The BASE (已結業)

kwuntong is famous for many hidden restaurants in industrial building. this is definitely one that I'll be back again for lunch. no 10% charge and excellent quality. healthy food choice and fresh ingridents.

今日要同朋友慶祝生日。約左係觀塘，事前其實冇咩idea食咩。上openrice搜尋左陣，見到呢間即食評很好，都沒有負評的（竟然）。一於去會下佢先。因為都幾多人去，怕到時沒有位所以book左位先，只係個日早上book，都安排到。但係個店員話只可以食１小時，都幾harsh。去到發現店子不是很大，我地坐角落的大枱，都闊落既。因為是食lunch，所以都只係點了lunch set，各自叫自己喜歡的。我點了一個豬扒加薯菜，其他的還有帶子墨魚汁Risotto, 雞扒漢堡等等。。 果然，這店的食物水準很高，我的豬扒燒得剛剛好，多汁之餘咬口也不錯，薯菜一點也不馬虎，豐富得很！整個賣相又吸引，令人食欲大增！朋友們說他們的也美味，而且份量剛剛好（都是女生），不會浪費！最後我們還叫了幾件是日蛋糕-藍莓芝士餅！一看就知是自家製，很好吃呀！希望遲下同別的朋友再去幫襯。

上網偶然看見這間餐廳所以來了這間店位於工廠大廈入面，一般都好難找到這天上到來這裡我們很幸運，剛來的時候岩岩好可以入座但是之後來的幾班人則要等十幾分鐘下次來的時候最好先訂位午餐既menu十分豐富，不過我同友人都對馬來叻沙飯最有興趣一天份量蔬菜馬來叻沙飯配太陽蛋($65)份量唔算好多但勝在叻沙既味道突出，會有少少辣Menu上面話有16種蔬菜，但係我地數黎數去都係得8種分別有蓮藕、蕃茄、青豆、翠肉瓜、薯仔、南瓜、秋葵，同埋茄子味道都唔錯，整個Set既感覺好健康而且價錢都唔貴👍🏻下次再黎試其他食物！

假日和閏蜜食個tea~估不到工廈都有這樣的一個地方！望出去是露天好地方！下著雨就更有feel~一坐下，就見到加入了薄荷葉的水！令水更清澈！帶有淡淡薄荷味~睇下餐牌先~款款都好認真，唔兒嬉~就點2 號同5 號啦！等一陣，2 號就來了~法式西多士，配左好香既芝士同煙三文魚。。2樣東東好配合~好惹味！ 沙律！菜好fresh~調味酸酸地，夠晒開胃！餐飲簡左。。洋甘菊茶！有淡淡ge洋甘菊花味~仲有好香香草味！無耐，5 號就來了~芝士南瓜雞肉餡餅！賣相色澤都好靚~食入口。。份量好平均，每一啖都食到南瓜與雞肉！南瓜煮得淋，雞肉唔嚡口，餅底又鬆軟！沙律菜一樣好fresh!配合麻醬，夠晒美味！餐飲我選擇了紅茶latte~仲拉左個心俾我茶味香濃~再加上濃濃奶香，一飲傾心！完全融化當中

行到邊食到邊，我甚少食西餐，搵到呢間西餐試下。我飲冰搖荔枝紅茶，大大粒荔枝賣相不錯，口味清新。炸蝦肉釀雞翼珍寶珍呢個名好吸引我，又蝦又雞翼I like it😍，脆卜卜又唔油，雖然唔覺得蝦味，但食落辣辣地幾好味，可惜得4粒真係小食多滋味了。黑松露雞肉米形粉配溫泉蛋，溫泉蛋又係我嘅大愛，每逢見到都忍唔住會㨂，個樣唔係好靚，但食落又幾好味又唔係好漏。紅酒燉牛面肉配薯蓉，薯蓉滑👍，牛面肉好淋。慢煮草飼和牛西冷，最記得佢介紹側面果行係竹碳鹽，點黎食，5成熟又唔會好血淋淋，有肉味好淋，不錯。呢個甜品就最冇特色喇，一般的心太軟加片金箔就可以收貴好多喇。

人們都說觀塘工廈有好多好野食。選了一個平日的下午來試一下這家在OPENRICE好評也不俗的餐廳。放桌上的是一支DETOX WATER。但我真的不確認除了裡面加了一兩片薄荷葉，它真的還有甚麼分別嗎？最大問題是薄荷葉也好像放久了，完全沒有味道。反正就是清水吧，GIMMICK弄得有點不認真。肉醬漢堡配薯格。其實十分十分一般，牛肉也煮得有點過熟，而且煙肉出油太多。薯格也放涼了。作為漢堡迷的我，10分滿分只能給它一個3.5分。反而蔬菜叻沙飯現太陽蛋是不錯的。叻沙汁夠味，但配著很多蔬菜還是足夠的清新，而且作為午餐份量適中，吃了叻沙也不覺特別罪過。吃完這午餐，真的應該重新思索一下傳說中的工廈隱世餐廳是甚麼意思。這家的飯和漢堡，就算不計特別值得扣分的地方，很老實的說，也只能是好普遍的午餐地方，絕對不值刻意去找。希望下次在觀塘工廈覓食會遇到值得一點的吧。

