名門私房菜

营业中

休息中

平時好少係香港區食飯, 多數係九龍區活動, 今日同朋友去完staycation係呢邊所以就食埋飯先回家由於朋友鐘意食中菜, 早兩日就book左呢間好多好評嘅私房菜一入到餐廳侍就好熱情咁招待我哋, 裝修比較懷舊而高雅, 座位之間都好闊落舒適, 一坐底侍應叔叔就幫我哋開茶, 普洱/鐵觀音/菊花茶/香片之中揀左菊花, 壺茶送緊過黎已經聞到陣陣花香, 我自己好鐘意飲花茶, 香氣撲鼻真係無得頂!✨冰鎮鮑魚鮑魚係已介開帶子位, 食落非常方便食落有淡淡酒香, 單食左一啖, 唔使沾醬汁已經好夠味, 再沾下個wasabi燒汁, 味道更豐富✨漿爆黃金蝦多士😱呢道菜真係驚豔到我, 上層係用牛油炒過嘅蛋黃醬,之後下面係有層炸多士, 中間夾住大大隻鮮蝦同埋(估計係)手打蝦滑, 味道非常有層次而竟然不會太油膩, 雖然邪惡不過好出色✨鯪魚球生菜豆腐煲岩岩食完濃味野, 食個清淡d嘅鯪魚豆腐煲隔一隔岩岩好, 廚師同侍應都好細心, 呢個煲睇落簡單, 但非常清甜, 而且魚肉一d都唔會腥, 豆腐嫩滑, 生菜爽脆✨皇牌酥炸牛坑腩炸得好靚, 一d都唔會索油, 牛坑腩帶筋同油花, 沾埋喼汁平衡返解滯, 牛味好重, 極之惹味!✨招牌

朋友向我介紹呢間位於灣仔嘅「名門私房菜」，佢話呢度嘅菜式頗特別，食材新鮮、兼食到食物嘅原味，美味之餘又冇味精，於是與 honey 一齊嚟品嚐下！😉一入內就👀地方寬敞整潔，服務員殷勤招呼並向我哋介紹一些推介菜式添！# 明火無味精靚湯 ～ 湯料有粟米、青紅蘿蔔、豬肚、豬骨，味道清甜，飲完喉嚨好舒服！# 皮蛋酸薑 ～ 皮蛋頂級流心、晶瑩剔透，配合酸甜爽脆子薑好開胃！# 特色冰鎮鮑魚 ～ 超大隻、又爽甜，真係可以用刀叉嚟享受！# 大良炸鮮奶 + 金錢蓮藕餅 ～ 炸鮮奶外皮脆卜卜、裏面軟綿綿，真係好香好滑，兼有陣陣椰青奶味好清新；蓮藕好爽脆，估唔到中間仲有豬肉餡添！# 蝦子生扣柚皮 ～ 柚皮用鮑汁燜煮得好入味冧甜，加埋蝦子香味，送飯一流！# 順德煎釀鯪魚 ～ 鯪魚層皮炸得好鬆脆，中間啲鯪魚肉好鮮甜，原粒豆豉令調味鹹淡適中，加埋蔥花好惹味！# 白粥煲得非常綿，配襯煎炸嘅食物，簡值一絕。另外蕃薯甜湯，蕃薯夠香軟，甜湯夠薑味…超總括而言，呢頓飯食得好開心、好滿意！😁

