三分俗氣 (已結業)

晚餐想食上海菜，男朋友search左間都多好評的三分俗氣，位置比較山卡啦，黃大仙地鐵站行過去10分鐘左右。夜晚7點幾，幾乎已經full哂，剛好有張2人枱，唔洗等位。蟹粉小籠包最期待的蟹粉小籠包，卻感到很失望。一籠要$60，性價比低。塊皮係造得好，夠薄身，夾起食唔會好易穿，但食落蟹粉味不重，裡面湯汁亦偏少。同鼎x豐的蟹粉小籠包比相差好遠，食過就明白！螞蟻上樹粉絲口感Q彈，不過偏油膩，個人覺得不夠辣、不夠惹味。秘制話梅骨酸酸甜甜，味道剛剛好，十分開胃，不過排骨煮過龍，肉質比較鞋。清真牛肉餅餅皮煎得脆口，但個餡完全食唔出係牛肉，而且好油，食完要即刻飲返杯茶！餐廳環境衞生差，地下好油咁，真係好易跣親，步步驚心！

剛好又在新蒲崗出沒，沒猶疑的要到三分俗氣吃餐平靚正的上海菜。光顧多次，還是首趟上二樓，原來別有洞天，偌大的大廳，12人的轉盆大餐枱，真是失敬失敬！鎮江水晶肴肉 $50，涼菜是老公大愛，入口清涼，肴肉咸香。俗氣醉雞 $62，還是涼菜 😃😃，雞肉滲滿酒香，例牌份量，超抵食。咸肉津白 $62，津白吸滿了咸肉湯汁，香滑腍甜，好味到停不了口。剛好早幾天吃了個很差勁的津白，這碟倍覺滿意😍。足料酸辣湯每窩$55，湯底鮮味，酸辣均衡，味道不錯。可惜有我不吃的豬紅，所以未能暢快大喝！招牌鮮肉小籠飽$36有4隻，皮薄有彈力，看到在溜動的湯汁！豬肉鬆化鮮味，一口一隻，味蕾享受。🖒招牌鮮肉生煎飽$36有4隻，皮底煎得香脆，內有大量肉汁，上枱後要快吃，避免肉汁被吸掉，但要小心肉汁太熱會灼口。雪山高力豆沙$38，每次都會點的甜品，材料簡單但工序繁複，還是出外食比較化算。😁😁鹹檸七$20，消滯解喝透心涼！自制鮮豆漿 $12，豆味濃郁，自制感覺無添加，飲起來較安心。三百幾元，滿枱盛宴！小店大廚在民間，小市民的福氣。😎😎

新蒲崗離開商場後，餐廳多以小店形式經營，其貌不揚，實質臥虎藏龍。早曾聽聞上海菜館三分俗氣由名店大廚主理，點心尤其出色，自己亦很喜歡食小籠包生煎包之類的包點。小店價錢不設加一，十分抵食。俗氣醉雞用上店名作為菜名，應當是招牌菜式。花雕酒酒香滲透入雞肉裡面，肉質細嫩清香，與花雕配合得天衣無縫。足料酸辣湯號稱足料酸辣湯，木耳絲荀絲蛋絲豬紅的確很多，酸辣味與一般上海店比清淡，不會一味只多放黑醋。溏心燻蛋溏心燻蛋帶有淡淡煙燻味，蛋白凝結而蛋黃呈流心狀，蛋黃黏口濃杰。上海韮菜餅韮菜餅一客四件，其中一邊開口，可以清楚見到爆餡韮菜及綴上蛋絲。韮菜餅出其地薄脆，猶如食薯片一樣，一人兩件實在不夠，下次應叫每人一客。蟹粉小籠包蟹粉小籠包內有蟹黃、蟹肉及鮮肉，蟹肉的鮮甜味與豬肉完美配搭，封存在透薄的麵粉皮內。一咬之下，湯汁不會過多，鮮甜味美。咸肉津白咸肉可以釣出津白清甜味，此菜清新爽脆，比一般廣東炒菜來得特別。雪山高力豆沙甜品叫了一客雪山高力豆沙。高力豆沙即炸，外表挺身不會過於鬆軟，豆沙比例合適，味道不太甜，蛋白鬆軟有彈性。

