【开饭热店入围名单巡礼】人气高企新餐厅 你试过几间?
2019-03-13

常问道人生有几多个十年,OpenRice啱啱就有两个。踏入开饭二十年,优秀开饭热店2019以「历久嚐新」做主题,拥抱经典、传统老味道之余,亦紧贴潮流,饱嚐新世代嘅美食。即刻睇下边啲必试热店入咗围啦。

香港人普遍都有个特性,就系贪新鲜,锺意试新嘢。而上年就有好多间新餐厅开业,当中唔少更加系人气过江龙,甫开业就已经吸引到好多人去排队试食。以下入围「新餐厅」嘅呢10间,你哋试匀未先?

轩仔加持    仙后餐厅

 图:Food Monster AsiaAdrianWong2011

由轩仔张敬轩主理嘅法式餐厅,倾力重现昔日香港旋转餐厅情怀,装修靓到一个点。餐厅提供精致法国菜,由摆碟到食材都经过心思处理。有现场音乐演绎之余,仲分分钟有机会野生捕获到轩仔,唔怪得餐厅长期都系full booking,要预早订位先有得食。

高质牛角包  Bakehouse

 图:Ashley Mokcheri_t10

唔好睇少呢间主打牛角包嘅烘焙工房,大有来头呢,系由前四季饼厨Grégoire Michaud创立,大部分工序都系人手制作,品质有一定保证。佢哋嘅牛角包外层相当松脆,层次感好丰富,夹啱新鲜出炉即食就更加升多几lvl!

靓汤手工饺     饺掂手工饺子云吞专门店

 图:MasashiIriesakichiba

近年香港开咗唔少饺子专门店,要突围而出当然要有返两道板斧。呢间除咗以手工制饺子而广受欢迎之外,更重要嘅系佢哋用嚟配饺子嘅自家煲制状元九鼎粉葛汤。材料丰富,包括粉葛、鲮鱼、鰂鱼等,冇落味精但都好够味。而皮薄嘅饺子又有松茸馅等坊间少见味道,系几吸引嘅。

满泻抵食丼     爆丼丼

 图:tungtungsikaAbbyHui

满满嘅刺身丼饭一向都深得香港人嘅欢心,可以一次过食到好多款鱼生嘛。荃湾呢间小店,刺身款式又多又新鲜之余,仲要抵食,百零蚊就食到四款,包括有海胆同拖罗蓉嘅丼饭,CP值咁高梗系成为大众宠儿啦。

纽约汉堡店    Shake Shack

 图:foodiediaryKathKeung

呢间嚟自纽约街头嘅人气汉堡店,真系超劲人气。嚟咁耐,排足咁耐。佢哋嘅牛肉系100%全天然安格斯牛,用原块牛排度切出嚟嘅牛肉制成汉堡扒,肉味香浓得嚟又够晒juicy。另外佢哋嘅炸芝士大啡菇汉堡同样给力,趁热食仲会流浆拉到丝!

另外5间入围嘅新餐厅仲包括过江龙黑糖珍奶店老虎堂黑糖专売、嚟自日本嘅幸福班戟、台湾特色小店哈豆、牛扒专门店Steak Bar同埋「无烟韩烧」Lab 10。拣啱就快啲去投票啦,投票有机会获得丰富奖品,
即投心水餐厅:https://www.openrice.com/info/awards2019/index.html


文:Kar


关键字
优秀开饭热店大赏
入围名单
地区组别
新餐厅
甜品
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
1天前
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01
粮尾打气!5间湾仔平价饭堂推介
2019-10-24
10月份好评餐厅十强
2019-11-05