六叔燒鵝 (已結業)

剛剛搬日土瓜灣 就是為搵食 見到呢間六叔燒鵝 嗰啲燒鵝掛喺門口 好鬼靚 咁就入去搵食。首先就叫咗佢哋最出名的 秘製乳豬燒鵝飯 乳豬皮燒到脆卜卜 燒鵝皮又係脆卜卜。一啖咬落去乳豬的皮肉肥膏分佈恰當好處 豬肉味濃郁 豬肉非常嫩口 bb豬的感覺。燒鵝脾同樣脆卜卜 燒鵝肉鮮味 一啖咬落去 食得出是本地 燒鵝 的貨色。 燒鵝肉紮實 肉同脂肪分佈恰當好處 叫我皮脆卜卜。叫多碟油菜都係15蚊 油菜大大碟 菜心中有甜味 本地田園 菜心燻蹄燒腩仔飯 燻蹄燻到恰當好處 咬落彈牙 燒腩仔同樣脆卜卜 我好滿意呢一餐

近呢一兩年土瓜灣多咗好多新樓，再加上地鐵又開埋，所以真係多咗好多唔同嘅食店，咁當然我身為土瓜灣的居民，梗係要支持下，今日試吓呢間「六叔燒鵝」買啲滷味返屋企先整間店舖雖然不算很大，但整體都很乾淨企理，燒味井井有條掛在窗口，雖說燒味但款式也很多元化本身想叫燒鵝㗎，但係可惜賣晒，唯有叫燒鴨上庄頂住先，皮質都很鬆脆入口不會很鞋，味道不會蘇另外叫了半肥瘦叉燒，太好味啦，皮邊少少窿脆，咬落口啖啖肉汁滲出另外叫了一個豬脷，汁不會放在一起，使到你能夠清淡地品嚐豬利的味道，咬落口煙煙韌韌冇得頂，再加上淡淡的醬汁有另外的感覺

以前成日覺得落去土瓜灣係超級唔方便，以家有左屯馬線之後就方便左好多。今日落左去土瓜灣行下，順便影下相。最後行到差不多晚飯時間，我地就去左六叔燒鵝買外賣返去食。外賣飯盒好抵食，單雙拼只係$39 燒味可以選擇叉燒、切雞、豉油雞、燒肉、燒鴨、燒腩仔、咸蛋我地買左兩盒外賣飯盒和兩杯凍檸茶叉燒拼紅腸飯叉燒選擇左瘦叉，瘦叉食落又不會太柴口，如果切薄小小，口感會更好，肉質都不會過乾。叉燒拼切雞飯叉燒半肥瘦，肥瘦適中，肥叉位不會太膩，切雞雞肉嫩滑，切雞點都唔少得薑蓉，配埋薑蓉一齊食，送飯一流。

土瓜灣站啟用以來，一直吸引不少外區客前來覓食，地利位置放便之餘，該區食肆價格亦相對親民。今天在紅磡區附近工作，晚上到友人家飯聚，經過馬頭角道迎豐地下，不難發現這間光束束招牌《六叔燒鵝》店舖裝修蔟新，企理乾淨，門外掛著招牌燒鵝，未入店內已聞到陣陣香味看看餐牌，由燒鵝各部分，燒味以至滷水豬脷燻蹄亦一應俱全今次加料上朋友家生日飯，一定不能馬虎，點了燒鵝下庄一份 $140。雖然有不少街坊在排隊等候外賣，但店員亦很有禮貌地叫顧客耐心等候。燒鵝皮脆肉鮮嫩，打開外賣盒已經陣陣油香。燒鵝皮同肉嘅比例相當恰到好處，不會有油膩的感覺每件燒鵝亦件件分明，師父刀工有水準附上燒鵝汁及甜酸醬，朋友讚口不絕，下次定必再來幫襯，試試其他美食

之前都成日聽人哋講話六叔燒鵝好好食😍今次專登去到土瓜灣買飯盒返屋企，叫咗白切雞叉燒飯、白切雞燒腩仔飯、豉油雞叉燒飯，每一盒都仲要多薑蔥，侍應姐姐非常之好人，有求必應俾多啲我😌絕對唔孤寒！返到屋企一打開，估唔到白飯嘅份量真係勁多，幾乎都食唔晒，最欣賞佢哋嘅叉燒肥瘦得宜，食落唔鞋口，好好咪，物質甜度適中，送飯非常之好食😍另外佢哋嘅豉油雞都做得唔錯，豉油味好香好入味，令到雞件會唔會單調，整體所有口味都唔錯！仲有佢哋嘅燒腩仔好脆身，肥肥地又幾好味，整體來講都好鍾意呢間嘅燒味，重點係$35一盒邊度搵😍😍

