名門私房菜

营业中

休息中

得悉這間位於灣仔的私房菜館已營業近廿年，主打正宗順德菜及師傅主張食物要利用時令食材不時不食，結合傳統和創新的烹調方法，今晚一行六人專訪這間『名門私房菜』晚膳，這餐飯就由廚師發辦罷！傳統原個冬瓜盅～冬瓜肉裡有豐富不同的新鮮餡料，全用新鮮食材，互相輝映，味道清香可口，這個季節最適中；冰鎮鮑魚配燒汁芥末醬～以日式wasabi醬加日式醬油，滋味倍添； 再拼秘制和味手撕雞，炸脆了的芋頭絲混在一起吃，調料入味，調拌甜酸苦辣，師傅全部食材也切絲，刀工細緻，切出多彩人生，層次分明，把味蕾敲響了；家鄉煎釀蓮藕餅拼順德大良炸鮮奶～兩塊薄薄的蓮藕中間會上碎豬肉，脆嫩爽口，很惹味呵！大良炸鮮奶～ 內軟外脆，鮮嫩可口，膩而不俗，吃過念念不忘；秘製陳皮黑毛豬肋骨，用了三種不同的陳皮： 新會陳皮『越陳越香』丶新陳皮『不足三年』就會有『檸檬酸』丶九製陳皮『酸酸甜甜』淺嚼帶回甘的香味配黑毛豬，有著特殊的醇香，令人胃口大開，這些陳皮的香味浸在黑毛豬裡，令人垂涎欲滴；生拆蟹肉蟹膏炒蘆筍～廚師堅持用新鮮蟹拆肉，特別香濃令這道菜增添口感澎湃不已！油浸筍殼魚 ～大大條筍殼魚，非常厚肉，淋上秘製熟甜豉油，味道清甜鮮嫩無腥味；不辣啫

今晚食咗個灣仔上樓私房順德菜，第一個餸冬瓜盅，有蝦肉豬肉，仲有田雞及蟹肉，必須有的夜香花及蓮子，個湯好清甜，冇味精冇添加，少少金華火腿粒吊味，咸香十足。鮑魚手撕雞，內有芋頭絲，酸薑，青爪絲，海蜇， 用上Wasabi汁，入口味道幾複雜，百味紛陳，旁邊白滷水汁嘅鮑魚，味道剛剛好，入口勁彈牙。大良炸鮮奶拼金錢餅蓮藕，蓮藕餅十分爽脆，中間咬開充滿肉汁。秘制陳皮醬烤骨，用上幾種陳皮，越咀嚼越有味，陳皮香會慢慢滲出，黑毛豬一字骨，有肉香而不臊。蟹黃蘆筍，賣相吸引，澳洲蘆筍非常爽脆，用上兩隻蟹肉，蟹膏及蟹黃，味道十足，橙黃色蟹膏味道香濃。油浸筍殼魚，差唔多兩斤重，外皮炸到勁香脆，魚肉有軟滑，全部位置都脆卜卜，加埋蒸魚豉油汁，勁好味。名門XO醬炒飯，炸過嘅乾瑤柱絲，蝦乾海味，叉燒粒，入口少少辣味，飯粒乾身，啲餸多過啲飯。最後一個蛋白杏仁茶做結尾，非常香滑有杏汁香味。全晚食材好新鮮，廚房師傅功夫紮實，難得食到傳統順德菜。

