名門私房菜

营业中

休息中

今日同老婆去Times Square 行街，老婆話要食中菜，有啲棘手，又係上open rice 嘅時候，搵到間好多好評嘅廣東菜，名門私房菜，試下先。環境方面：講真，去到樓下，俾我嘅感覺，唔似食好嘢，但見到咁多好評，一定有原因嘅，所以照上去試下，上到去個感覺就舒服好多，乾淨，枱之間夠寬闊，見到仲有啲房。服務方面：有個後生哥哥仔，好有禮貌，佢同另一個傳菜姐姐都好細心講解食物，亦都好留意我哋食飯速度，一道道菜咁上，唔會等好耐，又唔會攤凍食物，好出色。👍食物方面：1）螺頭燉翅骨湯，個湯飲落去，又清又濃郁🤔幾矛盾，明明好清嘅湯，但魚翅骨又令佢好濃郁，一啲腥味都無，口感好豐富，非常好飲，必試👍2）原隻鮑魚扣鵝掌，鮑魚大隻，軟硬啱啱好，同鵝掌都好入味，個鮑汁校得好好，必試😍3）金錢蓮藕餅拼大良炸鮮奶，藕餅有花心思，兩塊薄蓮藕片夾住肉沫，而炸鮮奶好滑，幾好！4）砵酒焗桶蠔，脆口入味，啲蠔又大隻，必試😎5）順德污糟雞，啲雞肉好滑，入味，幾好6）哈哈哈芥蘭煲，呢個就重味啲配有鮮蝦同蝦乾，送飯一流👍7) 杏仁蛋白茶，重杏仁味，唔會太甜，我老婆偷飲咗我半碗😂總結：中等價錢，高等手藝、服務同食材，一定要再食

日日返工都食茶餐廳，今日放工約咗朋友想食好啲佢話試下呢間私房菜。上到去見佢環境幾好，應該一定有水準。 老闆好好招呼，我哋諗唔到食乜咁就叫佢發板。 首先來個杏汁豬肺湯，一飲就知係新鮮杏仁超濃郁第二度菜冰鎮鮑魚 仲有秘製醬汁白鹵水再加日本清酒浸咗一日一夜。 可留到鮑魚鮮味之餘仲有咁清新嘅感覺。再黎黃金蝦。鹹蛋嘅比例落得啱啱好非常新鮮外脆內軟啲蝦膏爆曬出嚟芝士洋蔥瑤柱焗蟹蓋，第一次食呢個配搭好新穎，誠意推介俾大家砂鍋豉油雞，新鮮雞浸得好嫩滑送白飯一流， 忍唔住食咗兩碗，另外仲有個梅菜扒菜心最後食埋碗蛋白杏仁茶，為今晚畫上完美句號。

今日係8月16號 好想食順德菜 於是約咗朋友去灣仔 之前聽朋友講有一間叫做名門私房菜好似幾好味嘅 喺灣仔灣仔道83號2樓 所以今晚約咗朋友嚟呢間試一次 上到去2樓一出獵就係名門 入到去都幾光猛嘅 我哋兩個人坐四人枱 坐低咗咁我哋就嗌左普洱 之後我哋就叫咗一個湯1️⃣螺頭燉翅骨湯 呢個好滋潤好補身食得出係好有骨膠原 有啲將嘴 清清地2️⃣鮑魚扣鵝掌 呢個鮑魚整到軟林林切開係入口即溶 鵝掌都係軟軟林林嘅好友鮑魚汁味3️⃣黃金蝦 呢個蝦做法好特別 係入邊包左啲鹹蛋咁切開呢係原隻蝦出邊好似係啲麥皮咋嘅食得出係即叫即炸好味4️⃣大良炒鮮奶 呢個一擺上台就聞到好香奶味 都係好滑好易入口 5️⃣古法豉油雞 呢度都有半隻雞 啲雞好亂畫同埋好入味 6️⃣上湯浸時菜 呢個係菜心佢用上湯去做特別鮮甜7️⃣ 生磨蛋白杏仁茶 呢個好友他人茶味滿滿蛋白唔會太甜剛剛好

