24
0
1
港鐵銅鑼灣站 F1 出口, 步行約7分鐘 繼續閱讀
電話號碼
23384315
營業時間
今日營業
10:00 - 21:15
星期一至日
10:00 - 21:15
付款方式
Visa Master 現金 銀聯 支付寶 微信支付
其他資料
外賣服務
當面支付
食評 (36)
等級4 2018-10-06
1653 瀏覽
這梳乎厘班戟店子來自日本東京表參道,日本分店有成二十一間,而銅鑼灣是首家海外分店,果然人氣十足!今天週末,可以不用上班,特意在店子開店前到達。只是九時半許,人龍已經極之長!想要「幸福」,還是要付出的。已經等了個多小時,前面的人仍然唔少。苦等了二小時十五分鐘, 終於可以入座。餐廳裝潢雅緻,淺木色作主調配以綠色植物點綴,是自然悠閒的風格。店內約有四十八個座位,感覺開揚而舒適。設有自助冰水和水果水供應。製作過程一目瞭然。只是十一時四十分,怎料所有䶢的pancake 都售完!oh my god! 這兒的pancake一如其他梳乎厘班戟店,是即點即做,製作需時廿分鐘。餐牌一目瞭然,班戟分別有六款甜味(幸福原味、熱朱古力、朱古力香蕉、芝士慕絲雜莓、鮮果及奶茶)和四款咸味選擇(全麥配奄列、全麥芝士奄列、厚切煙肉配炒旦、三文魚牛油果芝士慕絲。由日本小麥粉同雞旦製作,再配以各款特色口味,價錢由$98-$138, 和來自日本的Flipper 同Gram的定價相約。由於製作需時,先點焦糖牛奶咖啡(+$28)嘆下。這牛奶咖啡味道醇香,口感香滑,泡沫細緻,帶一點焦糖的味道,而溫度同甜度都恰如其份,沒有過於甜膩,頗為合意。芝士慕絲雜莓醬班戟$128這班戟一客三件。每件班戟有成寸厚,質地輕柔軟綿。旦味極之濃厚,空氣感十足。加上酸酸甜甜的雜莓果醬,以及香滑輕盈的芝士慕絲和忌廉,味道豐盈,又帶一點清新的果香,沒有太膩口的感覺,實在是comfort food. 有一陣幸福而滿足的感覺。若果怕雜莓醬太dominate, 那就選幸福原味班戟好了!相對上兩次在flipper 或 pan de plain pancakes &sweet 等候時間約一小時, 而這家可能是人氣關係,等左二小時有多!然而無論Flippers, Gram 同幸福班戟都各有千秋,水準不相伯仲。相比fine dining 的幸福感,吃pancake 倒是一種平凡的幸福感,花費唔多,但倒令人療癒。看來要一嚐「幸福」滋味還是多要付出的。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-03
1474 瀏覽
隨著天氣日漸清爽,城中最近也湧起一陣「開心浪潮」,因為日本人氣No.1班戟店---- 幸せのパンケーキ A Happy Pancake,已經登陸銅鑼灣,為愛食客帶來幸福感滿滿的班戟~ 位於利園三期2樓的 A Happy Pancake,是集團首間海外分店,約1500平方尺的環境簡約舒適,提供室內48位 + 戶外26位合共74坐位。甜魔媽媽是平日放學前時間到訪,場面還好,據知一到下班時間及週末,就要排上1-2小時才吃得到,非常誇張! 入座後第一杯水會由店員有禮地送上,之後喜歡喝清水或是果味水,都可以自助自便。另於店內惠顧任何班戟,都可以特惠價$18-28選擇飲品,水準還非常之高,飲品環節令人滿意。 所有班戟都是即點即製,等食之際,不妨到半開放式廚房,欣賞鬆厚綿軟班戟的炮製過程,那畫面也十分治癒哦! 