食中菜最緊要有氣氛，但人數少又好難叫餸，今晚難得約齊friend去灣仔食名門私房菜，仲可以食到我最期待嘅冬瓜盅冬瓜盅絕對係夏天嘅期間限定，而且份量大，無返六至八個人，根本食唔到。今晚呢個冬瓜盅水準超高，而且亦都係手工菜，一定要預訂。湯飲落有冬瓜嘅清甜又有金華火腿嘅甘醇，仲加咗大量海鮮，甜上加甜，越飲越好飲第二味係手撕雞配白滷水鮮鮑魚，個手撕雞味道超複雜，有海蜇碎，雞絲，青瓜絲，酸薑片，Wasabi，紅辣椒及炸芋絲。單單睇材料，就知道味道勁有層次，又爽口又脆口，肉味加埋Wasabi，非常刺激。而白滷水鮑魚新鮮又彈牙，鮮甜好食👍再上嘅就係招牌炸雙寶：炸藕片及炸鮮奶，水準穩定冇失手之後係陳皮一字骨，選用新鮮黑毛豬，陳皮方面用咗老陳皮，久製陳皮一齊炆煮，係我最喜歡嘅做法，食到陳皮味但係又食唔到陳皮入口，好矛盾但好好食🤪😘賣相最靚嘅係呢個鮮拆蟹肉蟹膏燴鮮蘆筍，上枱靚到話話聲，味道鮮甜，蟹肉蟹膏人手拆，費工用心，值100分好難得食到咁大條嘅油浸筍殻魚，越大條越難控制火候，做到表皮香脆裏面保留肉汁，呢條算係非常成功名門招牌雞煲，香味濃辣味輕，雞切到細細件容易入味，越食越想食最後仲有個XO醬炒飯，XO

無飯屋企就更要捐窿捐罅搵試新菜，今次就玩到上樓嘗潮州菜。有別於一般大排檔打冷，名門無滷水料但有唔少手工菜，仍然保留住傳統文化味道菜式花多眼亂，選擇困難症嘅我一於叫二人套餐，咩都唔洗諗😆.先上杏汁豬肺湯🐷本身我好怕杏霜個陣味，有時更會聞到想嘔，真心搞唔掂，但哩到嘅杏汁湯一啲都無杏霜嘅味，反而帶有一陣杏香味 / 上枱時熱㷫㷫，飲落喉嚨好滑好清甜嘅感覺..冰鎮鮑魚🐡中菜餐食過最出色嘅鮑魚 / 微凍，爽口彈牙唔會好似食緊香口膠 / 配上甜豉油wasabi更帶出鮑魚鮮甜..砵仔焗魚腸🐟吸睛指數上升，漲卜卜表面焗到少焦糖狀態 / 超級足料，比一般用上更多芫茜，重茜口味 / 口感略實帶少許過熟..豉油雞🐥成煲上份量嚇親 / 以玫瑰酒入饌帶出陣陣香味 / 老抽配以雞油上色靚、豉油略甜但不死甜 / 必定連皮食帶出啖啖肉加豉油甜香配搭..蒜蓉炒西蘭花🥦簡單但出色 /炒得爽脆而沒有過多油份..杏汁蛋白相信同杏汁豬肺湯同一湯底 - 好飲唔過甜雖然只有兩位員工但服務態度和藹，不時問我哋好無味、啲嘢食o唔ok。唔講唔知，原來店舖過兩個月已達20年，傳統嘢一定要保留🤞🏿🤤

為食老友安排這頓順德私房菜，一行六人都好期待今次厨師的作品😀實而不華的佈置，侍應殷勤，主持人更落力解釋每道菜，所以熟客頗多，好有屋企感👏今餐八道菜式依上菜序列:傳統原個冬瓜盅，時令材料，湯底清鮮，湯料十足，非一般靠味粉調味之作😋冰鎮鮑魚(燒汁芥末醬)拼手撕雞，鮑魚入味又爽口，入口清香，可捨配汁; 手撕雞據店主說是經多番研發之成果，手撕雞中加入切絲自製子薑，炸芋頭絲及其他配料，混日本芥末汁，入口辛甘鮮脆，又不乏咬感，好好醒胃前菜😋👏金錢蓮藕餅拼大良炸鮮奶，兩款炸物味道各有千秋，蓮藕餅爽脆甘香，炸鮮奶外脆内嫩滑奶香散溢😋秘製陳皮豬肋骨以老，新，九製三種不同陳皮烹調黑毛豬肋骨，取甘，酸，甜三味，肉質軟硬適中，肋軟骨一咬即断，陳皮香味濃😋😋生拆蟹肉蟹膏炒蘆筍，蘆筍脆嫩無渣，以膏蟹肉及膏快炒，蟹香撲鼻，足見用料上乘😋😋油浸大筍殼魚，皮脆肉嫩，好魚的我把魚頭亦吃了，久違了的一道順德名菜😋😋不辣啫啫雞，店主特意走辣因單尾炒飯用了xo醬，不辣的啫啫雞嫩滑可口，又另一風味😋😋自家製XO醬名門炒飯，米飯粒乾身有嚼感，炒料勁多，有蝦粒，火腿粒……，xo醬香辣味滲入飯粒，好辣者必愛的滋味😋😋店主推薦甜品蛋白杏

