227
83
21
港鐵灣仔站 D 出口 繼續閱讀
電話號碼
28080882
開飯介紹
由歌手張敬軒主理的法式餐廳,裝潢走懷舊復古風,希望重現昔日香港第一間旋轉餐廳的情懷。餐廳分為Fine dining及bistro小酒館兩部份,不時更有樂手演奏。 繼續閱讀
附加資料
下午茶逢星期六,日及公眾假期:15:00 - 17:30 要自行上官方網站落訂金預約
營業時間
今日營業
12:15 - 15:00
18:30 - 22:00
星期一至日
12:15 - 15:00
18:30 - 22:00
*午餐最後落單時間:14:00 ; 星期六,日及公眾假期 14:45前要結帳離座
付款方式
Visa Master AlipayHK 現金 AE 銀聯
其他資料
網上訂座
餐廳運作模式 - D類
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務
加一服務費
有關獎賞計劃
食評 (393)
呢間出名嘅明星熱店今日同朋友嚟慶祝終於可以一試不過 麻麻哋喎入面嘅環境好靚好靚每一個位都係打卡位!!!睇得出係有用心去裝飾我見到好多女士都着得靚靚去影相環境來講真係值得黎睇睇特別依家冇得去旅行有種外國嘅感覺午市套餐來講選擇都算多價錢都唔算貴不過服務認真一般一入到去侍應已經黑口黑面遲啲咁多掃安心出行已經有說話聽咁嘅服務態度架咩………入到黎感覺已經大打折扣我寧願佢搵外籍員工起碼都親切有禮先來餐包同牛油🧈評分:8/10餐包十分之香麥味外脆內軟唯一就係牛油比較硬唔似好似出面高級餐廳咁會預先預熱牛油少少扣分Starter我哋揀咗煙熏味牛奶芝士配香甜蕃茄,新鮮香草及橄欖油(:7.5/10)擺盤都幾靚蕃茄係有心思地處理過好食牛奶芝士口感好食!但煙熏味就唔夠出香草味亦都唔係好覺但整體來講好食嘅不過你話係咪好驚艷同深刻我又覺得唔算正常出品囉是日餐湯係番茄凍湯(:8.5/10)蕃茄味好濃加咗辣味同橄欖油層次更加豐富熱辣辣嘅天氣飲凍湯又真係好過熱湯噃呢個very good主菜先來黃油雞胸配抱子甘藍,煙肉,蘋果茴香蛋黃醬,芥末雞汁(:9/10)呢個就抵讚啦首先個雞胸非常之嫩滑佢嫩滑到好似食緊雞髀肉一樣煙肉係加分位令到成件事好香亦都好夾我唔係好食到芥末味不過食唔到我都Okay因為我都唔鍾意食芥末不過如果想食到芥末味嘅你可能會有啲失望不過整體嚟講係一道有誠意嘅菜Present出嚟整體好配合我就叫咗四色芝士意大利雲吞配松露牛油汁,牛肝菌,香蒜脆粒(:9/10)呢個都好好食喎首先佢一啲都唔孤寒出面嘅意大利雲吞係好細份佢呢度起碼都有成八隻十隻夠晒飽有凸另外佢個汁真係好香松露同牛肝菌味成道菜都好香口好濃郁不過略嫌有少少膩咗啲我覺得個汁可以再light d就平衡d同埋個香蒜脆粒我都見唔到不過相比起出面係有過之而無不及既推介朋友叫咗香檳忌廉汁煮青口配薯條及墨西哥辣椒蛋黃醬(:8.5/10)青口嘅份量都唔姑寒連埋薯條都好夠飽個汁煮得好平衡好襯個青口而我個食家朋友食得出個青口唔係急凍貨的確係特別彈牙薯條就正常出品喇個蛋黃醬我就麻麻哋⋯⋯反而呢個好似好重芥末味我最後襯埋茄汁食清晒主菜我哋就好滿意啦可惜到甜品簡直係有天堂跌落地獄嘅感覺呢個係傳統焦糖燉蛋配瑪德蓮蛋糕(:1.5/10)焦糖個面唔夠脆燉蛋冇雲呢拿籽已經係死罪呢個係要加$68我要求有雲呢拿籽都唔過分姐…..