男朋友無啦啦話帶我去食間私房菜，而我自己就係第一次食私房菜，所以都幾期待。------------------------------入到去空間都幾闊落，而且乾淨企理，坐得幾舒服。------------------------------首先我哋嗌左個杏汁豬肺花膠湯，個杏汁嗰陣味同平時喺出面嗰啲餐廳飲嘅唔同，唔會有浸藥水味。如果平時唔鍾意飲杏汁嘅人，我覺得都可以一試。呢個鑲鑽黃金蝦好好食，店員一擺低果下，就聞到濃濃嘅鹹蛋黃味。蝦嘅表面完全比鹹蛋黃同麥皮包住，亦都因為有麥皮，所以口感豐富咗。哈哈哈芥蘭煲有唔同嘅蝦喺入面，啲菜唔會軟腍腍，仲好爽口。😋食完咁多嘢，就梗係要食返啲甜品㗎啦。我個人就幾鍾意個杞子桂花糕，杞子嘅甜味同桂花嗰陣味幾襯。依個番薯糖水，啲番薯煲到好林，同埋好甜。如果薑味再重多少少，就應該會仲好食。------------------------------總結嚟講呢間幾值得嚟食，同埋侍應哥哥好好人，會好詳細咁去介紹每一道菜。有機會我都會想帶埋屋企人嚟食。😋😋

難得一次去到食順德私房菜，就一定要嗌個兩人餐試下啦。今日就嗌咗個商務套餐。 第一道頭盤，就有冰鎮鮑魚燒汁醬。我諗隻鮑魚應該都有四頭，用咗日本酒浸一晚再另上燒汁同辣汁配wasabi，就咁食落都酒味唔會太嗆口，而個汁都較得好夾 第二道，冰燒雞。師傅就用咗海哲、雞絲、青瓜、芋絲同紫薑涼拌製成。食落口感冰涼爽脆加上wasabi，但又有紫薑唔怕太寒涼。不過呢道餸要提早跟餐廳要求 第三道，鮮蟹肉瑤柱焗釀蟹蓋。呢道餸好多餐廳都會有啲cream加芝士做填充，但呢道真材實料，用咗蟹肉、洋蔥、瑤柱再用人手製成。

其實一直都好想試私房菜， 但沒有機會，一來感覺私房菜價錢貴，二來覺得食物質素參差。今日到朋友介的這間名門私房菜，原來私房菜係可以有質素但價錢又非常合理！菜牌裏面有好多不同款式，有鮑參翅魚肚， 甚至家常便飯，所以今日特意選了不同款式。 百果杏汁白肺湯-抗疫湯 潤肺、紓緩喉嚨，而且在家煲肺湯功夫多。名門私房菜用心制作，豬肺煎過，而且杏仁好香又有百果，暖笠笠養生湯一定要試！頭盤冰鎮鮑魚-大隻新鮮又爽口，配上醬油+日式芥末，吃完後醒神晒！冰燒雞-材料有手切芋頭絲丶手撕雞肉丶手切青瓜及海哲，混合酸薑味醬丶紅辣椒，適合這個炎熱的天氣，好開胃！梨香哈蜜讓帶子-心思細密的菜式，原隻帶子在頂層，之後雪梨及蝦餅隔住一層又一層，囗感特別加埋甜蜜味醬，吃完感覺幸福！黃金蝦-完隻蝦頭不用講，蛋黃夠、色、香、味！鮮蟹肉炒鮮奶-西蘭花做伴碟，蟹肉夠鮮、鮮奶夠滑 加添幾滴茘枝醋、追住吃。麵豉醬啫啫西生菜、口感絕配！通常一般用椒絲腐乳啫啫，名門採用麵豉醬啫啫，味道好香，西生菜夠脆，要添食及追加白飯！甜品不能少！杏仁茶夠熱又香不太甜，再來一個古法黃塘蕃薯湯水，今晚有幸品嘗到美食，大滿足，下次帶爸爸再來光顧！後話：侍應有禮