首訪當日吃了兩款班戟,首先是鹹味的 厚切煙肉炒蛋班戟 ($128)。份量慷慨的炒滑蛋、甘香豐腴的厚切煙肉、新鮮清爽的沙律菜,無不討人喜歡,但最驚喜還是帶有麥粒、口感別致出眾的全麥班戟,十分好吃!店內還有另三款鹹味全麥班戟 ($98起),下回也一定會再點。 鹹班戟也有四款,甜班戟就更多了,好不容易才由招牌 幸福班戟 ($108) 及 朱古力香蕉班戟 ($123) 選出後者來。後來一試絕沒後悔,因為甘濃的黑朱古力醬,香甜的原條香蕉以及香滑鮮忌廉的組合,配上綿軟帶空氣感、同時又富蛋香的班戟,滋味實在是一流! 好一間 A Happy Pancake,其出品果然能帶來美好的幸福及歡愉感,難怪2014開業以來就火速上位並擴張,至今日本已有24間分店,最近還來到香港散佈幸福感;筆時也好想再去,掃下更多口味的班戟啊! 最後差點忘了,當日我加$28享用的 焦糖牛奶咖啡 也香醇細膩、非常好喝,一問之下原來是專程由日本運來的原材料,也會推介給各位啡迷~~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-29
2102 瀏覽
🎈幸せのパンケーキ。28/9 銅鑼灣開幕啦心目中排名第一嘅soufflé pancake 🥞 -—•—•—•—•—•—•—•—•—•—•—•—•—•—•—•—•—•—•對於soufflé pancakes 🥞 心中有一份狂熱,一早就mark低咗係calendar,琴日正式登陸香港,成為海外第一間分店,好想食好想食好想食呀!。幸福Pancake——被譽為食咗會有幸福感的「幸福班戟」(幸せのパンケーキ,又名A Happy Pancake),好想睇吓食完之後係咪真係有一種幸福嘅感覺。。餐廳嘅裝修都幾光猛,碰巧琴日陽光普照,日光滲深入餐廳內,感覺好開陽舒服,而且有一個露台位置,擺放左五六張枱,日本嘅老闆仲係餐廳坐鎮呢!門口有一部取票機,不過用咗半日就已經失靈了。-一坐低, 店員就同我地講有一個自助加水嘅位置,仲有水果水供應添,然後每個座位下都有一個盛載私人物品嘅籃子,呢一點值得一讚。餐廳仲提供BB櫈,非常細心呢.。派籌/排隊情況:今日三點鐘左右去到,因為機件故障,已經停止派籌,店員話已經派出左六百幾個籌,連部機都不勝負荷,好彩之前已經透過apps 攞左籌先可以食到。由於情況太混亂,後來由派籌改為排隊。 未到六點,已經出現咗人龍了。後來店員話由聽日開始都係排隊制度了。-📍賣點: -幸福班戟 $108/三件班戟 🥞 麥盧卡蜂蜜牛油🐂 焦糖醬🍁加$15可以配雲呢拿雪糕或鮮忌廉-香港特別版:有機抹茶小倉牛油班戟配黑糖漿(期間限定)9/28至10/ 11首兩周供應。-📍外型:高度差唔多有一吋左右直徑約3吋,每件大小差不多。-📍搖晃度:令人滿意,好鬆軟。-📍口感:-三件都鬆軟度好平均。-soufflé pancakes 🥞 整體口感濕潤,成件都軟綿綿。-由於不會太乾身,所以口感軟綿綿,介乎蛋糕與空氣感soufflé pancakes,偏向空氣感多少少。-煎焗的時間拿捏得非常好,每一件都係金黃色。各方面都取得平衡,做得出色。 -📍價錢:幸福班戟 $108/三件-📍總結-好高質素,冇因為海外分店而影響品質-不用泡打粉-蛋香撲鼻-蜂蜜牛油好出色,有一陣清香-加錢配雲呢拿雪糕,見到一粒粒嘅雲呢籽-焦糖醬有別於一般蜜糖-暫時係我心目中的No.1,值得一試。.