君綽軒

营业中

休息中

疫情咁耐，唔覺唔覺已經兩年冇得去旅行、冇得坐飛機，真係好想出外食好西….最後揀咗同屋企人去staycation見港島海逸君綽酒店個plan 唔錯，包食包住！仲要唔係包自助餐而係可以坐低喺佢個中菜廳度慢慢食，有人招呼唔使自己行嚟行去！所以就揀咗佢！今次唔只可以免費升級住最高樓層，仲望住無敵大海景。最正就係佢包埋喺呢間 “君綽軒” 嘅鮑參翅肚晚餐！矜貴又好味一啲都唔馬虎鮑魚同海參度炆得好入味而且個汁加上生菜真係一流炒飯又炒得夠乾身、又唔太鹹環境亦都坐得好舒適啲位擺得一啲都唔迫，所以疫情底下會食得更加放心

staycation既餐飲credit食完一餐，有剩少少，又book唔到枱，就叫外賣自己拎返上客房食左上：潮洲粉果石榴球右上：生拆蟹肉粟米羹左下：XO松露櫻花蝦蟹肉炒脆香米右下：墨魚蝦多士潮洲粉果石榴球見佢係得到至尊金獎既點心，就order黎試下，果然唔錯外皮好薄，餡料充足！生拆蟹肉粟米羹食到啖啖蟹肉，好味！XO松露櫻花蝦蟹肉炒脆香米飯粒炒到十分香脆，好夠鑊氣，同埋好多餸，好食墨魚蝦多士依個就不過不失，稍微太多油

今日黎到酒店食中菜點心 呢度午市有9折優惠 呢度主打精緻高檔點心為主 不過場內多數係1-2位既客人用餐菜式 鮮蝦脆雲吞 即拉新鮮牛肉腸 金沙蝦球配西蘭花 另加茶位同服務費!用春卷皮包住鮮蝦肉餡再炸脆 食落有春卷咁脆口,但中間餡料係鮮甜爽口既新鮮蝦肉一客有2件,脆到真係酥皮一樣咁薄脆 即拉新鮮牛肉腸粉 用上鮮牛肉打成蓉再加脆肉瓜片做餡,個腸粉皮非常之薄身透光牛肉餡料隱隱現現 入口嫩滑肉餡彈牙鮮味 加少許特製XO醬和甜醬汁已經非常美味咸蛋金沙蝦球配西蘭花 食到沙沙口感既醬汁 一層薄薄咸香既醬汁完全包裹住蝦肉入口先食到濃咸蛋香和牛油香氣 口感彈牙爽甜 配埋西蘭花平衡返個味道,出色既小菜!平均消費$300評分8/10地址： 5/F. (Minor Portion) , Harbour Grand Hong Kong, 23 Oil St, North Point

北角海逸酒店的中菜廳 傳統中式裝潢有海景午市有點心亦可以散叫其他菜式點心頗有特色而且高質 樣樣新鮮熱辣必點推介《和牛燒餅》酥餅皮好出色鬆化，完全唔油膩好難得，和牛餡料超濃黑椒味勁香。《潮州粉果石榴球》粉紅皮夠哂吸晴，裡面有齊芹菜花生肉碎配搭自家辣醬無得彈。《鮑魚燒賣》有原粒爽彈鮑魚仔，燒賣亦做得出色。另一特色點心有《黑糯米櫻花蝦帶子腸粉》大量帶子，面頭撒滿櫻花蝦提味，個黑糯米腸粉就食唔出太大分別。《海皇冬瓜盅》一盅二人份量啱哂人數少的時候，雖則係迷你，但裡面的海鮮勁足料，可能真係太重料，味道偏濃，如果清啲會更好。《胡椒大花蝦》用上大量香蔥爆胡椒，惹味帶胡椒辣勁。《醬香碌鵝》是甚少中廚有繼續做的一道傳統工夫菜，鵝肉出奇地嫩滑 一點都不老不鞋，醬汁鹹鹹甜甜好特別 比滷汁更夾。聽說這道菜很考工夫，難怪咁少見，舌頭又長知識了。《北海道鮮准山百合銀杏炒蘭度》充滿口感養生菜，鮮准山百合真係唔同啲，無敵爽脆。《XO松露櫻花蝦蟹肉炒飯》出色的炒飯真係越來越難得，飯粒分明仲要有脆香櫻花蝦，XO松露超香惹味。《生磨鴛鴦露》就相對失色 合桃同腰果味都很淡有點稀。

一入門口有全身消毒機，君綽軒位於五樓， 升降機分區域，有點複雜。這中菜廳值得推薦， 除了燕窩魚翅羹太鹹太鹹太鹹(重要的事講三次)外，其他都做得很出色，不過炒飯有點太乾太硬，但仍吃得很高興。服務也非常好，由廚房到樓面每個員工也要給他們一個like。上甜品的時候我不在座位，服務員隨即用蓋子蓋上保温，十分細心。 任何查詢都細心回答，服務出色，值得稱讚。要提出改善的話，就是主動多些幫客人斟茶吧，服務員不會主動斟茶，有些少失望。