為了慶祝mother day，我帶媽咪來到工廈區試新菜式，希望為媽咪帶來驚喜。基本上這幾天很多餐廳Booking都好Full,好彩the base仲有8點兩位既位子。最後，我們點了燒香草牛骨髓配tomato source，脆多士($88)和紅酒燉牛面肉配牛油薯蓉($228)，其實價錢偏高，但希望食物質素好，那就無所謂吧！我第一次食牛骨髓和脆多士的配搭，很香很好味，媽咪忍唔住問依道菜用左咩食材！多士烤很剛好！另外，牛面肉很軟綿，滲了紅酒味，配上其他vegetables，幾好！薯蓉很creamy，另一推介！我覺得餐廳環境舒服，多士幾好，牛面肉價錢偏高，但好味！

最近觀塘工廈成為我和男友的食堂，除了因應價錢較便宜，味道也有一定水準，否則工廈食堂如何留得到客人呢？一個平凡的星期二晚上，我卻與男友有一個不平凡的享受，想不到工廈也有特別的西餐廳。門面裝修簡約時尚，內裡用上木台，高椅，有部分是Sofa椅，感覺舒服。食物方面，我們點了澳洲肉醬和牛芝士漢堡($188)及黑松露雞肉雜菌米形粉配溫泉蛋($138)，配上棉花糖Mocha咖啡。漢堡方面，我最愛他有大大塊煙肉片，煎得香口，很多肉汁，我最愛的薯格份量很多，好好味！兩人Share就差唔多！米形粉方面，黑松露配creamy食材基本上無得輸，雞肉有很多塊，米形粉口感特別，有咀嚼感。Mocha上有3粒發大的棉花糖，充滿整個咖啡杯，很好味丫！我會推薦這餐廳，亦會再去！

觀塘區嘅餐廳越來越多元化，工業區內的大廈更是新式餐廳的集中之地。今次和朋友到最近鮮有名氣的The BASE晚餐1. Affogato 一個小的甜品，雖然我同朋友都被「特濃咖啡雪糕」誤導，以為係飲品，最後發現係甜品。將熱既特濃咖啡加入涷既雪糕，感覺幾特別。咖啡好香亦好濃，中意咖啡既人可以一試。2. Pineapple Passion Fruit 見到隔離叫左，係一杯好靚既沙冰，心動係臨走前都要叫一杯Share黎飲。生果味好重，酸酸甜甜好開胃，更適合係夏天飲！3. 黑松露雞肉雜菌菠菜扁面全晚最驚喜既一道菜，菇味同黑松露汁既配合一流，並且十分濃味，令我同朋友忍唔住不停食，份量都算多，可兩個人share黎食。總結，餐廳環境清靜，加上高質的菜色，係朋友傾心事的好去處。Nice place with nice place.

今次黎到呢間工廈5樓去工廈有時係幾好feel. 不過有啲工廈係樓下會有保安登記身份證，唔多唔少都有點掃興，雖然知你都係做野，但都係食餐飯啫，要登記咁私人既野硬係唔多likey囉言歸正傳8點半後毀去到The Base 店內唔算好大，人唔算太多，所以唔需要等位見佢menu有啲dish都幾特別，有啲期待兩個人點了兩個餐先講個意大利飯其實呢個dish令人係有驚喜既，esp.個汁。你係估唔到佢個味係咁，襯到個墨魚。而咬落個墨魚度你係feel到係有層野包住左啲飯，感覺有啲得意其實呢個dish係好味，不過份量真係真係好少。加埋都唔知有冇半碗飯另外呢個burger就冇乜特別。比我想像中差少少

近排系網上見到近幾年好多特色餐廳都選擇系工廈度開店.今日就黎到觀塘ge工廈入面ge"The Base"食晚飯><入面ge裝修好有距ge style,好清新舒服，不錯ge特色餐廳。特別中意距呢度提供ge清水，無錯！系清水，因為距個包裝好特別，樽入面裝水之餘，仲有塊薄荷葉系度，個包裝好清新。芝士焗番茄莎莎大啡菇（$58）菇上面有點芝士和番茄粒,菇ge味道濃,芝士好香,好清新ge一道菜.燒原只魷魚墨魚汁意大利飯($158),見到距令我諗起韓國ge紫菜包飯.但距更加特別ge系,紫菜變成了原只魷魚筒!好正ge諗法,墨魚汁意大利飯火候好,飯粒有應有ge咬口,特別喜歡距個醬汁,酸酸甜甜咁,開胃又正.澳洲M級肉醬和牛芝士漢堡($188)好豐富ge一個漢堡,非常適合我呢d漢堡迷!入面ge芝士多到流曬出黎,好正好吸引!!有炸得香脆ge煙肉條,和厚厚ge和牛肉扒,好正!!啖啖肉,和牛漢堡扒牛味不錯.飲品叫了爆炸熱帶雨果($48)和爆炸藍椰子($48),2杯都係果味ge冰沙,個人就覺得略略甜咗d,可能我唔中意太甜吧,好好味ge冰沙!甜品叫了24K($98)系金箔心太軟配一球濃濃ge朱古力雪糕!

