The BASE (已結業)

由於工作關係，周末如非必要都唔想出返觀塘但朋友話想試下，咁冇辦法啦～想舒服傾計嘅話⋯我決定帶朋友黎食the base! 對上冇耐先黎食過lunch , 感覺良好，今次就試下brunch 啦！ 同朋友都order 左三文魚黑松露benedict 正benedict, 蘑菇，三文魚配埋法式牛油多士～好香口飲品都係叫返英式玫瑰～朋友叫左泰式奶茶～偷飲左啖有少少偏甜朋友覺得份量偏少，食完仲有少少餓，我就覺得啱啱好～梳化放嘅cushion 好舒服～好chill 呀下次黎最好避開中午時間，就可以坐耐啲喇

Good food presentation, tastes good. The sweet potato fries were nice and their pepper from the peppermill was surprisingly good. Service can be improved. When we arrived no customers were there yet. We saw a girl preparing, it was 11:32am (restaurant suppose to open at 11:30am).Our first time visiting this cafe. Doors are shut, girl keeps working inside setting up tables and busy doing stuff.At 11:37am, a young guy turns up to work.Other customers start to turn up now, wondering if they are ope

the Base係朋友嗌左好耐話想試工廈嘅餐廳，前2日行完APM就上去會一會佢裝潢有格調，枱與枱之間唔算逼，兩個人可以靜靜地撐枱腳仲有個小露台可以出去hea下傾下密計我order 嘅係鮮水果茶，好真材實料地有好多新鮮水果！好fresh壺茶都幾大壺，飲左好杯都仲未飲完朋友呢杯係西柚冰紅茶，朋友話都唔錯！因為唔算太肚餓嘅關係，我地只係叫左一份沙津同一份小食呢份係燒味噌三文魚沙津配加拿大野米。三文魚燒得好香口，好重魚油香沙津菜又新鮮啲野米幾有咬口小食就係芝士焗蕃茄大啡菇個大啡菇好juicy wor,唔會燒到乾哂！配菇配芝士真係一個好完美嘅組合，好惹味下次會同朋友黎食lunch !!

友人在觀塘區上班，對附近的食肆自是較為熟悉，日前由他帶路走到工廈餐廳，這裏的外圍環境較整潔乾淨，室內面積雖然不是很大，但座位擺設頗具空間，簡約明亮讓人感到相當舒服朋友為我點了一客慢煮8OZ澳洲草飼和牛西冷扒，因為製作需時，大家可以長話慢說，香港人的生活節奏就是太匆忙了，也許這是吃慢煮菜式的另一好處。店員送上一瓶清水內裡有片不知名的葉子，喝下又不覺有什麼味道。等候期間先上火燒原棵羅馬生菜選了芝麻汁生菜翠嫩，汁醬惹味，那一小撮多士粒讓菜式加分柚子薑梳打透著淡淡的薑味，不太甜，味道清爽炸蝦肉釀雞翼珍寳珠把蝦肉醸在雞翼棒上，可以提起來的蝦丸，外皮炸得熨熱酥脆，一口咬下肉汁豐富，口感不是一般的爽彈，是柔潤鮮美草飼和牛西冷慢煮能為原材料帶出最佳効果，而且不會破壞食物的營養，色澤粉嫩的西冷，嫩滑甘膄帶點嚼勁，汁醬其實不太惹味，吃的是精瘦肉質的風味。有時間的話可以再去偷閒一下。

短期內幫襯左呢間餐廳兩次，因為食物質素高，值得得encore 。今次叫左燒原棵羅馬生菜，有驚喜，燒既時間剛剛好，不太生不太老，好juice。燒牛骨髓配燒香草蕃茄.脆多士，剛入口會覺得牛骨髓有D油，但配上多士恰到好處，吸左D油，而且texture好夾。炸蝦肉釀雞翼珍寶珠，上次試左好好食，今次又encore!。黑松露大啡菇雜菌波菜扁麵，好香黑松露，麵質好彈牙。慢煮加拿大豬鞍配甜酸豬腩，豬腩入口既溶，豬鞍都幾爽口，。整體都好好味