聽說這間私房菜很久了，這次終於有機會同受友來試試。餐廳每枱間都有距離，而且客人們都不會高談闊論，整個環境寧靜舒適。招牌杏汁燉白肺湯 | $98盅雪白色的燉湯，味道清甜，豬肺軟綿點些醬油味道更特出，有兩塊豬肺及豬肉，十分足料。特色冰鎮鮑魚配燒汁芥辣醬 | $88隻冰鎮鮑魚好大隻，邊位洗得乾淨。鮑魚冰凍爽口，醬汁帶點甜及芥末辣，非常惹味。鑲鑽黃金蝦 | $88驟眼看以為是麥皮蝦，其實在脆脆的麥皮內載有金黃色的蛋黃，加上了麥皮減輕了油膩感。蝦肉彈牙爽口，蛋黃香濃。蝦頭有橙紅色的蝦膏。順德污糟雞 | $298 半隻雞肉滑溜，帶有淡淡的荷葉香及紅棗甜味。最欣賞它加了蔥，味道超香。麵醬啫啫唐生菜煲 | $148啫啫煲夠穫氣，麵醬鹹中帶甜，唐生菜沾滿了麵醬味道，十分可口。名門XO 炒飯（辣） | $248炒飯超香，聞及吃起來都感受到XO醬的香味。炒飯微辣，用了蝦肉、香菇等配料，而且好大煲，絕對是飽肚之選。綠豆沙 | $0飯後有糖水送，海帶切成幼絲，綠豆沙煮得綿。服務員態度有禮，整頓飯都食得好舒服。

很久冇出街食飯，差點已忘記了私房菜這名稱。今早在灣仔買餸時抬頭見到曾經幫襯過“名門私房菜”的招牌。很懷念這裡的家鄉小菜，地道得來又有懷舊感覺；於是向老公提議在此午餐。冰鎮鮑魚 鮑魚很大隻，差不多有半隻手掌大。爽口彈牙， 軟硬適中；配以燒汁wasabi 更有提鮮作用。杏汁豬肺湯 豬肺份量很多，洗得很乾淨；所以唔覺有內臟臭押味。再用大量杏仁淆製而成，所以湯底味道又香甜又濃郁好好飲。👍炸奶拼金錢蓮藕餅 時令蓮藕清甜爽口，夾上免冶豬肉甘香味美；食時可隨意點些喼汁增添食慾。炸鮮奶II材料簡單但製作巧手。要做得脆䊢脆薄，鮮奶香濃幼滑真的要考大厨的經驗。最重要係唔覺肥膩。菠蘿咕嚕肉採用新鮮豬肉卽叫卽炸，入口很脆；猪肉夠腍夠滑，沾上酸甜汁味道啱啱好。蝦蝦炒芥蘭煲材料有鮮蝦、蝦乾和芥蘭，以蝦膏來炒夠哂惹味同鑊氣足。我一向不喜愛食芥蘭因謙它太硬身，所以要求煮得淋些；今次居然把整個煲仔菜KO哂！😋桂花糕最後以冰凍清甜的桂花糕做甜品。

我個人好喜歡食私房菜，今次呢間餐廳主打係順德私房菜，而家疫情返唔到大陸食，一於試下呢間水準有幾高先門口有免費提供酒精搓手液，乾濕紙巾，說明餐飲處所屬於邊類，非常細心。杏汁白肺湯湯比較濃郁，當中有豬肺，瘦肉和白果。杏汁味又香又濃，材料好足，送到黎都仲要係熱辣辣，好岩而家既天氣飲呀。冰鎮鮑魚鮑魚本身係凍，但配汁又幾香甜，之後問問個員工有咩材料？原來當中係有小小黃椒，紅椒，wasabi再加點豉油，呢隻醬汁都幾特別。避風塘龍躉我地三個人食，除返開平均每人要食二片。龍躉大大片，厚切之餘仲啖啖肉，炸出黎金黃色，肉質鮮嫩，我食左兩件，已經飽左8成了。鮑魚豆腐煲豆腐煲煮好成煲上，豆腐煙韌好入味，有滷水汁醃過，撈了好幾下豆腐都唔會咁容易爛和碎，再配幾隻小鮑魚，味道幾夾。蝦乾炸鯪魚球好大粒既鯪魚球炸到金黃色，當中有好多蝦乾佈滿整粒鯪魚球，魚球彈牙無腥味，真係好有順德菜既感覺。沙鍋芥蘭煲在沙鍋上煮既芥蘭係特別香同好食，芥蘭夠晒爽口惹味又唔老，當中有蝦肉炒埋一起，食點菜幫助腸胃消化。最後食埋個蕃薯糖水，我鍾意它夠薑夠辣又唔太甜，真係飽到一個點。私房菜黎講，價錢經濟又高質，如果人多可以叫多幾款菜，真係樣樣都想食

