六叔燒鵝 (已結業)

好鍾意食瀨粉的我，除咗可以去酒樓食之外，六叔燒鵝都可以食到瀨粉🎉叉燒瀨粉 $35, 外賣加一蚊叉燒份量好多，每舊切得好厚身😄瀨粉每條都好完整，完全冇未食落口就斷開的情況，湯底就同酒樓的味道相似

餐廳位於土瓜灣，附近有巴士和小巴站，還算方便快捷。餐廳主打的就是燒味，而我這天挑選的就是燒鵝，這是家人最愛的，所以我更安排了外賣。四分一隻燒鵝，童叟無欺，份量十足，而我挑選的更是最美味的下裝，絕對是精心挑選。鵝肉入口煙韌，口感實在，最重要味道不錯，但我還是最喜愛的就是他的香脆外皮，本來還擔心，拿回家會不會對味道出現了影響，沒想到完全沒有。回家享用的時候，外皮還帶點香脆，但最欣賞的也就是他們挑選的鵝，肥瘦適中，這樣已經令我十分滿意。

每個人都有屬於自己嘅 Comfort Food，就以我為例，最愛嘅當然係邪惡指數極高嘅香口炸物，而友人就特別鍾情燒臘飯。今日要去土瓜灣做嘢，辦完正經事，就約埋朋友嚟試下呢間新開嘅「六叔燒鵝」。聽講餐廳係由有超過 30 年經驗嘅師傅主理，店內更自設燒爐，每日新鮮燒製各款燒味，當中包括有明爐燒鵝、燒腩仔、切雞、叉燒、乳豬等。我哋點左燒鵝髀飯，轉瀨粉 ($88)、四寶飯 ($55)、白灼時蔬 ($15@) 同 飲品，堂食碟頭飯更有例湯附送。是日靚湯為粉葛赤小豆瘦肉湯，用料好豐富，湯身暖熱，味道溫和，健脾又袪濕。燒鵝髀好靚仔，大大隻，色澤光鮮，鵝皮挺直香脆，鵝肉厚身嫩滑，咬下沒有鵝膻味，入口充滿油香，但又唔會太肥膩，配甜酸適中嘅酸梅醬同滑溜的瀨粉吃，風味十足。另外碗四寶飯亦唔失禮，飯面鋪滿了叉燒、紅腸同油雞，另外仲有半隻鹹蛋同菜心，分量絕不欺場。叉燒咬落鬆化，口感軟腍適中，油雞皮爽肉嫩，加上惹味嘅紅腸同鹹蛋，送飯一流！ 白灼時蔬係蠔油菜心，菜心翠綠鮮嫩，有益又健康，食多啲都唔怕滯。食完仲可以慢慢嘆埋杯飲品先走，點熱飲只需+$2、凍飲+$4、而特飲亦都只係+$8，非常經濟。

這間位於「六叔燒鵝」之前食過乳豬和燒鵝覺得不錯，今日就同媽咪過嚟試吓其他燒味飯😋店內光猛整潔，全部都是卡位坐位坐得好舒服😌餐牌上亦有優惠套餐！四寶飯$55四寶包括有白切雞，鹹蛋，叉燒和紅腸，白切雞肉質鮮甜嫩滑，而且不會太多脂肪啖啖肉，再配上薑蓉，正！l叉燒肥瘦適中，咬落多汁，肉的邊位微焦好香口，甜甜地配埋白飯一流！海蜇燒鵝飯$60海蜇份量不少，脆脆地再沾上醋一齊食，口感及味道不錯👍至於燒鵝是這間店舖的主角，燒鵝食的時候微熱，啖啖肉又多汁，肥美皮又香脆，沾上醬汁和甜醬更美味！老火靚湯湯是粉葛排骨湯，材料十足，飲得出沒有味精，非常清甜滋潤，好適合而家乾燥嘅天氣👍

