影片
更多
2019-02-04
1079 浏览
年僅歲晚，各大酒店，酒樓，餐廳，甚至西餐廳都會推出不同種類的新春賀年套餐，嚟緊呢個新春節日我都會為大家介紹唔同嘅賀歲餐比大家參考和選擇。 當中吃得最滿足的一餐，一定首選港島海逸君綽酒店的君綽軒。 君綽軒吃過兩次，以其超值的價錢來說性價比真的超高，但意想不到的是其新年菜式絕對又平又靚，前一星期和一班食友團年，大家都選擇了自己心儀的新年美食，以下分享個晚吃過大部分的新年菜式。 開餐先來點賀年點心，炮竹慶豐年你可能會容易估到係乜，紅米春風得意腸繪影繪聲，意頭好，炮竹一聲除舊歲，最重要個皮夠脆，這個春風得意腸，得。 恭喜發大財其實係髮菜蠔豉餃，包著大大隻的蠔豉，食咗肯定發個豬頭，仲要有金萡係面，集名貴與美味於一身。 竹笙上素餃又叫做竹報賀平安，顧名思義，主力以健康和吃完平平安安的菜式為主的素菜美食，雖然是素菜，但份量一樣十足，寓意盤滿缽滿的意思。 新年菜式一定要食撈起，極品包撈起，係鮑魚三文魚撈起，呢個撈起又係比較傳統，各式各樣大吉大利的配菜都提供到，這裡選用三文魚和鮑魚做主角，三文魚好肥好正，夾埋其他好意頭的美食，撈到年年有餘，起上加喜。 現今好多人都不食翅，但年近歲晚食好
當中吃得最滿足的一餐，一定首選港島海逸君綽酒店的君綽軒。
君綽軒吃過兩次，以其超值的價錢來說性價比真的超高，但意想不到的是其新年菜式絕對又平又靚，前一星期和一班食友團年，大家都選擇了自己心儀的新年美食，以下分享個晚吃過大部分的新年菜式。
開餐先來點賀年點心，炮竹慶豐年你可能會容易估到係乜，紅米春風得意腸繪影繪聲，意頭好，炮竹一聲除舊歲，最重要個皮夠脆，這個春風得意腸，得。
恭喜發大財其實係髮菜蠔豉餃，包著大大隻的蠔豉，食咗肯定發個豬頭，仲要有金萡係面，集名貴與美味於一身。
竹笙上素餃又叫做竹報賀平安，顧名思義，主力以健康和吃完平平安安的菜式為主的素菜美食，雖然是素菜，但份量一樣十足，寓意盤滿缽滿的意思。
新年菜式一定要食撈起，極品包撈起，係鮑魚三文魚撈起，呢個撈起又係比較傳統，各式各樣大吉大利的配菜都提供到，這裡選用三文魚和鮑魚做主角，三文魚好肥好正，夾埋其他好意頭的美食，撈到年年有餘，起上加喜。
現今好多人都不食翅，但年近歲晚食好少少啦，鴻圖大展翅以珊瑚蟹肉大生翅為主角，除了大大份的翅外，還有無數的蟹膏和生拆蟹肉，全碗啲翅多到滿瀉。
名為豪門金光耀的蜂蜜煎焗金蠔絕對是技驚四座，最正嘅係佢個金蠔肥美到一個點，你放入口的蠔香比你吃新鮮生蠔更加厲害，配合炸得超香又鬆脆的米通，迷人到不行。
胡椒焗大花蝦一如個藝名，吃完必定朝朝笑口開，以新鮮的大花蝦注入了強勁的胡椒爆香，蝦肉又大隻又爽，充滿強烈的黑胡椒香氣，還有其他蔥和蒜香，愛好此道之人士必定會吃得津津樂道。
心想萬事成係蝦子海參扣花膠柚皮， 絕對係計翅之後我最喜歡的一個菜，基本上海參和花膠炆過之後，完美無瑕地展示了食材的美妙，蝦子遍佈整個鍋，海參和花膠入口都呈溶化狀態，那口感充滿賀年氣氛。
之後另外兩個較家常的菜式，分別叫年年慶大餘和家肥兼屋潤的蝦子芹香炒斑球同古法東坡肉，味道當然十分精美，東坡肉個醬汁同肥美的腩肉更加係送飯首選。
另外選吃了賀年新春套餐中另一好意頭菜式，長春不老麵就係野菌肉絲炆伊麵，吃完一定長長壽壽，老人家最啱食最好意頭。
甜品先有簡單的如意桂花豆沙糕和一定要家家戶戶慶圑圓的香芋西米露湯丸，呢兩個甜品應該唔使我點樣多介紹，反而之後幾個超有賀年特色的甜品就要介紹一下 。
名為黃金滾滾來的炸芝麻茸茶，如果你不怕炸物熱氣，絕對不會害怕把成碟吃掉的，另外的家有聚寶盒有合桃酥, 笑口棗, 牡丹酥,金元寶, 煎堆仔等等，全部都有愛甜品的粉絲追隨，看你喜歡那一種。
還有這個菜式，煎三式賀年糕 ( 新春大三元 ) ，吃糕係指定動作，吃到幾多，就吃幾多啦，我最喜歡係平時少食的年糕。
吃左咁多個新春賀年菜式，一定滿足到哈哈大笑，黎緊呢幾日，仲唔去君綽軒食下，感受下新年氣氛。
君綽軒
北角油街23號港島海逸君綽酒店5樓
张贴
