影片
更多
2017-04-05
172 瀏覽
先講環境，裝修設計簡約時尚，觀感不俗。檯與檯之間距離都夠，傾計唔怕俾人聽到哂。仲有個特大戶外位置，方便吸煙人士呼吸。食物質素幾好，睇(食)得出餐廳用心製作，好多菜式係出面都比較少見，價錢亦可接受，我就食左以下幾樣野。火燒原裸羅馬生菜配冬蔭功沙律汁 – 驚喜口味!一向分別喜歡吃羅馬生菜及冬蔭功，但見到冬蔭功沙律汁都有諗過會唔會中伏，食落意外地夾！羅馬生菜十分爽口，配上微辣的冬蔭功沙律汁非常惹味，特別開胃！燒香草牛骨髓配香草蕃茄醬，脆多士 – 真係巧多士要成為一塊巧多士，基本功就係要脆，依樣野絕對做到，放耐左食落口都仲係卜卜脆。精華就係牛骨髓，牛味特濃，成塊多士異常濃郁香口，但略覺油了一點。不過加點香草蕃茄醬，能夠中和一下，清新返。澳洲M級肉醬和牛芝士漢堡" - 賣相好靚！個漢堡睇落都好吸引！份量十足！可以睇到入面有蕃茄、煙肉、肉醬、和牛、仲有芝士同一D洋蔥，舊肉都幾厚身，食落好Juice, 可能蕃茄夠大，食落唔會好似平時D漢堡咁流，幾好味，塊煙肉好明顯刻意整得好乾身，襯落個漢堡到其實不錯的，不過我本來就不太鍾意煙肉。整體來說都係好味的，但$178，同人share食感覺抵食D囉。慢煮8OZ
先講環境，裝修設計簡約時尚，觀感不俗。檯與檯之間距離都夠，傾計唔怕俾人聽到哂。仲有個特大戶外位置，方便吸煙人士呼吸。食物質素幾好，睇(食)得出餐廳用心製作，好多菜式係出面都比較少見，價錢亦可接受，我就食左以下幾樣野。
火燒原裸羅馬生菜配冬蔭功沙律汁 – 驚喜口味!一向分別喜歡吃羅馬生菜及冬蔭功，但見到冬蔭功沙律汁都有諗過會唔會中伏，食落意外地夾！羅馬生菜十分爽口，配上微辣的冬蔭功沙律汁非常惹味，特別開胃！
燒香草牛骨髓配香草蕃茄醬，脆多士 – 真係巧多士要成為一塊巧多士，基本功就係要脆，依樣野絕對做到，放耐左食落口都仲係卜卜脆。精華就係牛骨髓，牛味特濃，成塊多士異常濃郁香口，但略覺油了一點。不過加點香草蕃茄醬，能夠中和一下，清新返。
澳洲M級肉醬和牛芝士漢堡" - 賣相好靚！個漢堡睇落都好吸引！份量十足！可以睇到入面有蕃茄、煙肉、肉醬、和牛、仲有芝士同一D洋蔥，舊肉都幾厚身，食落好Juice, 可能蕃茄夠大，食落唔會好似平時D漢堡咁流，幾好味，塊煙肉好明顯刻意整得好乾身，襯落個漢堡到其實不錯的，不過我本來就不太鍾意煙肉。整體來說都係好味的，但$178，同人share食感覺抵食D囉。
慢煮8OZ 澳洲草飼和牛M2-3西冷扒 簡單的菜式，不用詳細介紹。肉質夠嫩，亦能保持肉汁，配上燒蔬菜，值得一試。
爆炸乳酪野莓 – 推介創意飲料最後講埋飲品，選擇都幾多，我就揀左依個，大大杯好抵飲，飲得野莓飲品就係鍾意佢酸味，依杯味道調製得宜。所謂爆炸其實就係加左爆炸糖落去，啜入口炸下你口感都幾有趣。
張貼
