三分俗氣 (已結業)

今日去完新蒲崗探朋友，順便一齊食下飯，因為好耐無去新蒲崗食嘢。住係新蒲崗的友人介紹，話區內有一上海菜，頗有質素，全因爲佢係上海人，就相信佢嚟一試。入到去先點一個「砂窩雲吞雞」半隻，朋友推介呢個係必點之選。上枱見雖然是半隻份量，但都一大窩，有半隻雞、有金華火腿、津白、上海菜肉雲吞，湯底頗濃。叫咗小菜「糖醋魚塊」魚塊肉厚，醬汁不錯，有大量菠蘿，正合我意。仲有最愛的「炸銀絲卷」配上煉奶，當甜品食都得。嚟上海舖另一必食係「韮皇炒鱔糊」，做到汁濃加上鱔糊數量多，好味。飲品有「咸檸七」檸檬夠咸，加上七喜，真係夏日之選。

落著大雨本來想落英記食碗雲吞面，可惜冇開真失望，咁啱上網又搵到一間食評好好嘅街坊上海菜決定去試吓，街坊餐廳環境企理乾淨，新蒲崗亦幾易搵位泊🚗，兩個人lunch點咗兩份午餐，酸辣湯，栗米魚肚羹，上海粗炒，小云吞面，小籠包，擂沙湯丸，重有兩杯飲品，餸上得好快，每樣嘢都好好食，特別係小籠包，皮薄緘靚多汁，酸辣湯大大碗，算足料，酸辣適中，粗炒賣相幾好有鑊氣，小云吞面上到枱絕對唔小，原來我將‘小雲吞’面誤解為‘小’雲吞面，埋單$128平到嚇死人，有機會一定會再去。

今日去開新蒲崗行一田，行到天都黑，當然又係搵食嘅時候啦，知道區內有不少食肆，一定有好嘢食。係OpenRice見有間食上海菜的店舖，又見價錢相宜，就去一試。入內有設置卡位，地方都幾大，仲有電視 直播世界盃睇，正。坐下就叫了一個4人套餐（$498）有一個湯，兩個餐前涼菜，兩個小菜，一個炒飯/麵，一客小籠湯包，仲有甜品。真低食啦！湯叫了酸辣湯，材料有豬紅、木耳絲、肉絲、蛋絲、筍、豬肚絲，豆腐乾絲，非常足料。涼菜選了上海燻魚及四喜烤麩，兩款係上海菜的經典之作，好味。而小菜選了韮皇炒鱔糊，夠曬鑊氣，而另一款小菜選了咸肉津香，金華火腿唔會太咸，帶出津白的甜香，不錯之選。鮮肉小籠包皮薄肉汁四溢，肉味濃郁。最後選了上海粗炒，不會太多油，有冬菇絲，肉絲，菜絲，炒得幾乾身，味道恰到好處。當然要有甜品啦，豆沙窩餅皮酥脆，餡料足，唔會太甜，食兩三件都無問題。

經過新蒲崗，家人有一家比較街坊嘅上海、中菜館。麻雀雖小，五臟俱全，基本嘅上海菜都有，而且味道都唔錯喎😲，價錢仲要幾扺！首先叫咗個套餐，有片皮鴨，仲有小籠包，兩杯豆漿，加埋都只係😂真係街坊價烤片皮鴨被嘅脂肪唔會太多，鴨皮烤到非常之脆、而且有少少焦香，一大碟上嚟嘅時候，忍唔住先食幾塊！鴨肉都係一大塊，沒大大份，配合烤鴨皮，令鴨子肉嘅香味四溢。配菜係青瓜、長香蔥，不過我自己基本上都唔會落香蔥，因為鴨肉、脂肪香味足夠，蔥嘅味道，反而會減低左我能夠品嚐嘅味道。加入青瓜，可以調節平衡，清爽嘅蔬菜，更加可以帶出烤鴨肉香！基本上呢個係一個主食。而且店舖給予我們的份量，比我想像中多！就片皮鴨，相信足夠三個人食用，已經會食到好飽！相當滿足😊小籠包肉餡沒有腥味，而且非常多鮮湯汁。不會有個過量脂肪，皮厚度適中。豆沙鍋餅另外一道非常值得推介小食！我諗，這一點應該是街坊非常喜愛的甜點！豆沙蓉香甜、份量適中,沒有額外加糖破壞平衡。外皮厚度剛剛好，硬度適中、能夠保持咀嚼感。外表烤焦得金黃色、且有漂亮的大小微烤焦圓點。油那控制得不錯，不會過分油膩，奪取味道。咬下去的時候，豆沙蓉會先湧出來🤪冷、熱豆漿

