三分俗氣 (已結業)

成日都想去下D細既社區搵食,D餐廳又多又好食但係就冇咩人知~係新蒲崗麗斯附近就見到呢間三分俗氣 個名都幾打耳架喎!係食上海野既,我同屋企人出黎食飯,就食D大家都0岩既上海野啦~佢最出名係小籠包我地就叫左個有蟹粉既......嘩!!!一食都係不得了,應該係我食過最多蟹粉既一間!好香蟹湯如果唔洗keepfit我真係會食10個!到而家諗起都流口水!小食我地叫左醬汁茄子同雞絲粉皮雖然係出面上海野都食到,但佢地整得好好味,特別係茄子!一D都唔油仲好香好實淨~不得不提就係賽磅蟹,又滑口,同炒假一齊食真係絕配~講開個飯,咸肉點解可以咁香架菜飯一D都唔油又爽口!健康之選仲有呢個毛豆百頁,個湯汁好濃,夾落一條條百頁人似麵咁!!一D都唔會漏食上海野不得不飲既就係豆漿!一個字!正!夠凍又有豆味~

是日為好友慶生,相約在新蒲崗三分俗氣坐定定,睇野食我地點左一個6人套餐,入面包括有酸辣湯,崧鼠桂魚,上海燻魚,蒜泥白肉,四喜烤麩,韭菜炒鱔糊,芙蓉賽螃蟹,熗炒土豆絲,濶佬炒飯,回窩肉粗炒,高力豆沙.見到人地整小籠包,所以再加一個蟹粉小籠包,溏心燻蛋酸辣湯---辣辣地好醒胃呀上海燻魚--幾好食,個汁都幾好,條魚夠脆,一下咬落去都有魚香蒜泥白肉--蒜蓉好香口,再配合埋粉皮,白肉,一流四喜烤麩--餐前小食都幾好蟹粉小籠包--唔好穿呀,一口咬入去,熱湯必晒出黎正呀,仲有好香既蟹粉味溏心燻蛋---好香口呀,流心崧鼠桂魚--條魚都幾大條,炸完真係連頭都食埋呀.仲有D雜果同崧子,個汁都好好,醋既酸唔會太多但可以醒胃韭菜炒鱔糊--夠晒味呀,鱔好正,同埋個量都好多芙蓉賽螃蟹--蛋白滑,蟹夠香口,正呀熗炒土豆絲--少少辣夠晒醒胃濶佬炒飯--炒得夠乾身,好正好好食回窩肉粗炒--炒得幾好,回窩肉唔係好肥,再配合埋D菜食幾好高力豆沙--入面好熱既豆沙襯埋外面糖粉一起吃,甜在心頭

今日同朋友食生日飯,新蒲崗多平靚正野食所以去左三分俗氣入門口店員安排左坐低就俾左茶我地幾個人就叫左個6人套餐先我地要左酸辣湯,崧鼠桂魚,上海燻魚,蒜泥白肉,四喜烤麩,韭菜炒鱔糊,芙蓉賽螃蟹,熗炒土豆絲,濶佬炒飯,回窩肉粗炒另外再加一個蟹粉小籠包,溏心燻蛋,仲有高力豆沙蟹粉小籠包--夠晒熱呀,D蟹粉都好香口溏心燻蛋--一野放晒入口慢慢流入口中,正呀上海燻魚--整得幾好食,個汁幾入味蒜泥白肉--撈下佢,連粉皮一起食酸辣湯--個味幾好,辣辣地夠晒野味四喜烤麩--個質地幾好,都夠清韭菜炒鱔糊--好香口,鱔香味,D韭菜都好香芙蓉賽螃蟹--混合埋隻蛋,蟹味唔錯咁食熗炒土豆絲--辣辣地都夠乾身幾好食濶佬炒飯--望落去唔太多料其實有方魚,食落好好味好香口回窩肉粗炒--唔會好咸夠晒味,咁炒正呀崧鼠桂魚-全晚最正一碟,真係個味正,連埋D汁酸酸地好入口,崧子都好香呀高力豆沙--入面熱辣辣既豆沙,好好味呀

