416
50
32
開飯介紹
以自家煲製的狀元九鼎粉葛湯配餃子。餃子皮薄彈牙,肉汁多。黑白松露、松茸餃子是坊間少見的口味。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關餐廳
相關文章
一向超級鍾意食餃子嘅我❤️又再一次嚟到N刷既「餃掂手工餃子雲吞專門店」🥟🥟🥟餃子非常包滿同足料,大大隻隻,非常紮實👍🥒回味手拍青瓜天氣咁熱,我哋叫左個涼菜-手拍黃瓜小食🫶🏻清甜爽口,唔會太辣😙作為頭盤小吃真係開胃一流❤️🥟餃子🥟四龍鳳松茸雙湯餃配狀元九鼎湯平時都淨係食煎餃嘅我😲見最近有啲熱氣,第一次試吓order 湯餃龍鳳松茸係有四隻黑松露加四隻白松露餃 🤤湯餃可以令到黑松露同白松露嘅味道更加突出同加鮮甜 🫶🏻黑松露同白松露都係十分足料,咬一啖見到入邊啲餡😄完全係好抵食,忍唔住要打下卡😋😋驚喜係佢個狀元九鼎湯,真係好足料,入面包括美國蛇果(蘋果)、生魚、無花果、准山、豬尾骨等,非常清甜❤️🫶🏻餃完一啖又一啖😌煎餃方面 我哋叫咗兩款煎餃中碗 7隻大碗嘅有10隻,但女仔份量7隻剛剛好煎餃人流多嘅話,大概需時20分鐘左右 🥩壽喜燒牛肉煎餃壽喜燒牛肉煎餃喺出邊比較少見,佢嘅牛肉超級入味,仲食到濃郁壽喜燒嘅大蔥味,好yummy 😽🥬大白菜豬肉煎餃中碗新鮮嘅大菜與豬肉嘅鮮嫩,肉汁豐富,餃子包著滿滿嘅餡料,即使煎完都唔會覺得好油膩🫶🏻🍐山楂雪梨水🍋蜂蜜檸檬薏米水兩杯都唔會太甜🫶🏻甜甜地酸酸地,好解膩同同滋潤🫶🏻📍 餃掂手工餃子雲吞專門店Nom Nom Dumpling🗺️ 灣仔莊士敦道44號地舖
繼續閱讀
環境5分:中式小店格局,樓面超高,內牆貼左人生道理poster,卡位分佈响兩旁,都算寬敞,筷子响櫃桶內,慳位又方便,唔算迫,可以畀五分。衛生5分:每張枱都有盒紙巾同埋調味料架,好乾爽唔會黐立立,非常衛生,滿分。服務5分: 侍應生快手快腳,唔囉嗦,上菜爽手,半小時內食完走人,滿分。味道5分:灼至尊松茸豬肉餃大碗有一打十二隻,隻隻都皮薄餡靚,入面D豬肉嫩口得黎好實正,證明D肉好新鮮,成隻餃好甜,個松茸又香,附送果碗狀元九鼎湯呢非常之清,一D都唔油,好飲。2) 煎韭菜豬肉餃大碗有十隻,大大隻個餡都係咁實正,個皮煎到金黃色,非常有心機,個韭菜味好濃烈好突出好仲好鮮好爽脆同香口,超好味,性價比高。3) 上湯松茸時蔬係菜心,都好多條,粗身得黎冇渣,成條吞得落肚。4) 凍蜂蜜檸檬薏米好清甜好潤喉好解渴,一支一個人冇難度。抵食5分:百幾蚊一個人一餐飯有正宗餃子,有野飲又有碟菜,性價比非常高,非常抵食,一定滿分。
繼續閱讀
週末無咩做,過咗港島一日遊,由於我喺新界長大,所以對港島嘅認知好少,根本就唔知有啲咩好嘢食,今日行過灣仔,見到呢間餃掂,望落去幾多種類,而且價錢合理,就等我去一試究竟!假日中午時分人流唔算多,walk-in都有得即時入坐,一坐低環境舒適,店舖都好乾淨,我同友人分別嗌咗韮菜餃同至尊松茸豬肉餃,個人口味關係我只係鍾意食湯,所以就兩個都隔咗湯餃,睇佢坐低介紹佢湯餃裏面個湯叫做狀元九鼎湯用料十足,包括鯪魚粉葛赤小豆等等等等,絕對唔係坊間一般嘅味精湯等咗5分鐘左右啲嘢食陸續送到嚟,除咗餃之外,我哋仲嗌咗個小食尖椒皮蛋,皮蛋嘅味道不過不失,酸酸辣辣夏天食就最啱啦!至於嘢飲我哋亦都試咗店員推介嘅檸檬薏米水,清甜得黎有檸檬嘅鮮味,夏天飲簡直係透心涼~首先講吓韭菜餃,一咬落去內餡飽滿,肉同埋韭菜嘅比例做得好好!!韭菜非常之香,食咗一啖成個口腔已經充滿韭菜嘅香味,食得出係非常之新鮮🥰🥰試一試個湯果然係足料嘅燉湯,非常清潤!對於一啲成日出街食飯冇乜湯水嘅都市人就啱晒!!好啦,跟住重頭戲~至尊松茸豬肉餃一咬落去嗰浸松茸嘅香味爆發出嚟非常之香,而佢除餐亦都附送咗一個松茸醬,亦都係好香菇味,點少少松茸醬配松茸餃到相輔相成,令到松茸嘅香味配合豬肉嘅鮮味更加昇華,冇得彈!!果然呢間舖叫得餃掂啲餃真係掂!總結呢間舖啲餃做得好出色,而且價錢亦都唔貴,大約$60左右就有10隻餃,喺灣仔呢個區呢個地段性價比極高!!好彩上網睇一睇佢除咗灣仔仲有其他分店,以後食餃我都會食返餃掂,別無他選!#nomnomdumpling
繼續閱讀
大熱天時唔想食飯麵,嚟咗呢間好多人排隊嘅餃子舖午餐時間真係好多人排隊———————————————————————《麻辣涼麵 小辣》份量超級大麵身幾爽撈埋麻醬嚟食非常惹味開胃-《重慶鮮肉雲吞》叫咗12粒,細細地 可以一啖一粒個湯好鮮味 不過雲吞就味道一般有少少失色冇乜特別-《雲耳椰菜豬肉煎餃》有7隻同10隻揀自己不嬲都好鍾意食餃子好飽肚略嫌材料調味比較淡唔算好出色Size夠飽滿炸得好香口建議要叫煎餃多過水煮!
繼續閱讀
灣仔搞掂 餃子店 真材實料。一向鍾意食餃子的我 第一次嚟呢間 餃 掂。呢度啲餃子隻隻都大大粒真材實料。我就叫咗一個 香煎軟芝士餃 一客中的 總共有七隻, 隻隻大大隻 用上新鮮豬肉 肉質鮮嫩 配上芝士 非常之惹味。第二樣就叫咗 龍鳳松茸湯餃, 每一隻都充滿 松茸 的味道 大大隻 個湯非常之 清甜。 每一隻都係手工餃子 用上新鮮豬肉秘製 配上松茸 芳香味道濃 。最後我就叫咗一支 檸蜜薏米水 消暑稱為解渴之選。呢度服務服務態度很好 推介一啲 特色美食給你, 值得再嚟。
繼續閱讀