服務一流，親民好傾普洱茶夠濃香，去油解膩 [ 冬瓜盅 ] 冬瓜清甜，夏天食最啱，田雞超鮮甜，蝦質鮮嫩，冇落味精，足料，飲左三碗[ 芋絲手撕雞冰鎮鮑魚 ] 味道同做工極為複雜，Wasabi、紫姜、青瓜絲、海蜇，鮑魚極大隻，爽口彈牙。甜、甘、辣豐迎滋味，一定要喺呢度先有得食[ 鮮榨牛奶及炸蓮藕餅 ] 牛奶有椰汁蛋白嘅細滑，外脆內軟，甜而不膩，蓮藕餅夾層之中有肉餅，咬落去嘅時候確一聲非常之脆，食上癮，內外都酥化鬆脆[ 秘製陳皮醬烤骨 ] 老陳皮、九制陳皮、酸陳皮三款精製而成。味道層次好豐富，甜、甘、酸齊晒，肉質嘅層次都好豐富，有五花腩嘅感覺食到不同層次嘅豬肉質感[ 碧綠翠珊瑚 ] 蟹膏蟹肉炒蘆筍，拆咗兩隻大膏蟹先有呢一碟菜，真材實料，蘆筍係黎自澳洲，清甜爽脆，蟹膏粒粒有咬口，蟹肉拆得好仔細，啖啖肉，正😄[ 油浸筍殼 ] 勁大條，賣相好震撼，師傅切開嘅時候索索聲，睇住佢表演都覺得賞心悅目，食落口外脆內嫩，除咗講好好食😋同係咁食，真係正到爆[ 啫啫雞煲 ] 勁香，翻起食物嘅時候發出jer jer 聲，持續左成分鐘，煙霧彌漫，雞肉鮮嫩，唔會黐牙，送飯就最啱啦[ 名門炒飯 ] XO醬炒飯，自家製XO

名門私房菜 (灣仔)灣仔灣仔道83號2樓冬瓜盅當造原個冬瓜好消暑，個盅好足料，蝦碌肉質爽脆鮮甜，煲湯瘦肉唔少得，仲有田雞！所有精華凝聚於湯水之中，真係相當消暑解渴。芋絲手撕雞冰鎮鮑魚極度鮮甜嘅冰鎮鮑，大大隻一啖落去清爽，入口彈牙又柔軟。拌入咗足料手撕雞，雞肉嫩，唔少得爽口海蜇，有脆卜卜芋絲，各種配菜百味交雜之中帶濃烈Wasabi，獨特！鮮榨牛奶及炸蓮藕餅酥炸大良牛奶，外層酥脆，內裏軟滑鮮奶以蛋白凝固，帶香濃椰汁味，略呈糕狀口感，味道好有層次；炸蓮藕餅係兩層薄切蓮藕中間夾鮮肉嘅設計，非常香脆嘅餅層有陣陣鮮肉香，相當好味。秘製陳皮醬烤骨適量控制老陳皮嘅澀、九制陳皮嘅甜、酸陳皮嘅甘，加上各種陳皮本身嘅果酸，營造出陳出不窮嘅味道層次感，選用咗黑毛豬肋骨位肉，歷時烹煮將陳皮醬嘅味道鎖入肉汁之中，肉質肥瘦均勻，口感同味道都極具層次，時而入口即溶，時而彈牙軟熟時而爽口，香濃肉汁於齒縫間遊走，太美好！碧綠翠珊瑚以膏蟹嘅蟹膏同蟹肉拌入碧綠翠嘅蘆筍之中，可謂妹仔大過主人婆，店家好有心機咁拆咗兩隻膏蟹作為配角，蟹肉非常鮮甜，蟹膏相當肥美，拌入爽口鮮嫩又多汁嘅主角蘆筍之中，味道非常match！好一道碧綠翠珊瑚