呢間名門隱身於商業大廈2樓，唔係熟客都未必知。想到來環境非常寬敞，侍應服務好好。 我哋揸唔到主意食咩就叫老細發板。首先嚟咗個螺頭豬肉切骨湯一飲就知非常足料，起碼煲咗一日。飲2碗先夠! 跟住上冰鎮鮑魚，非常新鮮配埋個醬汁有泰式嘅感覺好新穎。 跟住老細話畀個牛腩我哋食開頭以為清湯腩，點知原來係炸坑腩，呢個餸非常有驚喜牛腩夠淋出面夠脆必試 然後食海鮮煎釀鯪魚，呢個真係功夫菜先將鯪魚起肉再醃再擺返落條魚入面煎。一啲腥味都冇，好好味。 到今日主角出場污糟雞， 一啲都唔污糟仲好鮮味，用荷葉墊底加啲紅棗仲有黑白胡椒 送飯一流。再加碟蝦醬芥蘭 表面上平平無奇實際完全同出面食到啲蝦醬好唔同。 最後加個蛋白杏仁茶用南北杏新鮮磨出嚟非同凡響，非常濃郁必試。 食完今餐又要做多幾次gym先得喇

難得約到這位平時少晚上出街吃飯的朋友，所以想找一間比較特別些同少吃的餐廳，上網見到這間私房菜，環境不錯同食物都特別，就選了今晚在這間吃，我們坐下，看了一會餐牌，叫了古法瓦罉豉油雞上枱已聞到陣陣香味，入口雞特別嫩滑，好有豉油香味上湯浸時菜好新鮮爽脆黄金蝦用咸蛋黄包住炸，炸得好脆口，好有咸蛋黄香味，蝦肉好彈牙同爽滑大良炒鮮奶入口軟棉棉，鮮滑奶香味鮑魚扣鵝掌鮑魚大隻，流心，入口即溶鵝掌好霖螺頭燉翅骨湯螺頭同翅骨軟霖，入口清香鮮甜生磨蛋白杏仁茶特別嫩滑同香杏仁味

爸爸最鐘意食傳統中餐，上次同家姐黎食過唔錯，今次就同佢撐枱腳!🧔🏻‍♂️👩🏻私房菜館已營業近廿年，顧客都依然多，好彩有訂位，七點到都坐滿7成了!!必食推介💕：冰鎮鮑魚配燒汁芥末醬味道依然keep度，鮑魚咬上口肉質柔韌中帶點彈牙；再以日式Wasabi加點壽司豉油及燒汁進食，非常惹味!白雪雪的鮑魚鮮味更濃郁，令人回味無窮爸爸的至愛：杏汁燉白肺湯熱騰騰的湯水上枱，有陣陣杏香撲鼻，呷一口湯己品嚐到杏汁既滋潤，口感香濃幼滑；豬肺無臊腥味，以形補形養肺氣，加上滋潤又美肌，好適合而家飲用。他說絕對品嘗到真材實料!生拆蟹肉瑤柱焗釀蟹蓋🦀選用花蟹人手折肉，肉質帶有濃濃的鮮香味，厚實富彈性，咬勁十足，而且份量勁多；加上瑤柱及洋蔥提升味道層次! 點上喼汁，更有助提鮮作用   鮮菠蘿咕嚕肉🍍這道餸一D都唔簡單，要做到口感外焦里嫩，味道帶酸亦甜，兩者做到匹配，我想”名門”先做得到! 豬肉味夾雜着芡汁的甜味，鹹甜得宜，他們選用了菲律賓樹上熟菠蘿，酸甜恰到好處，簡直達到絕佳的口感和味道!三色椒脆口鮮甜，加上酸甜汁，全碟掃清!😆名門炒飯米飯粒粒分明，晶瑩透亮；口感夠鮮、軟硬適度。再加上配料︰瑤柱、蝦粒、叉燒粒、冬菇粒及