今日收工經過土瓜灣， 見到呢間掛出嚟嘅燒味唔錯， 屋企人又話好耐冇食過明爐燒鵝， 即管幫襯，試下呢間嘅手勢先諗咗一陣決定買燒鵝下庄，張相影得有啲矇， 現場睇啲燒味好吸引明爐燒鵝下庄有足足一整盒而且未食都已經聞到好香啲燒鵝燒到好香，啖啖肉又唔係太多肥膏，個脆皮嘅油脂份量啱啱好， 筷子夾上嚟，唔會皮肉分離，個燒鵝醃料應該係佢哋自家釀製嘅，醃到啲燒鵝好香而且食得出啲燒鵝肉有少少彈牙， 呢間都幾有水準，唔使入到深井都食到皮脆肉嫰嘅明爐燒鵝屋企人都話呢間好食 下次一定會再幫襯

屯馬綫開通後，去土瓜灣方便咗好多，朋友介紹土瓜灣有一間六叔燒鵝，叫得六叔燒鵝最出名當然係燒鵝。餐廳位於土瓜灣。多款燒味可供選擇，仲有燒鵝一人套餐，有燒鵝、白飯、例湯、油菜同飲品。一入舖頭就聞到好香燒鵝味，而且燒味外皮很有光澤。叉燒燒腩仔飯叉燒肥瘦均勻，色澤鮮明，燒腩仔皮脆肉嫩，入口鬆化，鹹香十足。油雞燒鴨飯油雞豉油味香，雞肉非常嫩滑，燒鴨皮脆脆，甘香美味。燻蹄瀨粉燻蹄份量不少，口感清爽，配上瀨粉質感彈實。

來到土瓜灣站感受下新站嘅氣息，行過六叔燒鵝，見到啲燒味好吸引，決定買點外賣回家加料。叫了個雙拼外賣飯盒$35，單併/雙併都是$35，又幾抵食。燒味可以選燒腩仔，燒肉，叉燒，紅腸等等。我選了叉燒燒肉飯，叉燒仲可以揀瘦一點，叉燒的的顏色鮮紅好有光澤，蜜汁香甜，好加分！飯的份量也是超級多的，女仔食都食唔晒！燒肉的皮燒得10分香脆，咬下去卜卜聲的。另外屋企人鍾意食叉燒半斤叉燒，每塊叉燒的厚度剛好，一口一啖。叉燒的質素也算高分，肉質鬆軟多汁，吃飯都可以吃多幾口。下次來食吓他們其他的燒味，燒鵝看上去也10分吸引。

點心同燒臘呢兩樣嘢，真係得香港先係最好味，去到外國真係食唔到架！今日坐屯馬線，嚟到土瓜灣嘅六叔燒鵝，呢度設有自家嘅烤爐，所以出品都有保證。講到六叔燒鵝嘅名物當然係燒鵝啦，聽啲街坊講，燒鵝皮脆肉嫩，我哋一於嚟試試！燒鵝一人餐呢個餐除咗例牌嘅燒鵝，仲有白飯、例湯、油菜同飲品。首先例牌嘅燒鵝份量一啲都唔少，夠晒豐富。至於燒鵝皮脆，鵝油豐盈而唔肥膩，肉質嫩滑多汁，記住點埋佢哋自家製嘅酸梅醬汁，夠晒惹味。燒腩仔+鹹蛋飯燒腩仔一層肥一層瘦，最正係塊皮超脆呀！由於燒腩仔一層肥一層，所以食嘅時候唔油膩，而且肉質嫩滑，鹹香十足。半隻油雞講到燒臘咁多樣嘢，我哋最鍾意就係油雞。油雞嘅皮好香滑，雖然好邪惡，但豉油味好香，真條忍唔住呀！至於雞肉非常嫩滑，生熟度啱啱好，好好味！