燉蛋死甜唔夠蛋味瑪德蓮蛋糕好乾好乾…..咁冇誠意個瑪德蓮蛋糕其實可以慳返搞乜呀個甜品唔掂喎呢個蛋白餅仲過分首先我哋order嘅其實係心太軟然後侍應哥哥聽錯咗竟然一句道歉都冇淨係話自己聽錯咗就無其他補救嘅方案咩態度呢度啲服務態度真係唔得講返個蛋白餅(:1/10)一個字甜 同脆由於我哋都唔鍾意食嘅關係我覺得唔好食太甜 而且又冇乜特別我寧願慳返$70 或者揀多個前菜整體來講環境係極靚!每個地方都係打卡位啱晒鍾意影相嘅你同埋好適合慶祝服務差,唔屬於高級餐廳既服務落錯單無道歉一入店已黑口黑面大扣分食物有好有壞主食十分滿意但前菜又一般甜品直頭係差其實大把餐廳比佢好我未必會再返轉頭可以一試既但應該只此一次所以sorry真係無好評了老實講如果唔係間餐廳咁靚個主食又好食我真係會比劣評希望店家會改善下服務質素同出品質素啦 繼續閱讀
等級4 2021-09-04
2041 瀏覽
週年紀念前夕想食好少少,揀左係公司附近既一間打卡系復古味甚濃法式餐廳。進入旋轉門後係另一個世界。餐廳裝修優雅,分咗兩個區域一邊係比較暗有舞台,另一邊有色彩繽紛有旋轉木馬位打卡。今次被安排坐係打卡木馬旁,聽講疫情之前其實個舞台係有表演睇不過已經取消咗。.服務員服務都幾周到,坐低後即好殷勤地介紹時令菜式同打卡飲品。餐牌選擇其實唔多,大家應該都係叫晚市套餐:麵包、頭盤、餐湯、主菜加甜品。套餐唔包括嘢飲,惠顧晚市套餐如果叫原枝紅白酒香檳有六五折。.前菜 - 生蠔(4pcs) 💲190⭐️3.8/5聽取服務員推介先額外點左一set 4隻生蠔做頭盤。法國生蠔🦪 肉質係肥美creamy個種。.晚餐 💲628/pp頭盤1️⃣法式香蒜牛油田螺 ⭐️2/5成餐飯我覺得最敗筆係呢一個牛油田螺。雖然單人頭盤計份量都唔少,但係香蒜油味就好重好鹹,完全蓋過晒啲田螺味道。2️⃣拿破崙三文魚他他配芥辣牛油果及柚子醬 ⭐️4/5拿破崙一向都係喜歡嘅項目,酥皮脆身夾三文魚他他其實都係屬於偏鹹同重味少少,但個感覺都好過個螺好多。.湯1️⃣南瓜湯⭐️4/5湯入面加左忌廉,南瓜泡沫忌廉湯飲落好滑身,幾喜歡。.主菜1️⃣鴨肝黃油雞肉卷配羊肚菌、黃酒汁⭐️3/5呢一個我個人感覺麻麻地,不過純粹因為自己唔飲酒,唔係好受得好重嘅黃酒味道。慢煮既黃油鴨肝雞肉卷好嫩滑,鴨肝夾係中間,味道還好。2️⃣澳洲M3牛柳配萵苣及炸薯條⭐️4/5牛扒慣例全部叫Medium Rare, 因為預咗一般來講都會偏熟所以唔夠膽叫Medium變Medium Well. 仙后呢份3成熟既M3牛柳真係做得出嗰個剛好既水準。牛柳切落去仲係較鮮紅色但一切就開肉身嫩滑。食落好淋身,份量夠味道好自己幾滿意。伴碟既萵苣有啲脆煙肉粒喺爽脆好食。.甜品1️⃣忌廉泡芙配雲呢拿雪糕及暖朱古力汁⭐️3.6/5呢份甜品打卡係系數高過味道。