朋友新居樓下開了間設計簡約時尚， 環境光鮮的燒臘舖。 傍晚時分，正正有幾家人在門外等候取外賣。正打道回府的我，眼見店舖櫥窗內燒至身型脹卜卜， 赤紅色外皮的燒鵝 ，在射燈下顯得份外油潤富光澤 ， 非常吸引 ，速速收起步伐 ，跟隊加入斬料大軍。有人喜歡燒鵝的下庄，肥美甘香 ；有人喜歡上庄，啖啖肉，各有優點，下庄亦會較上庄略貴一點。個人則偏愛上庄那肉厚油少的質感。所以上庄 [$120] 對本人而言可謂不二之選。回家打開外賣盒 ，斬件燒鵝排列得整整齊齊， 件件厚薄一致， 師傅刀功不俗 。還附有幾包酸梅醬以及自家製秘製醬料汁。先將秘製醬汁 均勻地淋在燒鵝上， 醬汁香味夾著鵝肉香氣撲鼻而來。此刻已急不及待將鵝皮連鵝肉一啖放入口。只覺滿口甘香 ，肉嫩飽滿，鵝汁四溢 ， 醬汁調得不錯，非常入味 ， 不會過鹹 ，亦沒有搶奪鵝香， 恰如其分， 令鵝味更突出， 屋企人也吃得津津有味。坊間的燒味有平有貴 ， 論質素這間燒臘店的價錢算公道 ， 叉燒及油雞、 脆皮燒肉也有不少街坊捧場，除外賣， 餐廳亦設堂食 ，供應早午晚及燒鵝一人餐 ，套餐選擇豐富， 若果餐廳開在屋企附近 ，相信最開心應該是我家中的“大廚”🤣

今晚去朋友屋企食飯，朋友話要斬多兩味加料，介紹我去附近的燒味舖買叉燒同燒肉。燒肉店乾乾淨淨，燒味整齊掛在櫥窗上，櫥窗乾淨企理，沒有油漬，感覺店舖很注重衛生。原本想試一試燒鵝，但朋友指定要叉燒同燒肉。我們4人，決定叫半斤燒肉及$40叉燒加餸。等外賣途中，見到很多街坊入內選購燒味，應該質量不錯👍燒肉 $64燒肉肥瘦分明，皮脆肉滑，也醃得夠味，鹹鹹的佐酒一流。師傅刀工都唔錯，每舊都幾平均。叉燒 $40叉燒識食一定要半肥瘦，師傅選擇嘅半肥瘦叉燒，好肥美，叉燒充滿蜜汁，又甜又嫰，好好味！

好一陣子沒有前往土瓜灣，因家人推介的六叔燒鵝，於是趁星期五下班後有點空檔，兩口子一同前往。因怕塞車，於是乘坐港鐵，到宋皇臺站之後，步行大約10分鐘，就到達了。餐廳裝修簇新，門面光亮，很整潔的感覺。可惜是當日燒鵝已經售罄，未能一試。於是叫了一客油雞叉燒雙併瀨粉，和四寶米粉。本來兩者都併飯，但不想吃太飽，就把主食改了。叉燒肥瘦均勻，叉燒汁甜美可口，分量充足，能好好品嚐叉燒的滋味。油雞不算太肥，肉質鮮嫩，非常厚實。四寶包括叉燒、油雞、紅腸和半隻鹹蛋。紅腸比市面所吃的略略帶着肥膏，入口比較軟滑。半隻鹹蛋鹹度恰到好處。飲品是熱奶茶和走冰的凍檸樂。當日餐湯是眉豆沙角瘦肉湯，很清甜，是家的感覺。

自從啟德地鐵站開咗之後，多咗嚟九龍城同土瓜灣呢邊。今日就去咗六叔燒鵝斬料加餸。屋企人唔多，所以買咗燒鵝最肥美嘅下庄，四個人食分量就啱啱好。外賣盒包裝好有心思，蓋上面有個窿透氣，就算下晝買完等到夜晚，啲燒鵝皮都唔會焗到腍哂。雖然得四分一隻燒鵝，但係其實都大大盒，140蚊一家四口食絕對夠分，都算抵食。由啲相都睇得出鵝皮好有光澤，咬落夠脆，而且油脂味重。下庄會比較肥美，所以見到少少脂肪，但係亦都因為咁樣，肉質會比較juicy，燒鵝髀部分仲啖啖肉。

