影片
更多
2020-07-16
1123 浏览
好耐無食高質燒肉，今次就係週末時間book咗間我好喜歡嘅燒肉店同另一半去食調劑下平日工作嘅忙碌。依家無得出走去日本，去下日本餐廳食下當去咗日本吧！而我相當推介呢間餐廳就因為佢地啲食材都係日本產，員工更係彬彬有禮，服務都係好令人滿意嘅！單點嘅餐廳同放題比好嘅地方就係唔會將貨就價，同埋講明牛肉出產地、咩品級，好似呢度嘅A4、A5牛都係可以比你係餐牌度慢慢選擇。今次就點咗4款肉，分別係特選日本產和牛肉眼、特選日本產和牛牛排肉、日本產和牛上牛排肉同埋鹽燒牛舌。等和牛到來時店員好快就上咗野菜醋物比我地先開開胃。之前聽過人講食飯前順序先食菜係好啲嘅，之後我進餐時都會選擇先食沙律/時蔬再食肉類、米飯等。呢個沙律酸酸地好開胃，仲有青瓜、紫菜比較脆口嘅配搭。特選日本產和牛肉眼大大一片，見到啲紋路係相當之靚，整體油脂分佈均勻！分割好一塊塊咁好方便燒，和牛嘅油脂一入口散開，入口即溶嘅感覺真係好幸福啊！如果唔鍾意油脂咁重嘅話，可以燒耐少少就可以逼多啲油脂出嚟，食落無咁油膩感。特選日本產和牛牛排肉嘅切片厚啲，但都係入口即溶嘅口感。相對肉眼就無咁油香重，肉感會重啲。價錢較低嘅日本產和牛上牛排肉我地就揀咗汁燒，試下
依家無得出走去日本，去下日本餐廳食下當去咗日本吧！而我相當推介呢間餐廳就因為佢地啲食材都係日本產，員工更係彬彬有禮，服務都係好令人滿意嘅！單點嘅餐廳同放題比好嘅地方就係唔會將貨就價，同埋講明牛肉出產地、咩品級，好似呢度嘅A4、A5牛都係可以比你係餐牌度慢慢選擇。
今次就點咗4款肉，分別係特選日本產和牛肉眼、特選日本產和牛牛排肉、日本產和牛上牛排肉同埋鹽燒牛舌。等和牛到來時店員好快就上咗野菜醋物比我地先開開胃。
之前聽過人講食飯前順序先食菜係好啲嘅，之後我進餐時都會選擇先食沙律/時蔬再食肉類、米飯等。呢個沙律酸酸地好開胃，仲有青瓜、紫菜比較脆口嘅配搭。
特選日本產和牛肉眼大大一片，見到啲紋路係相當之靚，整體油脂分佈均勻！
分割好一塊塊咁好方便燒，和牛嘅油脂一入口散開，入口即溶嘅感覺真係好幸福啊！
如果唔鍾意油脂咁重嘅話，可以燒耐少少就可以逼多啲油脂出嚟，食落無咁油膩感。
特選日本產和牛牛排肉嘅切片厚啲，但都係入口即溶嘅口感。
相對肉眼就無咁油香重，肉感會重啲。
價錢較低嘅日本產和牛上牛排肉我地就揀咗汁燒，試下加咗調味係咪另有一番滋味。呢款肉香重啲，口感濃厚啲，呢款就無咁易膩，可以食多幾塊。加上有汁嘅調味更惹味，送飯一流！
鹽燒牛舌係我最愛，牛舌薄薄一片，但燒到佢剛剛好介乎爽同嫩之間嘅口感就係最正啦！
平時嘅牛舌好似燒到太韌，但呢度完全唔會，係粉嫩加坑紋嘅合體。燒肉梗係要配返飲品更爽啊！
我地就嗌咗桃同乳酸嘅燒酎，夠冰凍真係燒肉嘅好拍檔！
张贴