🏨君綽軒🏨(下集)———🌟自費🌟———📍:北角油街23號港島海逸君綽酒店5樓💰ackage包左，詳情可睇上集⏰:6:00pm-10:00pm⭕️:無package既話，每位💰468(設加一)🌟鮑參翅肚套餐🌟🌜燕窩焗釀蟹蓋🦀🌛-蟹蓋釀左足夠嘅燕窩、蛋白和蟹肉 冇多餘嘅醬汁同配料 好夠熱 但係完全無味道❌只係覺得自己咬緊野 唔好食 友人食左一半放棄左 🌜紅燒花膠翅🌛-火喉足 好多料 香醇濃郁 花膠好大塊 口感豐富 真心覺得呢個翅唔錯👍🏻再加埋紅醋 味更上一層樓👍🏻成餐飯最鐘意呢個翅 出色 一食難忘🌜8頭原隻鮑魚扣海參🌛-鮑魚扣到入晒味 雖然幾啖就冇晒 不過完全食到佢嘅味道👍🏻好真材實料 海參都好淋好入味 唔錯！🌜碧綠榆耳炒鮮斑球🥦🌛-斑球好新鮮好大件 份量都唔少 炒得好入味 好香口 食落去好有鑊氣 榆耳平常好少食 口感雖然爽口 但係無味道 同埋好快凍左 麻麻地🥲西蘭花好硬 唔鐘意但係友人話ok!🌜玉蘭生炒牛肉飯🌛-上台個陣好香 鑊氣十足 冇油膩感 好有驚喜！食落去每一啖都好滿足 每人大約可以兩碗🍚 好飽肚 幾鐘意呢個🌜生磨合桃露🌛-磨得好滑 唔會太甜 質地唔算結身 好驚喜 唔係我想像中難食既

之前已經黎食過好多次，每次都好滿意，水準好穩定！而且佢哋有時會轉啲特別既menu/ 菜式，所以成日黎食都唔會話好悶。今日黎食主要係食點心，點心水準真係好穩定而且係穩定地好食。做得好用心！民個係芋泥老少平安，超級好食，出面炸得好酥脆，入面啲料又夠多！春風得意腸，必食，我自己次次黎都食🤪特別menu 上既新菜式，炸鮮奶，好開心😍而家好少地方有得食😍🥰🥰蝦多少，睇個樣都知出色韮菜餅，好正呀！！！！！皮超簿，饀超多！！！燒賣相對比較普通，無驚喜，不過都係好食🥳

黎酒店staycation，雖然酒店附近有好多嘢食，但係我哋都想黎試吓呢間中菜，因為有朋友介紹過話幾好食。我哋今次選擇左鮑參翅肚套餐，以套餐入邊嘅食物來講，價錢唔算太貴，好似值得一試。套餐入邊包括：1️⃣燕窩焗釀蟹蓋 - 通常楊蟹蓋都係比較「漏」，但係加咗燕窩令到成件事冇咁「漏」，好清新2️⃣紅燒花膠翅 - 火候足，好多料3️⃣8頭原隻鮑魚扣海參 - 入味，冇得輸4️⃣榆耳抄班球 - 蒸魚屋企都蒸到，所以出街多數會食炒班球，又香口，又好味，夠晒鑊氣5️⃣玉蘭生炒牛肉飯 - 6️⃣生磨合桃露 - 磨得好滑，亦都唔會太甜總括嚟講以呢一個價錢食到呢啲菜式，同埋有咁嘅質素，我覺得性價比非常高，如果喺呢度食，真係可以選擇呢一個套餐。

今日訂左位試下呢間君綽軒，中菜廳位於五樓，裝修係好傳統既中式裝潢，樓底高，而且有無敵維港海景，但今日太full啦，同海景無緣🥲.📌茶位 每位$20📌芥醬小食每份$30 餐前小食有水晶肴肉同牛蒡醬油漬: 爽脆.📌鮮蝦滑腸粉 $98腸粉皮好厚，仲厚過一般酒樓🤣 蝦肉食落爽口，但無鮮味！一般！.📌四頭鮑魚扣鵝掌 $368蠔皇鮑汁太咸，鮑魚夠厚身，但中間部分相對嚟講比較韌！鵝掌扣到好淋又入味，膠質豐富！搶左主角風頭🤭.📌牛肝菌螺頭燉烏雞湯 $118飲落鮮甜，有菇菌鮮味，但唔夠熱！而且每碗要$118，叫一窩都係$338會抵啲！.總括黎講，唔會回頭，偏貴，性價比唔高，而且食物上枱已經唔熱! 一般！.=========================.快啲追蹤Yob一起揾食🤭👇🏾Follow my Instagram :🙋🏻‍♀️🥢: sikdord🙋🏻‍♀️🍷: yumdord.

