呢個餐，有種比呃左入黎既感覺，Fd話算啦，叫過貴少少好食d既，哼！叫左個貴既牛午餐，雖然係比$88個牛午餐好食，但價錢差一倍，都係$88個午餐抵，算食多你半碗飯補數，佢白飯任裝，好鐘意食佢既白飯🍚🍚🍚🍚🍚有時係掛住佢既白飯多過牛😂😂😂希望佢下次無個個餐向人入座前講聲😒

呢間燒肉之前成曰嚟食lunch, 因為都ok好食而且好有效率，疫情下諗住無乜人所以無book位，去到原來得返一張檯，之後嚟嘅客人已經無位😲，疫情下大家都繼續開伙，好耐無嚟裝修保養得好好👍，同之前一樣衛生亦都唔錯。本來想點牛，但無得供應，於是點咗豬同雞。先嚟係沙律同小食茄子仲有個湯，肉2分鐘就到好有效率，豚腩肉共9塊，每塊都好薄所好易燒好快熟，燒完點少少汁食好惹味，每個餐仲會跟飯同餐飲coffee or tea ，早兩年食仲有甜品，好似舊年開始無咗了。overall 肉都新鮮同高質🥩，keep倒之前嘅水準，唔怪得疫情下無做discount 都仍然坐滿💪