今日與朋友行新蒲崗，見三分俗氣門口的二人套餐$238，都幾吸引扺食，於是決定試嚇二人套餐。餐廳都是卡位式設計多，整齊舒服及比較寛敞。二人套餐$238。二人套餐可自由選擇由餐廳提供的幾款菜式。我們選擇了粟米魚肚羹，花雕醉雞，蔥爆牛肉，回鍋肉粗炒。粟米魚肚羹。粟米魚肚羹十分綿密，粟米碎開，但又不是太碎，魚肚𢇁一條條，粟米令整個粟米魚肚羹更清新鮮甜。魚肚有骨膠原，令整個粟米魚肚羹又有口感又好味又有營養。花雕醉雞。花雕醉雞顏色金金黃黃，上枱已聞到幽幽的酒香，雞肉嫩滑，帶著酒香，不錯的花雕醉雞。蔥爆牛肉。整碟菜非常夠鑊氣，夠香口，蔥爆牛肉，京蔥非常香口，牛肉帯著炒的香味，與京蔥斉食，非常惹味。回鍋肉粗炒。回鍋肉大大件，十分足料，椰菜十分爽口，與粗麺斉食，真是又有口感又好味。我們追加了紅燒乳鴿$48。嘩，金金黃黃的顏色見到已令人垂涎欲滴，乳鴿皮雖然不脆，但乳鴿味夠濃，夠入味。十分推薦這款紅燒乳鴿。招牌鮮肉小籠包四隻$36。餐廳極爲推介的招牌小籠包裡面滿是湯汁，肉味夠鮮，真是不枉爲餐廳招牌特色美食。

平時lunch幫襯，我多數食牛腩麵，最鍾意係個湯底！超正超好食！今日個湯底認真失色，淡而無味牛腩都比較硬，真係好失望呀！小籠包個樣睇落都好差，蒸到扁哂，又係失準青瓜第一次試，味道都好，青瓜新鮮又脆口茄子都係第一次試，都幾好食賣相都幾靚希望只係偶然失準啦，呢區嚟講我最鍾意食三分俗氣架！希望加油做好啲

今日難得經過去新蒲崗，本人又本身鍾意食上海菜，所以，就嚟到呢一間叫做三分俗氣既餐廳。一開始，我都覺得附近環境好似好污糟，但入到去就完全打破我嘅印象。一坐低我哋就叫咗一個招牌鮮肉小籠包，佢有四隻，價錢都算合理，咬落去肉質爆出嚟，但係我略嫌小籠包皮比較厚。除此之外，我哋仲叫咗一份招牌鮮肉生煎包，佢濺到個包金黃色，肉質亦都係爆曬出嚟，我本人覺得呢個係非常好食，值得一試。👋因為我同我朋友都係鍾意食啲煎炸野，所以，我哋叫多咗一個餐廳推介嘅台式煎鍋貼，佢有六隻，算係非常多，價錢亦都係非常合理同埋抵食，咬落去脆卜卜，超好食。食上海野，梗係要配一個北京蔥油餅啦😜所以我哋叫咗一個蔥油餅，佢揸得金黃色，食落去蔥嘅味道好濃郁，但係我略嫌有少少肥。😜食上海野我哋通常都會叫上支啤酒，今次佢哋呢間鋪頭有好多唔同品種嘅飲品，我哋就冇事先豆漿，反而就叫左一瓶藍妹嘅啤酒，估唔到藍妹啤酒配煎炸野係咁正！👋食上海野梗係唔少得冷盤啦，我哋就叫咗一個俗氣醉雞，海蜇，仲有三絲粉皮，全部我都覺得可以接受，尤其係醉雞，我覺得啲雞肉好新鮮，亦都好多肉。由於佢哋間餐廳都好出名一啲麵食，所以我哋就叫左一個比較差嘅，菜肉雲吞面，我就略嫌啲雲

同朋友由新界到來試食，感覺良好。因本身是素食者，所以點了四款小食一試。年糕本身沒有甚麼味道，但加上辣椒醬(不知是否秘製)，一流。入面很多菜絲，冬菇絲。店員即場蒸熱，一拿出來，香噴噴。一打開個麵包皮，雖然不會好像那些肉包一樣，有肉汁流出，但也有一陣香氣香氣直噗入鼻。一吃下去就知道是他們自己整的，因為那些菜餡不是一塊塊的，而是一絲絲的，自己切才有這個效果。驚喜。 外脆內軟的腐皮，夾著胡蘿蔔絲，香菇絲。並不油，這才是重點。這個比較遜色，汁十分濃郁(配上兩碗白飯也可以)，但不知是否煮的時間不夠，不能滲入素鵝中。但素食的製成品本身都有些味道，所以都OK。