今日行過土瓜灣，見到這裡新開了一間燒味店，見店名應該係出名燒鵝，店舖雖然不大，但勝在夠整潔，望望餐牌都好想買燒鵝返去試下，但因為家人好少吃燒鵝，又見這裡的外賣燒味好似幾抵食，因為單拼同雙拼都是同等價錢，當然買雙拼抵啦！所以就買了幾盒飯盒回家品嚐。叉燒切雞飯，唔好講燒味份量多唔多先，淨係講個白飯已經係勁多，加上叉燒同切雞份量都不差，真係超抵食，叉燒選用瘦叉燒，但入口一點都不鞋，還有一些軟腍的感覺，切雞都很嫰滑，加埋蔥油簡直無得頂！油雞燒肉飯，油雞雞皮很香，好像加了玫瑰露似的，雞也很滑，燒肉皮很脆，肥瘦均勻，份量也不少，雖然外賣回家都有一段路程，但燒肉皮還很脆，不會太鹹，不錯！燒腩仔燒鴨飯，燒腩仔皮也很脆，燒腩仔比燒肉還嫰身，燒鴨直頭啖啖肉，吃上去很滿足，加埋醬汁就天衣無縫。雙拼都係賣＄35蚊，比起一些集團式的燒味店梗抵食夾大件，真係無得輸！我在店外等候外賣時見到很多客人都一隻一隻咁買燒鵝走，真係有點心動，下次都係要試下他們的燒鵝先得！

朋友介紹呢間燒味好抵食又高質，外賣晚餐都唔使$40，其他燒味都好好食又唔貴，嗰日放工就去買個返屋企試試。以前一路都好少去呢個區，最近通咗地鐵之後比較方便，收工時間唔使塞紅隧先過到嚟。間鋪嘅裝修好靚，光鮮乾淨。係一間新落成嘅住宅下面嘅地舖，同其他燒味舖一樣燒臘掛喺近門口嘅玻璃廚房裏面，行埋舖頭已經見到好吸引嘅燒味。師傅好親切有禮，我入到去就問我想要啲乜嘢，因為我望左個餐牌好耐。最後揀咗半斤叉燒，一個外賣嘅雙拼飯: 油雞加燒腩仔。陳師傅未生埋個客嘅時候偷影咗張相咁夢呢度$68有咁大份叉燒賣相都好吸引好靚即斬，抵過平時喺出邊大多數燒味舖，仲未必有咁靚，感覺其他餐廳冇咁乾淨。返到屋企，個飯仲係微暖，師傅一早幫我加咗豉油同埋薑蔥油係個飯上面。雙拼飯帶埋條菜心，排得好靚叉燒唔會太肥，感覺比例其實係三比七，肉質好好咬，肉嘅纖維唔會好韌雖然只係半斤，但係每一塊切得好厚。一打開盒食第一塊嘅時候感覺到好香嘅玫瑰露酒味，然後再食落去唔會再有酒味，取而代之的是物質嘅甜，加上微微焦嘅肥肉邊香，胃口大開爬兩啖飯。油雞切得好好，唔會有碎骨，雞肉好滑雞皮嘅豉油上色好均勻，肉質好嫩滑。煮熟咗嘅雞再檢查豉油雞，會令到隻雞

今日同表哥去土瓜灣探姨婆，臨走時突然下雨，避雨啱啱走到一家叫六叔燒鵝嘅食店門口，望到廚窗掛住啲燒味，又雞又鵝好吸引，表哥話一齊入去食埋飯先至走。入座後表哥點菜，我就上網睇吓，原來六叔燒鵝係有30多年傳統燒味秘方，沒有額外添加劑、色素，原汁原味。店內自設工場，即場燒製每天新鮮出爐。燒鵝瀨粉，鵝肉肥美有口感，油脂香味令人回味無窮，點些酸梅醬更好味，配瀨粉超正！燒鵝叉燒飯，半肥瘦嘅叉燒肉質鬆軟，多汁，香甜而美味，拼燒鵝送飯一流！豉油雞半隻，豉油雞的烹調方法是以豉油把雞浸熟，雞有大細隻，所以烹製時間和經驗一定成比例，呢隻有雞熟到剛剛好，雞皮爽口，肉質鮮嫩帶有鮮甜味道。唔使點薑蔥蓉都夠味。有老火湯送，味道香濃夠火喉！只需加4蚊就有凍咖啡、凍華田。