今晚表姐請食生日飯😍😍又帶我食好野😇😇，係灣仔A3出口超方便。7點來到都已經超滿座😊😊#冰鎮鮑魚，店員先加上燒汁。燒汁比較濃，帶上wasabi,先咬一口，鮮美彈牙。不用加燒汁都食到飽魚鮮美😍😍😍#杏汁燉白肺湯 杏仁味突出。香濃，豬肺乾淨，好滋補養顏潤肺湯，都幾想飲多碗#菠蘿咕嚕肉 菠蘿係用菲律賓新鮮菠蘿，特別夠酸，咕嚕肉外脆，酸酸甜甜。碗飯一流。#啫啫生菜煲 上枱時香噴噴，有蒜片，麵豉每樣材料都好嘢未，生菜同爽脆清甜。正#花蟹瑤柱洋蔥焗蟹蓋 脹卜卜花蟹肉。洋蔥，瑤柱，整體來講係超級一流，啖啖蟹肉香。瑤柱咬口，洋蔥香脆，每啖每啖都超正。可加一點點喼汁會更提升。#杏汁蛋白茶 超香杏仁，滑滑蛋白，每啖都有呢2種香味，不太甜。好滿意

💕二人杏福午餐$748杏汁燉白肺湯一向是在家很難弄的菜式，處理非常需時。今日的午餐有這款湯，甚有驚喜。此款湯的杏汁味非常濃郁，豬肺完全沒有腥味，煲得夠火喉，一飲下去杏汁香味四溢！🥰冰鎮鮑魚非常大隻，用嫩綠蔬菜墊底，賣相令人食慾大增，加上特製的醬汁，弄得非常好味。侍應體貼地奉上刀叉，用刀叉一口一口吃鮑魚，簡直是帝王式的享受！🎉🎉午餐可以自選一款小菜，我們選了蒸魚腸。侍應表示魚腸可以選煎、焗或蒸，其中以蒸的味道最鮮香。雖然我有點怕有腥味，但既然侍應誠意推介，便即管試試！魚腸非常大碟、一上枱已見充滿蔥花和油炸鬼。這個傳統菜式不是間間店做得出色，這間店很明顯廚師廚藝超卓，魚腸完全沒有腥味，和油炸鬼蔥花蒸蛋一起，完全是美妙出色的配搭👍🏻👍🏻午餐可以選豉油雞或順德煎焗雞，我們選了煎焗雞，果然沒選錯！這道菜配上了大量薑、蔥、紅黃青椒，炒得非常惹味，而且雞件非常新鮮，雞味濃郁，完全是上等貨色，十分美味🥰上湯菜心做清清地，翠綠冇渣，健康而美味。甜品是蛋白杏仁茶，蛋白很多，杏仁清香撲鼻，是絕佳的甜品很多菜館虛有其名，這間私房菜卻食物環境俱佳，是香港少有的美味順德菜👍🏻👍🏻

Perhaps we need to gather more friends here for a more elaborate meal in order to sample a good selection of the cuisine, but our dinner for two has been quite disappointing.  Booking process was smooth and the full menu was sent via WeChat.  We therefore had plenty of time to pre-order: starter of fried bean curd sheets, hotpot of beef with fungi and dried lillies, fried string beans, lotus-leaf steamed rice.  The starter came pretty quickly and was rather nice. There was then a long interval b

近期經常吃很多肉類，真係有點吃不消，今晚便選擇了這間高質的順德私房菜。杏汁豬肺湯$98/位，杏仁的味道香濃，應該是將杏仁打碎，再加入湯內，豬肺清洗得很乾淨，沒有半絲血腥味，是一道滋補潤肺的好湯。遼參鵝掌$248/位，遼參爽口彈牙，海參性質溫和、具有極高營養價值，係一種高蛋白、低脂肪、低膽固醇嘅食材，患有高血壓、冠心病、肝炎等病人及老年人等都適合食用。既然遼參具有這麼多的療效，是非常值得這個價錢。鵝掌炆煮得很入味，差不多入口溶化，不得不讚廚師炆煮的火候。山區豆腐 $188/例，是一道廣西菜，據聞山區的農村喜歡將鯪魚肉、豬肉和韭菜釀入普寧豆腐，豆腐經過煎煮之後，外表香脆，內裏層次豐富，雖然這個吃法是第一次，不過令人印象深刻。綠豆沙，雖然是免費贈送的，不過綠豆已煲到起沙，甜度適中，味道正宗。