同朋友行開九龍城，今次吾想食泰國野，咁就上Open Rice搵食啦，而新蒲崗因爲是舊區，所以知道依頭不嬲都多隱蔽小店，而今次比我發掘到有一間滬菜小店。 蟹粉賽螃蟹🦀️ $158經典滬菜菜式；將蛋白炒成蟹肉的質感，可惜蟹粉味道不夠濃郁，整體吃下去比較淡。京式片皮鴨 $268（包括一客小籠包及豆沙鍋餅）麼麼皮不會太厚，原隻片皮鴨能夠片到2碟出來，入口啖啖油脂甘香。配上青蔥及青瓜一起吃，更可減低油膩感。蟹粉小籠包 $60 @4隻新鮮熱呼呼出爐，咬下去雖然蟹粉味不夠甘香，但充滿龍龍的豬肉高湯，令人欲罷不能。豆沙鍋餅 $36 @8小件每次滬菜總要點一款甜糖作為終結。這是一樣中式的薄餅甜點，炸得剛好，色澤金黃，如果豆沙能多一點就更好。

招牌鮮肉小籠包 $36一客四件，皮薄薄的，又帶點韌性。內裡的肉和肉汁是滿滿的，食落暖笠笠又好香。夾起時技巧不好，眼看要穿，但個皮又頂到喎，勁！味道同我响上海食到的有得比。結論是，每人兩隻是不夠的，我想打十個 😆。滷水牛展伴海蜇$55是冷盤，牛展好有牛味，但略嫌乾左少少。海蜇有調味，爽口、彈牙、好食，中間仲加左蘿蔔絲，增加口感。兩者比較，我鐘意海蜇多D，朋友就大讚牛展。份量不少，呢個價錢好抵食。自家製樟茶鴨（例牌）$65鴨做得很乾身，皮是乾是脆的，鴨偏瘦，沒有多餘油脂，鴨肉很嫰很香。雖然其貌不揚，但卻十分好味道。點埋甜醬仲正，少少都夠架啦，吊下味啫。伴住隻鴨有幾個蒸包，係饅頭D friend ； 甜甜地幾鬆軟。同小籠包一樣，呢碟樟茶鴨我俾滿分，列入我回頭必點的項目之一。蟹粉賽螃蟹伊麵 $168一般食的賽螃蟹係無蟹架！都不知俾佢昆左幾多次。但呢間呢，係堅有蟹架！係濃濃的蟹粉，仲有少少蟹肉，香到隔離枱都望過嚟呀！呢碟一定要襯熱食，好滑的蛋白，加上滿滿的蟹黃舖面，底層仲有入味的伊麵，幸福感爆燈。份量好多，而且夠飽肚，兩個人其實食唔曬的，可以多幾個人 share 都得。自製鮮豆漿 $12大杯抵飲

小弟除了喜歡吃薯條、芝士等食物外, 其實也頗喜歡食小籠包, 每逢去台北旅行, 必定會去食一轉小籠包。而係香港, 我亦不時會搜尋各地出名的小籠包去食, 今次就見到有雜誌介紹而特別去新蒲崗的「三分俗氣」。呢間餐廳主要食上海菜, MENU有非常多選擇, 喜歡食好西的人, 真係會有選擇困難症, 樣樣都想叫黎食。而今次亦因為有幾位朋友一齊食, 所以都真係叫左好多樣野食。首先食左口水雞, 唔算太辣, 反而香料味好夠, 份量亦多, 重點係佢夠多花生碎同芝麻, 為呢道菜生色不少。前菜亦點左蒜泥白肉。味道偏甜, 而五花腩肥瘦度合適, 又爽口, 加上用粉皮墊底, 吸哂味道, 非常好。然後當然有點小籠包啦, 皮薄多汁, 肉質鮮甜, 係香港平民店黎講, 呢度的小籠包真係做得算唔錯, 值得一試。另外有一道菜係有驚喜的, 就係上海韭菜餅。呢度係薄煎餅的樣子, 非常香脆, 食落去口感很好, 韭菜味亦十足。然後點了一道主食, 就係蟹黃賽螃蟹伊麵。首先, 蟹黃份量很多, 真非常香蟹味, 另外賽螃蟹用料亦十足, 真心推薦。另外亦有一道主食, 係三鮮上海湯年糕。上海年糕與我們平時新年食的年糕是完全不一樣, 上海年糕是白色的