三分俗氣嘅上海點心一向好啱我口味，早幾晚去開一田shopping，順便食返幾個點心先！四川紅油抄手（$45）微辣醬汁加雲吞及蒜泥，開一下胃!糖心燻蛋（$25）一份兩隻，有少許煙燻味，蛋黃唔係全熟，唔錯。蟹粉小籠包（$60）皮薄，蟹粉多！一口一個，每人兩個好似唔多夠添！清真牛肉餅（$38）爆汁牛肉餅，一咬真係咬爆左d肉汁出黎，牛肉餡味道有d似平時飲茶果種牛肉味。芙蓉賽螃蟹（$75）蛋白好滑，蛋黃撈勻後再食，口感更滑。雞扒菜飯（$48）菜飯好入味，炸雞扒大塊到呢！雪山高力豆沙（$38）好鬆軟，加埋豆沙餡，甜得黎軟綿綿咁，好味！

最近不知道為什麼愛上吃小籠包！當想不到要吃什麼的時候，腦海中就會浮現小籠包!是日爸爸在新蒲崗放工,經過衍慶街看見這家吃上海菜的館子,就定案了！幸好爸爸也愛吃上海菜呢店中內有地鋪及二樓，比想像中的大...這裡的感覺就像開到很晚..給一些夜貓過來看看波飲飲酒的地方...無精緻的裝修，簡簡單單...但夠光猛...食上海野光猛才配呢 不需要太多格調都可以店員安排我們坐卡位！點菜是自助形式就是劃寫後交給店員落單先點了熱茶及豆漿解解悶氣，外面太焗了！這裡上海菜式亦算齊全：冷盤涼菜、點心、麵/飯、小菜、甜點及飲品...都有不小選擇我們也心大心細了會...先來我最想吃的✨招牌鮮肉小籠包吧＄36一籠有四隻，剛好每人兩隻...出哂煙，熱辣辣...看似皮薄餡多因為有點透肉啊...大大粒一咬肉汁非常豐富，我還點了些醋,兩者雙配減低油膩感...好Match！應該係即叫即蒸加上包得不錯,所以食落口感非常好！肉質鬆鬆軟軟又濃味如果食埋薑絲係會再香點的！雖然要熱辣辣即食但真的要「小心燙口！」啊！！！！值得一讚！！！有水準啊！絕不是少餡料、少湯、皮厚呢！再來✨粟米魚肚羹 $52爸爸愛這個而我就一般般了！一窩入面有粟米、

上星期返新蒲崗，放飯同左同事黎食上海野!午餐套餐都好多選擇，仲要全日免加一，幾抵咁woo我地自己叫左先個套餐先，我就要左個韮黃鱔糊客飯$57個黃鱔肉好彈口，分量都唔少，炒得又夠鑊氣，正跟住我地有order左啲包點同樟茶鴨一齊share食！佢地既生煎包做得好出色，包餡肉汁豐富，底部脆口唔油個小籠包都好唔錯，同樣個湯汁滿滿，皮薄餡靚我地幾個order左半隻樟茶鴨$118，同樣好有驚喜鴨肉酥脆香口唔油膩，如果係宵夜送酒食既話，簡直一流旁邊既包子都好食呀，鬆軟有彈性，夾上沾上醬料既鴨肉食都好搭配最後要左大家叫兩款甜品share其中一款係呢個椰茸煎芋餅$36面層灑上椰絲脆糖好香甜，而入面就有芋泥同紅荳蓉，食落仲要有啲煙韌感，真係好好食呀叧一款佢地就要左個雪山高力$36，一客4個！同樣係超值之選------------------------------食物質素：🤤🤤🤤🤤(5🤤最優)價格水平：💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）-----------------

去開新浦崗做野，收工同事話帶我去食好野，去到條内街見到有間招牌幾突出既上海鋪，雖然位置未至於隱世，不過唔係有人帶去，真係未必會發現！由門面到裝修，都同出面條横街唔係好一樣，對比出面附近其他鋪頭，裝修明顯好一點！入面既檯都幾多選擇，多d人嚟食都無問題！餐廳既除左好多傳統既上海菜外，仲有例如川菜既菜式，價錢都幾實惠，叫多幾樣都唔會太貴！如果無咩心水，可以叫套餐，都幾多選擇！最後我哋都無叫到套餐，叫左d小食同小菜！食上海菜又點小得食冷盤 秘醬茄子首先送上！茄子煮得軟稔得嚟又唔會爛開，加上甜甜酸酸既醬汁，都幾開胃！而另一個冷盤蒜泥白肉都好快嚟到！賣相吸引，蒜味亦香濃！豬肉片肥瘦適中，薄薄一片捲埋d蒜蓉嚟食咸得嚟帶d辣，索左醬汁既豬肉片，食落唔會太(鞋)!白肉底層原來仲有粉皮，索埋d辣汁同蒜蓉都幾好食！食完冷盤，主菜都陸續送到，回窩肉粗炒先嚟到，份量頗大，鑊氣十足！半肥瘦豬肉切得薄薄，食落唔會太韌！而且唔太油膩，麵條炒得有鑊氣且煙韌！另一個主菜獅子頭份量亦都好大，70幾蚊有兩個拳頭咁大既豬肉丸，生熟程度恰到好處，切開中間一睇，肉汁流晒出嚟，肥豬肉没太多，真材實料！用嚟送飯係上佳選擇！主菜嚟完就輪