外婆是順德人，小時候經常吃到外婆烹煮的順德菜，自從她過世之後，已經很少享用順德菜了，今天想起外婆，便來預約這順德私房菜懷緬一下順德風味。冰鎮鮑魚$88/隻，鮑魚尺寸頗為大，應該有六頭以上，鮑魚本身帶點微微酒的香氣，肉質軟淋中帶點彈牙，沒有過軟滑過硬，口感非常豐富，如果想增加味道層次，可以點些Wasabi和自家製醬汁。懷舊蝦多士 $58/件，蝦多士除了表面的蝦之外，多士內還有蝦膠在其中，外脆內軟，口感豐富，這個做法有點像兒時外婆給我們家人做的方法差不多，不期然令人懷緬過去，很想念外婆。個人頗為喜歡除碟附上的柚子蜜，酸酸甜甜，吃完這個蝦多士都沒有半點油膩感。順德污糟雞 $298/半隻，看這個價錢一點都不便宜，不過原來店內內採用新鮮雞烹調，所以這個價錢又是非常值得。配料有榨菜、芹菜和紅棗，用荷葉薦底，味道適中，雞皮的脂肪非常香濃，雞肉鮮嫩可口，又是一道頗為有順德風味的特色小菜。

名門私房菜今日約到老死同埋佢另一半，一齊出嚟食個晏，忙裡偷閒。老火靚湯：完全冇味精，非常足料，火候亦都非常十足，飲完一碗，直程唔夠喉。酥炸茄子：屬於一個錢財，但亦都非常認真處理，博博嘅外脆表層，包裹軟滑既茄子，口感一流。如果可以有個秘製醬汁點下，相信更佳。冰鎮鮑魚：唔好虧待自己，下晝都要食得好，鮑魚肉質爽蛋，完全唔會韌，係廚師嘅火候控制技術高超。子薑配流心皮蛋：皮蛋靚之餘，個子薑仲要係自家製作，唔會太酸，平衡到皮蛋獨有嘅味道。秘製豬肋骨：之前已經食過，印象非常深刻，所以一定要再要多一次，頭抽豉油雞：隻雞本身嘅質量都非常高，有雞味，又夠滑，加上獨特嘅調味，口腔充斥玫瑰露嘅香氣。釀鯪魚：手工菜，魚皮保持完整性，起肉功夫一流，絕對無食到骨/疑似骨的物體，魚皮鬆脆，而且魚肉略帶彈性，反而如果巿個特調醬汁，定必提鮮。炸鮮奶：前所未試過咁香椰絲味，估計應該係炸漿，再點椰絲去炸，造成吉列嘅感覺。入面嘅鮮奶，凝固程度傾向奶凍質地，外皮同內涵，造成強烈嘅反差，十十滿足腐竹薏仁糖水：老闆驚我哋唔夠食，仲送多一個自家製糖水俾我哋，當然係唔會馬虎啦。粒粒薏仁都好大粒，仲有少少煙韌嘅感覺。呢間餐廳雖然有一啲歷史

