The Farmhouse 咖啡廳 (裝修中)

好耐都無去食自助餐，難得約好幾個朋友去聚下，懶得諗食咩就去食自助餐最好，呢間酒店喺北角環境舒適又靚呢間自餐助都好多嘢食，最近主題係有機食材新鮮先攞冷盤海鮮，有新鮮爽口彈牙龍蝦，好厚身啖啖肉，仲有青口、東風螺、蝦及蟹腳等，每款都幾新鮮美味刺身款式都多有師父即場切，三文魚好肥美，仲有吞拿魚、八爪魚、甜蝦等刺身飲品除多款新鮮果汁外，還有好大個汽水櫃，齊哂好多款口味汽水熱食種類都好多，牛扒嫩腍夠牛味，仲有燒味㗎，北京烤鴨都好美味熟食海鮮有烤大蝦好彈牙惹味，仲有三文魚等最後記得留肚食甜品，勁多款口味雪糕及雪葩，款款都味道濃郁，最愛芝麻濃香及青檸及椰子清新，仲有好多蛋糕甜點

因為業績比預期中好, 所以老細就帶我哋去食buffet,一間北角海旁附近嘅酒店度食,環境非常之優雅, 以木調為主, 坐得非常之舒服,食物嘅種類非常之多, 冷盤, 熱盤, 魚生, 中式, 西式印度 都有冷盤有波士頓龍蝦, 青口, 海螺, 佢嘅長腳蟹非常鮮甜, 又多肉, 而蝦亦都彈牙日式方面有鰻魚卷, 仲有日式醬汁冷麵, 刺身方面有甜蝦, 章魚,希靈魚, 油甘魚, 吞拿魚, 吞拿魚 好新鮮, 又肥美嘢飲方面都好齊, COFFEE, TEA, 唔在講, 仲有鮮生果, 我飲左甘筍蘋果汁, 呢個crossover非常 之特別, 甘香鮮甜熱盤方面, 有泰式燒烤串, 燒羊架, 澳洲西冷牛扒, 烤薯仔洋蔥, 醃製豬頸肉, 紅酒燉牛肉拌森林 磨菇, 烤雞翼, 熱盤方面我最鍾意嘅就係醃製豬頸肉, 咬落去彈牙, 又保持到肉嘅香濃味道中式方面, 燒腩仔個皮非常啲脆, 化皮燒豬, 肉質非常juicy雪糕有好多種, 有青檸雪葩, 清薑, 港式奶茶, 芒果檸檬草, 開心果, 士多啤梨雪葩, 雲呢拿, 朱古 力, 綠茶,熱情果,椰子, 黑芝麻, 特別嘅就係有港式奶茶味道, 香甜濃郁

今日同啲長輩、小朋友一大栅人食晏，自助餐應該係最佳選擇。見 Farm House 地點就腳，加上環境唔錯，姑且試吓，決定前都有睇過食評，見到多數評語都係一般，都係話食物選擇唔多，味道亦唔見突出，不試亦冇壞。不過見長者同小童有半價，咁就試吓啦。熱盤同冷盤放置唔同地區。冷凍食物如雪糕、甜品、沙律、壽司及冷麵近入口處。汽水方面，呢間 cafe 係提供支裝，可選擇可樂、雪碧、玉泉，飲支裝嘅 feel 確係唔同啲。甜品方面，真係好一般，選擇唔多，味道亦一般，我只取了芒果布甸，綠茶紅豆糕及朱古力味蛋糕，味道真係欠奉，以酒店水準嚟講，甜品控一定失望。我地12人分兩張長枱，由於空間頗寛濶，離座拎食物唔會影響到坐旁邊嘅人。入口直入盡頭就係熱盤區。提供嘅食物有牛肉，羊扒，咖喱，麵，點心，燒味。選擇比我預期好。啲叉燒、油雞切得幾厚身，口感十足。可惜冇糖水，我鐘意嘅紅豆沙、豆腐花，一律欠奉。週日大人價為398，長者及小童半價，而家大人有85折，平均一位三百幾，都算OK。

