六叔燒鵝 (已結業)

屯馬開通之後第一次去宋皇臺站，但因為趕回家，就只買了外賣回家。*燒鵝餐（$68）一人燒鵝餐有飯有湯有飲品，這個價錢可以吃到燒鵝真的不錯；例湯味道不錯，又不會太甜；燒鵝皮外賣到回家都仍然很脆；不過肉質略嫌太實。*雙併飯（$35）$35 買到雙併飯，真的很抵食；選了啖啖肉的燒腩仔和叉燒；燒腩仔肥瘦均勻，不會太肥，不過外賣到家的時候，外表已經淋了，很可惜；厚切的半肥瘦叉燒，味道不會太咸，如果可以多一點蜜糖味就更好！

打風落雨，唯有落街買外賣，到了這間新開張的六叔燒鵝斬料。餐廳設有少許座位可供堂食，環境企理乾淨。門口櫥窗掛滿各款燒味，亦可以見到師傅們處理燒味的過程，在疫情下可以食得更安心。燒味價錢是抵食的。更設有早，午餐及一人餐。燒味外賣飯盒單併或雙併都只是$35，點了油雞配紅腸，份量大大盒，賣相不錯，十分抵食。紅腸是個人喜好，是必點之選。油雞斬得每件大小均勻，豉油上色得不錯，做得皮爽肉嫩，又不太肥。另外點了一隻$48 的頭抽BB鴿，雖然沒有紅燒乳鴿般香口，但感覺沒有紅燒般油膩。乳鴿做得骨軟肉嫩，咬落肉汁滿滿，而且浸得入味，連骨頭都食到有滷水味道。另外加$5 就有碗一人份量的老火湯。

看上新開店中這一間貌似幾吸引所以慕名去試， 位置十分吊腳，雖則是售賣廣東燒味，但裝修格局較一般平民食店比較落本，感覺是相乾淨。。。單刀直入今日重點係食燒鵝，所以叫咗一個燒鵝乳豬飯HK$88.上枱驟眼一看比例上乳豬好像多於燒鵝、燒鵝入口甘香不嚡，皮下脂肪不多，怪我未能辨清那一個部位，但總算比例上肥膏不佔多已算是贏，至於乳豬上枱時亦吃到脆皮，以一貫大路（港式燒味飯）理論上（飯）應該都不會吃畢全程，但這間店的米（飯）雖則不可算是有米香，但至少勝在比較上贏得很多一般性的燒味（飯）～+HK$2.配上一杯熱咖啡，不論港式或是西式，可能我對於咖啡有着一定性的執着，感覺上只是一般貨色～碟頭飯是跟上一個例湯，清清的不多加味精(不過忙卻拍照)～★當日埋單時以現金結帳，暫未有八達通供應★

這天提早下班，聽友人說到土瓜灣走走拍攝，先到這個地方吃個午飯。店內櫥窗掛着的燒味吸引了我的目光，便選了在這間餐廳吃個午飯。店內帶着微微的懷舊味，牆上介紹了店舖的招版燒味和製作，從這得知師傅有三十年經驗。枱與枱之間有適當的距離，坐椅闊度足，吃燒味也能坐得舒適。先上一杯凍好立克(單點$18，套餐+$4)，一般吃燒味都會配一罐可樂或一杯茶，但個人覺得配好立克比可樂更適合。好立克香滑，建議不時攪拌，令上層的冰粒更能溶於好立克內。是日靚湯(單點$12，隨套餐附送)，熱燙的湯足料又香。鄰座的食客喝了一口，也說這碗湯非常好喝。雖然是小小的一碗湯，喝了一口，就會嚐到湯夠火侯，瓜類的湯下火清涼，配燒味很適合。乳豬四寶飯($70)，四寶除了乳豬，還包括半隻鹹蛋、紅腸、菜心和燒鵝。最喜歡當然是乳豬，乳豬非常香脆，不會太油和有油溢味。份量適中，既是四寶飯，吃完一大盤已經飽了。店員另碟附上乳豬醬，蘸點乳豬醬，還能帶出乳豬的鮮肉味。菜心新鮮爽脆，加點鹹蛋粒吃味道更佳。燒鵝配上店員給的燒鵝醬，更能帶出鵝肉的香味。飯粒飽滿，份量甚多，飯配上香脆的乳豬，飽肚之餘又能豐富味蕾。

