六叔燒鵝 (已結業)

點心同燒臘呢兩樣嘢，真係得香港先係最好味，去到外國真係食唔到架！今日坐屯馬線，嚟到土瓜灣嘅六叔燒鵝，呢度設有自家嘅烤爐，所以出品都有保證。講到六叔燒鵝嘅名物當然係燒鵝啦，聽啲街坊講，燒鵝皮脆肉嫩，我哋一於嚟試試！燒鵝一人餐呢個餐除咗例牌嘅燒鵝，仲有白飯、例湯、油菜同飲品。首先例牌嘅燒鵝份量一啲都唔少，夠晒豐富。至於燒鵝皮脆，鵝油豐盈而唔肥膩，肉質嫩滑多汁，記住點埋佢哋自家製嘅酸梅醬汁，夠晒惹味。燒腩仔+鹹蛋飯燒腩仔一層肥一層瘦，最正係塊皮超脆呀！由於燒腩仔一層肥一層，所以食嘅時候唔油膩，而且肉質嫩滑，鹹香十足。半隻油雞講到燒臘咁多樣嘢，我哋最鍾意就係油雞。油雞嘅皮好香滑，雖然好邪惡，但豉油味好香，真條忍唔住呀！至於雞肉非常嫩滑，生熟度啱啱好，好好味！