君綽軒

营业中

休息中

一味依靠試食來換取笑哈哈食評嘅餐廳究竟可以維持幾耐呢？呢間係同事介紹，而家eshop做緊優惠有八四折，信用卡都有85折所以先至興起念頭來依間食。可惜，味道、質素差強人意，忍唔住要寫返篇食評以正視聽。鳳梨叉燒包味道正常，叉燒唔算多汁，最弊係一上枱就已經唔熱☹️XO醬炒蘿蔔糕過分乾，感覺亦都似炸過蝦腸腸粉皮非常厚，即使係一般酒樓都唔會係厚到咁，蝦雖然算係新鮮，但係完全冇味，我平時唔浪費食物但係真係食唔落，再勉強自己都食唔晒劣食至此，就算有少許海景都無法彌補，完全唔值得呢個價錢。留意到餐廳有好多試食嘅食評，以試食嚟換取正評我唔會批評，但係食物難食到咁，客人去過一次之後一定一定唔會再返去，敢問餐廳主廚夜晚良心點樣過得去？

昨日與家人到港島海逸君綽酒店中餐廳君綽軒試下, 雖然只在5樓, 但仍然有海景, 環境服務都很好, 雖然只可2人一張枱, 但員工亦很貼心建議可坐長的有隔板枱... 不過為了靚海景唯有分2張枱啦.... 食物味道和價錢正常, 亦有幾個價價格套餐, 到可以大枱聚會時又係一個唔錯選擇..............................

訂位前問過...最後order三點落單...可以坐到四點....所以我地兩點鐘都照入座...但可能太晏先入座...好多野食都無晒....本身點心選擇唔算多...最終只叫左皇牌嘅石榴餃，鮑魚燒賣，叉燒酥，燕窩旦撻同羅漢齋腸粉。石榴餃：其實係普通潮州粉果，賣相靚，但味道普通到極。鮑魚燒賣：都係無乜特別。除左有隻鮑魚係頂。叉燒酥：賣相雖然唔太得，但味道又唔差，幾好食。燕窩旦撻：雖然望落無乜火喉，不過勝在燕窩多過旦料，同埋唔甜，食落熱啦啦，都唔差。腸粉：無期待有乜特別。

終於感受到冬天的來臨。之前講過小弟是怕熱不怕冷，因為中學時候扮型，冬天唔鍾意着校䄛，幾度都淨係著件 G2000長袖冷衫加恤衫打校呔，可能就此訓練出來。當時的少年現已變成中佬，來到冬天最好進補一下，那就約埋幾個好友，再來名人飯堂「君綽軒」。今晚點菜大家都很隨意，卻不約而同好像為進補而設，點了些養生餸菜。送的前菜。上次是自家漬山藥條、水晶肴肉，今回繼續有黑松露瑤柱，單買要$1,000 一支，依舊落本：今晚大家都有講開健康的話題。「木耳涼拌西芹 / 海蜇頭」M 小姐話多吃木耳會對心臟好。翻查網上資料，黑木耳又被稱為「身體清道夫」，可以清理腸道，也能有助減少血管中的膽固醇和血栓。用它來伴西芹及海蜇頭，極之爽口，毫無油膩感。M 小姐之前留了一隻加拿大象拔蚌，兩斤約$1,500，準備兩吃：平時食開象拔蚌都是刺身，或者用來打邊爐。查實象拔蚌含有豐富營養價值和蛋白質，能提高免疫能力 (冬天需要！) 、利尿消腫、補腎虛四肢發冷、祛脂降血壓；男士仲可以壯陽腰、促進性功能、增強精子活力。唔知同「以形補形」有無關？今次兩食我們都是挑選熱食，啱晒寒冬天氣。先來「魚湯堂灼象拔蚌片」。將象拔蚌肉切大塊薄片，放在滾熱

We went there for a dinner gathering to celebrate my friend’s birthday. It’s my first visit. We’ve ordered the recommended Set menu. Overall speaking, the quality of food is fine. But the service of the black-suited captain is really poor. My friend has politely asked if it is feasible to change the assigned dessert of the set menu as she has caught cold and preferred dessert that was slightly sweetened. The response from the captain was truly annoying and disgusting. He replied rudely saying th

