936
71
16
港鐵觀塘站 A2 出口, 步行約5分鐘 繼續閱讀
所有分店 (2)
電話號碼
35759455
開飯介紹
哈豆!台灣人在觀塘開的餐廳,將要邁入十年!從只有肉燥飯,到後來有各種台灣美食,牛肉麵精益求精到滷肉飯、鹹酥雞、各種乾拌麵,還有芋泥奶凍吐司,許多甜品!美食界的大集合,在哈豆富利店全都找得到!歡迎你走入哈豆的世界,點杯三峽碧螺春,享受老闆挑的音樂悠閒放鬆! 繼續閱讀
營業時間
今日營業
11:30 - 21:30
星期一至日
11:30 - 21:30
付款方式
AlipayHK 支付寶 現金
座位數目
40
其他資料
網上訂座
Wi-Fi
酒精飲品
自帶酒水
賞訂座積分
外賣服務
加一服務費
當面支付
以上資料只供參考, 請與餐廳確認詳情
食評 (1092)
等級7 2023-01-18
376 瀏覽
逢星期六都要去觀塘開餐食晏,apm 商場內的餐廳差不多全部幫襯過,食肆集中地駱駝漆工廠大廈內的餐廳也去過很多間;今日走得遠一點,去了駿業里的工廠大廈。對比駱駝漆工廠大廈的樓上餐廳,由於走廊寬闊,門口還可以有比較像樣的簡單裝修;其他工廠大廈由於樓層面積較細,樓上餐廳的門口通常只有一道鐵閘,就像【哈豆】。上OpenRice翻查資料,原來【哈豆】曾經在佐敦渡船角開了一間地舖,後來結業;之後搬到觀塘區工廠大廈樓上舖經營。現時在觀塘有兩間分店,同樣位於工廠大廈樓上,其中以駿業里分店的裝修較有特色。進入室內就見到帶點凌亂的收銀處,後面就是廚房出餐口;原來收銀處同廚房只是用一組未封到天花板的高櫃分隔,並掛上了一些圖畫作裝飾。走近一點,發現原來全部都是黑板粉筆畫,主題環繞台灣話題電視劇及電影,並且定期更新。據說,餐廳創辦人兩夫婦都是台灣人,邂逅於學生時代,難怪鍾情粉筆畫。餐廳內僻了一間小包廂,牆上掛了台北「成功高中」男女生校服各一套,甚至繡上了學生姓名!很懷疑他們倆人就是餐廳老闆及老闆娘。座位區四周牆上畫滿了墾丁、阿里山、高美濕地等台灣名勝及自然風景;其中一幅牆上又畫了台灣地圖,上面草繪了幾個台灣地標。加上昏黃暗淡燈光及簡樸裝修,雖然室內裝潢顯得有點簡陋,但整體感覺很配合台灣地道平民小店風格。餐牌封面的少男少女俊朗漂亮,並穿上了小包廂內掛在牆上的同姓名男女生校服。相信他們只是模特兒,並非餐廳老闆及老闆娘吧?通常餐牌第一頁是推介菜式,就揀了其中兩款。豐盛台灣牛肉湯麵($78)有別於常見的台灣牛肉麵,食材並非牛腱心肉、牛筋及金錢牛肚,取而代之是牛腱心肉、花枝丸及貢丸。雖然同名字牛肉湯麵有落差,但花枝丸及貢丸也是馳名台灣小吃,同豐盛台灣四個字又好似很吻合。同其他台灣牛肉麵店一樣,精髓牛肉湯底同樣用牛骨、香料及淡口藥材熬煮而成;色澤夠、亦有牛味,但未夠濃郁,不是心目中微辣香濃的紅燒牛肉湯底。麵條顏色帶點泛黃、香滑爽口,並非大部份香港吃到的台灣牛肉麵的Q彈、煙靭偏硬口感;雖然是另一種風味,但仍然好吃。牛腱心肉鬆軟入味,但始終炆煮牛肉的紅燒牛肉湯唔夠濃郁,牛腱心肉表面未能沾上湯汁,稍欠風味。三彩水餃湯麵($68)有六隻水餃,全部以豬肉餡為主,分別混入韭菜、粟米、高麗菜,各有2隻,同樣採用牛肉湯底。三款水餃味道分明,韭菜香味濃郁、高麗菜清甜、粟米濃甜。