最近聽到同事話這裏新開了一間不錯的燒味店，今晚便專程來到一試。燒鵝髀飯唔斬$88，原隻燒鵝髀可以保持燒鵝的肉汁在內，每一口都可以吃到鵝肉的鮮味，是一個最好的選擇。燒鵝飯雙拼燒肉轉瀬粉$60，燒鵝和燒肉的份量都不少，加上瀬粉湯底味道鮮甜，足夠一個人吃飽。凍央少冰加$4，咖啡、奶茶和花奶的比例適中，甜度亦符合個人口味。凍檸茶少冰加$4，茶味十足，檸檬差不多有半個，算是慷慨。白焯時蔬兩碟$15不過這裏的冷氣比較差，如果夏天會坐得辛苦。

睇嚟依間餐廳係新開，見暫時都冇乜食評。尋日做嘢經過，順便幫媽咪斬料加餸，間舖頭都幾受歡迎，店裏店外都有人排隊，負責斬料嘅員工都好忙碌，一單接一單👍🏼👍🏼有個燒鵝一人套餐，除咗有燒鵝之外，仲有湯、油菜、熱飲。先$68 ，簡直係一個人外賣嘅福音。不過今次係趕住斬料返屋企晚飯，咁就叫唔到一人套餐😛😛睇返依個餐牌，選擇同其他燒臘店差唔多，不過我就留意到佢哋有乳鴿！頭抽BB 鴿，各位鍾意飲啤酒人士要注意😎😎我叫咗半斤燒腩仔，同半斤燻蹄。等緊拎野既時候，見到有個靚女買咗隻油雞，超級靚囉！好肥美咁😳😳忍唔住偷拍左一張好彩我都叫咗自己最愛嘅燻蹄佢哋嘅燻蹄味道比較淡，配埋酸酸既醋一齊食，份外清新，唔會比太鹹嘅肉味搶晒。另外，厚薄適中，食到豬皮嘅爽，同埋做到啖啖肉嘅效果👍🏼至於燒腩仔，阿媽表示收貨😁😁外皮厚，好脆卜卜！正過薯片唔會太肥，不過就切得比較大件，如果細件少少就比較方便可以點完芥辣成舊放入口😎😎原來半斤燒腩仔都幾多，食晒都唔係好洗食飯😋😋

屋企附近最近開了好多食店，大部分都是主打外賣優惠，所以一一去試。今次輪到試一下位於馬頭角道迎豐的六叔燒鵝。其實每晚路過，總是被他們掛在門口的燒鵝吸引著，大大只，看起皮光肉滑，單看著就已經覺得有點餓。走進店內，原來有堂食的，而且光猛開揚，環境企理。看看餐牌今晚有什麼可以加料先，其實好想叫他們燒鵝，不過一個人吃，今次還是先叫燒鴨和豬脷，因為我相信必定會再光顧。外賣拿回家後，好驚喜，燒鴨看起來好像燒鵝，皮香肉滑，大大份，有一種獨特的香料感覺，吃下去停不了口，而且肉質鮮嫩，感覺好新鮮。大大件但一點肥膏都沒有。豬脷大大份，好抵食，爽口無比，超水準之作。下次要堂食試一下他們的碟頭飯套餐。

今天下班比較晚，不想在家煮飯了。經過土瓜灣的「六叔燒鵝」，見它裝修簇新，整潔亮麗，吊起的燒味都新鮮吸引，便買了外賣回家做晚餐。“叉燒切雞雙拼飯”,加十元升級雞脾，雞肉嫩滑有光澤，叉燒半肥瘦，口感不錯，而且份量不少。“燒腩仔燒鴨雙拼飯”, 燒腩仔皮特別脆，肥瘦相間，層次分明，入口甘香。加十元升級鴨脾，啖啖肉，有質感。“鹵水豬脷”，鹵得非常入味兼沒有腥味，而且爽口彈牙，十分美味。這裡的燒味做得不錯，價錢相宜，CP值非常高。