互 clicked 的朋友真係好緊要。話不投機半句多，同枱食飯各自修行，有幾辛苦相信大家都會明白。一班志趣相投，見面可以盡情話說東南，互相鼓勵，這些友誼要好好珍惜。今次又來我們幾個朋友仔每月一聚，順便中秋做節。在這時勢，打氣好緊要，傾訴完，笑完，苦水吐完，心情也會好起來。今晚我們來個中菜海鮮之夜，食到舔脷而回：送的前菜。上次是自家漬山藥條、水晶肴肉，今回是黑松露瑤柱，依舊很落本：體貼的 M 小姐預備了一支靚紅酒，就先來個香口下酒菜「椒鹽鮮魷魚」$138要兂預訂的「天麻燉魚頭湯」$988極足料，燉足四粒鐘，有去頭風及補腦作用，啱我，呢排成日叫錯人名。。。多謝另一位 M 小姐細心安排：湯是甜到一個點，大家連魚雲都唔放過。原來最有滋補養生功效，就是連天麻都食埋。唔苦的，甘甘甜甜：中秋做節菜「鮑汁花膠千層豆腐」$388骨膠原滿瀉，花膠「動L動L」般有黏口感。千層豆腐就是「冰豆腐」，索汁好料子：小弟至愛「頭抽肉蟹炒年糕」$668越南肉蟹，用乾蔥、蒜頭、蔥段、醬油先炒後放上海年糕，焗至入味：吃這菜除了吃蟹肉，那濃濃的醬汁更是寶，蟹鮮精華所在；配年糕索汁，堅係無得輸。調味沒過火，我吃得很爽！(押韻㗎

之前我只在這裡吃過中午點心，今次一行四人吃大菜，發覺的確兩者俱佳。黃昏，落地玻璃看到夕陽無限好：附送的前菜已不俗，不是庸脂俗粉之流。自家漬山藥、水晶肴肉，都很落本：晚餐開動。先上「黑松露焗釀蟹蓋」$140先要讚它的大小適中，不會像去飲宴食那些「焗嚮螺」大而無當，只像在吃葡汁，一開始已食到膩哂。中型肉蟹拆肉，每份該有隻半鮮蟹肉，松露沒下過火，引出蟹鮮，也沒有吃到令人討厭的蟹殼碎，手功所在。「珊瑚水晶鳳尾蝦」$198，此乃 HOFEX 香港國際美食大獎 - 銅獎得獎名菜，擺盤像一隻在湖中跳躍的海蝦：頭部炸脆，肉身泡過油後爽彈：揭開原來內有乾坤，底部座有一隻鮑魚，釀有燕窩，起了的鮑魚肉就和其他配料做成上湯漁塘的裝飾，可以一起吃，完全不浪費：「野菌燴和牛面頰」$308由上至下是炆和牛面頰、炆蓮藕、炒野菌。那塊和牛是軟嫩到不得了，大家都很驚訝！軟到像帶著骨膠原般「動 L動 L」：蓮藕輕帶南乳香，若保持脆身多一點，配軟綿綿的肉一剛一柔，我覺得效果可能會更佳和有對比：燴野菌很惹味，我說想要一啖白飯撈來吃，原來廚師已細心地在旁放了一棵切了花的上湯紹菜，讓我們代替白飯伴汁吃。隨後點了兩個嶺南風味小菜，「

晚上同朋友大概七八點約咗黎呢間中餐館，呢間係可以望很美的海景。其實一直想來好久，但不是每一間餐廳選擇都那麼多就像嘗試下其它餐廳的特色味道，呢度食物都唔錯架，裝修精緻環境佈局很華美。呢道菜叫做竹報賀平安，顧名思義，主力以健康和吃完平平安安的菜式為主的素菜美食，雖然是素菜，但份量一樣十足，寓意盤滿缽滿的意思。（胡椒焗大花蝦）的大花蝦滿是濃烈的胡椒味，入口豐滿肉彈味濃，教人吃得笑逐顏開。「巴蜀口水雞」，辣得盡興。雖然好食得辣，但還係頭一次感受到菜式的那種好特別的辣勁。雞件本味鮮香，掛上辣油後確實富吸引力。价格：價格低點最好了，可以多光顧咯；總括來說，我同朋友都覺得還可以，服務員態度好好一點吧。