這間上海菜館之前同事食過，話覺得個小籠包好好味所以今次放工後，幾個同事約埋一齊去食!餐廳離公司不遠，位於新蒲崗的住宅區位置，名字十分有趣，叫 "三分俗氣"，不知餘下的七分，所指是甚麼門面不花巧，掛了一些餐單及套餐作招徠，簡單而直接，很明顯是做街坊生意有片皮鴨呢...不過要預訂先有得食蟹粉系列都幾吸引，不過咁啱有個同事對海鮮敏感，唯有下次再試餐廳設有二人、四人、六人餐，抵食之選但我地3個人，好似比較難搞，本身想點二人餐加一些小菜，但是我地又想食腌篤鮮....所以唯有散點雖然已經係食晚飯時間，不過個天仲係幾光猛，在街上行都會覺得好熱....所以坐低後大家都忍唔住，點左杯豆漿先豆漿香濃，不過可能我自己平常飲開無糖的熱豆漿，所以會覺得稍甜不過同事就覺得剛剛好上海菜的冷盤涼拌選擇十分多，我地揀左一款素食、一款葷類四喜烤麩內有 毛豆、雲耳、冬菇同烤麩，這裏烤麩不是整齊的，不知道是否用手搣成小塊，如是的話，就真的是功夫菜了因為用手搣係入味好多，烤麩鹹中帶甜，是很經典的上海菜味道俗氣醉雞那份酒香醇厚撲鼻雞肉出水後再用酒醃浸，肉質嫰滑，酒香味滲入到骨子裏呢!!不愧為招牌菜腌篤鮮以前到上海菜館，一直都不知

朋友鍾意食上海菜，適逢係佢生日，聽同事講呢間上海餐館唔錯，食物傳統正宗，於是就約咗去呢度食晚飯。呢晚我哋叫咗個六人餐再散叫咗其他嘢，先嚟蒜泥白肉，白肉唔嚡唔乾，加埋底下嘅粉皮，索晒啲醬汁同蒜蓉，好滋味。四喜烤麩有啲毛豆同雲耳，最怕啲烤麩又乾又唔入味，呢度嘅好入味，烤麩煙煙韌韌，好開胃。上海燻魚做得外脆內軟，唔會炸到好乾，仲食到魚鮮味，同樣做得好入味，好正! 酸辣湯好足料，有荀絲、豬紅、冬菇、豆腐乾、蛋花等，飲落夠酸夠辣，由於湯頭唔係好杰嗰種，飲落好順好舒服。芙蓉賽螃蟹係撈飯之選，炒得滑滑嘅蛋白再加上香濃滑漉嘅蛋黃，簡單又美味。韮王炒鱔糊炒得好香，除韮菜香，黃鱔亦好鮮味，完全食唔到腥味，份量都唔少。崧鼠桂魚嘅桂魚香脆鮮味，魚肉嫩滑，醬汁酸酸甜甜，加埋松子同雜果，好送飯呀! 燴炒土豆絲即係炒薯仔絲，同平時食薯仔又淋又粉嘅感覺好唔同，食落清新爽脆。燻蛋嘅蛋白充滿燻料味，好香，蛋黃仲係溏心，食半隻真係唔夠喉，但因為叫咗好多咗嘢食，所以無encore。回窩肉粗炒喺出面好少見，回窩肉炒得乾身又香，粗炒辣辣哋好惹味，成碟好有鍋氣，我哋極速掃晒。闊佬炒飯炒得香口乾身，食到粒粒蝦仁、蝦米同菜粒，清清哋但

今日3個人去食晚飯，一開始問佢有冇片皮鴨，個員工問我地有冇訂，我地答冇！佢就話要訂至有！好！唔緊要！本來都係碰運氣！當我地點好野食後，隔離來左一枱5人，佢地都係問有冇片皮鴨，個員工照答要訂至有！咁個客就話，我打來問過話會有，之後個員工就同佢講我去問下！點知返來既答案係有！我心裡，有冇攪錯！我地問你就話要訂至有，人地講多我地一句就由冇變有，好過份！而家係咪覺得我地人少，所以食唔起呀！仲要係連續2大枱問都有！成餐飯一肚氣！一定唔會再幫襯呀！話知你好食到飛天啦！

