六叔燒鵝 (已結業)

今日叫咗豉油雞同叉燒。因為我平時最鍾意食豉油雞，老婆就鍾意食叉燒，這兩款簡直喺燒味界的孖寶。兩款賣相相當吸引，豉油雞好滑嫩，够入味，特別鍾意食佢嘅皮同埋骨位，鮮嫩多汁。👍🏻我哋就鍾意落埋蔥油汁，味道再多層次啲。有時喺其他燒 味店買的叉燒是燒焦的，但今次這間沒有。而且今次叉燒特別鬆軟🥰，甜甜地，肥瘦均勻，😍雖然有少許軟骨位，但仍然好易入口好及滋味，屋企有小朋友及老人家都啱食。🤩新鮮熱辣，返到屋企即刻食最好味。分量又夠大份，價錢優惠合理。可以再encore。🥰

六叔燒鵝 (土瓜灣)土瓜灣馬頭角道50號迎豐地下12號舖平時好少經過土瓜灣，今日有聚會要去九龍灣，特意在中途下車去一轉買燒味。收老豆所托，這裏有一檔燒味的燒腩仔是他的最愛，所以專程買返去孝敬他。時陰時晴的天氣，幸好來到的時候沒有下雨。燒腩仔$128/例燒腩仔又稱為火腩，脂肪和瘦肉要層層相夾着，如果有四五層就最好，最底層連住骨。這裏的燒腩仔軟腍沒有渣，食落鬆化。不油膩，食到肉香。外皮脆卜卜，好像在吃薯片一樣，裏面梗有一層薄薄的油脂，咬落非常香口。

今天經過土瓜灣，順便斬料回家加餸。這店比傳統燒臘舖更加乾淨企理，而且還可以堂食，地方闊落，令人吃得安心。店員態度友善，非常有禮貌。🥢蜜汁叉燒🍖蜜糖味非常夠，肉質不會太乾，而且非常鬆軟，即使是外皮也不會因為燒焗而變硬，大讚！30元的份量也比期望的多，真是物超所值👍🏻！🥢豉油雞半隻🍗這半隻豉油雞的份量非常足，有一整隻大雞髀，光是打開盒的一刻已經是大滿足了！雞皮爽口，不油膩。雞肉非常嫩滑易咬。豉油味不會太鹹，但夠入味。真是令人滿足的一餐😋！

平時行過六叔燒鵝手，都見到明檔的雞和燒鵝好靚，今天加餸燒腩仔和蜜汁叉燒，每樣半斤，一共$128。同時間亦有不少其他的客人外賣斬料。六叔燒鵝的師傅好用心對待每一個訂單，叉燒半肥瘦適中，調味適中，有蜜汁香味另外師傅亦會用火槍噴一噴叉燒外皮，所以特別有一種燒烤香味，亦十分美觀！叉燒的口感爽滑，如果小朋友食，可以叫師傅斬細一點。燒腩仔方面，皮脆，肉質稔軟，半肥瘦適中，鹹味適中，送飯送麵一流👍🏻👍🏻外觀方面，師傅一斬好就會交比同事跟醬料和入袋。燒腩仔和叉燒一斬好放入外賣盒就可看到師傅手勢不馬虎， 色香味俱全！

餐廳位於土瓜灣，地理上還算方便，全因現在地鐵開通了，所以前往的方法又多了不同的選擇。餐廳主打的就是燒味，這天點上的食物，也就是家人最喜歡的燒鴨。這間燒味店的燒鴨也做得不錯，其實一般來說我比較喜歡食燒鵝，因為肉質比較結實，口感較佳，但這裏的燒鴨卻能做出和燒鵝有點相似的感覺，同樣的外皮香脆可口，內裏肉汁豐富，口感帶點結實，但價錢上卻是比燒鵝便宜很多，是一個價廉物美的選擇。加上更可向店員提出汁另上的服務，更能保持燒鴨外皮的口感。