老實講得個環境叫做正常其他嘢根本就稱唔上酒店中菜廳首先 啲嘢食其實真係好一般中下水平中菜咁啦 但係服務質素勁差 叫人攞menu都要叫幾次叫人幫手執下張檯就淨係過黎幫我地換碟 大佬 我想你執下張檯 收錯曬order唔知佢地諗乜

在這間酒店的中菜廳學習及吃點心，我們來的時候人不多。我們叫了黑松露XO醬龍蝦燒賣王、潮州粉果石榴球、翡翠蟹鉗餃、腸粉。其中兩個還是得獎的作品，上來的外貌是挺吸引的，但吃下去味道一般，沒有驚喜，沒有想像中的好。

這間中菜廳雖然位於5樓，但仍有無敵的維港海景，加上樓底高，配合柔和的音樂，令這個星期天倍感輕鬆悠閒。我們點了得獎的「潮洲粉果石榴球」，除了粉紅色和金箔比較吸睛外，味道則跟其他酒樓的潮洲粉果差不多，沒什麼特別，還欠了花生的爽脆感！「君綽軒蝦餃王」是今餐最好吃的，味道出眾，蝦肉結實彈牙爽脆，吃得出非常新鮮！「君綽鮑魚燒賣王」的鮑魚比較細粒，燒賣不過不失！「XO醬炒蘿蔔糕」是今餐第二最好吃的，蘿蔔糕富有蘿蔔的香甜味，配合微辣的XO醬，十分醒胃！「甜梅菜叉燒腸粉」中梅菜和叉燒原本互不相干，但混合了之後估不到味道竟然十分配合！「鮑魚汁花生炆鳳爪」的鳳爪和花生炆得很諗，鮑魚汁也很鮮甜入味！「福建炒飯」材料充足，鮮蝦持別多，飯也炒得不錯！

窩夫與蝦子餅11月到港島海逸君綽酒店staycation，房價包1,300元於酒店享用的餐飲禮遇，訂不到自助晚餐，便去君綽軒吃中菜慶祝銅婚紀念。餐前小食竟然有窩夫愛吃的水晶肴肉，水準不錯。另一款小食是牛蒡醬油漬，十分爽脆，好吃有益。點了每位398元的鮑參翅肚套餐，打頭陣的是燕窩焗釀蟹蓋，蟹蓋釀了足料的燕窩、蟹肉和蛋白，沒有多餘的醬汁和配料，啖啖真材實料，非常好吃，加一點點醋更能提升蟹肉的鮮味。紅燒干貝翅都很足料，上湯香醇濃厚，叫人一吃難忘。八頭原隻鮑魚扣百花菇的賣相有進步空間，鮑魚軟硬適中，百花菇非常厚肉，鮑汁味道很好。碧綠榆耳炒鮮斑球的斑球大大件又新鮮，榆耳平日不常吃，口感爽口，據說能養顏。玉蘭生炒牛肉飯上桌時香氣撲鼻，鑊氣十足，不過吃起來偏淡。生磨合桃露是全晚最令人失望的，水汪汪的，只吃了半碗。

我差不多每天都在這𥚃晚飯，因為唔想煮。每次來君綽軒晚飯，總有「家」的感覺。這裡環境優美，維港景色怡人，令人心曠神怡，舒適悠閑。員工態度熱誠，親切溫馨，耐心聆聽，亦會給予選擇食物的建議。每日在這𥚃晚飯，尤如見到一班好朋友，十分親切。因為多數一個人自己食飯，這𥚃晚飯的份量亦十分細心，可以「半份」落訂單，這樣令我可以有更多的選擇，餸菜不至太單調。而且，各種款式的餸菜都十分新鮮，選材上乘。套餐價錢吸引，份量充裕，擺設上枱尤為吸睛。我特別喜歡每晚飯後甜品，「楊枝甘露」👍👍👍😍，又濃又美味。

最近公私兩忙，食了很多頹餐，男友竟然book 左酒店帶我黎食晚餐。我地都係平民階層，真係好少捨得食咁豪，不過，近黎我地都面對緊人生中要打大佬既情況，就享受一晚啦🥂order 左二人鮑參翅肚A 餐，每位＄398，另加一服務費頭盤: 燕窩焗釀蟹蓋真係好好食，啖啖蟹肉同燕窩，無溝其他野，真材實料，蟹肉鮮甜！配埋少少陳醋更有提鮮作用，陳醋香醇敦厚，一點也不搶喉，絕配絕配！只係食物不夠熱。紅燒干貝翅湯底非常有干貝鮮味; 翅有兩種口感，翅群邊膠質多，口感豐富，翅針粗大爽口; 雖然是干貝碎，但食落沒有起渣，仍然帶有干貝鮮味。真係好耐食過咁正宗既翅，食得出師父好功架！八頭原隻鮑魚扣百花菇鮑魚扣到入晒味，口感適中，花菇厚身爽口，生菜配鮑汁，一流！碧綠榆耳炒鮮斑球斑球厚身，肉質鮮美，魚皮質地煮到好似花膠咁；榆耳第一次食，好爽口，亦有鮮菇味，好夾！玉蘭生炒牛肉飯炒飯夠獲氣，亦無油膩感，夠晒二人份，好滿足甜品係生磨合桃露，職員放低時已經聞到好香合桃味，質地唔算好杰身，飲落有nuts 既質感，岩岩好！茶水每位＄20，小食好似每位＄30，但可以唔要小食的好喇，睇下個環境非常傳統的中式裝潢景致開揚總括，我地追過上菜