第一次食呢間樓上順德私房菜，超高水準超高質，好味之餘，價錢相宜，最緊要感受到老闆同師傅對每一道菜嘅用心，一定會回頭再幫襯！我地叫左個二人餐，真心講兩個人食份量偏多，已經淨係叫左一碗白飯share，都食到好飽。名門二人杏福精選午市套餐 兩位用$728杏汁炖白肺湯超鍾意杏汁杏仁茶嘅我，對呢個湯都幾高要求，呢個湯完全係我想要嘅味，超級足料，生磨南北杏，令到杏仁味超濃，豬肺煲到好腍，侍應好貼心咁準備左豉油比我地點黎食吊味！鑲鑽黃金蝦賣相好靚，睇落隻蝦好大隻，以為好厚炸粉，原來唔係，係隻蝦就係咁大隻，外層沾左鹹蛋黃同麥片，好特別嘅配搭，香脆可口，蝦肉好新鮮開邊再落鑊炸，啖啖肉好正，蝦頭都炸到脆卜卜，蝦膏好鮮甜！大良炸鮮奶炸鮮奶好難掌握，上碟同食嘅時間唔同，感覺都差好遠，呢個時間、口感、味道都拿捏得啱啱好，上碟時熱辣辣啱啱新鮮炸起，外層香脆，入面嘅鮮奶有少少流心，唔會成舊粉咁，牛奶味香濃，係我食過最好味最正嘅炸鮮奶！$128 精美小菜任選一款 - 順德煎釀鯪魚呢道菜好考功夫同心機，師傅用左三條鯪魚肉，再釀成一條，用番魚頭、魚皮、魚尾以一條完整嘅魚嘅形態再呈現出嚟，鯪魚肉爽口彈牙，師傅應該打鯪魚肉打

今日又同朋友開心食私房菜職員話餐牌會定期更新， 今次就叫左職員推介的杏汁豬肺湯材料好足，有豬肺，花膠，白果。杏汁味又香又濃。 飲完好滋潤。冰鎮鮑魚鮑魚爽甜，肉質一d都唔韌。 醬汁甜甜辣辣，開胃。醬爆黃金蝦多士濃郁的鹹蛋黃醬， 一上枱就聞到。切開後，配上滿滿的鮮甜蝦肉。好邪惡，但又好滿足。焗魚腸蛋香味遠遠已經飄過黎，焗到外層脆脆地！魚腸乾淨又滑溜溜豉油雞色香味俱全！豉油汁濃郁又有酒香味。雞肉入味又滑。麵醬西生菜瓦煲上枱時，仲聽到滋滋聲，夠哂熱。 麵醬 鹹鹹辣辣，好惹味。蛋白杏仁茶生磨杏仁，好香好濃。

今日心情好，同個朋友仔食好啲，係灣仔搵左呢間順德私房菜，順德菜製作認真，味道都一流。杏汁豬肺湯，洗豬肺好花工夫，而且唔係個個識洗，係呢度就有得飲，仲有新鮮靚豬肺。個杏汁係用南北杏去磨，好香好滑，冇平時食開好似杏霜果種又甜又搶喉嘅味。原來仲有花膠，飲完仙氣滿滿。冰鎮鮑魚，好爽好彈，一咬就開，加埋個醬汁提升鮮味，好食！醬爆黃金蝦多士，一嚟到個鹹蛋黃超香，裏面全部都係蝦，邪惡程度係十級，朋友仲話我食晒啲咸蛋黃，哈！麵豉醬西生菜，有肉又有菜，雖然只係生菜，但師父都好用心去烹調，麵豉醬個味恰到好處，生菜係瓦罉入面都好爽脆，冇overcook豉油雞，個甜豉油超正，雞入晒味，又肥美又啖啖肉。蒸魚腸，又係一個手工菜，魚腸冇腥味，配埋蒸蛋，口感實淨，上面仲有芫荽提升香味。蛋白杏仁茶，有少少似燉蛋白，用南北杏磨汁，食到杏仁甘味。