Shanghai food is one of my favourite Chinese foods. I heard that this restaurant has variety of selections and the taste was good. San Po Kong is a bit far for me but there are many transportations such as buses, mini buses, or MTR to nearby stations. It was not hard to find. The entrance looks like local Shanghai restaurants in shanghai. Some menus are shown outside to attract customers. And it could really attract me with the Peking duck set. Of course, I started with 小籠包. The skin was not too

今日晚上同朋友係新蒲崗附近嘅工業大廈上yoga，上之前當然係醫肚嘅時候呀。附近其實都有唔少餐廳，咁岩朋友家鄉係上海，我就大膽問一句，不如試下上海菜啦。朋友一口答應，於是我地就黎到呢間 三分俗氣 食啦。入面地方都好闊落，主要都係卡位為主，可以有自己空間，傾計都方便d呀。餐牌菜式都好多，傳統上海菜應有盡有，亦有2、4、6人餐。朋友因為對烤麩情有獨鍾，所以我地決定散叫。我地都叫左幾個餸，包括蟹粉小籠包($60)、四喜烤麩($45)、自家製樟茶鴨 - 例牌($65)、蝦仁兩麵黃($75)、雪山高力豆沙($38)。蟹粉小籠包($60) 賣相幾好，一咬落去d湯汁漏出黎，帶住濃郁嘅蟹鮮味。蟹粉比例都算高，夠重味，而且皮薄得黎又唔會一夾高爛，幾好呀！四喜烤麩($45)係朋友至愛，話每次食上海菜必食咁話。呢度四喜烤麩帶有毛豆、冬菇同雲耳。烤麩質感比較煙韌，並非一般食到個種鬆軟無口感嘅烤麩，而且非常入味，味濃帶香醋嘅酸，非常開胃。雲耳亦整得軟淋入味，唔需要額外點汁已經夠味。自家製樟茶鴨 - 例牌($65) 就真係幾出色，帶有陣陣樟木同茶香之餘，表面再經油炸過，食落表皮非常香口，肉質卻入味而嫩滑。配搭淡味嘅

呢間上海菜，超正宗！👍🏻餐廳有上海王家沙的大廚坐鎮，以平民級數既價錢記食到好西，我最愛！💕招牌小籠包（$38@4）輕輕一咬肉汁爆發，肉感又滿滿的，非常滿足！😋🦀蟹粉賽磅蟹伊麵（$168）極有蟹肉鮮味，每啖伊麵都食到蟹粉同蟹肉既鮮香，值得推介！👍🏻🍗口水雞（$62）辣中帶有小小麻，幾令人上癮！辣度無預期中咁勁，食得微辣既朋友仔都會食到啊！雞肉肉質很滑很嫩，非常好味！窩貼煎得金黃香脆，餡料都好足，口感夠豐富！

好耐冇食上海菜啦，見到有報導推薦三分俗氣就專程嚟新蒲崗試下。蟹粉小籠包（$60/4隻）：食上海茶點可以唔叫小籠包！每隻小籠包都勁多肉汁！而且皮好簿，唔會食到成口粉。四川紅油抄手🌶（$45）：好耐冇食到抄手啦，見到有梗係要叫嚟食下啦！辣油量好足，雖然得一隻🌶但個麻辣味都好強勁，啱曬鍾意食辣嘅人。杭州鹵蛋紅燒肉（$82）：紅燒肉係用半肥瘦嘅五花腩整嘅，肥大肉厚，啲肉炆到好淋，每一塊都沾滿咸咸地嘅醬汁，送飯一流！自家製樟茶鴨（例牌$65）：今次係我第一次食樟茶鴨，見到有碟醬跟住個鴨一齊上就試下沾醬食啦。原來係甜醬，配埋個饅頭一齊食，鴨皮脆，饅頭軟，都幾有特色。砂窩鹹肉菜飯（$68）：一開蓋就聞到好香！唔好見到面頭果幾塊鹹肉就以為得咁少，個茶飯都有啲鹹肉切碎左一齊炒，飯粒粒粒分明，！估唔到新蒲崗都有啲咁正嘅上海菜，想食上海菜可以嚟try try!