得悉這間位於灣仔的私房菜館已營業近廿年，主打正宗順德菜及師傅主張食物要利用時令食材不時不食，結合傳統和創新的烹調方法，今晚一行六人專訪這間『名門私房菜』晚膳，這餐飯就由廚師發辦罷！傳統原個冬瓜盅～冬瓜肉裡有豐富不同的新鮮餡料，全用新鮮食材，互相輝映，味道清香可口，這個季節最適中；冰鎮鮑魚配燒汁芥末醬～以日式wasabi醬加日式醬油，滋味倍添； 再拼秘制和味手撕雞，炸脆了的芋頭絲混在一起吃，調料入味，調拌甜酸苦辣，師傅全部食材也切絲，刀工細緻，切出多彩人生，層次分明，把味蕾敲響了；家鄉煎釀蓮藕餅拼順德大良炸鮮奶～兩塊薄薄的蓮藕中間會上碎豬肉，脆嫩爽口，很惹味呵！大良炸鮮奶～ 內軟外脆，鮮嫩可口，膩而不俗，吃過念念不忘；秘製陳皮黑毛豬肋骨，用了三種不同的陳皮： 新會陳皮『越陳越香』丶新陳皮『不足三年』就會有『檸檬酸』丶九製陳皮『酸酸甜甜』淺嚼帶回甘的香味配黑毛豬，有著特殊的醇香，令人胃口大開，這些陳皮的香味浸在黑毛豬裡，令人垂涎欲滴；生拆蟹肉蟹膏炒蘆筍～廚師堅持用新鮮蟹拆肉，特別香濃令這道菜增添口感澎湃不已！油浸筍殼魚 ～大大條筍殼魚，非常厚肉，淋上秘製熟甜豉油，味道清甜鮮嫩無腥味；不辣啫

今晚食咗個灣仔上樓私房順德菜，第一個餸冬瓜盅，有蝦肉豬肉，仲有田雞及蟹肉，必須有的夜香花及蓮子，個湯好清甜，冇味精冇添加，少少金華火腿粒吊味，咸香十足。鮑魚手撕雞，內有芋頭絲，酸薑，青爪絲，海蜇， 用上Wasabi汁，入口味道幾複雜，百味紛陳，旁邊白滷水汁嘅鮑魚，味道剛剛好，入口勁彈牙。大良炸鮮奶拼金錢餅蓮藕，蓮藕餅十分爽脆，中間咬開充滿肉汁。秘制陳皮醬烤骨，用上幾種陳皮，越咀嚼越有味，陳皮香會慢慢滲出，黑毛豬一字骨，有肉香而不臊。蟹黃蘆筍，賣相吸引，澳洲蘆筍非常爽脆，用上兩隻蟹肉，蟹膏及蟹黃，味道十足，橙黃色蟹膏味道香濃。油浸筍殼魚，差唔多兩斤重，外皮炸到勁香脆，魚肉有軟滑，全部位置都脆卜卜，加埋蒸魚豉油汁，勁好味。名門XO醬炒飯，炸過嘅乾瑤柱絲，蝦乾海味，叉燒粒，入口少少辣味，飯粒乾身，啲餸多過啲飯。最後一個蛋白杏仁茶做結尾，非常香滑有杏汁香味。全晚食材好新鮮，廚房師傅功夫紮實，難得食到傳統順德菜。

食中菜最緊要有氣氛，但人數少又好難叫餸，今晚難得約齊friend去灣仔食名門私房菜，仲可以食到我最期待嘅冬瓜盅冬瓜盅絕對係夏天嘅期間限定，而且份量大，無返六至八個人，根本食唔到。今晚呢個冬瓜盅水準超高，而且亦都係手工菜，一定要預訂。湯飲落有冬瓜嘅清甜又有金華火腿嘅甘醇，仲加咗大量海鮮，甜上加甜，越飲越好飲第二味係手撕雞配白滷水鮮鮑魚，個手撕雞味道超複雜，有海蜇碎，雞絲，青瓜絲，酸薑片，Wasabi，紅辣椒及炸芋絲。單單睇材料，就知道味道勁有層次，又爽口又脆口，肉味加埋Wasabi，非常刺激。而白滷水鮑魚新鮮又彈牙，鮮甜好食👍再上嘅就係招牌炸雙寶：炸藕片及炸鮮奶，水準穩定冇失手之後係陳皮一字骨，選用新鮮黑毛豬，陳皮方面用咗老陳皮，久製陳皮一齊炆煮，係我最喜歡嘅做法，食到陳皮味但係又食唔到陳皮入口，好矛盾但好好食🤪😘賣相最靚嘅係呢個鮮拆蟹肉蟹膏燴鮮蘆筍，上枱靚到話話聲，味道鮮甜，蟹肉蟹膏人手拆，費工用心，值100分好難得食到咁大條嘅油浸筍殻魚，越大條越難控制火候，做到表皮香脆裏面保留肉汁，呢條算係非常成功名門招牌雞煲，香味濃辣味輕，雞切到細細件容易入味，越食越想食最後仲有個XO醬炒飯，XO