今日有幸同朋友來到這一間名門私房菜。其實來之前沒有太大期望。因為近年去了不同的私房菜，但總覺得同酒樓菜式差不多，價錢有不平。但這一間一定要試一試！因為這一間私房菜是與別不同。首先他的服務已經有100%水準賓至如歸。現在這些服務已經買少見少。就是菜式的選擇真的不少及有家常便菜， 也有鮑參翅肚， 任君選擇！ 對我來說而言，這才是私房菜的特色。而另外最重要就是它的食材及味道是否有家的感覺！食完這一餐好感覺自己再現不同， 對於私房菜的感覺。 好！ 先講一下佢嘅餐牌裏面嘅選擇先。選擇超多。基本上你想到的都會有。 如果想食中菜真係可以不妨一試。今日我哋來到就叫了自己想吃嘅亦都有想試的。先是一碗滋潤嘅行汁豬肺湯。杏汁味很重, 豬肺爽口入味！再嚟一個冰鎮”大”鮑魚。這個體積仲大過一個匙羹所以又厚身厚肉。鮮甜爽口！梨香哈密釀帶子- 這是考功夫的小菜！中間是一層層的蝦肉。 上層是原粒帶子黃金蝦- 爽脆鮮美肉質。連蝦頭炸得好脆口！冰燒雞- 這味菜好有手撕雞feel. 但比手撕雞更入味因為它配入芋頭絲脆及海蜇。 停唔到口！因為越食越想食。鮮蟹肉炒鮮奶 - 蟹肉好鮮味特別配以炒鮮奶，原來非常之配合。 麵醬啫啫唐

招牌杏汁炖白肺湯勁足料，杏汁濃郁加埋白肺炖出嚟勁鮮甜，連唔鍾意杏仁味嘅朋友都話正！滿分！冰鎮鮑魚鮑魚煮得夠透，唔韌，咬落去好爽口，本身帶有微微酒香好鮮味，加埋個wasabi燒汁，勁惹味！必食！大良炸鮮奶炸皮夠薄又夠脆，鮮奶順滑，食完都唔覺好熱氣，正！名門秘製豬肋骨酸酸甜甜，好有話梅味，面層炸得脆口但仍保留住本身嘅肉汁，唔會炸到乾淨淨，隔乾哂油先上碟，唔會食到一口油，好醒胃菓香雞雖然係炸雞，不過用咗新鮮奇異果炒過，一D都唔熱氣，食落仲好清新。紅酒牛筋腩牛筋炆夠入味又夠淋，得！糯米飯足料好入味，糯米煮得啱啱好，粒粒分明，好有咬口，好好食！金錢蓮藕餅、蝦乾魚肚大芥菜煲、蘑菇竹笙豆腐煲珠玉在前，沒有前幾道菜一試難忘嘅驚艷，但都水準以上之作。另外，值得一讚，招呼我們的叔叔非常細心，適當時間會主動加茶水，每個要求都好快就安排打點好，全程臉露笑容，感受到他的用心招待Encore指數