喺附近早左做完野，就喺炮仗街嘅街市買埋菜返屋企，見倒六叔啲燒味都幾靚咁，望入去都乾淨企理，價錢同一般燒臘鋪都差唔多，就試下喺度斬料返去加餸。除左外賣燒味，佢地都有堂食，店面乾淨企理，地下亦冇立痴痴咁。蜜汁叉燒($128/斤) - 買左$100半肥瘦叉燒，閃令令睇倒都流口水。叉燒蜜味夠，肉質鬆軟唔會太肥，切得亦厚薄適中，甜甜地好好食。總結，叉燒唔差得過名氣燒臘店，最重要環境乾淨感覺安心啲，下次再經過都會想試埋佢個燒腩仔。

食過返尋味嘅六叔燒鵝，一如以往， 門口掛住啲燒到脹卜卜嘅燒鵝，色香味俱全，而且以燒味舖嚟講，呢間六叔燒鵝，絕對係乾淨衛生企理價錢照舊公道， 照舊要一份下庄，水準依然， 燒鵝皮好香， 啖啖肉， 醃到好入味，外賣攞到返屋企，一打開就即刻飄來好香嘅燒鵝味，夾起上嚟，唔會皮肉分離， 燒鵝表皮夠光澤，正宗皮脆肉嫩又香口啖啖肉得來，肉質亦都細嫩， 一啲都唔鞋口，油香滿分每一啖鵝肉都有鵝油香味， 配埋酸梅醬真係好夾，呢間嘢真係外賣斬料嘅首選，見佢掛喺度嘅燒味都好靚仔下次一定要再試埋其他燒味

做野黎開哩邊 買左啲燒味番屋企加料做餸燒味新鮮斬起入盒仲熱辣辣店員幫我入袋個時好貼心咁幫我係燒肉個盒剪左兩個窿 咁就唔會焗到啲皮冧哂————————————燒腩仔（半斤$64）個皮咬落仲係脆卜卜脂肪同瘦肉位層層相間好分明唔會一啖肥膏一啖肉咁咬落鬆化軟腍 無豬臊味平时最怕燒肉食去到底下骨位鹹到顛佢完全無哩個問題蜜汁叉燒（$40）買完之後先醒起自己無嗌話要半肥瘦好彩番到屋企一望好彩係好靚仔既半肥瘦叉燒 光澤十足肉質鬆軟嫩滑 肉味濃有少少燶邊 蜜汁香甜厚切啖啖肉好好食——————————————-拎到番屋企都過左兩個幾鐘翻熱之後都仲係好好食價錢合理 可以encore

近排多咗喺屋企食飯之後除咗可以自己住之外，更加可以到周圍搵到好嘅食材作為晚餐嘅配料。最簡單直接又方便嘅當然就係斬料燒味啦，啖啖肉再配合滷水汁，用嚟送飯都一流。 平時周圍游吓游吓今次就游咗嚟土瓜灣呢一個地方，喺一個舊式嘅地方都可以搵到除咗經典味道以外嘅選擇， 喺燈光璀璨下所見到嘅就係六叔燒鵝。同樣都係燒味店， 呢一度就顯得非常乾淨四正， 無論環境定係廚房工作空間都比到人一種闊落乾淨嘅感覺， 當然最重要嘅就係食佢啲懷舊招牌燒味啦明爐燒鴨，最重要係外皮光澤度夠飽滿，而裏面嘅肉亦都係結實，如果係外賣一段時間先食嘅話都可以放落焗爐到稍為焗一焗就可以令到個皮滑得來帶有少少脆，肉質當然都係細嫩，唔老唔乾，最適合當然要陪酸梅汁吊下味提鮮頭抽BB鴿， 肉質當然係鮮嫩軟滑，細細隻嘅鴿脾蘊藏住最鮮味嘅精華，就算肉量唔多但係皮脆都已經可以過到癮