觀塘工廈美食林林種種，要殺出一條血路就唯有靠特色同口碑。今次就黎左the base, 行工業簡約風，入到去感覺都幾舒服。枱枱凳凳都係用深色實木，完全凝造到餐廳既形像同感覺。仲有樣野好牡别既係，平時去既工廈餐廳都係年青人比較多，呢到都幾多辦公室人士黎。佢出面仲有個幾大既open area 可以食煙，我地黎個時見有幾個男仕係到飲紅酒，食雪茄，真心覺得d客既variety好大！menu選擇唔算多，不過都夠。肉類海鮮素類甜品都有。先係叫左杯Skin, 男朋友話cold pressed juice好特别，飲落覺得好fresh, 佢揀既蔬果都幾夾。感覺幾清腸胃。因為今晩唔係太餓，都無叫main course, 呢個炸蝦肉釀雞翼珍寶珠幾cute, 真係成點珍寶珠咁。係用雞翼骨扮返支棒。切開仲好清楚睇到蝦肉in between, 食落有兩種質地，都幾juicy, 出面既炸粉亦唔會做得太過份。點埋個醬都真係好岩做餐前小食。我鍾意個薑蔥醬多d, 未上之前一直諗會唔會好似食燒味個d咁原來係加沙律醬打既，都幾特别。呢個芝士薯格先正！！！！真係 熱辣辣，脆卜卜，香噴噴！勁鍾意！而且只係$58，一d都唔貴！ 啲芝

終於過左peak season，脫離日日都忙到七彩的日子，真係覺得命都會短幾年今次同朋友飯聚特地選這間可以慢食慢聊天的餐廳餐廳位於工廈內，不上網基本是不會找到這間餐廳的門口會有一個很亮眼的招牌我們未夠七點就到左... 應該係今晚的第一批客人餐廳外還有露天地方，煙友可以坐這舒服聊天朋友點的熱朱古力，好靚的拉花我點的創新飲品，爆炸菠蘿熱情果 XD 沒想到原來是以刨冰的形式上，可以直接吃冰，或是等冰溶化飲都可以，味道清甜好味，而且沒想像中快溶，吃到晚餐最後我還能繼續吃冰當終極甜品 XD前菜是芝士焗薯大啡菇，大啡菇不會焗到乾曬冇水份，餡料蕃茄粒配上清新的火箭菜吃口感一流，是道很開胃的前菜主菜點了燒帶子燴辣蕃茄海鮮孖辮粉，帶子很有厚度，即使煮過後仍然保持到鮮味第二道主菜是想試很久的慢煮澳洲西冷扒，自家慢煮做實在太花時間，還是在外面吃好 =P慢煮除了可以保護原材料的色澤外，還能夠保護本身的營養，西冷扒外層煎得香口，中間肉呈粉紅色而又不會滲出血水，口感不會韌，可以配上芥末吃甜品點了心太軟配雲尼拿雪糕係會識流心的 XD整個晚上同朋友吃得非常舒服，慢慢食咁就食左三個鐘，基本上餐廳晚上只會做一轉，又不會趕

先講環境，裝修設計簡約時尚，觀感不俗。檯與檯之間距離都夠，傾計唔怕俾人聽到哂。仲有個特大戶外位置，方便吸煙人士呼吸。食物質素幾好，睇(食)得出餐廳用心製作，好多菜式係出面都比較少見，價錢亦可接受，我就食左以下幾樣野。火燒原裸羅馬生菜配冬蔭功沙律汁 – 驚喜口味!一向分別喜歡吃羅馬生菜及冬蔭功，但見到冬蔭功沙律汁都有諗過會唔會中伏，食落意外地夾！羅馬生菜十分爽口，配上微辣的冬蔭功沙律汁非常惹味，特別開胃！燒香草牛骨髓配香草蕃茄醬，脆多士 – 真係巧多士要成為一塊巧多士，基本功就係要脆，依樣野絕對做到，放耐左食落口都仲係卜卜脆。精華就係牛骨髓，牛味特濃，成塊多士異常濃郁香口，但略覺油了一點。不過加點香草蕃茄醬，能夠中和一下，清新返。澳洲M級肉醬和牛芝士漢堡" - 賣相好靚！個漢堡睇落都好吸引！份量十足！可以睇到入面有蕃茄、煙肉、肉醬、和牛、仲有芝士同一D洋蔥，舊肉都幾厚身，食落好Juice, 可能蕃茄夠大，食落唔會好似平時D漢堡咁流，幾好味，塊煙肉好明顯刻意整得好乾身，襯落個漢堡到其實不錯的，不過我本來就不太鍾意煙肉。整體來說都係好味的，但$178，同人share食感覺抵食D囉。慢煮8OZ