同事介紹灣仔呢間私房菜高質，今晚特登同朋友嚟幫襯下，諗住試過ok嘅話，就可以請爸爸媽媽嚟食呢間私房菜好舒服，裝修靚， 間隔亦都舒服，唔會坐到好逼， 座位寬闊，坐得好輕鬆，而且唔會好似出面啲酒樓同茶樓咁嘈，如果成班朋友嚟可以坐廳房， 私隱度高，而且呢度啲夥記招呼亦都好過出面啲酒樓好多佢哋係會主動提供服務嘅招牌杏汁燉白肺湯（一盅）$98呢個份量係一盅， 同朋友一人一碗，唔怪之得係招牌菜，好足料，個湯好濃， 好香嘅杏汁味， 個豬肺洗得好乾淨，無異味， 每一啖湯都養顏潤肺特式冰鎮鮑魚配燒汁芥辣醬$88/隻（兩隻起）先講size， 請睇相，隻鮑魚係大隻過支匙羹㗎仲有！鮑魚洗刷得好乾淨！鮑魚好彈牙，配埋個燒汁芥辣醬，好惹味，係好好食嘅開胃菜鑲鑽黃金蝦$88/隻（兩隻起）隻蝦勁大隻， 咬落去好結實， 啖啖肉， 用鹹蛋黃同麥皮包住去炸， 好脆好香口，蝦頭有膏有肉順德污漕雞（半隻）$298冇諗過半隻嘅份量有咁多，好抵食 半隻雞好多肉，冇乜骨， 雞肉好嫩滑， 醃料惹味得嚟又沒有蓋過雞味，師傅有料到麵醬啫啫唐生菜煲$148唐生菜新鮮爽脆，上枱嘅時候，個煲真係熱到啫啫聲，撈上麵醬， 已經可以送幾碗白飯呢度菜

好多朋友介紹過名門私房菜，今天星期日決定去試，原來午市食最著數無加一👏👏我👫是第一枱客人，覺得環境特別清靜，裝修簡樸，一幅花卉畫特顯清雅。因為提早慶祝父親節，所以選了個杏福2人餐其他仲有4，6，8人套餐，因為尚未有其他顧客，經理先生非常親切，介紹各種順德名菜和烹調方法，令我👫獲益不少🎉🎉杏汁豬肺湯見到個樣，已經覺得好滋潤，奶白色濃郁湯底，豬肺好腍，點豉油食一流冰鎮鮑魚size 夠大又乾淨，用白鹵水汁和酒浸過，配上特制 wasabi 醬汁，唔會辣到攻鼻流眼水，肉質醇厚清爽， 冰鎮最啱夏天食煎釀鯪魚差不多3條鯪魚才做成這菜色，鮮魚味特濃， 剁碎魚肉添加了少許臘味，令味道更加出色，外皮焦脆唔覺肥膩，肉質超厚蝦籽柚皮這是老公特別要求加，話好想食 索滿了大地魚、雞汁、鮑魚汁、火腿....的柚皮，淋上濃濃蝦籽汁，好食到不得了，炆了十幾小時，夠味軟綿，入口融化，滿口甘香上湯時蔬順德煎焗雞半隻雞塊大骨全部起走，只餘下軟骨部分，差不多啖啖肉，雞肉有淡淡酒香，煎焗食法有特色，令人回味不矣生磨蛋白杏仁茶絲絲蛋白清香滑溜，配上生磨杏仁有養顏作用， 我摰愛呢餐老公非常滿意，祝大家父親節快樂🎀🎀