你到土瓜灣 你一定試下呢一間 燒味呢一間新開張的燒味 有燒鴨燒鵝燒腩仔叉燒應有盡有。 叫外賣 斬料返屋企做信就最啱地方都幾是正可惜我嗰時間為有斬料返屋企加餸。左諗右諗最後我叫咗燒骨腩， 呢度啲燒腩仔條覺得恰當好處 燒肉唔會太燶 燒肉的肥肉同瘦肉的比例恰當好處 燒肉皮脆卜卜。一旦咬落去燒肉的質感 食得出示優質豬汁燒製的一啖咬落去 豬肉的豬肉有滲透在口中 回味無窮， 最正就係返到屋企 燒豬皮依然係卜卜脆。食得出是新鮮豬燒製的燒肉 冇介紹錯呀

工作時間不定時，未必煮到飯，最近土瓜灣開左間燒味店，經開店外都聞到好香既氣味，我就買左個外賣返去做餸。六叔燒鵝 嘅師傅主理超過30年經驗，自設燒爐，每日新鮮燒製各款燒鵝、燒腩仔、切雞、叉燒、乳豬等堂食早餐 $26 起及下午茶配粉麵都是非常抵食仲布外賣單拼雙拼都是 $35我就買左半隻鼓油雞及叉燒 鼓油雞皮爽肉嫩又滑、肉質軟腍叉燒入口軟淋多汁，夠晒入味仲夠甜蜜汁味六叔燒鵝土瓜灣馬頭角道50號迎豐地下12號舖

今日去開土瓜灣一帶，滿街滿巷都係食市，諗住買D斬料外賣加料今晚做餸。行過牛棚對面近街市，見到有間裝修企理的新開燒味店， 見好乾淨光鲜，價錢都合理， 就試下呢間先。店舖面積都幾大， 好多座位可供堂食。買咗半隻燒鴨85蚊外買，餸米粉一流 ，店員親切有善，好細心將醬汁分開上 ， 話食之前先淋落去。 包裝得穩穩陣陣速送回家。番到屋企盒燒鴨仲有微熱，急不及待食咗幾舊，半隻份量都唔細，肉質唔錯唔會嚡身， 好新鮮，唔肥唔瘦啱啱好 ，皮脆肉滑。 調味調得好入味，值得推介。 下次可以試下燒鹅同其他燒味!

土瓜灣愈開愈多新餐廳，下班經過發現附近新開了這家六叔燒鵝，一於斬料加餸。既然店名叫六叔燒鵝，就試試燒鵝好了，要了一個上庄燒鵝外賣。店家特別將燒鵝汁分開上，食前再淋汁，可令燒鵝皮保持香脆，不會在回家途中弄軟鵝皮，十分貼心。鵝肉juicy，鵝皮脆口而不過肥，調味料下得剛好，厚肉胸位亦夠味，而背位又不會過咸，不錯。餐廳門面乾淨企理，衛生環境不錯，店內亦有不少人正在用餐。等待外賣期間見不少人外賣雙拼燒味飯，外觀不錯且只售$35，確是超值，下次可以一試。

有日要上朋友屋企玩，每人要拎d 野上去食，諗唔到食咩之際。。。見到間燒臘鋪好似新新地，望落幾靚仔d野都好乾淨整齊。。好。就決定是你了!一野就買一舊水燒腩仔入袋前先驗貨，舊舊都係真腩仔，冇加其他野入去呃秤拎就一大段路，一樣冇走樣，一盒燒味，最緊要就係齊齊整整食燒腩仔最緊要就係外皮夠脆夠香口，肥膏不能太多，亦不能沒有。切法都緊要， 太大舊或太細舊都唔好食。。。哩盒燒味做到了。。蘸埋芥辣，食極都唔厭朋友最後竟然問起間野係邊。。佢話想encore 喎。。

見好耐無食過燒味，於是收工就搵埋屋企人一齊食番餐燒味飯，做好安心出行同埋量體溫就安排入座了！呢間燒味店淨係專注做燒味，所以餐牌上既野都離唔開燒味。我地就叫左碗半肥瘦叉燒肉雙拼飯再加多個燒鵝例牌食餐好既。 叉燒出色，好驚喜既地方係呢到可以order 肥叉/半肥瘦叉/瘦叉，因為依家好多燒味店都無得選擇肥瘦，上枱既叉燒又真係半肥瘦，色澤又靚，食落口肉質口感爽口，而且半肥瘦既關係叉燒唔乾身又唔會太膩，蜜汁味又蓋滿叉燒，一流！燒肉同樣唔錯，外皮香脆可口，肉質同樣爽口且唔會太瘦，食落口極為滿足！再黎就係個燒鵝例牌，燒鵝啖啖肉，肉質爽口，肥瘦分佈好靚，只有些少脂肪痴住係塊皮上面，食落口除左啖啖肉既滿足感之外，燒鵝皮爽口鵝味濃，連埋鵝肉齊齊食真係無得頂！