打咗幾日風之後，深深明白到，屋企要儲存定啲嘢食，就算宅在家，都要食餐好嘅！就嚟冬天，收工時間已經天黑，急急腳，落街市行過圈，見呢間燒味舖，幾光鮮，openrice都有唔少好評🤔🤔一於就買盒叉燒返去鎮宅😆😆入到去睇緊餐牌嘅時候，店員介紹佢哋嘅叉燒同埋燒鵝係最正。睇睇下，好想食油雞，最後買咗叉燒同油雞🤤🤤蜜汁叉燒，個樣都幾靚仔，好多蜜糖，正👍🏼仲要側邊兩舊都係燶燶哋，形狀不規則，更加掛汁！超級邪惡😎😎叉燒偏瘦，啲肉唔會太硬，幾好幾好今次係用嚟餸公仔麵，咁先係人生～～阿媽見我買咗油雞，即刻煲飯⋯⋯😅見佢白飯、油雞、薑蔥一齊食，又真係食得幾開心嘅。買咗半隻雞，賣相唔錯，而且唔係超級肥雞，皮下脂肪唔算多，啲皮都好好食😋肉算係幾滑👍🏼 二至三人分享，份量啱啱好。 下次收工經過都可以再幫襯😁

今天工作有點事要去到土瓜環這邊，幹完以後時間有點晚了，就直接在附近解決一下晚餐，經過這間聞到燒味的味道非常香，就決定進來吃一下，感覺也很久沒吃燒鵝了！燒鵝飯（５５元）這裡的名字叫六叔燒鵝，那肯定要試試他這裡的燒鵝是怎樣！價錢都差不多是這個價！今天的我比較幸運，只叫了燒鵝飯，但店員竟然給了燒鵝肶配鵝胸給我，整個份量挺不錯的，肉量挺多！鵝胸吃起來也不老，有肉汁，鵝香挺重！燒鵝肶就更是沒得說，鵝肉嫩滑多汁，油香十足，連著燒鵝皮一起吃，更是，又脆又嫩又香！這更加要試試這裡酸梅醬配燒鵝，酸梅醬的梅味非常濃，吃起來酸甜可口，能中和了燒鵝的油膩感！頭抽BＢ鴿（４８元）這個頭抽味非常濃，ＢＢ鴿煮得非常入味，連骨頭都是有味道的，吃起來肉質嫩滑，鴿皮爽脆，鹹香十足！例湯今天的忘了是什麼，但有粉葛，豬肉還有很多豆，喝起來清甜，粉葛味濃，豬肉味香，感覺沒有加上味精，挺好喝的！最好的是他還是非常熱的，天氣轉冷喝一碗熱湯就最好了！凍飲（＋４元）我叫了凍檸茶，這裡茶底不錯，喝起來清爽，不會太甜，有茶香！

今晚入咗土瓜灣搵朋友，就去咗一間都幾出名嘅燒味店，佢哋已經喺土瓜灣有30年嘅歷史，見到都好多人推介！佢哋係全日都會供應燒味飯，有燒鵝、燒肉叉燒等等。我哋都好鍾意食燒味，今次就叫咗最鍾意嘅叉燒同埋燒肉返屋企加送❤️‍🔥燒肉 $98燒肉即係燒腩仔，超級鍾意食燒腩仔嘅脆皮，加上佢肥瘦相間，層次分明，口感非常豐富🤭用嚟送飯真係唔知唔覺咁食咗多一碗飯！叉燒 $98叉燒都係我好鍾意食嘅燒味其中之一，而我個人就比較鍾意半肥瘦嘅叉燒，有少少肥膏可以令到成個叉燒更加林🤩佢哋呢度嘅叉燒都好大舊非常有咬口，而且係半肥瘦，加埋啲甜甜嘅蜜糖就非常好餸口！

叉燒河粉😉$26 (早餐)今日過嚟土瓜灣食早餐🤣有朋友介紹我食呢間😚早上8:30已經開始有得食，最遲供應到11:30😛份量都真係幾多😋而且仲要係包飲品☺️睇埋個餐牌先知，原來早餐平過下午茶🤓食完都覺得好滿足，只可惜叉燒瘦咗啲🤣六叔燒鵝 (土瓜灣)土瓜灣馬頭角道50號迎豐地下12號舖