晚市禁堂食，加上要留家抗疫，所以呢輪晚晚淨係諗煮乜嘢餸都諗到頭都大晒。今日要嚟土瓜灣做嘢，走嘅時候順就便喺附近斬料返屋做餸。記得之前同朋友幫襯過馬頭角道嗰間「六叔燒鵝」，店舖嘅燒味水準唔錯，皆因店中自設工場，所有嘅燒臘都係即場燒製，每日新鮮出爐，今日就一於番兜。櫥窗掛滿各式各樣嘅燒味，除咗主打嘅燒鵝，仲有切雞同骨腩，另外檯面亦擺放了不少滷味，例如鵝掌翼、豬脷等，真係令人垂涎欲滴。上次堂食，品嚐過餐廳嘅馳名燒鵝同四寶飯，今次就試下佢哋嘅脆皮燒腩仔 ($128/斤)。睇下盒燒腩仔嘅賣相幾吸引，肥瘦相間，脂肪比例亦啱啱好，食落肉嫩有嚼勁，而且拎到返屋企外皮依然脆卜卜，肉質油香帶滑，滑中帶煙韌，建議蘸少許黃芥辣同吃，更添美味。其實佢哋嘅叉燒都非常抵食，買一斤加 $1 送例牌燒鵝一份，夠曬經濟實惠。

現在疫情緊張，晚晚在家食飯，今晚放工經過土瓜灣六叔燒鵝，掛著的燒鵝燒鴨好吸引，所以順便買埋外賣回家食。要了個豉油雞叉燒飯及燒鴨下庄。豉油雞叉燒飯$39，打開飯盒，見到裏面除了豉油雞及叉燒外，還有一條菜心，好大盒的飯。叉燒揀了肥叉，帶點蜜甜的，又淋又有肉味，很鬆軟。至於豉油雞剛好是一整個雞翼，豉油味都頗濃，雞剛好熟，所以肉質都比較嫩滑！燒鴨下庄$55，燒鴨與燒鵝的外皮都被燒到啡金的顏色，而燒鴨的價錢就抵食好多，所以要了燒鴨下庄，打開見到燒鴨份量也不少，外皮帶少少軟脆，皮與肉中間有著一層薄薄的脂肪，連著肉一齊食，帶著油香，點上跟配的酸梅醬，更為惹味的！現在晚晚在家食住家飯，所以買菜回家，食得特別滋味哦！！

第一次本人叫的是：（早餐）燒鵝米粉拼叉燒，叉燒拼燒肉飯，一杯凍檸茶，一杯凍奶茶，但是落錯單（早餐）燒鵝米粉未拼叉燒。等了十幾分鐘，被告知沒有燒肉，遂更改落單。第二次落單時間在11:30之前，應為早餐時間段，但被告知因新年為繁忙時段，所以不提供早餐，得以正餐價格給付（全店未有通知）。之後另一位服務人員告知，並非因繁忙時段，而是因她給的是正餐份量，所以需要給付正餐價格。但本人落單時說的很清楚要的是早餐，被私自更換，且態度很差。最後本人據理力爭，雖然最終更改回正確的價格，但仍是一次很差的早餐體驗。

第二次返黎食 咁岩撞正下午茶 $35就有個燒鵝瀨$30叉燒飯加咸蛋好後悔冇影相 因爲賣相真係勁吸引叉燒好juicy 半肥瘦係最好的🤤燒鵝見到個皮都知有料到！極力推薦！

至從六叔開張後，土瓜灣終於有一間好食的燒鵝店，比棋哥好食，啖啖肉，而且性價比高，成為我和朋友的飯堂，一星期至少幫襯1-2次。最喜歡早餐和下午茶，都有燒鵝麵，包嘢飲，唔使$40。外賣燒味飯$36，燒鵝飯$56，價錢合理，份量足夠。但是⋯⋯⋯上星期去買燒鵝飯，回到家打開一看，2排的燒鵝肉，份量大縮水，只有1排肉仲要切得比以前細舊，另一排全部都是骨頭🦴‼️‼️‼️‼️‼️‼️非常失望🙍最近發現外賣燒味都默默加價了幾次，希望他能保持質素。

土瓜灣而家又有地鐵又多新樓，開左好多新食市我住係度都試得切！今日首先試下六叔燒鵝先嗌左碟燒鵝髀飯，肥小小肉大大，個皮燒得好香脆，唔會食落好油膩,肉質唔鞋，脂肪小小係皮下面仲有餐湯跟埋，個湯飲完唔會口渴。另外無骨海南雞半隻，隻雞好滑好有雞味半隻雞只係$80真係好抵。下次一定要再黎試下d燒肉，叉燒先得外賣單雙拼一律$39 咁平又咁高質素真係要大推餐廳細細但係環境乾淨，而且服務好好。快靚正返工時間食都好一流