第一次來,因為之前睇過食評好似吾錯,而且價錢ok，所以一於用OpenRice訂位,有10%折扣優惠。我們12:00pm前已到達，但未可以入座，所以在門口坐一會，當日天氣好好吾太熱，坐在出面曬一陣太陽，好舒服。接近12:00pm可以入坐了，一入到餐廳，感覺吾錯，好開掦，但安排了近平台位置（好似1號枱）有D熱😅一出去望吓有咩冷盤時，目光已被呢個雪糕雪芭櫃吸引了，所以到中段時間已經同男友share了一半以上味道😋呢間餐廳一入門口會有一個冷盤，甜品。、沙律🥗同飲品區，選擇其實吾算多，但三文魚剌身新鮮好味沙律一般，但有支裝汽水，個人蠻喜歡飲😀，西瓜汁都吾錯，但海鮮只得蝦同青口，味道一般。但甜品選擇較小，但即制雞蛋仔好味呀，記得要試吓，好在雪糕同雪芭多款，店員推介清薑味，好fresh，感覺好清新，正。個人推介朱古力、青檸同芒果檸檬草。熱食要入去較後位置，有雞粥、中西湯、有十多款熟食、仲有點心、即制粉麵、即制長通粉（好味😋）仲有咖喱同印度烤餅等等，選擇都算多，以價錢來講，抵食，絕對可以一試坐位上仲有叉電🔋制,可以一路食嘢一路叉滿電才走，正。

一段時間無食自助餐，今次朋友邀約一齊去北角一間最新重新開幕嘅酒店食自助餐擦餐勁～放工去到北角肚仔已經打晒鼓，正正可以食到盡啊！一入到餐廳映入眼簾先係勁大嘅Gelato雪糕凍櫃，超多口味令人眼花瞭亂啊～先去到海鮮區回下本先，眼見好多大大隻嘅龍蝦真係好吸引～梗係要拎返隻食下啦！另外刺身區都有多款刺身，其中我幾鐘意油甘魚，帶點魚油香又幾厚切！食完冷盤就進入主食部分，主食都有好多國家嘅菜式，好多樣！先拎左牛同埋羊架，另外佢地仲有燒味部分，燒腩仔啊叉燒等等，仲有片皮鴨添啊～湯品有中式燉湯同埋西湯—南瓜湯，好濃郁啊！另外我好鐘意即煮喇沙，可以自選配料同麵底，喇沙湯帶辣勁好過癮～最後一定要返去個Gelato雪糕凍櫃度揀雪糕啦，佢地竟然用上XTC嘅品牌，而口味相當多！我先揀左開心果同埋青檸味，都唔係常見一般嘅口味，當然把握機會試下～令人驚艷係開心果味，味道好出之餘仲有果粒！第二輪揀左朱古力同奶茶，都一樣咁正，朱古力超濃厚，奶茶味奶滑得嚟不失茶香！齋食雪糕已經好滿足啦～

上幾個星期才到過北角這家酒店食晚飯，想不到舊同事聚會，又有人提議來這裏食自助餐，真係巧合。睇黎這間酒店都頗受歡迎。    位於3樓的它雖没有樓上西餐廳的海景，但裝修亦貫徹木系色調，座位闊落，面積也大。入門口先被那轉轉雪糕櫃吸引，幾十種不同味道，令人心花怒放。不過先忍口，主攻海鮮和刺身。     我最愛的龍蝦大大隻，蟹腳、青口、凍蝦、大蜆都吸引，不過只是食了一點，龍蝦才是我的重點，一連食了4隻。一旁的壽司都排列整齊，但旁邊的刺身更加吸心動。壽司有5款，都係厚切的，三文魚、油甘魚啖啖肉，甜蝦隻隻都帶蝦籽，夠肥美。     然後又拎了巴馬火腿、煙三文魚和蜜瓜等。那個芝士生菜沙律著實吸引，一整個車輪芝士挖空了，中間半溶狀態的芝士伴生菜，邪惡非常！    生果和沙律吧選擇亦多，放得企理整齊，士多啤梨和藍莓任食，啱晒我。這裏的果汁每日新鮮即榨，無添加。   熟食區中式小炒很多，當然不可放過燒羊架和牛扒。羊扒燒好放在架上任取，粉嫩粉嫩的牛肉，大大件切俾你，只怕你不夠飽。另外的熟食選擇也十分多，燒味區的也有片皮鴨，叉燒，燒雞靚、燒肉又脆。     想不到咖哩都佔了一區，印度米、薄

最近天氣漸涼，需要食多d野補充大量能量食自助餐就最岩啦！第一時間當然拎海鮮啦！龍蝦大大隻開邊，好吸引，即時拎左一隻！仲有長腳蟹、蝦、青口等等，都幾多款式！龍蝦隻隻都有膏，蝦肉爽口彈牙， encore左幾次！刺身厚切，絕對唔孤寒！三文魚新鮮，最愛油甘魚夠晒油份，仲有甜蝦都好鮮味。食物選擇都幾多，樣樣都食下，味道整體都屬於中上。熟悉方面都冇令人失望，燒味都有幾款，鍾意食燒味嘅我感到開心！叉燒半肥瘦好正！水果款式都好多，係有機水果！甜品都好高質，絕對係食完一件又想食多一件！最後係雪糕方面，佢哋係用XTC，超級正，比起平時成日食嘅M記同H記來得更有心思。我一共食咗六球雪糕，因為真係好好味！開心果味係我個人嘅推介，真係粒粒開心果水碎係入面！正！絕對係肥都要食埋！