我覺得私房菜就好似中式廚師發辦咁，菜式要由師傅提供，要預先訂定，每一碟菜式都好花心思，好考功夫～～經朋友介紹，今次去呢間喺灣仔開業廿年😍嘅順德菜🥰 白肺燉花膠湯 （$168/位）坐低就可以先品嚐製作繁複，呈奶白色，香濃潤滑，感覺每一啖都咁滋潤冰鎮鮑魚配燒汁芥辣 $88/隻（兩隻起）前菜係好大隻，煮得爽口鮮甜嘅飽魚，配上燒汁芥辣，特別醒胃青芥冰燒雞 $348/半隻手拆燒雞絲，加入海蜇、青瓜絲、醬汁，仲有青芥辣，好花功夫，味道爽香嫩辛，層次豐富，不知不覺愈食愈多😂蜜烤蝦菠士 $98/件（兩件起）需要同時炸蝦多士、烤菠蘿，及煮菠蘿醬，時間要配合得好好，先會食到菠蘿🍍嘅爽口，炸蝦多士嘅酥脆彈牙，仲有菠蘿醬嘅香甜。農村山區炆釀豆腐 $188/例呢個釀豆腐有別於一般，肉係夾喺豆腐中間，食落除咗有豆腐嘅滑仲有陣陣鹹香。哈哈哈芥蘭煲 $178/例蝦蝦蝦，用上肉質爽彈嘅鮮蝦，及蝦乾一齊炒芥蘭，香味十足

晏晝同朋友約咗一齊食飯，朋友介紹一間私房菜話好好食，所以我哋一齊上去試一試。餐廳座位都幾寬敞，唔似一般中菜酒樓咁逼夾，我哋見到一個四人套餐，都幾fit老火靚湯：湯完全冇味精，飲起上嚟有一種家的感覺，非常好飲。酥炸茄子：茄子被薄薄嘅蛋黃漿包裹住，炸嘅火喉控制可以話係大師級，完全保留到茄子新鮮而有汁滲出嚟。冰鎮鮑魚：名貴就唔駛講，鮑魚煮得稔但亦不失煙韌爽口嘅感覺，最重要就係佢秘製醬汁，完全帶出鮑魚新鮮嘅味道。由於係冰鎮，食起上嚟非常清新。子薑配流心皮蛋：皮蛋有別於一般黑色嘅賣相，仔細睇起上嚟係啡色一層嘅，皮蛋味濃。如果同子薑一併放進口，好容易清除皮蛋濃烈嘅味道。秘製豬肋骨：問咗老闆，呢味餸用咗陳皮醃製，味道非常特別而且超級好味， 酸酸甜甜，加上以炸嘅形式，烹調功夫可見一班。肉質方面，豬肋骨有些油脂，食落爽口有溶化嘅感覺，但煮得好稔，非常滿足。頭抽豉油雞：用上玫瑰露去煮，雞肉新鮮嫩滑，呢度菜可以話係我咁耐以來食嘅豉油雞當中數一數二嘅菜式。釀鯪魚：雖然呢度菜唔係一啲名貴菜式，但絕對係用心之作。師父將打好嘅鯪魚肉，釀入原條魚之內，再經香煎以達致皮脆嘅感覺。咁樣嘅食法啖啖肉，冇晒食到魚骨嘅煩惱。上

朋友早前订了这间私房菜约埋我一齐食。原来今次有新嘢，哈哈。冰烧鸡 : 是一道凉菜，有鸡丝，海蜇，青瓜丝仲有好脆口的炸芋丝。全部都同山葵汁，真系好好味，又冻冻地，大热天时好啱食。😍😍蒸柚皮：柚皮完全入晒煮汁的味但又食到柚皮的香味，好正。唔系好咸又完全冇苦味，入口唔洗咬就几乎可以吞。👍👍啫啫芥兰：芥兰嫩甜，用虾酱炒熟，好香口。间中有虾干一齐食，更浓味。😋😋原条𫗵鲮鱼：鲮鱼外皮炸得香脆，鲮鱼肉扎实而且食到阵阵的老陈皮味，好开心再食到经典的顺德菜。名门炒钣：炒饭上枱已经香喷喷，虽然已经接近饱，还是吃光了一整碗。饭好干身，有叉烧粒，但最好味的是有好香口、微辣真系好好味。用砂锅盛着炒饭真是有用，可以保持温度好耐，正。💯