兩口子近近地去新蒲崗食晚飯，有間食小籠包，而又有片皮鴨食就試下先由於我地得兩個人見到個「晚飯三寶$268」有京式片皮鴨、小籠包、豆沙鍋餅，都應該夠食，就叫左呢個先，唔夠食先再 order京式片皮鴨，先原隻鴨上俾我地睇睇先，然後再幫我地切片都有好多塊還準備好配料俾我地配料連鴨加上薄皮，一啖放落口小籠包剛剛蒸岀來，湯汁很多，配上醋食份外惹味係咪好有技術呢⋯⋯，無夾穿豆沙鍋餅外層有少少脆，內𥚃鋪滿豆沙餡還有其他套餐及美食有機會可試下蟹粉系列

同朋友隨便行，見到有間舖頭名好得意，叫「三分俗氣」，睇錯以為係三分「谷氣」，笑死我！就去呢度食啦！睇下係咪真係咁俗氣。見到呢度係食上海菜，價錢又唔貴，二人餐都幾多嘢食，就點一個二人餐$238,再加一個小籠包$36。小籠包好快就上，熱辣辣，自己倒陳醋落碟薑絲度點嚟食。估唔到小籠包湯汁真係多到爆， 朋友咬一啖，湯汁噴曬出嚟，而且味道非常鮮甜，豬肉新鮮爽口，包皮不會太厚，有啲小籠包係麵粉多餡料少，湯又少，今次呢個小籠包絕對值得一試，比起其他出名嘅上海餐廳都要好食，而且幾抵食。二人餐好快送到，有一款涼菜，一款小菜，一款炒飯或麵，一個湯羹，兩隻高力豆沙。涼菜揀左蒜泥白肉，賣相好靚，砌到成朵花咁，中間用青瓜絲和粉皮墊底，令到形狀更立體。味道方面有點失望，覺得不夠辣，而且蒜蓉也不夠多。醬汁是偏甜的，因為加咗辣椒油，所以有微辣，但比正宗的香辣蒜蓉味，這個蒜泥白肉是偏淡，可能是遷就香港人口味，建議再增加蒜蓉和辣椒碎，令味道更香，而醬汁可以再濃味d。酸辣湯， 一個湯碗上，足夠兩個人分。用料充足，有筍絲，豬紅，蛋花，木耳，肉絲，冬菇等。 味道方面，辣味屬於小辣程度，酸味方面則可以再酸多一點。食落口感豐富，因

招牌鮮肉小籠包皮厚少少，但都有湯汁，不過不失。肥肉唔算多，夾起無難度！招牌鮮肉生煎包好多芝麻在上，麵包皮薄，底少硬帶脆，都不錯！入面d肉幾嫩，但多肥肉，哈哈！香煎台式窩貼依個特別好食！好野味，皮薄又脆，好味！菜比例又多。北京蔥油餅兩個小太陽，好多蔥下都餅皮好厚，軟脆綿綿，幾多蔥味。俗氣醉雞花雕酒好甜香，雞肉份量多！雞肉同雞皮有啫哩形，處理得不錯！雞絲粉皮爆多芝麻汁，好like既！份量少點，每人幾下，好快清哂！粉皮Q！蘿蔔絲海蜇白蘿蔔同紅蘿蔔都有，健康一流！海蜇無沙帶脆口，算厚肉！菜肉雲吞麵好多麵呀，仲有蛋花在上。菜肉雲吞好大件包，哈哈，好似大既魚皮餃咁！菜比例好多下，肉都幾大隻，好實淨，超飽肚！麵質可以更彈牙啲。過橋鱔糊麵鱔糊好多，鱔好大條同厚，勁有啖啖肉既感覺。甜甜汁煮好去腥味，仲要好多韭黃。杭州鹵蛋紅燒肉擺得最靚靚，鹵蛋又入味。紅燒肉好多件，豬皮處理到無毛，肉就少肥多瘦，都幾夠味既，耐少少更好。雪菜毛豆百頁比其他店少油d，乾身d，麻麻但健康啲。雪菜肉絲炒年糕勁多年雪菜，肉絲都好多，依到既東西都多為主，年糕普通。椰茸煎芋餅依個甜品幾好，煎炸到金黃。椰茸好甜口，芋頭容香濃既都。幾特別，