餐廳環境舒適，有少少去左酒樓既感覺😆呢度食物都好多選擇！ 皮蛋配自家製酸薑皮蛋仲係溏心蛋既狀態薑食落口酸酸甜甜，好開胃👍🏻唔會淨係得辣味，相信平時麻麻地食薑既朋友都可以接受～雖然只係前菜，但個人來講呢道菜都幾深刻😛杏汁燉白肺湯一上台已經有陣濃郁既杏汁味，豬肺都煮得好入味，碗湯飲落好滋潤👍🏻冰鎮鮑魚配燒汁芥辣醬鮑魚好爽口同新鮮，而且好厚肉呢個醬汁好夾，個人建議一定要加埋wasabi！甜甜地同少少辣，更加惹味～鑲鑽黃金蝦蝦多士好足料，入面用蝦肉再包住原隻蝦，啖啖蝦肉好滿足蝦多士上面有豐富既咸蛋蓉，確保到每一啖都可以黏到咸蛋一齊食😋😋砵酒焗桶蠔酒味濃度適中，唔會搶過左蠔既味道蠔好大隻亦十分juicy，一啲都唔腥伴埋洋蔥食口感更加豐富👍🏻麵醬啫踏唐生菜煲一上菜時已經先聲奪人，好大聲既「滋滋」聲，好有獲氣，麵豉醬岩岩好唔會覺得咸，非常之惹味！咸魚茸薑粒蛋白菜粒炒飯好足料，炒飯粒粒分明，加左薑粒落去之後，食完個飯個人暖粒粒～蕃薯糖水蕃薯煮得軟硬適中，薑汁濃郁，而且唔會好甜👍🏻整體而言食物味道好好，每道菜都感受到誠意❤️另外侍應態度好好，老闆亦好有心，知道朋友身體有啲狀況，調整左少少啲野食🙏🏻

與友人一齊收工，想食健康煮家飯，那就上網查查，發現有間樓上私房菜在灣仔地鐵站附近-今餐飯的前菜為紫疆配皮蛋疆好易入口，超爽口而平日不食疆的我也覺得很好味-之後，再上的是「杏汁豬肺花膠湯」杏汁好香濃又滑，加兩片花膠更加黏口，豬肺洗得乾淨，唔會有內臟雪藏味，湯底夠甜夠香。我連豬肺肉也有食，好味😊😊白鹵水鮑魚鮑魚夠厚身，夠大隻，入口清甜爽口，滷水味道剛剛好唔會太濃郁，不會搶過鮑魚的鮮味。旁邊有辣椒wasabi 豉油，自己可以點少少調味。而我個人較重口味，喜歡多醬汁，所以也加多了醬汁另外，黃金蝦多士好香，好脆口有勁多蛋黃碎在面，味道一流勁香口及吸引-砵酒/薑葱焗桶蠔味道一流，桶蠔好大隻而上碟也很香口及美味伴菜勁入味啫啫生菜煲上枱咋渣聲，用咗面醬調味，非常惹味，生菜夠乾身又入味，熱辣辣，冬天吃特別好味。最後是老闆提議食的大肚婆炒飯有勁香疆味，食後整個人暖笠笠最後為蕃薯🍠糖水份量充足勁足料

星期六同屋企人過開去灣仔呢邊搞D野, 所以午餐就自然去左果邊食, 問老母子想食咩, 佢話想食中菜, 醒起之前黎過D間名門私房菜又夠特別又好味道, 所以就黎左食啦係灣仔站一出行3分鐘就到, 位置都幾方便, 起碼唔會令到老人家行太耐先冰鎮鮑魚-$88/隻鮑魚都幾大隻, 而且已經拆好晒出黎, 令我地食得方便。我地首先先唔沾個汁食先, 食落爽口彈牙, 有微微既滷水味道, 帶出鮑魚既鮮味, 再沾埋醬汁, 係惹味得黎有少少辣咁, 作為前菜真係好適合蝦多士-$58/件一上枱我地已經哇哇聲, 因為有勁多舊咸蛋黃, 真係又邪惡又好令人期待, 切開見到滿滿既蝦肉, 就知係真材實料啦, 再一啖放入口, 咸蛋香口, 蝦肉既彈牙, 多士既脆全部都係口中, D個配搭天衣無縫污糟雞我地D後生聽到污糟雞真係未必會叫, 但老媽子就知係順德名菜, 話好好味的, 於是我地就叫左D味, 上到枱已經好香, 食落有濃厚既黑白胡椒既味道, 令人好開胃, 而且雞肉份量好夠, 肉質軟滑, 送飯一流呀!順德煎釀鯪魚-$148D味係我上次食過覺得超好味的, 令次叫返, 上枱見到係成條魚都好完整, 唔係之前食過都唔知其實係釀左滿滿的鯪魚肉食