今日放工之後同朋友去左附近嘅工廈一間叫base嘅餐廳食晚餐。呢間西餐廳做多國菜，都幾多款式揀，水準👍🏼值得一試。我地兩個女仔叫左兩杯飲品，一份main course,一份小食同一份甜品。飲品我叫左水果茶，水果茶睇落色彩繽紛，有士多啤梨、藍莓、菠蘿、青檸、蘋果粒同奇異果粒等等唔同嘅水果，岩晒鍾意相機食先嘅朋友 飲落亦都好fresh唔會太甜，茶味都幾出，唔錯👍main course我地叫左5成熟慢煮澳洲和牛伴鵝肝(鵝肝另+$50)。個肉排真係幾高質，望落粉嫩，一睇就知好味，入口潄滑又有牛味👍🏼個鵝肝亦都十分之唔錯，唔感好滑唔會overcook。因為佢塊鵝肝放咗係啲牛上面，所以啲油滲咗落去，令到啲肉好juicy,亦輕輕帶有鵝肝嘅香味。因為佢呢個main course冇跟飯or pasta,所以佢啲蔬菜都係重澱粉質較多。有薯仔，紫薯，南瓜，蕃茄，西蘭花等等，全部都焗熟帶少少鹹香，幾好食然後因為佢嘅蔬菜顏色，同右邊嘅肉類唔同，啱哂飲食均衡嘅健康人士亦都令唔好菜類嘅朋友食咗好多！

觀塘工業大廈入面開咗越來越多高質素嘅西餐廳，受到朋友嘅介紹，覺得唔錯。同一直中意食西式食物，所以難揾d都要黎食。前菜叫左個牛油法包多士，發包的外皮都焗得幾脆好似食餅咁，而兩面都塗左唔少的牛油，同其他多士唔同，無咁香，不過慢慢食會食到更香的牛油味同包的香味。而且中間小小的包幾有咬口，可以慢慢食等主菜。分量方面都有八條，兩個人share 都飽左3成👏小食叫左炸蝦肉釀雞翼珍寶珠，得四件好似有得少，不過好高質。外面炸粉超薄但好脆，入面的肉勁熱，好似食緊蝦肉同雞翼嘅肉混合一齊，肉質好鮮甜同好爽，好似食梗一種全新的肉咁。點上辣蕃茄醬，姐係辣味千島醬，會更加夾，有種火熱的感覺，一食真係停唔到想食埋男朋友果d。因為見到隔離枱有芝士薯格好之幾吸引都忍唔住叫咗個。幾大碟有有成20件差不多，面頭的芝線都幾香好有芝士味同埋都好多，令面頭嘅薯格完全浸住，薯格都炸得脆同有少少辣同咸咸地，幾惹味。每一件都係大件唔會碎濕濕所以勁飽肚。芝士太多食到後面有d膩，不過如果多d人食就唔怕呢個問題。主菜叫左燒完隻魷魚釀墨魚汁意大利飯，個汁幾橙橙地的係一流，小小辣辣地唔算好香蕃茄味，反而有好香魷魚味係入面。個飯外面係有成條魷魚係

觀塘放工，最啱同同事搵地方鬆一鬆嚟到呢間工廈餐廳，未入到去都唔覺得會有好嘢食坐低就叫咗嘢飲，小食同甜品小食嚟先， 係炸蝦肉釀雞翼珍寶珠。個雞翼真係整到好似珍寶珠咁，睇落幾得意，蝦肉match雞翼嘅口感亦都幾特別，但係出面層炸粉就略微厚左啲。值得一提嘅係兩個醬，睇落盲嘅都會以為係普通沙律醬同千島醬，點知原來係微辣蕃茄醬同薑蔥味醬。完全有驚喜，個醬同個炸物好夾，所以整體都算唔錯嘢飲係爆炸雜莓乳酪，一上枱啲爆炸糖就滋滋聲，莓份量唔算多，但係乳酪味重最後當然唔少得重頭戲點品叫左個紅莓櫻花芝士蛋糕,但呢個cake同普通嘅cheese cake唔同，唔似係整定係雪櫃拎出嚟有好多層layers,白朱古力，紅莓醬，芝士蛋糕同薄薄餅底。因為係紅莓味所以食落有少少酸，幾fresh唔會太飽肚😋👍🏼有好幾塊櫻花瓣，食落酸酸甜甜好得意

早於三天前電話預約今天（星期五）三人的午餐，到達後員工只說沒有該預約，連想方法如何騰出一張枱給我們用膳都沒有，正因為之前光顧過該餐廳，食物飲品都不錯，所以這次才再來。經過這次後，以後都不會再來了。