還不算易找嘅一個地方，從觀塘站出要沿著開源道一直行至差不多尾段才能找到。通常呢d時候我一坐低就會問，點解要塭到呢d甘遠的地方食，今日我都係問呢一句說話。上到來環境係一間正常的西式餐廳，清新環保的裝潢，給人一種高雅舒服的感覺。餐牌上的選擇唔算好多，每個類別有6至7款，但比較不同的係拒嘅食物比較特別。例如呢一個牛骨髓配多士。未有見過出面會有，而且一看上去就係一個要花心思煮的菜。原條嘅牛骨分開兩邊，只吃中間的骨髓，要把骨髓煮到軟，花嘅時間真是以小時計，難得這裡有這個心思。骨髓吃落其實只有淡淡的牛味，但其質感可愛，配上硬身的甜包，非常有口感。再配上特有醬汁，酸酸甜甜，增加了開胃的感覺，作為小食一流。主食嘅雞柳意粉，香草味重，有牛油香。如果唔喜歡雞柳嘅，可將拒轉為大啡菇，變左成個意粉都係齋為主，岩唒d素食主義的美女。拒嘅嘢飲都值得一提，每杯嘢都又睇得又好飲。我今次叫呢個藍色椰子冰沙就係又睇得又飲得。味道飲落去係好濃嘅椰子味，上面嘅扭扭忌廉原來係乳酪雪糕，外面仲灑上爆炸糖，飲落去喺個口到跳跳下甘，好得意。如果遇到d好難吃嘅嘢，呢一刻我實會話，行到山長水遠食d甘嘅嘢，邊個介紹架。但今次當然係無喇。重

經常會到觀塘樓上餐廳吃飯，但老實說，部分真的價錢貴，水準一般，感覺是有點over-priced，不過這間「The Base」就叫我眼前一亮，食物好，價錢亦合理，尤其甜品，很好吃！ The Base位於開源道豐利中心，地點就腳，搭lift乾淨兼方便 (有些工廈等lift等到傻)，餐廳裝修簡潔、有空間感，設有室外座位，不過今晚下雨又轉冷，還是坐室內好了。 圖中這是不收費的飲用水，放了幾塊薄荷葉進去，瓶子還寫著「Detox」，是不是真的Detox我不知道，但賣相肯定一流！ 芝士焗番茄莎莎大啡菇 ($58)火候控制得好，大啡菇很juicy，好新鮮的味道；上面是酸酸的焗番茄莎莎，作為前菜，很開胃稱職。 燒日本帶子燴辣番茄海鮮孖辮粉 ($138)帶子厚身鮮甜，上面除了是紫菜絲，細心一看，還有一些小蝦乾，令孖辮粉除茄汁外，更增添了陣陣鮮味，這點小心思，令人欣賞。 焦糖朱古力脆脆三重奏 ($45)這個三重奏真的很讚，面層是creamy的焦糖醬，加了朱古力脆米，雙重口感；底層是脆脆的朱古力餅，香味濃郁，甚有酒店水準，只售$45，超值了！ 椰香焦糖燉蛋 ($45)燉蛋是餐廳推介，加入了椰子香味，較坊

約舊同事食飯，相約觀塘區，識食一定要搵工廈餐廳。上網搵到依間The Base, 便來一試。餐廳裝潢走工業風路線，面積不算大但座位寬敞。餐牌選擇一目了然，分類清楚，由頭盤到甜品都不難發現，每款菜色配搭均有特色，總有選到一些未曾試過的組合。先來泰式沙田柚木瓜藜麥沙律。木瓜絲上佈滿藜麥、沙田柚、兩片多士。市面上不太多地方有藜麥菜色。藜麥本身沒味道，但卻是營養價值非常高的高纖食物，據說它更有效改善濕疹情況。每種配料均有不同的口感，混在一起卻帶出清新的滋味，還有點辛辣的醋汁，一試難忘。之後有炸蝦肉釀雞翼珍寶珠。蝦膠釀入雞翼中， 味道鮮香肉嫩，。外層脆皮脆而不漏，沾上他他醬更加惹味。潮流興健康主意，今晚主菜之一就有慢煮草飼和牛西冷M2-3。雖然只有五成熟，但或因慢煮關係，沒有半點血水，西冷上亦沒有灑上任何醬汁，肉質已經夠味之餘亦鬆軟。配菜製作亦值得一讚，什菜件煎至香口，擺設精美。最後有帶子蕃茄海鮮孖辮粉。孖辮粉香滑彈牙，帶子亦煎至金香蕃茄醬酸度適中，整體屬高水平之作。綜合餐廳環境、服務態度、價錢和食物品質四大評分準則，推介指數有8分（ 10分為滿分）。