由細到大, 食極都唔厭既就係燒味, 稱得上係咁多樣最好食就係佢, 因為要用一定既溫度去燒到皮脆肉嫩鎖到肉汁真係一件好高學問既事, 自己係屋企整真係唔可能整到依種味道口感, 所以我通常一想食燒味就寧願去買外賣返屋企食, 懶得自己整近期返屋企途中都經過依間燒味店, 如招牌所寫佢地最正既燒味就係燒鵝, 上星期無煮飯索性買個外賣返去做晚餐, 叫左個燒鵝一人餐同雙拼燒味飯盒, 同家姐兩個人開心Share燒鵝套餐包碗例湯, 細油菜同凍/熱飲品, 都幾抵食, 飲品叫左凍檸茶, 是日例湯係冬瓜排骨湯, 拎返屋企雖然凍左少少, 不過飲落幾清甜, 無咩味精師傅斬左燒鵝胸位比我, 本身我麻麻地食胸肉, 不過佢的確燒得幾香, 皮薄油香重, 鵝胸肉帶點刃口, 但對於麻麻地食胸位既我, 我覺得算唔錯, 點左酸梅醬更正!外賣燒味飯盒幾推薦同抵食, 因為單/雙拼都係統一價錢, 所以叫左個叉燒拼油雞, 飯盒賣相夠靚仔 叉燒略有點瘦, 但味道係夠香口, 蜜汁好濃夠甜, 油雞部分佢就比左雞翼我, 口感嫩滑入哂味, 飯都幾多汁同份量夠多整體黎講質素唔錯, 價錢係依區黎講算合理

瀏覽牛棚藝術村完畢已經時至下午兩點鐘，我們在附近的「六叔燒鵝」用膳，新店舖裝置簡約整潔。我點選我最喜歡的燒鵝髀飯，家人楝乳豬拼油雞湯河與頭抽BB乳鴿，涷檸七、涷檸樂！原來還奉送冬瓜眉豆例湯。很難得燒鵝髀皮下沒有油脂，皮脆肉香，白飯份量很多，$88燒鵝髀飯很祇食。乳豬皮非常甘香酥脆，油雞皮香肉滑，湯河都是很夠份量，$78乳豬拼油雞湯河都是抵食之選。很入味的頭抽BB乳鴿，近來多吃燒乳鴿很上火，今餐轉轉味道。離開店舖前看見叉燒很吸引，外賣回家晚上加餸。

六叔燒鵝，真係六叔燒鵝，大叔的愛就聽得多，燒鵝也有大叔的味道.屯馬線開通了差唔多兩個月，今日一於嘗試一下乘搭、在宋王臺站下車，看一看地鐵站內古代的展品後，大約行多5分鐘的路程，便到達六叔的燒鵝.餐廳環境佈置也比較新頴，座位也比較舒適，叫得六叔燒鵝一定要嘗試一下，食店最出名的燒鵝.燒鵝皮十分之香脆，吃一啖經充滿了鵝肉的香味，至於乳豬方面外皮香脆肉質細嫩.不得不提，在套餐附送的湯，也比較老火，充滿了淡淡的人情味.相信大家在櫥窗，也能夠看見燒鵝皮脆內嫩的感覺，真係屯馬開通真的很興奮，順便來吃燒鵝.

重遊土瓜灣，發現這區的新樓越來越多之外，餐廳也越開越多，六叔燒鵝是其中之一。燒鵝一人餐有湯，有飲品，又有菜芯，十分豐富。首先飲老火湯，是冬瓜眉豆湯，湯呈紅棕色，有消暑清熱之效。主角燒鵝整齊地鋪在碟上，還淋上燒鵝汁。不用加酸梅醬，可以食到其原汁原味。這應該是燒鵝髀的位置，多肉少肥，肉質嫩滑，燒鵝皮則鹹香。菜芯雖然是小碟，但都足夠二人分享。菜葉和菜莖分開切好，方便進食，菜莖十分粗身，口感紮實，滿滿纖維。燒味雙拼 (燒腩仔+叉燒）兩款燒味在燈光之下色澤鮮明。份量多，幾乎鋪滿整個碗。燒腩仔皮脆肉厚，瘦肉與脂肪層層分明。蜜汁叉燒燒得恰到好處，肉質不會太乾，加上香甜蜜汁，很好吃。餐飲點了凍菜蜜和凍好立克，冰凍解渴。整體來說，食物質素上佳，服務親切，吸引了不少街坊客光顧。