最近愛上搭渡海小輪，北角碼頭旁邊就是 HYATT 旗下的 維港凱悅尚萃酒店，五星級酒店二樓 The Farmhouse 主打高質素酒店自助餐，趁生日前夕跟朋友共嘗最新推出以 ORGANIC 為主題自助晚餐，適合追求健康生活品味的我們。餐廳有梳化位又有無敵海景，高樓底令空間感大增，坐得舒服之餘環境冇咁嘈，傾計舒服啲。《ORGANIC》推出 ORGANIC 主題自助晚餐，美食當前感覺清新自然，養生美顏生果甜品、最喜歡還是他們充滿生命力的香草盆栽，廚師會把他們注入美饌當中，令人精神為之一振，聞到薄荷葉的香味我成個人醒神晒！《海鮮》好多人食自助餐第一時間都想食貴價番本菜式。這裏冷盤雖然沒有生蠔，但係就有我最鍾意食嘅長腳蟹，一條條新鮮蟹柳，一啖放落口係好爽嘅！《波士頓龍蝦》還有手掌般大的龍蝦、翡翠螺、凍蝦、大蜆、藍青口⋯差唔多將成個海洋都食咗落肚。波士頓龍蝦肉質鮮嫩結實，龍蝦味濃郁鮮甜又唔腥，食得出海鮮的原汁原味實在太幸福了！一個華麗轉身，旁邊還有刺身吧、壽司、cold cut，新鮮蔬果沙律。《刺身》先講講我最喜愛的刺身，油甘魚、吞拿魚厚切，入口甘香充滿魚油香氣四溢，吃得出的鮮味，質感入口即溶。

當天人非常少，有很多位，卻安排我們坐到景觀不佳的位置，而且其中一張六人桌坐中間的那位被左右夾住，一定要旁人先起來才能出去，極不細心。食物種類很少。大家一致認為好吃的只有：鮮榨橙汁（是機器自動榨，很甜）、雪糕還可以的有：壽司、燒蝦、牛仔骨、燒三文魚甜品最差，賣相和味道都不討好其他也是普通貨色，不似星級酒店。這樣進取的收費居然沒有Parma ham, 鵝脾、生蠔！很令人失望。而且還帶了三位親戚... 有點不好意思，因為地方是我選的。

今期自助餐的主題是Organic Food，因此食材嚴選了有機食材，例如：本地有機香草🌿、水果和肉類。.整體上食物質素不錯👍🏻，食物種類不少，而且用料新鮮，比預期中還要好，令人喜出望外✨。.海鮮有7類，龍蝦、青口、雪場蟹、長腳蟹、蝦🦐、蜆和螺。最驚喜的一定是雪場蟹🦀，蟹肉量多，還吃到海水的鹹鮮味👍🏻。其他海鮮也算不錯，肉質新鮮彈牙👅。唯獨是龍蝦肉較韌，又淡口，雖然有蟹膏，但味道失望👉🏻👈🏻。.🐟刺身有三文魚、吞拿魚、八爪魚🐙、甜蝦🦐和油甘魚。🤤魚肉厚切，肥美鮮甜，而且魚肉柔潤💦，少有自助餐刺身有此質素。.🥗沙律有大量選擇，大家自行調配合適的口味，再放於原個芝士磚內調味🧀。另外，🐟🍖煙三文魚和Parma Ham也是不能錯過的冷盤喔。.熟食區有中式熱葷和燒味、麵食🍜、湯🥣及印度咖哩🇮🇳。大廚還會在現場即燒大蝦和羊架🦐🍖，可惜大蝦單有彈牙口感，卻欠缺鮮味。.🍰甜品份量小巧，不過賣相精緻，款式亦算多。蛋糕口感綿密，小圓撻口感細膩，中間還有餡料，確實有驚喜，應該深深受到女士們的喜愛吧❤️😍。.🍦雪糕是XTC Gelato，一共有十二款口味，是草根看過最多的最有誠意的雪糕櫃👀，雪糕櫃會不停轉動，加上