—•—•—•—•—•—•—•—•—•—•—•—•—•—•—•—•—•—•我哋另外重點穿咗奶茶醬味,奶茶醬實在太甜呀,甜到掩蓋了pancake的蛋香,所以比較之下,個人比較喜愛原味。純粹個人意見:蛋香:A Happy Pancake👍🏻the Pantry👍-忌廉幼滑度:A Happy Pancake👍🏻Flipper's 👍-性價比:SJ BURGER👍🏻I love you dessert bar👍🏻Bove 👍- 鬆軟濕潤:A Happy Pancake👍🏻The Pantry👍SJ BURGER👍🏻Espuma👍🏻-高度: Gram👍I love you dessert bar👍🏻-流心度: Espuma👍🏻·—•—•—•—•—•—•—•—•—•—•—•—•—•—•—•—•—•—•·❤️個人喜愛程度:A Happy Pancake 👑 -⬇️ -Espuma-⬇️ -the Pantry-⬇️ -Flipper's-⬇️ -SJ burger-⬇️ -Pan de Pain Pancake-⬇️- I love you dessert bar-⬇️ -Bove -⬇️-am.pm -⬇️-Gram-⬇️-Aroma dessert cafe-—•—•—•—•—•—•—•—•—•—•—•—•—•—•—•—•—•—•👉🏻口味各人不同🙆🏼👉🏻純屬個人意見💁🏼👉🏻只供參考 🙈👉🏻人手製作,員工心情不同製成品都略有不同🤣。對於餐廳係首天營運,可能因為咁嘅關係,連單據都係手寫呢。不過日藉員工同埋香港員工都好有禮貌,值得一讚。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-11
5 瀏覽
呢間日本人氣店,29/9/2018喺香港開第一間分店,我每次經過,都見到人龍,每次都有超過40個人排隊,要花差不多兩個小時,先可以入到餐廳坐下,辛苦程度,簡直覺得唔值得。店內裝修簡潔、明亮,非常之有日本嘅格調,最矚目係有室外露台位置,雖然尚未開放,如果遇上秋天,天氣晴朗嘅日子,同朋友嘆一個愉快嘅下午茶,真係賞心樂事。難就難在需要花兩個小時排隊,乜嘢靚心情都會冇晒啦!Pancake味道不甜不膩,鬆軟嘅質感,就好似食緊soffle 咁。我試咗一個招牌幸福pancake配以牛油,原味也不錯,沒有太多驚喜。另外在點了一個鮮果班戟,生果以糖水浸過,所以甜度受到控制,非常配襯pancake味道。剛剛開店,日本廚師親臨指導,所以班cake嘅質素有保證,日後會點,要用時間去睇。之前試過Hysan 的Flipper, pancake 太甜,而且處理不宜,pancake塌下,明顯質素下降。暫時覺得呢間幸福pancake係不錯的選擇! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-11
73 瀏覽
幸福來了, 有人急不及待飛奔擁抱;有人等了良久才決定放棄;有人見等候人龍掉頭就走;有人不屑一顧。就不同的時間, 需要付出的都不一樣, 而你為了幸福, 又願意付出嗎?奶茶班戟配自家製穀麥 $133幸福來自那份空氣感和甜蜜感, 那份甜蜜時而淡淡, 時而強烈, 令人上癮。Pancake微熱, 蛋味香濃, 鬆軟綿綿, 空氣感十足。沾上奶茶醬, 甜蜜飆升。鮮忌廉輕盈, 滲出淡淡微甜, 與奶茶醬的甜形成對比。吃上一口蘋果玉桂穀麥, 穀麥香口, 蘋果超甜, 配上鮮忌廉同吃, 味道剛好。 繼續閱讀
(以上食評乃用戶個人意見 , 並不代表OpenRice之觀點。)