土瓜灣開左地鐵站之後，就愈來愈多食肆。今次就去試開左個幾月倒，響迎豐樓下既六叔燒鵝。六叔燒鵝以一般燒味店黎講，裝修得幾企理，侍應亦都幾好招呼同有禮貌，張四方台就比較細。我去既時候就唔多人，兩個人坐四人位，如果真係四個人坐，真係唔知D野放唔放得落。叫左個堂食叉燒飯(瘦叉), $48，已經包左湯，加兩蚊仲有熱飲，如果外賣既話好似仲平，單雙拼都$35。叉燒大大份好足料，雖然叫瘦叉但一D都唔會柴皮，幾好食。

今晚去朋友屋企睇波，但因為未食晚飯於是去左附近餐廳醫肚，行行吓見到一間幾乾淨既燒臘舖於是入去試吓。一入到餐廳店員就好有禮貌同埋好有笑容咁招呼我哋入座，仲即刻拎餐牌同我哋介紹，一打開餐牌發覺原來都好價廉物美，於是我同朋友就即刻叫嘢食。我就叫咗一個肥叉燒鵝飯，仲有一個例湯一杯餐飲，好快店員已經將個飯送到我面前，個份量仲非常之多，好好彩仲有燒鵝髀，個飯嘅外貌賣相好好，但味道都係一流，依間燒臘舖嘅燒鵝燒得火喉岩岩好，而且又唔會太乾身，燒鵝皮咬落去仲係脆口，而個肥叉燒真係好正，每一塊叉燒都帶有少少肥膏，而家肉質好滑，加上本身既蜜汁真係高質。而我朋友就叫左一個乳豬四寶飯，我都試左少少，個乳豬皮脆肉滑，四寶仲包括左燒鵝，紅腸同咸蛋，佢嘅紅腸都係一個賣點，食落口好有係啲正宗潮州打令鋪既風味，估唔到呢間燒臘舖每一樣都做得好出色。而且個例湯都好好飲，好有老火湯嘅味道，仲想特別介紹呢間燒臘舖嘅檸茶，好有茶味，如果鍾意飲濃味既紅茶真係要試吓，因為唔係周圍都飲到。我哋兩個人食咁多嘢都係一百幾蚊左右，而且店員都好有禮貌，好親切，個個都好有笑容，食到我都覺得好開心。

出開土瓜灣探朋友， 本應打算去酒樓飲下午茶， 不過講開靚燒鵝又有啲想去食， 講緊嘅係「六叔燒鵝」， 區內都幾出名，好受歡迎， 人很多，下午茶嘅粉麵套餐好抵食， 我們等了一會就安排入座。全日堂食碟頭飯送老火例湯， 非常多料， 火候十足。乳豬拼燒鵝飯一場來到當然要試馳名燒鵝， 祖傳秘方，加上有30年經驗炮製燒鵝， 非常期待～燒鵝皮薄而脆， 入囗甘香唔肥膩。 鹅肉醃味不重，也不是那種荔枝柴燻烤味道， 能吃到鹅肉原始嘅鮮味， 而且嫩滑多汁， 再蘸上自家調配的酸梅醬汁， 味道又另一層次。至於乳豬， 皮薄但唔算好脆， 肉也是較薄， 冇太大驚喜。燻蹄海蜇瀨粉海蜇好粗每條都完整， 入口爽脆，冇雪味， 調味偏甜咗少少，蘸返啲白醋平衡一吓。燻蹄肥瘦適中，味道唔錯。凍奶茶凍檸茶（ 套餐加$4），正常發揮， 而且好大杯。燒鵝質素唔錯， 下次經過可以外賣一隻多人享用。