由於豬肉餡料本身有鹹味,同韭菜及高麗菜比較協調;粟米豬肉餡水餃味道有點奇怪,又甜又鹹,但仍然值得一試。另一碗麵揀了隱藏餐牌內的勁爆浮誇大腸米線($96),食材有大腸、貢丸、花枝丸、肉羹、芫茜及柴魚片;湯底濃郁偏鹹及稠身,配上滑嘟嘟的米線,典型台灣口味。並不喜歡在湯麵加入柴魚片,浸濕之後變成漿糊一様,失去了應有的鹹香口感。花枝丸爽口彈牙,墨魚味一般;肉羹(魚肉?)彈牙偏軟身。最好食係貢丸,有濃郁菇香。聖誕節期間限定推出的薑餅人豆漿紅茶($20)將豆漿紅茶入樽雪凍,意念來自不加冰的冰鎮原味港式奶茶,又刻意採用薑餅人形膠樽,注入節日氣氛;雖然較普通版凍豆漿紅茶貴少少,仍然吸引。作為小店招牌飲品,用豆漿代替傳統台式奶茶的奶精粉,減低甜度之餘亦更健康。始終係台式奶茶,仍然很甜;溝豆漿後味道也有點怪,對於飲慣港式奶茶的茶香奶滑,就不太喜歡了。小店有心思,由室內用餐環境、以至菜式設計,都刻意營造台灣平民小店風情。味道及食材也盡量跟足台灣地道原味,沒有大刀闊斧調校迎合香港人口味。如果店主可以進一步提升牛肉湯底的味道,會更有吸引力。 繼續閱讀
(以上食評乃用戶個人意見 , 並不代表OpenRice之觀點。)
自從疫情開始,都有三年冇去過台灣。最近朋友話好掛住台灣,我就約佢去食台菜解思愁,到觀塘哈豆富利分店,相信好多人應該都食過。餐廳位於工廈,環境不算太大,但牆上佈滿台灣著名旅遊景點,例如九份/阿里山等,真喺睇到都想去旅行。<五寶什錦醬乾拌麵> $68<黑糖芋芋鮮奶> +$22五寶分別喺香腸、豆腐、雞翼、花枝丸同埋貢丸,全部都喺台灣道地食物。乾拌麵軟硬適中,麻辣&麻醬比例啱啱好,攪勻之後都唔會太辣。套餐額外加+$22會有黑糖芋芋鮮奶。鮮奶帶有濃厚黑糖味,芋泥軟綿,半糖都唔會過甜。<逢甲鹹酥雞肉燥飯> $62<檸檬梅子山粉圓> $10鹹酥雞肉燥飯喚起我喺台灣嘅回憶。除咗主角鹹酥雞同肉燥飯之外,配料仲有菜脯、醃青瓜等,鹽酥雞香口惹味,肉質雖然唔算好嫩但唰嘴。未飲過檸檬梅子山粉圓,見到個名咁得意,就叫黎試下。點知飲落梅子味好重,微酸開胃。<魚鬆肉燥時菜> $30平時外食都食得比較少菜,特登叫碟菜試下,伴有送飯一流嘅魚鬆。<炸物拼盤> $58拼盤主要有香腸、鹹酥雞、丸子、蝦卷、番薯條,咩都有一啲,咁就樣樣都可以試,當中香腸&蕃薯條幾特別,番薯條食落質感軟糯,上面灑咗啲梅子粉,甜鹹甜鹹。 繼續閱讀
(以上食評乃用戶個人意見 , 並不代表OpenRice之觀點。)
由台灣人主理嘅台灣餐廳 哈豆 兩間分店都位於觀塘味道好價錢實惠午餐晚餐都值得一試——————————————————早排黎食過晚市覺得佢地質素都幾好所以就決定再黎試試佢地嘅午市套餐都幾唔錯喎👍🏻⭐️ 台灣牛肉湯麵每次食台灣野都會嗌台灣牛肉湯麵因為一試湯頭同牛肉嘅味道同口感就知佢地合唔合格牛肉湯湯底味道濃牛肉用上牛𦟌部分十分軟淋入味湯麵則較粗身口感不錯⭐️ 鹹酥雞拼香腸麻辣乾伴麵麻辣乾伴麵係淘小姐最期待嘅麵食麻辣程度點到即止過過辣癮都唔錯麵條同牛肉湯麵一樣因為有香腸雙拼所鹹酥雞份量較少如果淨係鹹酥雞會開心d😀⭐️ 