小米下午不用上課，到這邊遊玩，全家順道在附近晚餐。在路邊，小米發現奇怪的字：三分谷氣。　心想：教仔／湊仔當然谷氣啦！對著小米，係十分谷氣至真！小米你玩野呀！再看清楚，是三分俗氣，上海餐館。店門放有餐牌，圖文並茂。而在小米心中，上海菜＝小籠包，豆沙鍋餅。既然小米不抗拒上海菜，全家就在此晚餐。就座後，來到最重要的事：選擇食物。小米選了喜歡的上海粗炒，豆沙鍋餅，自己喜歡的鱔糊，醃篤鮮，小米之父要啖啖肉的獅子頭，份量就剛剛好。 鮮肉小籠包　到上海餐館當然要來一份小籠包！皮薄餡靚肉汁多，是基本要求。小米想嚐試以筷子夾取小籠包，但技術不夠純熟，小籠包內裡的精華都流出來了！即是爆左。只剩下肉餡和面皮。自己當然會小心翼翼地享用小籠包，放涼後，才加上陳醋，一口一件地品嚐。　其實小籠包還可加入其他食材。蟹粉小籠包，就是下一個目標。　 紅燒獅子頭　大肉丸，大波波，豬肉絞碎後製成大肉丸，煎炸過後變為啡色，好似雄獅的鬃毛。　天真的小米問：點解唔叫獅子頭上果D毛？　看來小米跟<文雅>二字，相距甚遠。小朋友的思想係好直接。　獅子頭肉質十分鬆化，不起膠，無撻過。因為超鬆化，無需用手力即可分件，亦無需太

去新蒲崗上完yoga堂後，路經三分俗氣，覺得名字好特別，仲見到蟹粉系列promo在呼叫我，於是跟朋友入去試下。小店都坐得幾舒服，有sofa位。茗茶$2位，茅根竹庶水($12/杯)，好清甜下。蟹粉小籠包($60/4隻)小籠包好飽滿，皮夠薄，又有好多蟹粉蟹膏，非常有水準，大滿足！溏心燻蛋($25/2個)的燻味可以再重些，但溏心部分做得不錯，半凝膠的狀態很美味。毛豆冬菇燒素雞($55)，毛豆即係日本枝豆，平時已經好鐘意食，同冬菇煮又好夾，炆得好稔又入味。而食素雞口感不太似雞，不過又幾健康。蟹粉豆腐羹($128)金黃色的蟹粉豆腐羹很吸引，好多蟹粉在豆腐羹裡漂浮，味道很清甜，有蟹味，濃稠度適中，不會很水，也很大碗。令人很滿足的一頓上海菜。椰茸煎芋餅($38)圓形的芋餅裡面是有豆沙餡的，吃起來蠻特別，不會像豆沙窩餅那麼甜，芋餅很有咬口，像湯圓皮一樣，是不錯的甜品。

跟朋友係新蒲崗附近買完模型，見餓餓地都費事行返去黃大山了，就係呢邊開埋餐先。行過見到店名幾有自嘲意味，就一於入黎睇下有幾俗。打開餐牌都係上海菜就點指兵兵，嗌左以下呢幾樣。三鮮炒年糕有蝦／火腿／津白配年糕。味道算係中規中矩，加返啲辣椒醬去提味會好食。年糕入口軟身，可惜係蝦仁偏散硬，令整體不太配合。炒鱔糊。艽菜同鱔魚比例大約各一半所以食落唔會好膩，味道偏甜一點適合餸飯/麵或者包，唔好晒左個汁。而鱔肉爽口,粗幼適中，大約係筷子般大小所以咬口覺不錯。艽菜只用上白色部分所以食時左香口亦帶點业甜。素鵝卷。食落發覺同飲茶時食嘅腐皮卷如出一徹，但調味就濃一點有多點嘅燒烤味道。入面材料有蘿蔔絲／白菜絲／金針菇等，所以食落口感都幾豐富。素菜包。本身想食呢度嘅生煎包，點知朋友落錯左。既然送左黎就食埋啦，味道淡淡地但食得出係即叫即蒸所以個包好鬆軟。內餡有冬菇／艽菜／白菜／椰菜等，食落都有好香胡椒味道，減低左蒸菜包嘅草青味。唔錯。整體食嘅都唔錯，店員又會跟顧客談笑風生境氣氛造到幾融洽。三分俗氣得黎，包含七分鄰里感覺。

今天老公在新蒲崗工作，我放工去會合他食晚餐，新蒲崗都有不少食店，正在諗緊食乜，就看見一間店名叫三分俗氣氛，名字有點怪，行去了解一下，原來是食上海菜，門口有餐牌，價錢公道，老公說不防試試，我也喜歡食上海菜，那麼我們就入座了。自制鮮豆漿：天氣炎熱，入座後立刻叫杯豆漿解解喝，豆漿豆味香，不會太甜，健康的飲品。足料酸辣湯：用料豐富，有豬肚、木耳絲、蛋、笋絲、豆腐等，酸辣度適中，好味！招牌鮮肉小籠包：皮薄餡鮮多汁，豬肉程粉紅色，表示用新鮮豬肉做成，味道較鮮甜美味。台式煎窩貼：台式窩貼餡料蔬菜比肉多，兩邊煎到金黃色，香脆可口。蝦仁兩面黃：麵炸得好脆，材料有蝦仁、白菜、芽菜仔、菇等，再打返個玻璃獻汁，味道調得美味，麵卜卜脆有口感，不錯。大排粗炒：有穫氣，麵條彈牙，用豬排、白菜、冬菇、笋等材料，加上特製醬料炒成，十分惹味！雪山高力豆沙：即叫即做，上枱還是熱的，軟綿綿的高力豆沙外層灑上糖霜，入面餡料豆沙甜美的，飯後甜點，不能缺少！