點埋蠟燭影相幾好睇,不過食落就略嫌普通簡單一啲。因為夾雪糕嘅關係,泡芙已經淋晒個質感似係擺喺雪櫃一包包賣嗰種凍泡芙,再配雲呢拿雪糕同埋朱古力醬,心思分數比較低啲。2️⃣檸檬忌廉配雜莓⭐️3.8/6甜品擺盤簡單啲但係都靚,食落檸檬忌廉酸酸滑滑唔太甜,配埋雜莓幾開胃。.飲品 💲98/each1️⃣Chamonix ⭐️3.2/52️⃣Granit Rose ⭐️3.6/5因為唔飲酒都係聽從侍應推介,叫咗兩款打卡比較靚嘅Signature Mocktail. 一杯其實係薄荷系嘅飲品,另一杯係玫瑰系列。薄荷嗰杯我覺得偏甜,飲咗一啖擺低咗。玫瑰系感覺比較好啲,酸酸甜甜,打卡還好不過都未至好飲到會有encore。.總結:作為慶祝節日嘅西餐,冇酒埋單人均九百零蚊。餐廳裝修detail唔同嘅打卡位甚多,真係連個廁所裝修都交足功課。服務質素都算高,食物質素雖然有少少參差但係整體平均都滿意。計埋價錢如果唔叫嘢飲,淨係食一個套餐未算係太貴,所以成個用餐體驗唔錯,性價比雖然唔係話十足但係都值得推薦俾慶祝嘅情侶們。.不專業食評 nei.foodie 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-14
1334 瀏覽
歌手 張敬軒 很喜歡 五六十年代 的各種事物 包括 音樂 人物 古董等…… 有夥懷舊心 位處 皇后大道中 胡忠大厦的 JUNON 仙后餐廳 就是由他 親自籌劃的 🥂🥂以60年代 首間 旋轉餐廳 作藍本 用音樂及飲食 結合的 懷舊餐廳 賣的是法國菜 🍾🍾法式 Afternoon tea 只限週未 週日供應 食物 分4部份 頂層為 甜點 中層 咸點小食 底層為 咸甜鬆餅各半 配果醬 鮮油忌廉 香蒜醬 另有個 盆栽 是綠茶蛋糕 泥土是綠茶朱古力 樹枝是 朱古力手指餅 花朵是威化紙 全都可食用 🍫🍫咸甜小點 手工精緻 賣相 打卡一流 但法式口味 我並不太喜歡 法國人烹調食物的 風格 我不太懂 口味 口感 較極端 但喜歡 法國料理的 却非常欣賞 🫕🫕這個 Afternoon tea 是以 BUTTERFLY 🦋 主題 與 NOVEL FINERIES 奢侈品飾 品牌合作 蘇繡蝴蝶 結帳時 每人給予一份 蝴蝶刺繡留念 很有意思 🦋🦋餐廳內佈置 華麗高雅 有五六十年代 氛圍 木製的三角鋼琴 間中有琴師演奏 店內放置了 陳列櫃 軒仔的 私人珍藏 法國買的古董飾物 費盡心思 👑👑 👠👠和朋友聊天 談到這餐廳的定位 認同他的見解 Fine Dinning 是享受餐廳帶來的整套 package 廚藝·裝修·美景·服務·氣氛·擺設·品牌價值 最重點 就是和誰 結伴去 食物的味道 日後可會淡忘 但結伴去的 愉悅時光 卻是 永久的回憶 這正是 Fine Dining 的魅力 🥂🥂 繼續閱讀
(以上食評乃用戶個人意見 , 並不代表OpenRice之觀點。)