無飯屋企就更要捐窿捐罅搵試新菜，今次就玩到上樓嘗潮州菜。有別於一般大排檔打冷，名門無滷水料但有唔少手工菜，仍然保留住傳統文化味道菜式花多眼亂，選擇困難症嘅我一於叫二人套餐，咩都唔洗諗😆.先上杏汁豬肺湯🐷本身我好怕杏霜個陣味，有時更會聞到想嘔，真心搞唔掂，但哩到嘅杏汁湯一啲都無杏霜嘅味，反而帶有一陣杏香味 / 上枱時熱㷫㷫，飲落喉嚨好滑好清甜嘅感覺..冰鎮鮑魚🐡中菜餐食過最出色嘅鮑魚 / 微凍，爽口彈牙唔會好似食緊香口膠 / 配上甜豉油wasabi更帶出鮑魚鮮甜..砵仔焗魚腸🐟吸睛指數上升，漲卜卜表面焗到少焦糖狀態 / 超級足料，比一般用上更多芫茜，重茜口味 / 口感略實帶少許過熟..豉油雞🐥成煲上份量嚇親 / 以玫瑰酒入饌帶出陣陣香味 / 老抽配以雞油上色靚、豉油略甜但不死甜 / 必定連皮食帶出啖啖肉加豉油甜香配搭..蒜蓉炒西蘭花🥦簡單但出色 /炒得爽脆而沒有過多油份..杏汁蛋白相信同杏汁豬肺湯同一湯底 - 好飲唔過甜雖然只有兩位員工但服務態度和藹，不時問我哋好無味、啲嘢食o唔ok。唔講唔知，原來店舖過兩個月已達20年，傳統嘢一定要保留🤞🏿🤤

為食老友安排這頓順德私房菜，一行六人都好期待今次厨師的作品😀實而不華的佈置，侍應殷勤，主持人更落力解釋每道菜，所以熟客頗多，好有屋企感👏今餐八道菜式依上菜序列:傳統原個冬瓜盅，時令材料，湯底清鮮，湯料十足，非一般靠味粉調味之作😋冰鎮鮑魚(燒汁芥末醬)拼手撕雞，鮑魚入味又爽口，入口清香，可捨配汁; 手撕雞據店主說是經多番研發之成果，手撕雞中加入切絲自製子薑，炸芋頭絲及其他配料，混日本芥末汁，入口辛甘鮮脆，又不乏咬感，好好醒胃前菜😋👏金錢蓮藕餅拼大良炸鮮奶，兩款炸物味道各有千秋，蓮藕餅爽脆甘香，炸鮮奶外脆内嫩滑奶香散溢😋秘製陳皮豬肋骨以老，新，九製三種不同陳皮烹調黑毛豬肋骨，取甘，酸，甜三味，肉質軟硬適中，肋軟骨一咬即断，陳皮香味濃😋😋生拆蟹肉蟹膏炒蘆筍，蘆筍脆嫩無渣，以膏蟹肉及膏快炒，蟹香撲鼻，足見用料上乘😋😋油浸大筍殼魚，皮脆肉嫩，好魚的我把魚頭亦吃了，久違了的一道順德名菜😋😋不辣啫啫雞，店主特意走辣因單尾炒飯用了xo醬，不辣的啫啫雞嫩滑可口，又另一風味😋😋自家製XO醬名門炒飯，米飯粒乾身有嚼感，炒料勁多，有蝦粒，火腿粒……，xo醬香辣味滲入飯粒，好辣者必愛的滋味😋😋店主推薦甜品蛋白杏