其實去五星級酒店食飯通常都可以吃到素食，但不是每一間餐廳選擇都那麼多，這次介紹位於 Harbour Grand Hong Kong 5樓的中菜廳《君綽軒》，就長期都提供一系列素食菜式。除了用料講究、功夫優秀，每一道菜式都很有水準之外，重點還是無敵海景，在這裡用餐真的很身心舒暢呢。Harbour Grand Hong Kong 有很多水晶吊燈，環境高貴又華麗，若果要約重要的人吃飯，真是個大方得體的選擇。餐廳擁有無敵維港美景，日與夜有不同美態。吃正餐之前，先喝一杯大紅袍和吃點前菜小吃。這裡的茶壺都會用蠟燭保暖，非常講究，然後我也超喜歡君綽軒的琥珀核桃，是餐廳自己用蜜糖炒的，甜甜蜜蜜又香脆好味。腰果是簡單烘過，這個季節吃漬牛蒡也很清爽。千層腐皮卷 HK$98腐皮捲著很多種蔬菜幼絲，包括豆腐乾、甘筍、窩筍、白靈菇和花菇，吃起來非常豐富。腐皮薄薄一層，同時也炸得很香脆，而且也不會太油膩。三菇素菜包鬆軟的包子入面包著冬菇、雞脾菇、沙葛、木耳和紅蘿蔔，吃起來香氣十足，也不會太過飽滯。酥炸素蝦仁 HK$128素蝦仁當然就是用蒟蒻蝦，不過它不是那種口感彈牙的蒟蒻，咬起來比較有份量，裹上薄炸漿炸得非常酥脆

每年2月都會食一次片皮鴨，今年就試下君綽軒聽朋友介紹話唔錯～價錢中上環境唔錯~我哋安排坐喺近窗邊可以望到維港景色侍應都好主動，未試過冇茶。完全自動波今次我哋一行五人點左我一隻片皮鴨（兩食）每人都起碼食到三至四件（肥瘦適中,配菜新鮮）好味第二食：生菜包鴨鬆 （味道唔會好濃，配合生菜食好清新）菠蘿咕嚕肉 (本身我唔係好食酸野～覺得略嫌酸小小；其他朋友就覺得好正，少有用山楂、「橋」頭做汁，好醒胃）福建炒飯 ～個個都讚薑蔥安格斯牛肉粒 （ 汁做得好好, 牛肉好淋好香）炒菌豆腐 （全名唔記得）味道幾特別～好少食到整體：食物質素好好，環境舒適，服務態度好好

又要找未試過酒店中餐廳，這間係可以望海景，其實想來好久，之前去過香港大酒店隔蘺過間同集團酒店中餐，食物都唔錯，但裝修就一般。前菜茶漬牛蒡，淆肉，掂。得獎：潮州粉果石榴球$58，網上描述：皮由生粉、薯粉、澄麵及紅麴米泥搓成，餡先將沙葛汆水，後加菜甫、滷水腩肉、五香粉及潮州沙茶醬炒香備用，冬菇及蝦米落蔥油炒熟，韭菜及唐芹下蒜油爆炒，後混合以上材料連焗香花生包果，上枱前果面放片金箔，皮薄不穿，15摺皮分明盡見，……賣相係靚，有創意，除此之外，味道及皮無特出。點解用红麴，算我味鈍，食唔到，用波菜汁，九菜汁，杞子汁，红菜頭汁效果又點？假日特色點心~鳳梨义燒菠蘿包$58，因寫特色再加鳳梨，我天真以為有鳳梨，係咁尋找，係無嘅，一般，早知如此，叫义燒稣有4件，見隔離枱漲卜卜。富貴三花帶子鮫$68，賣相好美，精緻，用瑤柱絲、蟹子，欖角碎做花蕊，晶瑩皮包着帶子肉做瓶身，味道適中。蟹肉茘蓉香稣盒$68，即芋角，餡係拆蟹肉，好豐滿，雖然蟹肉濃郁，但芋頭肉少，無蝦米，我個人喜歡多些芋頭，還要有芋香，而且無用纸墊底索油，缺點。有點意見，4人枱布跟大枱大小一樣，布腳過長，好容易棘倒，外觀好似唔啱身。