當屋企附近既餐廳想試的都試得七七八八既時候，就會誇前一步，行遠少少黎到新蒲崗啦！其實我都幾喜歡去d舊區既小店搵食，貪佢經濟d又多一份人情味！行下行下比我發現左呢間食上海菜既小店，入到去見人頭湧湧，好彩原來有兩層的...呢間雖然係小店，不過選擇都唔少喎...豆漿 HK$12/杯呢度茶位只係收兩蚊個，所以我地都捨得另外再叫多杯豆漿飲！因為有d餐廳茶位收成十蚊個就未必捨得另外叫野飲，乾脆只飲茶好了...溏心燻蛋 HK$25一直也很愛食溏心蛋的，貪佢個蛋黃食落夠Creamy, 口感獨特～奶油津白 HK$55濃濃奶油香，食落又滑又清甜，感覺好 清新呀～ 蟹粉小籠包 HK$60蟹粉小籠包皮薄爆汁，值得一讚係蟹味很出～砂鍋雲吞雞（半隻） HK$98超足料既砂鍋雲吞雞用左半隻雞加六粒雲吞，仲有大量娃娃菜同金華火腿淆製成的！個湯超級清甜而且帶少少鹹香！雞肉雖然煲過湯，但雞髀肉位置仍然好嫩滑！我地一人飲左成三四碗，飲到一滴都冇，哈哈～自家製樟茶鴨（例牌） HK$65樟茶鴨係以樟木和茶葉為燃料薰染出來既鴨子！薰烤出爐既樟茶鴨，須再經一道過油鍋既工序，令外

之前食過一次都ok嘅，但今日就有啲火光!午餐嘅選擇之一，係三絲冷麵，但嚟到時火腿絲同雞絲數埋都唔夠10條，想點呢請問?而且碟麵份量幾少吓，真係有啲激心同行叫嘅呢碗就正常得多，份量仲係食唔晒，味道就不過不失啦～再嚟就係呢個細路掌心都大過佢嘅牛肉煎餅，話晒都15蚊個吖，仲貴過九龍城清真，唔好咁好嗎？牛肉餡亦唔見得豐厚，另外其實仲有小籠飽，灌湯程度Ok,但啲肉唔係好新鮮咯，$22/3粒唔好咁啦好嗎～其實菜飯果類正常得多，就算再嚟都要警剔吓自己唔好食以上項目咯…

就快搬離新蒲崗區，但附近有啲餐廳都從未食試過，決定逐間一試。呢間上海店，店名都幾特別，但店內食物就幾傳統。老公最鍾意食生煎包，估唔到一客有四件，而且每個都大大個熱辣辣。我就突然間好想食乳鴿，鑊氣都幾夠，炸得幾香脆。砂鍋雲吞雞，分量十足，只係細份都有接近半隻雞同六粒雲吞，兩個人絕對食唔晒。作為小菜的咕嚕肉都冇失禮，酸酸甜甜甘，好開胃。至於擔擔麵，湯底唔錯，有麻醬同花生的香味。但麵條就稍為硬左少少，要咬多幾下。食物整體都不錯，勝在分量大而且價錢親民，確係唔錯的街坊小店。

新蒲崗雖然地理環境不太方便，但是也有各式各樣的美味食物可以選擇看到生煎包、小籠包，吸引了我們進去食生煎包一咬開就爆湯出來，湯的味道跟小籠包的湯有點像蟹粉小籠包同樣都是小籠包，不過多加了蟹粉，多了一點點的蟹味小籠包肉汁豐富，皮的厚度適中，好滿足擔擔麵一點也不辣，最嘉歡擔擔麵帶點麻醬的味道，增加食慾粟米羨煲仔菜飯上面有幾塊腩肉薄切，飯粒粒粒分明，菜和飯的比例適中。吃下去每啖飯有少少油香，又有菜的味道～

行完新蒲崗有個M字頭嘅商場，行到差不多三點，有啲肚餓，出去橫街窄巷四周圍搵嘢食，亂打亂撞見到依間鋪頭名幾得意，入去試吓先，見到有個開放式廚房喺度煎緊生煎包，就叫左幾個黎食，生煎包底部好脆，上邊係軟林林既麵包質地，而且裏邊好多肉汁及好大舊豬肉，味道平均唔太鹹，值得一讚，行開依頭可以嚟食生煎包，我地兩個人叫咗八個生煎包加2⃣️杯豆漿，但係豆漿就麻麻哋冇豆味但係好在唔太甜，超級飽及非常好食，好有罪惡感，其他野就冇試過