其實觀塘真係一個臥虎藏龍既好地方，大家都知觀塘最多工廈，而工廈就好多餐廳，如果用心搵，總會俾你搵到驚喜！今次又俾我搵到好野食喇！首先呢間餐廳裝修好靚好舒服 ，抵讚！但我好快就俾餐牌上既食物吸引住，所以冇影相呢個叫"火燒原棵羅馬生菜"，佢有得揀 冬蔭功沙律汁 / 日式芝麻汁 ，我當然要試特別D既冬蔭功沙律汁啦！雖然餐牌已經寫明係"原棵"，但上菜個下都有震撼到，估唔到效果都幾靚。食完就更震撼！菜好爽！估唔到冬蔭功味係咁襯沙律菜！$38好抵食啦！"燒香草牛骨髓配香草蕃茄醬，脆多士" -  $78，呢個算係少見既菜色吧！用配有既小匙拎D牛骨髓及香草蕃茄醬放上塊多士上，入口有好香既油味，因為牛骨髓有一定既油份，所以需要香草蕃茄醬中和返，而多士脆得剛剛好！我覺得呢個菜式可以一試，不過朋友就唔多鍾意咁重既油味啦..."手制藍薄荷朱古力" - 又係一上枱已經好吸睛啦！將杯濃濃既朱古力跟飲品分開，令客人可以自行調較朱古力的濃度，我太心急喇，又見咁靚，一下將所有朱古力倒入飲品中，不過好彩，味道很好！$48有呢杯咁靚既野飲，真係好抵呀！成餐飯我都好滿意，令我對呢間餐廳既水準好有信心，我見到人地D漢堡好吸引，

早前朋友由外國回來,可以相約一齊食晚飯,難得可以約出來見面,也想找一個寧靜之餘,也有特色的地方用膳。不想旺角這樣吵鬧,所以就挑了觀塘區,一些樓上cafe,裝潢不但簡約精緻,也具有寧靜雅緻的環境,很適合和朋友傾計。所以就挑選這間The Base,離觀塘地鐵站不遠,行5分鐘左右就已經到。地點方便易搵,而且環境也算幾大,還有一個戶外的吸煙區。每張枱的餐具也放置得整整齊齊。有著漲卜卜的座墊,令人座得舒服和自在,配合昏黃的燈光,就更容易放鬆身心,可以好好享受眼前的美食,和朋友談心吧。而餐單方面,也有多款的選擇,不論希望食小食,漢堡,意粉或是扒類也一應俱全。餐飲也有一些特色咖啡,抺茶,水果冰,熱花茶...真的邊飲邊談心,也不會怕口乾。我習慣邊飲邊食,所以先來一杯溫暖我胃的熱朱古力 $38嘻嘻...白色的陶瓷杯,浮現了一個大大的心型,令人會心微笑起來。呷一口朱古力,有著淡而香醇的朱古力味,甜甜的朱古力味道令人愛上了。芝士蕃茄大啡菇 $58看到大大的菇,有半個手掌這樣大,而上面也滿佈了芝士和蕃茄,一口菇配上濃郁的芝士,再夾雜微酸的蕃茄味,令人覺得開胃之餘,也不會搶走了菇原有的鮮味。而菇本身也不會太淋,

喺觀塘返左工一段時間，有朋友推薦左the base 依間餐廳好耐，今次終於有時間可以同埋佢午餐一聚聽朋友講依間餐廳越黎越受歡迎，專登早兩日打去book 定位～餐廳環境好舒服～好適合一大班人黎傾計～難怪當日見倒好多都三五成群咁黎食lunch 朋友一早send 左menu 俾我揀，有幾款都好吸引！最後聽朋友推薦就叫左5- 雙層芝士大啡菇burger+薯格！飲品方面就叫左英式玫瑰茶～等左一陣野食就黎喇朋友果然冇介紹錯！個burger 好好味！啲茹好juicy ! 連埋半溶嘅芝士黎食好滿足另個玫瑰茶都好好飲，飲完令人放鬆心情高質素lunch ，唔加一，仲有咁多飲品選擇，一定要再黎encore ！

The Base裝修簡單，素色為主，卡位有cushion，實而不華好有一種家既感覺!(PS:餐廳有個門口可以出大露台，我諗坐三十人都冇問題，唔知可唔可以搞event)爆炸藍椰子 $48其實係見個名特別先叫，椰子點解會藍色?又點解會爆炸?原來係加左爆炸糖，上枱果陣係咁啪啪聲，幾特別就算飲到最後都會食到爆炸糖!個杯setting幾靚，係椰子味既沙冰，好有趣!慢煮草飼和牛M2-3西冷扒  $278呢幾年慢煮平民化左，不過又唔算常見，因為都係時間同成本效益既問題所以反而係小店會有。叫得慢煮，真係要有心理準備，其實都係三四十分鐘左右，幾個朋友吹下水就好快過。西冷係8oz，兩三人分就岩岩好牛肉味好濃，牛肉亦好滑!點麵豉醬食好好味!值得一讚仲有佢既配菜，非常豐富而且唔係hea野!!所以咁多都一樣食得哂!芝士薯格 $58呢個份量都唔少，薯格上面有兩種芝士，食落夠熱同脆，當飯前頭盤或者飯後飲住野既小食都得