年僅歲晚，各大酒店，酒樓，餐廳，甚至西餐廳都會推出不同種類的新春賀年套餐，嚟緊呢個新春節日我都會為大家介紹唔同嘅賀歲餐比大家參考和選擇。 當中吃得最滿足的一餐，一定首選港島海逸君綽酒店的君綽軒。 君綽軒吃過兩次，以其超值的價錢來說性價比真的超高，但意想不到的是其新年菜式絕對又平又靚，前一星期和一班食友團年，大家都選擇了自己心儀的新年美食，以下分享個晚吃過大部分的新年菜式。 開餐先來點賀年點心，炮竹慶豐年你可能會容易估到係乜，紅米春風得意腸繪影繪聲，意頭好，炮竹一聲除舊歲，最重要個皮夠脆，這個春風得意腸，得。 恭喜發大財其實係髮菜蠔豉餃，包著大大隻的蠔豉，食咗肯定發個豬頭，仲要有金萡係面，集名貴與美味於一身。 竹笙上素餃又叫做竹報賀平安，顧名思義，主力以健康和吃完平平安安的菜式為主的素菜美食，雖然是素菜，但份量一樣十足，寓意盤滿缽滿的意思。 新年菜式一定要食撈起，極品包撈起，係鮑魚三文魚撈起，呢個撈起又係比較傳統，各式各樣大吉大利的配菜都提供到，這裡選用三文魚和鮑魚做主角，三文魚好肥好正，夾埋其他好意頭的美食，撈到年年有餘，起上加喜。 現今好多人都不食翅，但年近歲晚食好

仲有不足兩星期又到新年了，係呢個全年最重要的日子，大家可有想過去邊度食團年飯？ 日前就跟一班食友齊齊慶祝，地點就是北君綽海逸酒店內的君綽軒。 老實說，餐廳已不是第一次造訪，食物、環境及服務，都可說是中上水準，但可能是地點關係，總有滄海遺珠的感覺。今次一口氣推出了賀年套餐及糕點之外，更有具意頭的散點菜色。賀年點心 紅米春風得意腸（炮竹慶豐年）（$88）用紅米漿炮製的外層，色澤亮麗自然，連同內裡的米網炸得香脆，加入了馬碲，多添了一份清爽的口感，賣相又似炮仗，好啱新年食。 髮菜蠔豉餃（恭喜發大財）（$108）充滿了新春氣息，又好意頭，餡料是刴碎了的蠔豉，加入了蝦仁及髮菜，令味道更鮮及可口。 竹笙上素餃（竹報賀平安）（$88）餃皮煙韌，雜菌及竹笙吃起來有輕彈及爽口的感覺。 賀年新春吉祥菜譜 極品包撈起（鮑魚三文魚撈起）（$138 / 位，四位起）近年興起的賀年菜色之一，意頭極好，材料配搭千變萬化，不外乎是脆脆片、三文魚、薑絲、蜜瓜絲、甘筍絲之類，務求色彩絢麗，意頭要夠好，味道反成次要，畢竟是酒店中菜廳，加入鮑魚絲，食落更覺矜貴。 豪門金光耀（蜂蜜煎焗金蠔）（$388 /

今年朋友團年飯選址為位於 炮台山  原來酒店已經開業11年，酒店41樓可以180度飽覽整個海景, 大時大節更是一位難求。其中菜廳 更稱得上是低調高手。今晚就來試試手工粵菜。［君綽軒]位於酒店五樓， 接待位置掛上一頂霸氣迫人水晶燈，幾萬粒水晶閃閃發光,  令客人的磁場也升呢。 進入寬敞大廳內, 樓底高高也是一貫酒店的優點，微黃的燈光配古典音樂，令客人得以放鬆。畢竟用餐時間應該要放下工作，和家人、朋友分享點滴，善待身邊每一人就不會愛得太遲。 我們先點了三款餐前點心, 款款也是大廚心思之作, 讓我們大開眼界。  紅米春風得意腸 （炮竹慶豐年）以紅米磨成米醬製成粉皮， 取其意頭紅檔檔，卷著是卜卜脆炸米網, 以牙簽串起來，形狀如炮竹互相緊扣。口感比炸兩香脆，有創意、我鍾意。再點了兩款點心 髪菜蠔豉餃（恭喜發大財）、竹笙上素餃 （竹報賀平安）兩款餃也比平時吃到的更大隻, 好似荷包一樣常滿。我喜歡較特別的, 除了髪菜爽口外, 蠔豉粒咸香提鮮, 相當不俗。  不知何時開始，年夜飯菜單內必有 , 我們也點了一個終極板極品鲍撈起 （鮑魚三文魚撈起）將色彩濱紛的食材入饡，分別有三文魚、海折、京蔥、三色椒、