📍#仙后餐廳🇭🇰香港灣仔皇后大道東213號胡中大廈2樓#MFJ灣仔 #MFJ法國菜人均消費: HKD1014味道: 👅👅👅👅👅賣相: 👀👀👀👀👀價格: 💰💰💰環境: 🌹🌹🌹🌹🌹服務: 👨🏻👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆今次來到張敬軒開的法國餐廳 - 仙后餐廳一入餐廳十分驚喜!餐廳環境優雅,主要分為兩邊,一邊感覺花花世界十分浪漫,另一邊是古典氣派的大舞台侍應都穿著晚禮服,十分有笑容和禮貌餐牌選擇簡單,款款都吸引,點餐是全枱點晚餐,或者是A Lᴀ Cᴀʀᴛᴇ 💯牛肉他他配青醬,芫茜及芥茉籽醬 $𝟚𝟜𝟘牛肉他他是法國菜的經典前菜,亦是我的至愛牛肉條粗十分手有嚼勁,加上蛋黃和青醬,味道份外清新可口!特別一提櫻桃蘿蔔蘸芥茉籽醬超級好味📋 晚市套餐 $𝟞𝟚𝟠/ℙℙ頭盤:💯法式香蒜牛油焗田螺田螺有六隻,香蒜牛油味濃,加上有陣陣的香草香味!田螺細細隻但回味無窮⭐️ 法式肉批 - 鴨胸及小牛胸腺肉批沒有我想像中那麼濃味,口感我少好像鵝肝醬一樣,creamy帶微微肉香,若大份少少更佳🆗白籚筍炙燒牛仔肉配根菜薄片及羅肋有少許失望的是炙燒牛仔肉份量很小,太細件食不味道,比較像普通沙律前菜,不過蘆筍的確挺好味湯:💯椰菜花湯是日餐湯為椰菜花湯,若單點要$110口感像車打湯一樣,厚身creamy,比我想像中好味更多!很想試他的法式洋蔥湯!主菜:💯慢煮澳洲M3牛柳配時令蔬菜及紅酒汁光是擺款已經吸引,加上紅嫩的牛柳肉已經垂涎三尺!入口簡直驚喜萬分!今時今日慢煮已經十分普遍,口感簡直難以形容!最貼切的話我想應該是燒過的棉花糖口感!入口後牛味慢慢滲出,齒頰留香!必食之選!💯龍蝦意大利粉配青檸及芫荽,龍蝦忌廉汁龍蝦意大利粉上桌時已經香氣撲鼻!龍蝦肉比我想像中爽口味濃,意粉加上龍蝦忌廉汁十分的夾,龍蝦汁好像帶有微微的菇香,令味道更加突出!💯鴨肝黃油雞肉卷配羊肚菌,黃酒汁黃油雞卷中間夾着鴨肝,整個雞卷又油香滿溢,而雞肉口感跟牛柳一樣,那種嫩滑程度完全不能形容!羊肚菌加上黃酒汁十分惹味,連所有配菜都蘸汁蘸清光!甜品💯傳統焦糖燉蛋配瑪德蓮蛋糕焦糖燉蛋比較矮身,能夠吃得更多的焦糖香味,甜甜焦糖再creamy燉蛋,口感一流!想不到Madeleine蛋糕仔都十分好味!💯糖薑鳳梨蛋糕,椰子雪葩糖薑鳳梨蛋糕就比較普通一點,但重點是椰子說吧!雪葩一點都不甜,椰子味甚濃,加上底下的脆脆,口感極佳⭐️法式朱古力流心蛋糕配櫻桃酒及酸甜醃漬櫻桃流心蛋糕裏面流出濃厚的朱古力,朱古力味香濃,十分適合女生飲品:⭐️Bᴏɪᴢᴇʟ, Bʀᴜᴛ Rᴇsᴇʀᴠᴇ 凡點晚市套餐,都可以以優惠價點一瓶指定餐酒!結果我們點了一支香檳!侍應哥哥說這支香檳味道適合錢財,亦適合肉類!的確好味食之前大家都有啲擔心會不值,誰不知食完後大家都覺得物有所值!不論環境,服務,食物質素都超水準!$1000/人絕對是值得的!#finedining #frenchfood #goodfood #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #灣仔美食 繼續閱讀
(以上食評乃用戶個人意見 , 並不代表OpenRice之觀點。)