新蒲崗？？我同A姐真係好少去，但朋友介紹嗰度有唔少高質嘅餐廳選擇，我哋今日就去咗食上海菜，呢間三分俗氣雖然外表普普通通，但食物質素好有驚喜。而食上海嘢又點少得我最鍾意嘅小籠包呢？但A姐就最鍾意生煎包，每款都係4大隻，邊度食得晒，如果二揀一，點揀呀？皮薄多餡，但真係要小心食呀，因為真係好多湯汁，A姐就唔小心燙親口喇！所以要先啜晒啲湯汁，再慢慢享受湯包入面嘅豬肉餡料，好鮮味呀。生煎包係A姐嘅最愛，A姐就係鍾意生煎包皮脆，入面同樣有好多肉汁，肉嫩！另一個必食推介！份量十足，夠晒鑊氣！材料有豬肉、青椒等，同埋食回窩肉最愛嘅豆腐乾！食落唔太油膩，好好味。呢度嘅擔擔麵花生醬味香濃，但好似鍾意食辣嘅A姐就覺得可以加重辣味喇。食到層聲叫多個豆沙鍋餅，豆沙好熔，外皮好脆，真係食唔停口。

三分俗氣-新蒲崗平民小店多，便宜又有水準，間中行開見到新店定要多多支持，吃貨就是有顆心。小籠包$36 4隻試手勢，皮好薄隱若見到心間的肉餡同湯汁，咬開吸湯好甜。溏心燻蛋$25兩隻，其實我好鍾意食蛋，之前怕膽固醇但原本飲食中影響不大，當然要點啦，蛋黃半流心味濃，蛋白有股燻香氣。蘿蔔絲海蜇$45 開胃前菜，爽口多水份有麻油香迎夏日清炒時蔬$48要了跟蒜蓉，出街食有菜先健康。$82 杭州老蛋紅燒肉，肥肉長時間煮後入口即溶，仲好多份量架，汁甜甜好下飯$42三絲冷麵，又是涼快降溫的，紅蘿蔔，搞青瓜絲同火腿絲，麻醬香口惹味，冷麵又可嚐到爽身彈牙$38 椰茸煎芋餅，食盡天下甜點的我是第一次吃，煎到好香脆又熱乎乎，芋泥加了糯米粉好qq，中心有紅豆泥，無論多飽一定一定要點！抵食大件的小店

今日熱屎辣辣，流咗勁多汗，個人都冇咩能量，所以一收工即刻同個同事去附近搵嘢食～由於太肚餓，所以我地兩個女人仔都決定要食啲飽肚嘢嚟填下肚！行下行下就嚟咗依間「三分俗氣」～大家見到係上海嘢都二話不說入去坐，再二話不說咁一人一杯凍豆漿！餐牌勁多嘢可以點，最後我地揀咗幾樣嘢「些牙」食～首先嚟個冷盤小食雞絲粉皮，份量唔錯，啱兩個人一齊食。味道同出面正宗上海菜一樣，而且花生醬份量適中，唔會太濃味。之後就有個茄子燒魚塊。啲魚塊大大舊，好有口感，同茄子一齊煮，味道好夾，始終中菜口味係啱香港人食！跟住就有個蔥爆羊肉配薄餅。平時食上海菜最喜歡叫蔥爆xx,今次都唔例外，味道係水準之上，配埋個「片皮鴨」專用嘅薄皮，真係幾match！最後仲叫多個自家制樟茶鴨。係鴨脾嚟架！好正！而個鴨肉煮得好乾肉，一啲都唔油膩，點落啲醬汁到非常好味！而伴碟仲有幾個包仔，用嚟夾埋鴨肉食真係一流！估唔到平時返工放工有間咁正嘅上海菜，睇嚟之後啲公司gathering dinner唔使再煩去邊食嚕！

For what it's worth, the Shanghaiese restaurant strikes the right balance of value and food quality. The pork xiao lung bao is quite good and just 36 dollars, possible one of the cheapest legit ones I've seen for a while. The sheng jian bao is also the same price. The location is 10 mins walk away from Diamond Hill station, and we came here hungry and left very full. Very good value!