台式滷水豆腐滷水豆腐五香味濃面頭淋上醬汁令人想一口接一口⭐️路邊攤小香腸因為起初冇留意乾伴麵係雙拼所以重複點左小香腸小香腸外皮香肥入面有一粒粒肥膏都幾香口不過都係少吃多滋味啦⭐️厚切萬巒豬腳無骨豬腳係幾吸引嘅味道唔錯女士就可以補充大量骨膠原⭐️ 珍珠鮮奶茶又係必飲嘅台式飲品有得揀少甜少冰健康啲感覺冇咁邪惡⭐️ 蜂蜜檸檬山粉圓因為從來都未飲過山粉圓所以就點黎試試有密集恐懼症嘅我雖然一見到就少少痕🫣不過山粉圓爽爽地嘅口感已經令淘小姐一試愛上啦~🍽️ 哈豆 📍 觀塘駿業里6號富利工業大廈3樓A室 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-27
1040 瀏覽
觀塘工廈真係有好不同的餐廳,今次就來到這間食台灣菜的餐廳,餐廳牆上畫滿富有台灣特色的壁畫,好有去了當地的感覺!餐廳有多款不同的台灣食物可以選擇,小食、麵食、飯類、甜品、飲品等!勁爆浮誇大腸麵線,這裡的麵線大大碗,而且配料份量都很多,有滿滿的芫茜和木魚碎,大腸的份量都好多,另外仲有花枝丸和貢丸!大腸十分入味,花枝丸爽口彈牙,貢丸菇味香濃!而麵線亦配有香醋,食的時候加入醋,令人胃口大開!台式麻油雞湯套餐,套餐除了有麻油雞湯,還有魚鬆滷肉飯和油菜,份量十足!麻油雞湯想不到咁濃味,好香麻油味,雞肉亦好嫩滑,食落去有種好滋保的感覺!而滷肉飯魚鬆好香,滷肉又不會太肥,口感豐富!甘梅蕃薯條,蕃薯條粗身,食落外脆內軟,口感軟綿,甜甜的加上甘梅粉,令人食唔停口!黑冰河畔溫泉,這裡的刨冰大大個,冰底是低糖仙草糖水,圍住刨冰有煙煙韌韌的芋圓!刨冰上面有紅豆特濃黃豆粉花生奶蓋,奶蓋有淡淡的花生香味,而最頂層就有香芋雪糕,多重享受!阿華田豆漿,這款豆漿見非常人氣,所以我們都試下!豆漿上面有胚芽,飲一啖豆漿後就可以放入他們自製的阿華田雪條!豆漿有淡淡的阿華田味,味道不會好甜,幾特別!哈豆鮮果茶,果茶味酸酸甜甜,茶底帶有少少澀口,茶裡面有蘋果、車厘茄、熱情果等,十分解渴! 繼續閱讀
(以上食評乃用戶個人意見 , 並不代表OpenRice之觀點。)
星期六同妹妹覓食觀塘👅 上網搵見到工廈內有一間隱世台式餐廳,餐廳老闆是來自台灣。超掛住台灣的我倆決定要食🤤餐廳地方舒適,牆上有以台灣名勝為題的壁畫,很有特色,而我倆最後被安排與啤啤熊作伴🧸 💕哈豆鮮果茶 $42很大杯😳 水果與茶混合得恰到好處,不會太甜、也不會有茶澀味,很清新很喜歡🥰💕鮮榨檸檬椰果多多 $38微酸、益力多味較重,加入有椰果及奇亞籽。💕勁爆浮誇大腸麵線 $96內有滷水大腸、肉羹條、花枝丸、貢丸、香菜及柴魚片。大腸滷水入味又彈牙,完全沒有臭腥味🤤 配上香菜及柴魚片,麵線掛湯,一口接一口,好味道❣️💕 炸物拼盤 $58一次過滿足了夜市小食的慾望😛 有鹽酥雞、甘梅番薯條、蝦捲、貢丸、花枝丸及台灣腸✨ 當中甘梅番薯條,每條都厚實香甜,撒上甘梅粉,提升了味道!台灣腸入口多汁帶蒜香味✨ 雞肉酥脆不油膩。💕 鮮果雪糕四味吐司 $64竹炭吐司烘的鬆脆,塗抹朱古力醬(配杏仁片很夾)、花生醬(有花生粒有咬口)、蛋椰醬 (椰味不太重)及草莓醬(微酸很清爽)。搭配著2個雪糕球及新鮮生果,很迅速被我們殲滅了🤪📌食物味道地道,充滿台灣味道📌款式創新📌只收現金 繼續閱讀
(以上食評乃用戶個人意見 , 並不代表OpenRice之觀點。)