久不久都會去酒食自助餐，今晚朋友就同我去了這間唔錯嘅酒店食晚餐自助餐，地方同環境都十分舒適座位闊落，又有落地玻璃海景位置，但可能要一早訂位先可以按排！食物區分了兩個位置，一個係冷盤海鮮刺身甜品，另一個就係熟食區，有不同嘅熟食選擇，就算係我呢個大胃皇都覺得要食勻裡面嘅所有食物係十分之難，就算時間足夠，個胃都不能容下！刺身吧內刺身由師傅即刻為客人切成一份份給客人，夠晒新鮮！而個海鮮吧內有開邊嘅大大隻龍蝦、開殼了嘅長腳蟹腳、爽口嘅蜆、彈牙爽口嘅蝦、青口等等選擇！而龍蝦絕不是浸過量鹽水處理,，食到鮮甜味，唔會太乾，而且充滿蟹膏，長腳蟹蟹肉同樣鮮甜, 超正!!如果多吃幾隻都已經歸本！呢個區最令我注意嘅係個旋轉Gelato雪糕櫃，上面有不同口味，每天都由供應商新鮮送到，喜歡食Gelato嘅朋友絕對推介，不同口味各有特色，生薑清新特別、朱古力味道濃郁、奶茶味道夠地道！真係多走幾轉試吓不同口味！而飲品亦提供新鮮嘅鮮果汁，同自助咖啡機使用，不得不提個自助汽水吧，樽裝，要自行開蓋，感覺懷舊之餘亦十分環保，樽裝可回收再用！熟食部份有在入口嘅燒牛肉，大大件由師傅切片給食客，牛肉軟熟嫩滑夠晒牛肉味道！又有湯麵、

上星期是朋友的生日，我們就BOOK了位於維港凱悅尚萃酒店的五星級自助餐食食晚餐－ The Farmhouse。當日的主題是以farm為主－是以有機為主的自助餐，食材新鮮。刺身類：當日的刺身種類：三文魚，章魚，甜蝦，希靈魚及吞拿魚。刺身是由師傅當場根據食客既選擇而切的，份量也不少，不會令每款刺身只比兩片。個人最推介的必定是甜蝦，因味道特別會甜多一些，鮮味不絕！三文魚厚度足夠，若食到腩位，魚油味會更加特出。章魚煙煙unun幾有口感。海鮮類：當日海鮮包有龍蝦，長腳蟹，螺，蝦，蜆及青口。長腳蟹帶有咸海水味，肉質不會太乾口。螺食落口感十足，沒有沙粒；可惜個人覺得龍蝦會比較乾身少少啊。熟食區是在餐廳中再入啲既位置，當中有炒麵，小菜及飯等等食品。熟食類：最特別的是烤鴨－餐廳已為客人早已包好來蒸，非常方便食客。味道方面，配以甜醬食用味道會更惹味，入面既烤鴨不會過於油膩啊！燒蝦－蝦不是以平時所見既細蝦，所以燒後依然大大隻，口感方面彈牙，帶有少少鮮味。叉燒是半肥瘦的，食落不會太硬口，同時滲出叉燒汁，令整體味道更為juicy！雪糕：酒店以本地牌子－XTC作為雪糕。雪糕味道種類極多，包括有港式奶茶，椰子，開心

今日男朋友生日，要同佢食餐好既慶祝，想食餐豐富又豪華嘅大餐，食自助餐就最適合啦! 平時我地都好喜歡食自助餐，始終人人口味唔一樣，我哋可以各自選自已想吃什麼，自已拿想吃什麼，好食嘅菜式就互相推薦，我食得開心佢又食得開心。在同事的介紹下，今晩來到開業不久嘅The Farmhouse食自助餐，環境地方好好，仲可以睇到維港景色，真係一流享受呀!餐廳叫得做The Farmhouse，自然同農場主題有關，主打嘅係新鮮有機蔬菜，喜歡健康嘅朋友仔，一定要試下啦! 平時出去食個有機蔬菜沙律都好貴，今日可以大食特食唔嬲啦!第一件事當然係要食海鮮啦，有仼食龍蝦，長腳蟹，青口，螺同蝦，係回本嘅首選呀! 龍蝦肉質夠結實，嚼勁十足，海鮮新鮮不在話下，估唔到長腳蟹超鮮甜，正呀!之後就食少少沙律，試下有機蔬菜有咩分別先。沙律嘅選擇好多，有自製沙律，又有現成調好味嘅沙律，例如: 泰式沙律，水牛蕃茄沙律，凱撒沙律等。凍盤嘅選擇亦多，有煙靭火腿，芝士配餅乾。我最喜歡食 餐廳嘅凱撒沙律，用左一大個芝士撈凱撒醬製成，造形氣派非凡，味道又好好。沙樂美腸夠香又夠鹹，都好食呀。熱盤都有好多選擇，有中菜，西式，印度菜等等，中菜有叉燒，